查看完整版本: 整海洋最好既辦法

整海洋最好既辦法

你要用既材料係透明PU (旺角東方街 X峰行有售)

首先第一件事你要做既就係定出海洋既面積(成個情景都係海定係有一邊沙灘?)
如果有沙灘或者情景細節既就做好先, 冇就直接落下一步

之後你要一塊很薄的木片(如飛機木, 旺角東方街 X峰行隔離間遙控飛機舖有得買)
用一塊很薄的木片將你個情景四面圍住, 包實佢, 再用牛皮膠紙包好邊同底

記住要封死曬所有位唔好有gap, 唔係之後落PU就會倒到一地都係!! 封死D位佢!!
建議你個情景係圓型, 會比較易包D!

密口之後就要開始準備透明PU同海洋既顏色,
PU分  A  B料, 要兩者混合先會硬化, 問清楚X峰行
準備好比例, 然後將A料同B料各分成兩份
唔好溝住, 備用

顏色就用enamel (雙星四四方方細細樽個d) , 透明藍+透明綠色, 多少自己話事
溝好顏色就準備好PU既份量
再將D顏色倒落去>>>其中一份<<< pu度

記得逐小逐小咁倒d顏色落去, 直至你覺得隻色似海洋既顏色

以上大概就係準備既步驟, 之後就係幫海洋造型, 做下步前CHECK清楚已經封死曬所有位
幫海洋造型分兩步驟:

1) 將有顏色既PU料同硬化劑溝埋(A+B), 由溝好個刻開始至開始硬化, 大概有90秒
小心溝好A同B就盡快倒佢落去個情景度, 倒完之後   下半個海都係海洋藍色

倒好之後就咩都唔好做, 等大約半小時, 完下半個海  完全硬化為止

下半個海完全硬化之後就準備上半個海既PU既顏色, 記得要比較淺, 咁先可以做到海洋既深淺層次

準備一支雪條棒

2) 將淺色同另一半(上半個海)既PU溝好之後, 就同硬化劑溝埋一齊(A+B), 溝好曬就倒埋落去個海度

記住你大概得90秒操作

落好之後而家就係最關鍵既步驟, 拎住支雪條棒, 用雪條棒既頭>>>>慢慢<<<<以縱向(打橫)搞動上半個海既PU, 打橫搞係為左要營造海浪既效果

記住要>>>>慢慢<<<<打橫搞, 唔係d PU就會出好多泡泡

最後當你見到海浪就好收手, 唔係連支雪條棒同d PU痴住就哈哈哈

再等上半個海既PU都硬化埋就將D飛機木"圍牆"拆左去, 咁基本止就大功告成!!

理想既話你應該會做到幅圖既效果

注意:
1 記得去問清楚X峰行隻PU料. A B其中有一隻係硬化劑, 千祈唔好將D顏色加入去硬化劑度
2 個情景一定要圍得好密實, 唔係DPU流出黎就有排洗!!
3 A B 要分好兩份, 唔好未溝好色就將A同B搞埋一齊
4 建議你最好用用膠杯膠棒盛載同搞混A B, 唔好係潮濕既天氣做, 因為PU怕水, 最好開大冷氣
5 掌握好90秒, 最好試多幾次掌握好時間先到落去你件野度, 倒好再慢慢小心搞D浪出黎

完成圖, 上下有深淺層次 ! :givemefive:

(一)將地台塗上一層綠色。

(二)畫上船底板的形狀。

(三)鋪上透明矽膠，且需鋪平。

(四)用一平面物體貼上矽膠面後拉起，利用膠的黏度拉起不規則的浪頭。

五)將浪頭平推順浪，注意浪的方向。

(六)用牙籤挑出艦艏破浪頭。

(七)在矽膠半乾時塗上透明藍，筆刷時再次順浪，注意力道，別把浪頭刷平，凹洞處沒上到色的先別理它。

(八)稀釋透明藍後再上一層，剛剛未上到色的凹洞處便會自然流入藍漆。

(九)將船置上地台後再以牙籤補縫及修飾浪頭。

(十)以白漆漆上白浪頭。

(十一)趁白漆尚未乾透時在藍白交界處補上稀釋的透明藍，以造成藍、漸白、白的層次感。

(十二)將週圍浪頭補上白浪頭後完成

俾心機, 其實整海洋唔係太難, 唔駛d咩精細既工具同技巧, 只有掌握好時間放謄做, 隨住你心目中既海洋做就會做得(因為海浪要自然隨心, 先至似真)!

看這個現成水型材料：

[url]http://www.vallejoasia.com/ws_info.html[/url]

Nice model ship,
Could you share with me how you get the handrail on the ship?

great..thanks for sharing..

好詳細...等我下次試下先....

thank you verry much

回復 14# 的帖子

good ideas!:loveliness: :loveliness:

感謝高手分享....:verygood: