查看完整版本: 分享如何運用水貼

分享如何運用水貼

水貼係模型嘅必需品,:verygood:但係我知道好喜歡砌模型嘅朋友剛剛開始砌模型嘅時候都會好似我咁唔知點用:wondering::saujai:
以下係水貼嘅應用方法,希望可以同各位分享一下:reading:
如有不足,希望wan1兄可以補充一下:givemefive:
我發現原來好多鍾意砌模型朋友都唔識貼水貼，最常見嘅問題有成張水貼掉落水浸，或上水時已經移開底紙，其實正確應該係貼邊張就cut邊張出黎，浸落水度，發覺水貼可以同底紙分開就連底紙一齊拎上水，放上模型上再慢慢移開底紙。如果水貼中間有坑，就要用cutter界開，因為你一上光油或消光，由於坑位o既地方水貼無緊貼模型表面，你一上光油就會o拿爛你張水貼。要水貼緊貼模型表面仲需要兩種工具 - mark softer 同mark setter。

mark softer (水貼軟化劑) - 由於水貼係一個平面，要貼響彎曲o既表面上會好困難，用左軟化劑可以令水貼有輕微彈性，從而令水貼更加緊貼模型表面。用法係當你已經貼上水貼，再響水貼表面塗一層軟化劑，跟手就用紙巾索番走佢，唔好俾o的軟化劑留响水貼表面太耐，如果唔係張水貼會縮埋一舊，跟住再用綿花棒掃平水貼，如仍未能令水貼緊貼模型表面，可重複以上動作。

mark setter，當你發覺水貼唔夠力，可能因為水貼本身膠水太弱，就要使用mark setter。使用方法同mark softer一樣。

[[i] 本帖最後由 8366 於 2007-6-11 11:54 編輯 [/i]]

Very good post.....thanks! :verygood::verygood::verygood:

我貼水貼前會盡量將圖案外圍透明部份切除,之後先浸落水,
睇唔到透明部份感覺會真實好多.