牛奶蛇 2007-8-29 00:36
那時香港還沒有殯儀館......
年前某雜誌做了一個專訪, 講述早年香港沒有殯儀館時, 長者先游要在家中入殮, 還附上一舊照片, 照片中有一两層高木唐樓, 屋前築起一個竹掤, 直達二樓騎樓, 一副棺材正從二樓騎樓抬出竹硼. 此照片登時勾起了一個回憶.
那時家住筲箕灣一木唐樓, 在附近的南中中學讀小一, 一日中午放學回家, 遇到隔離屋二樓死人, 门前搭了一個竹棚, 一副棺材正從二樓騎樓抬出, 我家樓梯口被阻塞,無门口入被迫站立一旁, 跟着其他人看熱鬧.
棺材由竹棚的樓梯抬到地面, 放在两張條凳上, 就在行人道上倣法事, 儀式恨簡陋, 幾個穿短打的人吹一陣嘀噠, 女人燒一回衣紙, 拜不了幾拜, 一架小型貨車駛到, 幾個人把棺材抬上貨車便絕塵而去. 睇熱鬧的人這時亦散去, 一切回復平靜.
那時香港很少医院, 很多人生與死都離不開自己屋企的牀, 新生兒在家中出世, 老人家亦從家中過世. 以前多一屋幾伙, 此家生彼家死, 生生死死, 循環不息.
up3up4 2007-8-29 02:56
你描述的一點不錯。
你手上有相都唔貼出黎分享吓。。。可惜。
那時出殯﹐ 家人會著住孝服在街上巡行﹐ 送先人一程 (唔知係咪送到山地呢﹖)
[url=http://ifs3.imagefly.info/v/7f/jpg/funeral1.html][img]http://ifs3.imagefly.info/t/7f/funeral1.jpg[/img][/url]
有富有人家講體面派場﹐希望先人有很多親友送行﹐ 不致冷冷清清。於是促生了一些行業﹕ 殯儀儀仗
如圖﹕
[url=http://ifs3.imagefly.info/v/cf/jpg/near_hollywood_rd1930.html][img]http://ifs3.imagefly.info/t/cf/near_hollywood_rd1930.jpg[/img][/url]
圖示荷里活道一帶有些儀仗店
招牌可見是﹕「彩鷥福壽? 儀仗」﹐ 店後另一間也是做儀仗生意。即是替主人家張羅樂師﹐法僧﹐ 巡行時擔旗﹐ 凑人數﹐ 隊伍有睇頭﹐ 而且是紅白二事皆做。
於是主人家的出殯便可以好好睇睇﹐ 夠哂派頭勒﹕如下
[url=http://ifs3.imagefly.info/v/6e/jpg/funeral9.html][img]http://ifs3.imagefly.info/t/6e/funeral9.jpg[/img][/url]
up3up4 2007-8-29 03:27
不過﹐ 呢dee事豐儉由人﹐ 唔係人人都要咁舖張﹐
有人會簡簡單單
[url=http://ifs3.imagefly.info/v/2d/jpg/funeral10.html][img]http://ifs3.imagefly.info/t/2d/funeral10.jpg[/img][/url]
最後大家都 係去過到相會唶。
dragonman 2007-8-29 09:04
Not bad, thanks a lot!
資深球迷2世 2007-8-29 12:30
細路仔嗰陣住上環高陞街, 都見過對面樓做法事, 條屍著晒壽衣, 就咁擺喺廳, 嗰陣唔知乜事仲走去問阿媽
mandy 2007-8-29 16:19
唔止以前d唐樓係咁，就算係當年既徙置區亦一樣有咁既震撼場面！！:verygood:
講番起早年徙置區二樓既住客，大多係"有錢人"(因為多是開舖頭做生意，相比那時的街坊生活水平高些)，喪禮要講派場，就在天井地方搭起高至二三樓既竹棚，用作出殯打齋之用。
出殯當日先由喃嘸佬唸經一遍，"的打佬"吹喇叭，然後孝子從特別搭製之竹斜梯，上上落落做擔番買水儀式，經過一輪儀式後，由工人將棺材從二樓抬到地面，會合儀仗隊伍後浩浩蕩蕩出發，其間更有"的打佬"吹奏，孝子隨後，直往墓地。
唔知點解，果陣時d人可以一家大細當show咁睇，一d都唔驚既！:wondering:
有一次，隔離座居然打開棺材蓋做路祭...:jaw::jaw::jaw:
當年我細細個唔怕死，就從樓上望落去.......果種恐怖法至今難忘。:L:L
[[i] 本帖最後由 mandy 於 2007-8-29 16:20 編輯 [/i]]
資深球迷2世 2007-8-30 09:52
而家長洲同元朗都仲間中會有呢 d 咁震撼嘅場面出現~~
up3up4 2007-9-4 21:33
[quote]原帖由 [i]牛奶蛇[/i] 於 2007-8-28 16:36 發表
年前某雜誌做了一個專訪, 講述早年香港沒有殯儀館時, 長者先游要在家中入殮, 還附上一舊照片, 照片中有一两層高木唐樓, 屋前築起一個竹掤, 直達二樓騎樓, 一副棺材正從二樓騎樓抬出竹硼. 此照片登時勾起了 ... [/quote]
隔黎壇又係有人講開出殯，
呢幅相係你所講的囉
[url=http://ifs3.imagefly.info/v/fa/jpg/funeral12.html][img]http://ifs3.imagefly.info/t/fa/funeral12.jpg[/img][/url]