keve0223 2007-9-1 02:10
有冇人食過一些特別既肉類?
小弟以前在加國食過熊肉同海狗鞭!!! 熊肉同牛肉差不多只是味道淡些同肉質粗D, 海加狗鞭同牛鞭差不多, 可能用好多中藥燉所以食完真係慶合合, 唔知係咪壯陽既感覺:lol
billchan 2007-9-1 23:40
:lol 剛剛在首府吃過地道薄切「驢肉」！
billchan 2007-9-1 23:56
:lol 在香港和日本吃過「馬肉」刺身，但馬肉對日本人來說很普通，應該不算特別！
;P 上月某天在利苑午飯，吃了一份經理推薦窩上的「鱷魚掌」，這種現在大陸大量人工養殖供食用的肉類，變得成行成市，通街市通食店都係，已不算特別久矣！:afraid:
:quiet:「猴肉」多年前食過！全桌衹是阿標及另一勇者有起筷，記得是以荷葉包裹籠蒸，類似荷葉蒸雞的做法，細嚐其味，竟也相當清鮮，若不說穿，阿標必定百估不中是何物！;P
moxfactor 2007-9-3 02:03
[quote]原帖由 [i]billchan[/i] 於 2007-9-1 23:40 發表
:lol 剛剛在首府吃過地道薄切「驢肉」！ [/quote]
國內稱驢肉為, 天上有龍肉, 地上有驢肉...
又真係幾好食, 驢肉做刈包(中國漢堡).
東北滿漢餐內有所謂既"飛龍"肉, 其實係一種山雞, 同埋"狍子"肉, 係一種鹿科動物. 早十年前去氹仔舊市區一定會食禾蟲, 依家搵唔到做得好既地方, 有機會係都上順德食. 其外... 有好多依家冇地方做得好/唔咁食既野, 果子狸, 山瑞, ... 同香港地區少有既game meat(獵物): pheasant, venison, grouse/partridge, wild boar, caribou, woodcock, wild ducks, ...
就係唔食貓同埋靈長類動物...
keve0223 2007-9-3 02:22
[quote]原帖由 [i]moxfactor[/i] 於 2007-9-3 02:03 發表
國內稱驢肉為, 天上有龍肉, 地上有驢肉...
又真係幾好食, 驢肉做刈包(中國漢堡).
東北滿漢餐內有所謂既"飛龍"肉, 其實係一種山雞, 同埋"狍子"肉, 係一種鹿科動物. 早十年前 ... [/quote]
講開GAME MEAT 以前在加國一個朋友, 有打獵牌照, 一次佢打左隻野鹿, 用來煲湯, 感覺都幾蘇下, 呢d就可能係野生動物既味道!!!
驢肉就真係未試過, 係內地可能好平常, 可惜始終未食過, 失敗!!!:Q
b4321 2007-9-3 12:21
I ate "red fire wild-pig" once in Canton. But nothing special.
Also, I was cheated and tasted "龍虎鳳" by some China govn't official. The taste was just OK, but once I know the content, I stopped eating and felt awful.
[[i] 本帖最後由 b4321 於 2007-9-3 12:32 編輯 [/i]]
資深球迷2世 2007-9-3 12:35
喺南非食過百獸宴, 喺日本食過馬肉
billchan 2007-9-3 18:07
[quote]原帖由 [i]資深球迷2世[/i] 於 2007-9-3 12:35 發表
喺南非食過百獸宴, 喺日本食過馬肉 [/quote]
:L 百獸宴做到欵欵肉都差不多味道，吃多幾欵後令人有點混淆！ :dizzy:
moxfactor 2007-9-4 16:47
[quote]原帖由 [i]billchan[/i] 於 2007-9-3 18:07 發表
:L 百獸宴做到欵欵肉都差不多味道，吃多幾欵後令人有點混淆！ :dizzy: [/quote]
差唔多樣既野食落都差唔多... 東北既四不像同vension同羚羊(antelope)好難食出有咩分別... 可能經常食既人會食得出...
有機會既話我想試下狐狸肉(英國red fox)...同南美巨水鼠(capybara)既肉..
billchan 2007-9-4 21:17
[quote]原帖由 [i]moxfactor[/i] 於 2007-9-4 16:47 發表
有機會既話我想試下狐狸肉(英國red fox)...同南美巨水鼠(capybara)既肉.. [/quote]
:loveeyes: 你提呢 d 以及你上幾題內提到的 game meat，阿標都好想有機會試下！:D
:lol 阿標做細路時，家舖相鄰，家有家厨(順德中女)，舖有舖厨(男)，是舊式唐人山塞工廠式運作，日中吃飯人眾，做節做牙(初一十五)時，更是熱鬧非常，由於當時平日難得吃得好，於是每有重要日子，負責厨務者，總會攪攪新意思，阿標當時在這種環境下，除有機會食下家常飯餸老火湯宵夜糖水外，也有機會吃過印象猶深的自家泡製龍虎鳳（蛇貓雞）果子貍菜狗唐狗禾蟲東風螺和味龍、鹹淡水魚蝦蟹大帶子黄蟮油𩺬鮮活街市海產等等，不在話下 ......
:( 所以有些今之寵物，實在也是阿標剛離繈緥期，即有機會食到的日常盆中飧，它們跟豬豬牛牛，在阿標童年記憶中實在沒有什麽界線 :L ， 唉 ~~~ 罪過！罪過！ :afraid:
糧地官 2007-9-5 00:46
*** 作者被禁止或刪除 內容自動屏蔽 ***
billchan 2007-9-5 02:37
[quote]原帖由 [i]糧地官[/i] 於 2007-9-5 00:46 發表
十多年前在西環「綠晶酒店」食過娃娃魚。 [/quote]
:lol 我都係十多年前，在廣州食過，此魚在香港是禁售的，嘻嘻，綠晶咁把炮！:verygood:
;P 話說回禁售的食材，阿標幾年前，在元朗人氣店大XX，得食神關照， 靜靜雞飲了一個私家夜遊X 湯！:quiet:
keve0223 2007-9-5 04:01
廿年前娃娃魚在廣州好多酒樓有得食, 見D餐館用少少水放係魚池度養, 聽說會發出嬰兒叫聲, 但我沒有聽過也沒有吃到, 以前聽D老人家講幾十年前東北有虎患, D人捉到老虎剥左皮, D骨用來侵油, 肉因為很鞋所以用來煲湯, 味道都幾甜下, 但我相信現在沒有可能吃到了!
moxfactor 2007-9-5 10:10
[quote]原帖由 [i]keve0223[/i] 於 2007-9-5 04:01 發表
廿年前娃娃魚在廣州好多酒樓有得食, 見D餐館用少少水放係魚池度養, 聽說會發出嬰兒叫聲, 但我沒有聽過也沒有吃到, 以前聽D老人家講幾十年前東北有虎患, D人捉到老虎剥左皮, D骨用來侵油, 肉因為很鞋所以用來 ... [/quote]
[url]http://zh.wikipedia.org/wiki/%E5%A8%83%E5%A8%83%E9%AD%9A[/url]
據部份中藥典籍記載，鯢魚有毒，人若嗜吃，會破壞腦神經，成為白痴。
英文名為 Chinese Giant Salamander, 唔係魚, 係兩棲動物. 同蠑螈差唔多... 我原本幾有興趣試下, 但係聽好多老人家話有毒, 加上肉既質感一般, 所以冇咗興趣. 同近年少飲咗火麻仁一樣. 只不過蛇,蠍一定照食~~ 食開上癮嘛~
moxfactor 2007-9-5 10:54
[quote]原帖由 [i]billchan[/i] 於 2007-9-4 21:17 發表
:loveeyes: 你提呢 d 以及你上幾題內提到的 game meat，阿標都好想有機會試下！:D
:lol 阿標做細路時，家舖相鄰，家有家厨(順德中女)，舖有舖厨(男)，是舊式唐人山塞工廠式運作，日中吃飯人眾，做節做 ... [/quote]
聽講順德真係超多奇特食品...靚既禾蟲要去順德搵(有藍綠色大條嗰種).
我家到我呢代已經係第3代做餐飲, 食過既山珍海味無數, 但係以滬,粵式為主. 一直搵方法食其他地方既美食, 當然唔少得奇珍. 近期因為上過滿州(東北三省)工作, 愛上咗食餃子. 喺大連試過一次食2kg. (國秤為4斤), 仲有烤羊串, 全隻羊腿, 等等... 茴香(cumin)+羊肉既香味太正啦...
可能食慣中式醬料, 我一直最愛既cooking style係最簡單既做法, 明火燒烤(bbq)同生食. 明火烤最好係用蘋果木烤+山核桃木燻...但係炭烤都已經好好. 希望有機會去丹東天池食燒烤, 就算烤個饅頭都正.
[img]http://www.pbase.com/moxfactor/image/38204647/medium.jpg[/img]
北海道既烤tarabagani, 當時太餓, 超級out focus...
billchan 2007-9-5 17:18
[quote]原帖由 [i]moxfactor[/i] 於 2007-9-5 10:54 發表
聽講順德真係超多奇特食品...靚既禾蟲要去順德搵(有藍綠色大條嗰種).
我家到我呢代已經係第3代做餐飲, 食過既山珍海味無數 ... [/quote]
:applause: 「第3代做餐飲, 食過既山珍海味無數 」嘩！ 阿標真是羨慕之至！:loveeyes:
我細個果陣在香港，常聽大人說一句話：「天紅紅，賣火蟲！」當時大人在夏末時份，每當黃昏時天色通紅的日子，會從街上以擔挑挑貨經過的小販擔桶內，選購得新鮮禾蟲而回，小阿標對於在淺盆中五彩斑爛翻滾蠕動的蟲兒印象甚深，家人以雞蛋焗之而食，味道如何？小阿標有無份食？或肯不肯食？後來回想，總記不起了！自已對禾蟲食味有所認誠，應該是稍長後在澳門毛記開始的！ :lol
嘻嘻！我又貼番一幅烤物相片，攝於伊豆下田某和式酒店。
[[i] 本帖最後由 billchan 於 2007-9-6 12:45 編輯 [/i]]
moxfactor 2007-9-6 11:30
可否將閱讀權限減至70? 睇唔到, 想流下口水都唔得... ^_^"
billchan 2007-9-6 12:45
[quote]原帖由 [i]moxfactor[/i] 於 2007-9-6 11:30 發表
可否將閱讀權限減至70? 睇唔到, 想流下口水都唔得... ^_^" [/quote]
:bow: done !
何去何從 2007-9-6 13:03
以上兩覆相，睇到都想即刻飛去食呀 !!!
ko007 2007-9-19 22:19
生割大鰐魚,在廣州食,很好味.
moxfactor 2007-9-20 15:29
[quote]原帖由 [i]ko007[/i] 於 2007-9-19 22:19 發表
生割大鰐魚,在廣州食,很好味. [/quote]
正!!! 想食呢~~~
頁:
[1]