查看完整版本: 對一些鬼怪事的誤解

對一些鬼怪事的誤解

[color=Red]  洋鬼講番文，唐鬼講中文...............係錯既[/color]

鬼同你地講野，係感應，冇語言隔膜，不過我都試過有鬼在我耳邊講野（二次咁多）.另一次見人鬼上身，講普通話定國語，男人變女人聲。

[color=Red]捉鬼要好多架生..............都係錯既[/color]

真係捉鬼，最多都係元寶已足夠，另加火柴一合，見親D人又桃木劍又黃袍，又往生咒，又溪錢又起壇咁，唉.........做戲咩，不過唔係咁，比錢果個又點比得甘，比得開心？

[color=Red]最多鬼的地方，是醫院，殯儀館..............錯錯地啦[/color]

其實最多鬼的地方係...............廟宇先真，醫院，殯儀館唔係冇，但通常係新鬼，迷迷糊糊咁又或者有親朋幫佢地做緊事，有都唔多，但廟呢，因為鬼多數鍾意聽經（等同超渡原理）所以係好多遊魂集結（唔信，可以問下一些高僧，佢地一定答到你。）

  
[color=Red]同鬼講數..............唉[/color]

只有唔夠料先會同鬼講數唔好攪我當事人啦，我燒些乜乜物物比你啦.............等等。捉鬼邊有數講架，等同差人同劫匪點講數？你唔好再打劫喇，你收手啦，我最多唔搭你喇，比（燒）多些錢過你啦，乖下。喂，唔好玩啦，講數！只有一個情況會講數，就係家鬼（即親人）


[color=Red]你唔攪佢，佢係唔會攪你既....................錯 [/color]

咪真係以為你唔攪佢，佢唔攪你，有時大家都聽過下，有些人（好人一個）都會無啦啦撞邪既，點解，我問番你，黑社會來滋擾你係咪代表你攪過佢呢？有時有些鬼真係悶得太交關，佢都會無啦啦攪下你架。

[color=Red]比鬼上身後有排醫...............都係錯既 [/color]

早幾日咪話有個怪談當地節目主持（女果個）鬼上身，之後係電台度講話個女主持大病又入左成個月醫院既。咁只能證明個師父冇料到。 點解咁講，因為如果真係邪野的話，只要清乾淨就冇手尾，點可能會住成個月醫院呀大佬，一係吹水，一係就師父唔夠料先會攪成咁。除非當時人已經比鬼上身了超過幾個月甚至成年，如果只係得果個零鐘，點會元氣大傷到要入廠住成個月？

[color=Red]我以前聽過有個師父說，捉鬼一定要日頭，佢冇咁猛易捉些。................呢樣講開先講  [/color]

唔係下話，唔好玩啦，捉鬼一定要夜，子時就最好，因為佢最活躍，唔係咁，分分鐘佢地都唔出來啦（除非個師父功力夠咁就有得話唔出來）但係咁樣講野既師父，有幾多料呢會？

[color=Red]人怕鬼三分，鬼怕人七分...................不一定[/color]

呢個一定唔係，鬼同人一樣也有大膽同細膽。今次比你鬧得走，唔代表第二隻都係咁。



[color=Red]家裡有神台，唔駛怕，一定唔會有鬼入屋................都錯 [/color]

好多苦主都問過呢個問題，我屋企有神台喎，點解亞乜乜（即係仔呀，女呀，細佬呀等等）重會比野攪架？
點解，咪以為屋企放左神像就真係有個神係度先得架，廟宇果個都未必係真神（當然，有部份廟宇就肯定係）點可能你屋企果個就係呢，有試過有個咁師奶話，我搵亞明仔童子手開過架.......唉，真係吹脹。除非你真係開過光啦，但就真係要搵個有料師父先得了。


[color=Red]是不是甚麼鬼也可以捉的？......................==非也[/color]


有些鬼是不能捉的，例如家鬼，或一些生前死後都只是幫人，而非害人的鬼，不過，有些師博是可以找它傾下計的。為了了解一下鬼，這也是沒法的喇。

剛有人問我鬼的能力，順便講一下鬼的能力 例如讓人產生幻覺，上身，讓物件移動（唔多，要好大能力才可以，小弟都未見過.......可惜），讓你出現盲點（即所謂掩眼），穿牆過壁等等，好多好多。還有一樣最重要的是:   不過唔講住，提示--------------點解有些人看相咁叻，你自己諗下。

[color=Red]見鬼怎辦？[/color]

如果只係見到，不理他即可，如果他走過來（要加害你的話）呢？記得，切記不要背向他，一定要用正面，因為人的陽火在前面，如果背向它...............有機會讓它上身喔！

[color=Red]鬼是否可以隨意上人身的？[/color]

..................不是

鬼上你身困難（要有一些野配合），要走也不容易，所以不會輕易上人身！

最後問大家一個問題，為甚麼鬼要找替身？

[color=Red]鬼能見人嗎？[/color]

如果有人會見鬼，那麼，鬼也會見到人吧。
不過，也不是你看見它，不代表它看見你，反之亦然。
通常時運低的人較易看到，但時運高的人也是有機會見到的氣弱的鬼哩。

[color=Red]假設有人鬼上身。經文驅鬼，是否可行？[/color]

可以，不過驅完之後它還是有很大機會再上身的，因為它跟被上身者已存在了一定的關連，除非被上身的人再找一個師傅給清淨，否則被再找上的機會很大的。所以，某宗教驅魔時，會一大班弟兄圍個圈，拿起他們認為唯一的經去驅魔（鬼），通常都不能特久。鬼，是因為太煩才離開被上身者......但之後，佢可能會講 I will be back


[color=Red]波子聲是否有鬼的表現？[/color]

我可以肯定答你，99個巴仙唔係。呢個聲音係因為水喉同石屎之間空洞，熱脹冷縮等原因做成我記得水喉課程都有講過，有關資料就自己上網搵啦。

[color=Red]遇鬼的時候，可否諗經保護自己[/color]

個人經驗，係唔得既，一樣撞到彭彭聲。由其是你唸出聲就重大件事，因鬼係愛聽經的（之前都好似講過）要唸都係心裡唸好了，不過都係心理安慰些咁解


[color=Red]家中無神位，是否更易惹鬼呢？[/color]

有無都一樣，但如果家中的有神檯但無正式開光，可能重易有鬼。（不過咁，有鬼都唔一定係害你既，可能只係貪下你的香火而矣）

:)

那是否真的有地獄呢? 人死後會去那兒 ?

*** 作者被禁止或刪除 內容自動屏蔽 ***

天空兄講得很好, 謝謝.
其實家鬼最麻煩, 又唔捉得, 同佢講完數, 滿足左佢, 反而惹來了一大班家鬼.
直情成村鬼嚟晒, 都咪話唔大鑊.

thx and support

回復 #1 天空.......... 的帖子

thanks for sharing... :)

:applause::applause:
天空哥哥，好有興趣知道你係做邊行？:bow:

[[i] 本帖最後由 maksc 於 2007-10-3 01:28 編輯 [/i]]

[color=Blue][size=4]都好詳細同埋合情合理, 感謝分享! [/size][/color]  :verygood:  :bow:  :bow:  :bow:  :givemefive:  :beer:

對阿..........很多人的迷信真的很可笑

真唔真　！　似層層　！　！．．．．．．．．．

r u really a ghost expert....................????????????????????

詳盡！而且有d講得幾岩！

funny
~~~~~

thanks for sharing

thanks so much for sharing