只因我太痴 2007-6-28 16:19
O L 貓爪記
[size=6][color=Red][b]愛 Map 袋的惡魔[b][/color][/size]
[color=orange][b]數下重有個多星期，我就係呢間公司做左三個月！
日子，真勁難過！但！又覺得驚喜交雜，心情就好似玩過山車一樣，因為，每日都有唔同的挑戰或剌激！假如，心血少的，都會頂唔住！！所以，我都唔知自己可以捱得幾耐！
因為，我個部門主管，係一個要求勁高又情緒化的人！我每日返工的心情，就好似上刑場一樣！唔到最後一刻，都唔死得住！
但！我相信，難捱的日子會好快過去，因為，六月中我個主管，將會離開香港出差！所以，我現在只好等待呢個大日子，因為，自由的感覺，已經離開我勁遠！！
[/b][/color]
[[i] 本帖最後由 只因我太痴 於 2007-6-28 16:56 編輯 [/i]]
只因我太痴 2007-6-28 16:39
[size=6][b][color=Red]做人下屬甚艱難[/color][/b][/size]
[color=Orange][b]今日唔知行左乜野運，唉！總之，就勁慘，勁無奈啦！
因為，我阿頭唔知抽起邊條根！無情情同我講，你幾時得閒呀？當時，我心諗，唔知又有乜茶煲野啦？結果係，她想我陪她去買個地圖袋！
原來係，她想我幫她講價囉！我心諗，我又唔係格價專家？做乜係要揾我幫手！唔通，她真係咁睇得起我！還是，她怕瘀呢？！[/b][/color]
只因我太痴 2007-6-28 16:54
[size=6][color=Red]上司與下屬、小姐與婢女[/color][/size]
[color=Orange][b]唔知係咪我條命生成，好似唔俾人勞役，就唔得安樂！
每個星期，總有機會俾我阿頭差遣！唔係陪她去行街入貨，就係陪她睇戲或食飯！連自己既私人時間都無晒，真係攞命！
但，為咗自己個飯碗，無辦法啦，為兩餐乜都肯制...前世！
[/b][/color]
只因我太痴 2007-6-29 17:14
[size=6][color=Purple]總算平穏過渡、三個月試用期已滿[/color][/size]
[color=Orange][b]有驚無險，話咁快就過咗三個月試用期！
感覺係，終於可以鬆一口氣！因為，我呢個職位，前前後後已經有幾個女仔頂唔住，或被人炒咗！可能，係我個絶頂上司，功德無量吧！又或者係，個幾個女仔自覺資質高、學識高？！所以，無需睇我上司的面口做人吧！
總之，我已經習慣咗，係呢個無間地獄生活！我諗，我應該可以捱得住掛！！
[/b][/color]
只因我太痴 2007-6-29 17:24
[size=6][color=Purple][b]重有一個星期、悠閒工作期[b][/color][/size]
[color=Orange][b]我個茶煲上司唔係公司，所以，我真係勁開心！
因為她出咗差，行程都幾緊密！呢幾日去咗北京，今晚夜機返香港。之後，再去日本開會，一個星期後才回港！所以，我唔係咁大壓力！但，唔好諗我會好清閒！因為，我阿頭已經安排好成個星期既工作給我！
唉！人唔係香港，都有咁多野留底給我做，真係無奈，冇計！好醜命生成，受人二分四，我唔做！邊個做？
[/b][/color]
只因我太痴 2007-7-2 21:01
[size=6][b][color=Red]日日都係作戰日[/color][/b][/size]
[color=Orange][b]我係呢間公司已經做咗約三個，感覺真係又驚又喜！心情就好似坐係過山車度！
但，我怕有朝一日會出事！因為，我個心臟唔係幾好，未必頂得住勁多的剌激！雖然，我唔介意接受無限的挑戰或難題！但，我只係個普通人呀！唔係每分每刻都可以，接受工作之外的茶煲事！總之，現在每日返工，就好似置身於戰場，輕則萬箭穿心，重則飯碗不保！
因為，我公司有個可以操控所有生殺大權的人，但，她唔係老闆，亦唔係皇親國戚，她，只係我老闆最信任的人啫！呢個人就係我個部門主管，愛 Map 袋的惡魔，嗚嗚！！
[/b][/color]
只因我太痴 2007-7-2 21:08
[size=6][color=Purple][b]如果，可以日日有運行，就發達啦！[/b][/color][/size]
[color=Orange][b]今日唔知點解咁有運，我阿頭今日唔揾我出氣呀？
可能，她今日有少少病，傷風囉！所以，她今日講野都比平時細聲咗、温柔咗！如果，她日日都可以咁，我就唔駛愁啦！因為，她啲脾氣，勁似天氣！唔知幾時好天，幾時落雨，甚至係幾時打風！所以，我唯有小心的工作，希望她高抬貴手，放過我啦！
唉！做人下屬甚艱難呀！！
[/b][/color]
只因我太痴 2007-7-2 21:14
[size=6][color=Red][b]唔知會唔會，飯碗不保？[/b][/color][/size]
[color=Orange][b]唔經唔覺，已經係呢間公司做咗三個月！感覺真係百感交雜！
當中，真係驚多過喜。因為，日日都有新鮮新奇又剌激既事，等住我去面對！再者，我個人既資質又比較蠢，所以我上司對我真係....寵愛有加！日日要我加班，又或時不時對我訓話，真係好到加零一！
所以，我係呢間公司，必定命不久存，我估，都係時候，要睇定報紙啦！
[/b][/color]
只因我太痴 2007-7-2 21:21
[size=6][color=Purple][b]我諗，我需要心理輔導！[/b][/color][/size]
[color=Orange][b]我怕有朝一日，我要見心理醫生！原因係，驚恐症！
因為，呢幾個月，我晚晚都瞓得唔好；又或時不時發惡夢！真係唔知點算好？我好明白，係因為工作既人事問題！可能，係我個人唔識講嘢又或少講嘢，所以，令到我上司對我有所懷疑吧！
但，點都好，我都好多謝我阿頭！因為，無她比機會我，我係無機會留低呀！
[/b][/color]
普通香港人乙名 2007-7-3 18:42
:P:P ~~~~~~~~~~~~~~~~~~~~~ :lol:lol
只因我太痴 2007-7-3 18:49
[size=6][b][color=Purple]好悶呀！日日都落雨...唉![/color][/b][/size]
[color=Orange][b]可能，天氣影響！又可能係，公司大部份同事出晒差？所以，唔係好想做嘢！搞到個人好懨悶，唔知想點？
但，又唔可唔返工！因為，公司唔可以真空，否則，有乜嘢事，揾邊個黎頂？所以，只好向現實低頭，返工/工作/放工！繼續過著，呢的刻版式生活，真係無癮！
但，撫心自問，我係咪真係可以唔駛做？相信，只可係夢中實現！唉！生活迫人無計！
[/b][/color]
只因我太痴 2007-7-3 18:56
[size=6][b][color=Red]現在，連放假都要被人咬住，慘！[/color][/b][/size]
[color=Orange][b]我真係好服我個主管。
因為她係個超級工作狂，平時係公司，由返工做到放工；跟住返到屋企，又再處理公司既賬目！連放假都要返公司，繼續做公司內部文件！真係難以想像，她好似打不死既機械人？！或者，呢的係她生活中既一部份？但，都唔駛揾埋我一齊受呀？我現在連放假，都要被我主管佔用埋的私人時間！
唉！真係慘絕人寰！一個月，總有兩或三劑；點算呀？！救命呀！有冇人幫手呀？！
[/b][/color]
只因我太痴 2007-7-5 16:54
[color=Red][size=6][b]點算好呀！仲未達到主管的要求？！[/b][/size][/color]
[color=Orange][b]每日，我都要學習公司既所有運作模式！話難唔難，話易唔易！但，最難係，唔知幾時；才可以滿足到我上司既要求！
因為她係個要求勁高又小心眼既女人！她教人的工作方式，真係好特別，她每次教我處理所有公司事務；只會教一次！係呀，係一次，她既理由係，你自己要用個心與腦記住！之後，你自己慢慢去摸去做，必定記得！
唉！日日都要對住個非常上司？！想唔精神有問題都難啦，唉！！
[/b][/color]
只因我太痴 2007-7-5 17:01
[size=6][color=Purple][b]悠閒工作日，即將結束，慘！慘！[/b][/color][/size]
[color=Orange][b]星期五，係最後一日的悠閒工作日！因為我個茶煲上司會係星期一返工！
惡夢又再開始，我的受難日亦即將開始！我又要面對，無啖好食，無覺好瞓的日子；唔知幾時，再有好日子過？一個月？兩個月？真係好懷念，這個美好星期！
可能，開心的日子，總係過得特別快！真係好想，我阿頭長期放逐，或長註海外！但，相信係我痴心妄想！唉，算吧！做人都係要面對現實，係咪？！
[/b][/color]
只因我太痴 2007-7-9 12:16
[color=Red][b][size=6]惡魔回歸，救命呀，點算呀？！[/size][/b][/color]
[color=Orange][b]星期一開始，又係我的高度戒備日！
點解？因為我個難頂阿頭返咗嚟香港，所以我將要面對重大考驗！重有呀，每當她出完差，返嚟開工的時候，必定送大禮比我！她會將所有出差的賬項，送咗比我做手信；好等我從中學習！她，真係對我非常愛護有加，簡直係再生父母！或者，我上司係希望，我可以盡快學會她的工作方式；好等她自己以後可輕鬆上路！
唉！黑暗的日子，又再來臨；我幾時先可以脫離魔掌？！
[/b][/color]
只因我太痴 2007-7-10 15:50
[color=Red][size=6][b]虛驚一場，想嚇死人咩！[/b][/size][/color]
[color=Orange][b]今日，狀態好差！因為，我孭住個藥煲返工！唉！冇計啦，請假又要被人插，又多多嘢聽，所以只有死頂返工。
唉！唔知係咪我啲菌勁？還是我阿頭開始老人痴呆？她竟然問我，本銀行簿仔係咪係我度？我當時都嚇到呆咗?！吓，唔好玩啦，呢啲咁重要既嘢；點會係我保管？跟住，她用好懷疑既眼光...盯實我，你揾清楚啲！如果真係冇，麻煩你返屋企再揾，因為你可能會搞錯，當咗係自己個本簿仔！
唉！真係勁無奈！但我又可以點？咪翻箱倒櫃係咁揾，揾咗大半個鐘，都揾唔到！心諗，今次死梗啦！點知，她自己話，原來係她自己唔小心，將本薄仔翻轉咗！
嘩！！想嚇死人咩？！[/b][/color]
只因我太痴 2007-7-10 16:01
[color=Purple][size=6][b]好驚呀！有乜嘢唔見咗，又關我事？！[/b][/size][/color]
[color=Orange][b]我發覺，我阿頭啲依賴性與失憶症，開始唔停發作；甚至有增無減或越來越嚴重！
可能她過兩日要返國內公幹，所以她要趕工吧！但，都唔駛次次有乜唔見或揾唔到，就咬住我，話我收埋咗或攞咗返屋企？！直係唔明，她係咪有妄想症？還是有思覺失調？她又唔諗諗，她自己鍾意將啲文件四處放！搞到個位勁似亂葬崗！唉，好心啦！她自己又唔執；我又點敢掂喎？想死咩！有乜事，咪又係我受！我唔嚇得呀，心血少嘛！
唉！點算呀？鑊鑊新鮮，鑊鑊金........救命呀！[/b][/color]
只因我太痴 2007-7-11 13:42
[color=Purple][size=6][b]妹仔唔易做，唔知頂得幾耐？[/b][/size][/color]
[color=Orange][b]唔知係咪食藥食得多？還是啲菌實在勁到爆？
今日，我幫襯咗大口仔，足足十幾次；搞到勁飽！唉！真係腳都軟埋，但我個掃把，對我真係好到暈！她用咗幾個鐘頭，教我點樣令個腦啲轉數快啲？！善用個腦去記住所有工作？！又苦口婆心，教我點樣去做好公司所有細微細眼既文件或工序？！她真係用心良苦，我都好明白她既肺腑之言；她希望我唔好衰比其他人睇嘛！
但，她有冇諗過，她比咗幾多時間我去做？！她又花咗幾多心機去教？！可能她覺得我應該學似她一樣，凡事用心用腦，又要眼明手快既好助手！但，她又知唔知，她做咗兩年有多？！我只係做咗幾個月？！
試問，點樣可以相提並論呀？！
[/b][/color]
只因我太痴 2007-7-11 13:52
[color=Red][size=6][b]女人心、海底針，真係冇錯！[/b][/size][/color]
[color=Orange][b]我好唔明白，我個掃把究竟想點？
揾嘢做又哦，做錯嘢又插，唔出聲又話我唔講嘢！出聲又話我多嘢講！唉！都唔知她想點？有嘢唔明或唔清楚，問她都要睇她面口或心情？！唉，真惡頂！係咪女人冇人要；就會有呢啲不良反應？還是個別例証？有冇人可以解答？
或者有冇人，會心口掛個勇字要咗她？！等我可以脫離魔掌，早登人間仙境！希望有位有心人，出手相幫，阿門！[/b][/color]
只因我太痴 2007-7-13 12:48
[color=Purple][size=6][b]究竟，我有冇做錯決定呢？[/b][/size][/color]
[color=Orange][b]今日，唔知係咪我阿頭有心失踪？還是，她老人痴呆；玩失憶？
她個老友今日咬住我，問我個香港 -- 馬來西亞訂位，出得機票未？因為今日係死線，唔出機票即取消！於是，我即時打個手機短訊給阿頭，點知！唔覆？打電話給她，轉駁到遺言信箱！上去熱郵搵她，她又冇上線！唉！駛唔駛玩潛水呀？雖然我又唔想喧賓奪主，因為點都要知會她嘛！但，好可惜，她好似人間蒸發？結果，我只有冒險一次，自把自為與她老友講，機票照出！
希望我今次既決定，係啱？！否則，只有死路一條！阿門！
[/b][/color]
只因我太痴 2007-7-13 13:04
[color=Purple][size=6][b]好多謝阿頭，訓練我成材。唉！[/b][/size][/color]
[color=Orange][b]今日，我要多謝一個人，我同事！
因為他令我知道，如果，我再唔插手去處理他既機票訂位問題？！好可能我又再次孭鑊，或製造咗另一個大茶煲！因為我阿頭做咗個機位，今日到期要出機票；但她人又唔係香港！我已經打鑼打鼓搵她，又發手機短訊，又留咗遺言！可惜她就係影都冇隻？結果我只有孤注一擲，冒住會被炒既危險，與她老死講，張機票照出！
雖然，我係有少少過份，但，總算需死猶榮呀！有乜事都好，最少都有個，將要在下星期二出差公幹既同事，會幫我講出真相嘛！係咪！
[/b][/color]
只因我太痴 2007-7-16 17:36
[color=Red][size=6][b]奪命鈴聲，又再出現，小心！[/b][/size][/color]
[color=Orange][b]昨晚，失驚無神，收到我阿頭個追魂電話！
心諗，死啦！唔係又有乜事發生呀？斷估唔係想我蒲頭陪她呀？還是詐我型，話我唔知會她一聲，就自把自為出咗張機票呀？但，結果係出乎我意料之外！她唔係怪我無通知她，因為我事前已經用盡所有方法去聯絡她；包括，打手機、發手機短訊、遺言！但，她要玩失踪，我都無計！
她只係問我有冇出到張機票？我答：有。跟住她話：小事係唔需要問我；你自己可以做決定！
小姐，唔問妳又插！問妳又話我煩？妳究竟想我點？係咪我每次做任何事；都可以唔需要通知妳？唉，好難頂呀！
[/b][/color]
只因我太痴 2007-7-17 19:30
[color=Purple][size=6][b]仲要捱多八個月，先有大假放，唉！[/b][/size][/color]
[color=Orange][b]都唔知係邊個既規則？唔做夠一年，係唔可以放大假？
唉，想收買人命咩！有病！睇完醫生都仲要返工？想話請病假，唔係唔得！但阿頭就多多說話，她會苦心婆心，你要醫好個病，唔好時不時請病假！知道嗎！唉，咁你話；我又點敢請病假呀？！
最近，公司其他同事又唔停放大假；搞到唔夠人，又踢腳！我就算病到半死，都要返工死頂，勁無奈！真係唔知，我可以頂得幾耐！
[/b][/color]
只因我太痴 2007-7-18 16:12
[color=Red][size=6][b]唉！又做錯嘢，死得啦！[/b][/size][/color]
[color=Orange][b]唔知係咪個腦有事？還是個心有事？呢兩個星期，爆咗幾隻鑊！
唉！真係失敗，都唔知自己搞乜鬼？可能怕咗個地圖阿頭啦！應該係話，勁抗拒就真！因為她份人講嘢又好；做嘢都好，次次都要睇心情！講真個句，真係唔知點與她溝通好？工作上有唔識或唔明，梗係會問問她！點知她一句撻埋嚟！你自己用個腦諗諗點做，唔可以時時依賴我或其他人呀？！個腦唔用，就會退化或生锈，遲啲會變老人痴呆！你自己諗諗，應該要做啲乜或唔好做啲乜！知未？
我心諗，我識就唔駛問你啦！錯咗或唔啱；結果咪又係比你插？真係唔知點先可以滿足你既要求？！
[/b][/color]
bgfantasy 2007-7-18 16:23
you're quite interesting. :reading:
what sort of things do you think are "positive" in your life?:wondering:
只因我太痴 2007-7-18 17:56
[quote]原帖由 [i]bgfantasy[/i] 於 2007-7-18 16:23 發表
you're quite interesting. :reading:
what sort of things do you think are "positive" in your life?:wondering: [/quote]
[color=Orange][b]my life is quite special and wonderful...sometimes is very trouble.
if you have time...you may chat me at the net . :handshake
[/b][/color]
只因我太痴 2007-7-19 16:49
[color=Purple][size=6][b]總算冇驚冇險，補番隻鑊...^_^[/b][/size][/color]
[color=Orange][b]昨晚，收工後被些粉小姐咬住，她話有事要與我詳談！
唉...今次死得啦！因為我上個星期又做灟嘢，搞到有鑊氣嘛！我心諗，今次唔被她插死，都會被她哦死！可能，分分鐘要我速速消失都未定？！唉...總之就大鑊；我睇怕都要揾定後路！雖則，唔死都有排煩！唉！冇計，係自己唔小心，搞到又爆鑊，抵死呀！所以我抱住視死如歸既心情，去見些粉小姐！
但！結果...真係出乎意料？！些粉小姐，她...竟然冇比個大信封我呢個妹仔？！嘩！簡直係奇跡呀！因為我個隻鑊，令公司有錢銀上既損失！雖然唔係好大條數，但都係有關公司利益嘛！所以我覺得好意外！
不過我都冇好下場！因為我被些粉小姐既索命梵音，哦咗半個鐘！仲要係，企係條街度被她狂插...唉！算啦，保得住個飯碗，都已經有運；唔好再苛求！不如比啲心機去為自己未來打算咪仲好！[/b][/color]
只因我太痴 2007-7-20 17:33
[color=Purple][size=6][b]莫非，每個上司都係惡魔？！[/b][/size][/color]
[color=Orange][b]究竟係命運既安排？還是我個人既問題？
唔知點解，每次都會比我遇到人間極品或絶世奇人，做我阿頭？！無論男又好女都好，唔係疑心大或鍾意鬧人；就係把口密過密實袋！仲有就係又小氣又長氣，十足十個婆仔款！可能係我條命生得特別好！所以，總有機會與呢類奇人異士，結下不解縁！總會在工作既地方碰上，之後就會成為我既上司或老闆！相信，每個人都有機會撞到，呢種超級上司或老闆？問題係，自己會唔會沉得住氣或頂得住？！如果自己有條件既話，更係冇問題！但，又有幾個多人，真係可以有呢種本事或勇氣？！
唉，面對現實吧！阿門！[/b][/color]
newsswen 2007-7-23 09:12
*** 作者被禁止或刪除 內容自動屏蔽 ***
newsswen 2007-7-23 09:12
*** 作者被禁止或刪除 內容自動屏蔽 ***
newsswen 2007-7-23 09:13
*** 作者被禁止或刪除 內容自動屏蔽 ***
newsswen 2007-7-23 09:13
*** 作者被禁止或刪除 內容自動屏蔽 ***
newsswen 2007-7-23 09:14
*** 作者被禁止或刪除 內容自動屏蔽 ***
newsswen 2007-7-23 09:14
*** 作者被禁止或刪除 內容自動屏蔽 ***
※京子※ 2007-7-23 10:09
[quote]原帖由 [i]newsswen[/i] 於 2007-7-23 09:14 發表
alked to mom early this morning......surprised to know that mom and daddy are planning to come over here for my birthday this year.......... ..............i guess they know that im unhappy these da ... [/quote]
:jaw: 使唔使出6個post貢多丫:saujai:
只因我太痴 2007-7-23 14:40
[quote]原帖由 [i]newsswen[/i] 於 2007-7-23 09:14 發表
alked to mom early this morning......surprised to know that mom and daddy are planning to come over here for my birthday this year.......... ..............i guess they know that im unhappy these da ... [/quote]
[color=Orange][b]Thanks for your free back and if you don't care to share your experience whit me.....let we chat at net
[/b][/color]
只因我太痴 2007-7-23 14:44
[quote]原帖由 [i]※京子※[/i] 於 2007-7-23 10:09 發表
:jaw: 使唔使出6個post貢多丫:saujai: [/quote]
[color=Orange][b]京子姐姐... 人地係"新版友"黎架，要"多多支持和特別關懷"，係咪 :$ :handshake:handshake :lol[/b][/color]
只因我太痴 2007-7-23 14:55
[color=Red][size=6][b]有排都冇好日子過...唉！[/b][/size][/color]
[color=Orange][b]今日公司發生咗七級半地震！震央波及所有同事；睇怕有排捱啦！
唉！睇嚟呢個星期做任何事，都要打醒萬二分精神！否則，只有死路一條！
事原 --- 係我個些粉阿頭，被我大老闆與電腦部阿頭咬住咗，要她做兩個大麻甩既傳聲筒！！唉...兩個火氣勁鑤既大男人，加埋個脾氣勁絶頂既女人；結果又點會有好收場呀？！所以，今日下午開始，我阿頭個面口；已經掛咗個黑色暴雨警告！相信，要到下個星期，先有機會過番啲好日子或透透氣！因為她下個星期有幾日出埠，所以，我就可以輕輕鬆鬆過日子！
但！唔知幾時，又會再出現世紀大災難？！真係勁無奈...唉！
[/b][/color]
diaoyudashi 2007-7-23 22:17
*** 作者被禁止或刪除 內容自動屏蔽 ***
diaoyudashi 2007-7-23 22:18
*** 作者被禁止或刪除 內容自動屏蔽 ***
diaoyudashi 2007-7-23 22:18
*** 作者被禁止或刪除 內容自動屏蔽 ***
diaoyudashi 2007-7-23 22:18
*** 作者被禁止或刪除 內容自動屏蔽 ***
diaoyudashi 2007-7-23 22:19
*** 作者被禁止或刪除 內容自動屏蔽 ***
~@chrissie@~ 2007-7-23 22:21
[quote]Originally posted by [i]diaoyudashi[/i] at 7-23-07 10:18 PM
怎樣回帖才滿意alked to mom early this morning......surprised to know that mom and daddy are planning to come over here for my birthday this year.......... ..............i guess they know that im un ... [/quote]
你係咪黐線ga................:fire: :fire:
咁鍾意copy 人地d 野係咪有病ga..................:fire:
kenny01 2007-7-23 22:36
[quote]原帖由 [i]diaoyudashi[/i] 於 2007-7-23 22:19 發表
alked to mom early this morning......surprised to know that mom and daddy are planning to come over here for my birthday this year.......... ..............i guess they know that im unhappy these da ... [/quote]
這位網友,如發現再發無聊post,將會被ban account,請多加留意.
謝謝
只因我太痴 2007-7-24 14:21
[color=Red][size=6][b]無間地獄生涯，正式開始，唉！[/b][/size][/color]
[color=Orange][b]今日，我將要面對人生中，最慘無人道既事實！我個些粉阿頭，她，限我一年內，學識與跟熟她所做既工作！
嘩 ... 簡直收賣人命！因為，她教我工作上既任何事，都要視乎她既心情而定！唉，等如將我送上斷頭台或攪刑台一樣！結果，都係等死！
因為，她心情靚爆時！就會教多點或講得詳細點；但如果她心情差勁，就只有死路一條！其實，她對我都諸多不滿；我對她又膽顫心驚，唉！坦白講，彼此都在互相折磨對方；真係好無謂？！但她係個要面子既女強人，所以她係唔會補錢踢我走！不過，我又唔會自動消失！因為，我要為自己爭啖氣！
結果，就只有一直延續落去，直到任何一方頂唔住，宣佈離開！！阿門！
[/b][/color]
只因我太痴 2007-7-26 20:10
[color=Purple][size=6][b]八月份，將會有大挑戰，好驚呀！[/b][/size][/color]
[color=Orange][b]我真係好擔心，唔知自己會唔會又爆鑊？！又或者，搞到一鑊泡？！
因為，我個地圖阿頭，她將會係八月份放大假；去曼谷旅行一星期！我都唔知，替她開心！定係替自己憂心！因為地圖阿頭金口已開；她講明，她係唔會帯手機或電腦去旅行，即係與外界斷絶聯絡？！仲有，地圖阿頭落咗封殺令；如果有咩嘢行差踏錯！一切後果，由我獨力承擔！
唉，總之今次真係人生大考驗，係沒人幫拖，沒人理你既情況下！唔知會唔會出事？！坦白講，無事就好地地，有事就死狠梗；唔駛等！希望今次可以無風無浪，平隠過渡八月份啦！否則必死無疑，唔被阿頭炳到反晒肚，都被大老闆插狠死啦！可能分分鐘要做埋量地官呀！
唉！請問有冇奇人異士或大俠，伸出同情既手...幫幫忙呀！救救我好嗎！否則，只有等神打救我，或真主點救我！阿門！
[/b][/color]
只因我太痴 2007-7-27 17:03
[color=Red][size=6][b]惡魔上司又玩賴皮 ... 點搞呀？！[/b][/size][/color]
[color=Orange][b]今日，失驚無神咁，收到茶煲亞阿頭的奪命追魂電話？！心諗，又發生咗乜事呀？莫非我又搞出個大頭佛！還是又想我幫她做甚麼？！但，結果係 ... 無理取鬧兼強詞理既控訴！
原來，她係今日的零晨四點鐘，用手機炸咗個短訊給我；內容大致係，她想我今早返公司，幫她處理好件貨後，跟手寄給客戶！好可惜，我沒有代她處理好個件事！因為，我已轉用了新手機號碼！但她仍然將所有短訊，寄去舊有的號碼中！試問，我又點可以完成她的心願呢？！結果，我只默言承受，所有無理的怨言或惡咒！
唉！我真係好唔明，點解阿頭永遠係對的！做靚或妹仔的，永遠係錯的！有冇人，可以話比我知，究竟點做先啱老闆胃口呀？
[/b][/color]
只因我太痴 2007-7-27 17:18
[color=Red][size=6][b]些粉小姐，無理七宗罪，正式宣判！[/b][/size][/color]
[color=Orange][b]現在，我正式被落案起訴 ...
(煩)人妹仔；所犯了以下的七宗罪！希望大家俾俾面，或幫幫手，睇睇本(煩)人，是否罪該萬死？！還是有某人，存心賴皮或靠害！盼望各位有心人，請個金牌大狀，幫我洗脫罪名，又或幫我祈禱，多謝！！
罪証一：原來我是個老雜(便裝警探或掃地)，需要廿四小時工作，不眠不休！
罪証二：為何不接收舊手機號的短訊？(我現在用了新號碼，已經三個月)！
罪証三：為何不將新手機號碼，親手傳送給阿頭的手機內？！
罪証四：零晨四點，接收了短訊，為何沒回到公司照做！
罪証五：為何沒有依照阿頭的指示！(有鬼人知咩！)
罪証六：為何公司所有大小事務，都要我一力承擔！(鑊氣！)
罪証七：為何公司有任何錢銀上的問題，都要我自己貼？！(罰款！)
以上所有罪証，實屬死罪！如各方好友，有錢的話，請幫我辦理身後事；如手頭拮据，請早點休息！
[/b][/color]
只因我太痴 2007-7-30 19:28
[color=Red][size=6][b]兇鈴再現，索命追魂，救命呀！[/b][/size][/color]
[color=Orange][b]昨晚，我個茶煲阿頭，再次用奪命瘋殺令嚟電死我！
唉 ... 又唔知衰乜？我用惶恐不安的心情，接聽她的來電，經過又長又悶又嘥氣的對答後，我終於知道答案！原來，她電死比我的原因，就係為咗解話！正確嚟講，應該係，她自圓其說先啱！
點解？理由好簡單，假如，你殺咗人或蓄意傷害他人身體！但，過後，你可能良心發現或覺得自己有點過火！於是，你就行出嚟話自己一時情緒失控，或神志不清下，做錯事或傷害咗其他人！
嘩！要幾好戲，就有幾好戲；唔去考藝訓班，真係嘥料！老實講，人誰無過？！衰咗咪認，打咪企定！但我個極品阿頭，竟然駛出她的獨門秘技，"太極無影手"！嘩 ... 此招一出，就將所有是非黑白，推得一乾二淨，不留痕跡！所以我都無話可說，就由得她一個人唱獨腳戲，繼續死撐到底！
但，我真係好想知道，究竟係咪，每個做老闆或上司既，都係勁鍾意死撐？！莫非，真係面子大過天！真係好難理解，阿門！
[/b][/color]