billchan 2007-9-29 00:18
:lol 阿標呢排一味掛往食，食食食！ :saujai: 中秋節更亂日夜咁食，都幾過份！ :saujai:
:( 今晚本來想過番呢幾個月 d 食物相出黎貼下，點知家中 PC 認唔到我在公司用開果隻新買的 Card Reader（ 讀我條 8G SDHC ）！ :wondering: 奇怪！ 公司是行 Window2000 的，家中用 XP 照計 SDHC 是新野，無理由 Window2000 得而 XP 唔得？ :wondering:
:oh: 暫時無辦法！:L
可愛老頑童 2007-9-29 09:12
[quote]原帖由 [i]billchan[/i] 於 2007-9-19 12:41 發表
:lol 阿標以前最喜歡悠悠閒閒、懶懶怠怠地收看【 A Cook's Tour 】及【 Nigella Bites 】！ :loveeyes: :loveeyes: :loveeyes:
一個是風塵客，領你饞遊四海；另一位是美嬌娘，侍你淺食㕑旁！嘩 ~ 這是 ... [/quote]
I like best Anthony Bordane's "No Reservations". :)
princess_f 2007-9-30 11:14
很想吃魚生...:$:$
moxfactor 2007-9-30 14:27
近排工作太忙, 都冇乜時間影自己相...but, 尋日上午去灣仔carinna食潮州菜, 見佢地近門口架車仔上有清湯腩就叫咗份. 唔錯喎... 其他食物都過得去, 服務態度都ok. 係d滷水唔係好夠味同冇得食鵝腸...
billchan 2007-9-30 21:52
[quote]原帖由 [i]可愛老頑童[/i] 於 2007-9-29 09:12 發表
I like best Anthony Bordane's "No Reservations". :) [/quote]
:verygood: "No Reservations" 又一個好的電視節目！
:) Anthony 的節目好看處是：永遠不是一個煑食示範節目咁簡單！總比別人的多了一點點東西！ ;P
billchan 2007-9-30 22:00
[quote]原帖由 [i]moxfactor[/i] 於 2007-9-30 14:27 發表
近排工作太忙, 都冇乜時間影自己相...but, 尋日上午去灣仔carinna食潮州菜, 見佢地近門口架車仔上有清湯腩就叫咗份. 唔錯喎... 其他食物都過得去, 服務態度都ok. 係d滷水唔係好夠味同冇得食鵝腸... [/quote]
:) 我都有食過佢地 d 清湯腩，真係算唔錯！ :givemefive: 不過我最鍾意佢地 d 特價抵食紅燒潮洲翅，滑膩夠身，當然是有豬油的，嘻嘻，怕豬油者勿試！ :P
billchan 2007-9-30 22:02
[quote]原帖由 [i]princess_f[/i] 於 2007-9-30 11:14 發表
很想吃魚生...:$:$ [/quote]
;P 等我攪惦個 Card Reader 之後，過番 d 近期相去黎再引下你！ :beer:
何去何從 2007-10-1 11:01
Bill 兄，又等我借借你既地方，講下 2000 法國既難忘之旅
billchan 2007-10-1 11:19
[quote]原帖由 [i]何去何從[/i] 於 2007-10-1 11:01 發表
Bill 兄，又等我借借你既地方，講下 2000 法國既難忘之旅 [/quote]
:applause: :applause: :applause:
:jump: 快 d 快 d ！ :bow:
何去何從 2007-10-1 12:07
法國 Lyon 最後一站 ( Paul Bocuse )
尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都唔會再比人掉低架喇 !!! (暫不講 Nice 所遇到既事)
由 Nice搭火車到 Lyon，到達大約 6pm左右，火車站 tourist office 關左喇，我既"孤獨天書"又係同伴度，算啦，唯有自己拖住個行李行去人多既大街搵左酒店先，行左好耐，好幾條街，酒店都無房:Q:Q:help::help:~~~ 再繼續向前行，好彩終於搵到 !!!:applause::applause: 係火車既幾個鐘都無野落過肚，放好行李，就即刻去醫肚先啦，醒起先前經過一間壽司店，岩晒我一個人食 dinner 啦 !!! 點知，就係酒店樓下個街口，撞番我既 "同伴"，當時大家係街對望幾秒& 笑，哩個笑，係估唔到會咁岩咁都會撞得番 !!!! 咁我地就返去我住果間酒店大堂，問酒店職員想去Lyon 出名既3星米芝蓮 Paul Bocuse 餐廳，但對方話我地去唔到架，因為唔係 city，要渣成個鐘車出去，仲要預早 booking 添，而且會係一早 book 爆晒 !!!!不過，有一間係附近，雖然唔係 Paul Bocuse ，但係都由佢既徒弟主理，所以唔差既，仲推介左幾道菜寫低埋比我地添 !!! (又有貴人喇) 咪拿拿聲行去啦，都係 15 mins 路程，終於去到喇，坐低即刻點菜，當時我超級肚餓啦，有9個鐘未食過野喇 ~~~~:'(:'(:'( 我地即刻比張紙個 waiter 睇，話想要邊幾道菜，點知，個 waiter 話餐廳就無去錯，但就無供應紙上提及既菜式，我心諗，是但啦，就係 menu 點野食啦，有得食就得喇，因已餓到我胃痛囉 !!! 但當時心感不妙喇 !!!! 食物黎到，真係:nono::nono::nono:，唔好食，或者我已胃痛提唔起胃口，但我既同伴都覺得唔好食喎 !!! 個 waiter 又照例問問食物對唔對胃口，我竟然話，唔太ok !!!! 都唔知點解當時會咁講，可能都係唔多唔少係發洩之前被掉低時既心中不快，火車上遇到既唔開心，比酒店職員點左一間唔好食既餐廳 & 餓到胃痛呱 !!!! waiter 當時又大為緊張，硬係要我講邊度唔好食，:help::L 好唔好食都好主觀架嘛，而且言語又不通，要我點講嗟 !!!! 食完，行番酒店，個職員又轉變左態度，無左之前推介餐廳既熱情，好 cool 下 !!! 算啦，我都無諗住講番，佢介紹果間餐廳，根本無佢講既菜式 !!!! 當時食左咩，真係已經忘記得一乾二淨喇 !!! 經過哩晚，我決定第二日 lunch ，一定要搵間好味既黎食，就試有名特色 Lyon 既 Bouchon 啦 !! 當晚大家講番 Nice 所遇既人 & 事，其他野都無深究喇 !!
(點解大家都會去 Lyon，因為哩個係尾站，我地要係 Lyon 飛去 Zurich ，轉機返香港 )
哩個post，反而缺乏左食物，多左記錄果幾日既旅程
正如之前講，哩次都係講番"被點"既一次
而食物，反而變成整篇既配角
留番好味 Bouchon 下次講 !!!! :jump::jump::jump::jump:
[[i] 本帖最後由 何去何從 於 2007-10-1 04:35 編輯 [/i]]
dejavu2003 2007-10-1 17:59
[quote]原帖由 [i]何去何從[/i] 於 2007-10-1 12:07 PM 發表
法國 Lyon 最後一站 ( Paul Bocuse )
尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都 ... [/quote]
How about this Paul Bocuse joint in Berlin.
[[i] 本帖最後由 dejavu2003 於 2007-10-1 18:01 編輯 [/i]]
dejavu2003 2007-10-1 18:00
[quote]原帖由 [i]dejavu2003[/i] 於 2007-10-1 05:59 PM 發表
How about this Paul Bocuse joint in Berlin. [/quote]
How come the picture I tried to attach didn't show up here?????
[[i] 本帖最後由 dejavu2003 於 2007-10-1 18:09 編輯 [/i]]
dejavu2003 2007-10-1 18:15
[quote]原帖由 [i]dejavu2003[/i] 於 2007-10-1 06:00 PM 發表
How come the picture I tried to attach didn't show up here????? [/quote]
I know why. The file size is too big - 4.01 MB. Any chance I can reduce the file size by reducing the resolution?
billchan 2007-10-2 01:49
[quote]原帖由 [i]dejavu2003[/i] 於 2007-10-1 18:15 發表
I know why. The file size is too big - 4.01 MB. Any chance I can reduce the file size by reducing the resolution? [/quote]
:wave: You might resize your pictures first. Most of the picture viewing softwares would do！ :victory:
billchan 2007-10-2 02:26
[quote]原帖由 [i]何去何從[/i] 於 2007-10-1 12:07 發表
法國 Lyon 最後一站 ( Paul Bocuse )
尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都唔會再比人掉低架喇 ... [/quote]
:bow: 謝謝分享，未繼續講食物之前，阿標都要搭口講下旅行同伴的問題，唉，原來大家都曾經此苦！ :L
:) 純個人經驗和感受，我覺在大都會作文化/景點觀光，若不是有當地人導遊招待，衹是自已手持“天書”，半依粗畧計劃半隨遇而安的，最好是自已一個人單身闖蕩，因為每個人興趣都不同，願意花時間的地方也不同，而且途上往往有些突現景點，會令喜愛者捨不得錯過，但外遊時每天時間寶貴，同遊者實在遷就不了那麽多，反之亦然，故此衝突和不滿常會在友好間發生！:L 所以計阿標話，此類旅遊，最好一人獨闖！ :victory:
另一類悠閒美食團，四人一團，一車可戴，而且點食物時種類的可試範圍大一點，就最理想了！若擴大人數至兩車之眾，淨係交通安排都煩死了，其間必有閃失 ！ :oh:
:rose: 嘻嘻，第三類！兩人拍拖團 當然無以上的問題，若爭取相聚時光是最優先項目，其它的那用管他娘！ :P
billchan 2007-10-2 02:32
[quote]原帖由 [i]何去何從[/i] 於 2007-10-1 12:07 發表
.... 問酒店職員想去Lyon 出名既3星米芝蓮 Paul Bocuse 餐廳，但對方話....有一間係附近，雖然唔係 Paul Bocuse ，但係都由佢既徒弟主理，所以唔差既，仲推介左幾道菜寫低埋比我地添 !!! (又有貴人喇) 咪拿拿聲行去啦 ... [/quote]
:saujai: 呢個 酒店職員 都老點得過份 :nono:， 你仲以為係貴人添！ :L
billchan 2007-10-2 02:57
[quote]原帖由 [i]何去何從[/i] 於 2007-10-1 12:07 發表
..... 哩個post，反而缺乏左食物，多左記錄果幾日既旅程
正如之前講，哩次都係講番"被點"既一次
而食物，反而變成整篇既配角
留番好味 Bouchon 下次講 !!!! :jump::jump::jump::jump: [/quote]
:applause: 大家都預備聽「好味 Bouchon 」！ :loveeyes: :jump:
;P 嘻嘻，阿標未聽已經口水流流，有點餓添！ :$ 剛剛試左直接由 DC 用 USB 過相入 PC，又得喎！ 所以而家先貼 阿標自弄小食上黎，醒一醒神，解解饞先！ :lol
billchan 2007-10-2 03:21
[quote]原帖由 [i]dejavu2003[/i] 於 2007-10-1 18:15 發表
I know why. The file size is too big - 4.01 MB. Any chance I can reduce the file size by reducing the resolution? [/quote]
:) I just had my pictures resized by Picasa and uploaded in my previous post. You might google and download “Picasa” which is a very useful tool. :verygood:
lafite2004 2007-10-2 11:57
[quote]原帖由 [i]billchan[/i] 於 2007-10-1 18:57 發表
！ 所以而家先貼 阿標自弄小食上黎 ... [/quote]
Eventhough I cannot taste it , . It looks nice. :)
Can you tell us what ingredients you are using. :reading:
[[i] 本帖最後由 lafite2004 於 2007-10-2 03:58 編輯 [/i]]
何去何從 2007-10-2 15:11
[quote]原帖由 [i]dejavu2003[/i] 於 2007-10-1 09:59 發表
How about this Paul Bocuse joint in Berlin. [/quote]
Berlin ？ 咁我又唔清楚呀 !!
何去何從 2007-10-2 15:15
[quote]原帖由 [i]billchan[/i] 於 2007-10-1 18:57 發表
:applause: 大家都預備聽「好味 Bouchon 」！ :loveeyes: :jump:
;P 嘻嘻，阿標未聽已經口水流流，有點餓添！ :$ 剛剛試左直接由 DC 用 USB 過相入 PC，又得喎！ 所以而家先貼 阿標自弄小食上黎 ... [/quote]
嘩，好好味呀 !!
不如你講下，白色係咩，黃色又係咩，淨係知黑色係caviar咋 !!!!
何去何從 2007-10-2 16:40
法國都係一個飲食文化歷史國家，唔同地區食唔同既食物，就好似我地祖國咁
但好彩既係，法國細好多，所以，對我哩個為食鬼黎講，又真係幾方便既
搭幾個鐘火車就食都唔同既野啦嘛 !! haha
Lyon - Bouchon 係家庭小店，cosy & friendly !! 最大特色係，當日 chef 煮咩就食咩，者係去到只係比一個價錢，就有頭盤食到dessert 架喇 !! 真係既方便又特色 !! 其實就好似香港既"私房菜" !!Lyon 主要食既係肉，尤其豬肉 & 內臟 !! 而食物既presentation，都無咩賣相可言，但唔討厭 !!
係舊城既小街，招牌唔多顯眼，幸好經過無數次既"搵路實習"，好快就搵到 !!! 入到去，樓底好高，上面掛滿左好多各式各樣既 salami，但多數都外面白白地，似係發"毛"個隻 !!!老闆安排左我地去一個木卡位，地方乾淨 & cosy，周圍既人，都係輕鬆交談，感覺好舒服 !! 因為知道 Bouchon 係 chef 煮咩食咩，諗住咁哩餐終於唔使又"身體語言"搭夠喇 ，佢比咩就食咩啦!!點知，都唔知佢係老闆，還是老闆&chef 合體喇，走黎用佢好簡單但難明既英文，問我地主菜要咩，當然，佢都即刻又扮豬，又扯面，等等令我地明白今日有咩主菜啦 !!!我"同伴"要左豬肚，因為望到隔離table 既，望落好唔錯咁，而我，見佢咁落力扯自己塊面，就揀佢個豬面啦，者係我地既肉青 !!先黎一碗 mustard 味既綠豆，一碗燻魚，仲有飽，我一睇，咪我地成日食開既綠豆，煮到仍然係一粒粒無散開起沙既，個汁唔係好多，只係濕濕地咁，老闆叫我地放係個飽度一齊食，味道岩我，因為我好鍾意 mustard 既，個味mustard又無搶晒，但係仲有咩味，真係唔記得又食唔出喇，不過，哩個mustard綠豆至今好難忘 !! 當時，我地已不斷提住大家，唔好食咁多，一定要留肚，仲有其他野食呀 !!個燻魚係切粒上，我朋友對煙燻野有少少抗拒，我就剛剛相反，又係岩晒我胃口既野，但係，我同伴見我食度唔停口，就開始制止我喇 !! 跟住黎既係 salami，一碟有4-5款唔同味既，又係非常對我胃口既食物(其實除左睇落唔靚既食物，多數我都唔會唔喜歡既) !! 可能我地真係細食，份量又十足，又食得比佢地快，全部頭盤我地都食淨一半，真係非常浪費 !!! 或者食得慢d，我地兩個都可以食度 2/3既 !!! 無耐，我地既主菜老闆羅出黎喇，我同伴既豬肚同我地食開既牛腩檔既金錢肚，個樣係一樣架，老闆係原個豬肚上，放到碟上，先幫我同伴切開少少，睇到老闆切，都估都已煮得好淋，而我既豬面，係成個細鐵煲上，有d 似我地食煲仔飯個煲既 size，黎到，老闆只係幫我放左一舊豬面係我隻碟度，其餘既，就成個煲放左係我table 度等我自助喇 !! 我朋友望到我個豬面，佢既表情話左我知，佢睇到就唔開胃喇，因為個汁色確實 ~~~幾難睇下，似我地新年盤菜個汁，者係"混汁"食，啡啡灰灰咁，而個豬面係鵝蛋形黎架，唔係一塊架，哩個真係估唔到，估唔到法國豬塊面咁圓，中國豬塊面咁扁!!! 仲有既係，幾舊切到同豬面一樣鵝蛋形既 potato !! 我心諗，食過之前既野都唔錯，麵飽又咁好味，無理由我哩個豬面會難食架，雖然我都係一個絕對重"外表"既人黎，但都叫左喇，我點都要試，我同伴望住我試，睇我反應~~~~食落，好味呀，食得出有加酒去煮，個汁既色雖然唔討好，但有內涵呀 !!不過，之前食左唔少頭盤，所以我個煲豬面只能勉強食左兩粒咋 !! 講番我同伴個豬肚，係用醋去整既，但唔會太酸，因為食左唔少野，哩時候個頭盤如太濃味就真係食唔到喇，好彩酸酸地，我地兩個都可以食到一半，唔係既話，會徙得仲多 !! 哩個酸味豬肚 & mustard 綠豆，哩兩個調味都係剛好，唔會太重手，配合埋真係剛好 !!! 其實，食完主菜都飽到不得了，但係，我倆都係 dessert 狂黎，所以點飽都會食埋既，因為無 dessert 既話，果餐我覺得 incomplete 架 !! 最後，竟然 dessert 有幾個揀，但係老闆既英文仲有限過我，而且哩次佢同我還既"有口難言" ，我又真係估唔到佢講咩，係又唔知點算之際，隔離 table 既靚姊姊過黎幫我地，話比我地知有咩 dessert 揀~~ haha，好多餐都係最後關頭又有貴人出手幫忙既 !!! 我記得點左 chestunt ice cream，而我同伴係咩，就唔記得 lu !!! 食左幾耐，我都唔記得喇，但我淨係記得，我地去到既時候，多數既人都係頭盤，但到我地食完走喇，佢地都仲係食緊 dessert 咋 !!! 佢地真係識慢慢享受喇 !!! 最後，老闆送我地出去，say 完 goodbye，就結束左一頓難忘 lunch !!
[[i] 本帖最後由 何去何從 於 2007-10-2 08:42 編輯 [/i]]
billchan 2007-10-2 18:00
[quote]原帖由 [i]何去何從[/i] 於 2007-10-2 16:40 發表
法國都係一個飲食文化歷史國家，唔同地區食唔同既食物，就好似我地祖國咁
但好彩既係，法國細好多，所以，對我哩個為食鬼黎講，又真係幾方便既
搭幾個鐘火車就食都唔同既野啦嘛 !! haha
Lyon - Bouchon 係家 ... [/quote]
;P ;P ;P 謝謝你的精采攪笑“食歷”分享！ :applause: :applause: :applause:
食野食到要賓主一齊「又扮豬，又扯面」！哈哈哈，笑得我！:lol 「而我，見佢咁落力扯自己塊面，就揀佢個豬面啦，即係我地既肉青！」:applause: :verygood: 不過我諗諗下，都記起自己以前都試過，點菜時我都扮過雞呱呱叫，在日本叫豬扒飯時想吃帶肥的部份時，也指過其它遊伴的肚腩 ..... 哈哈！又試過出紙出筆，畫雞泡魚！ ;P :givemefive:
睇你寫內容的，Lyon - Bouchon 這類店子真的十分吸引， 睇到我心往神馳，恨不得快快有得去食！這麼大的份量，正適合人多一點，多叫幾個主菜和甜店，慢慢 ~ 慢慢 ~ 的吃，試過不亦樂乎！ :loveeyes: :loveeyes: :loveeyes:
billchan 2007-10-2 18:02
[quote]原帖由 [i]lafite2004[/i] 於 2007-10-2 11:57 發表
Eventhough I cannot taste it , . It looks nice. :)
Can you tell us what ingredients you are using. :reading: [/quote]
[quote]原帖由 [i]何去何從[/i] 於 2007-10-2 15:15 發表
嘩，好好味呀 !!
不如你講下，白色係咩，黃色又係咩，淨係知黑色係caviar咋 !!!! [/quote]
:lol 其實呢個自製小食配料十分便宜，做法簡單！:jump:
阿標某天假期獃在家中，在埋首於電腦電視書本雜誌之間的數個幾分鐘空檔，在厨房張張羅羅，不一會便把小食弄了出來，簡單得很！
配料： 黄色白色的：蛋黃粒 與 蛋白粒
綠色紫色的：香葱末 與 洋葱末
用法： 淡味鮮奶麵粉自烤小餅，先抹上薄薄 sour cream，再將配料與[b]主角[/b]傾鋪其上
主角： :loveeyes: :loveeyes: :loveeyes: [size=3][b] [color=Purple]Russian Beluga Caviar[/color]！[/b][/size] :applause: :applause: :applause:
:L 可惜的是，阿標眼窄肚濶，一口一塊，三兩秒間已把小食報銷！ 唉 ~ 食完都唔知乜味！ :Q
猶幸吃前忍了一忍，還記得順手拍下照片數幅，現在還總算有得憑弔憑弔！
這正是： 多口自古空遺恨，此味綿綿無絕期！ :'( 幾時有得再食呀？ :afraid:
何去何從 2007-10-2 22:04
[quote]原帖由 [i]billchan[/i] 於 2007-10-1 18:26 發表
:bow: 謝謝分享，未繼續講食物之前，阿標都要搭口講下旅行同伴的問題，唉，原來大家都曾經此苦！ :L
:) 純個人經驗和感受，我覺在大都會作文化/景點⑵馬C個人興趣都不同，願意花時間的地方也不同，而 ... [/quote]
哩個同伴，其實係當時既"男朋友"黎架 !!
哩類既 backpack 旅行，去到邊先諗再去邊，去到邊食到邊，唔係人人喜歡，只係我哩個愛冒險又唔鍾意有限制既人，先會做哩d 傻事 !!!!
如果我選擇同朋友旅行，就多數少出聲少意見，免得意見太多就麻煩多多，而且可以同朋友一齊去既地方，又多數都係 hea 下，休閒下既 trip，所以都無咩所謂，者係去少個地方都唔會覺得損失 !!!
但當我要去一個咁"serious"既 trip 時，我只會同最親密既另一伴同遊，話晒哩d 旅程太多突發，太多改變，太難就晒大家既喜好 lu !!!
咁你被同伴掉低既經歷又係點既呢 ？
何去何從 2007-10-2 22:20
[quote]原帖由 [i]billchan[/i] 於 2007-10-2 10:00 發表
;P ;P ;P 謝謝你的精采攪笑“食歷”分享！ :applause: :applause: :applause:
食野食到要賓主一齊「又扮豬，又扯面」！哈哈哈，笑得我！:lol 「而我，見佢咁落力扯自己塊面，就揀佢個豬面啦，即係我地既 ... [/quote]
最衰我文筆太差 :afraid::afraid::afraid:!!! 如果哩個係你既經歷，由你寫出黎，一定比我吸引好多 !!!
不過如果你去法國既話，一定要多留幾日，因為哩個地方真係有好多好好味既食物好岩我地哩d "為食鬼" !!! 喜歡旅遊又喜歡食既，都一定試過唔同既"身體語言"，因為我地一定會為左"食"一餐，不惜扮雞又扮豬既 !!! 所以我相信你既笑料一定比我多呀 !!!!;P;P;P;P;P
[[i] 本帖最後由 何去何從 於 2007-10-2 14:27 編輯 [/i]]
billchan 2007-10-3 03:14
[quote]原帖由 [i]何去何從[/i] 於 2007-10-2 22:04 發表
[quote]原帖由 [i]何去何從[/i] 於 2007-10-1 12:07 發表
尾二站係 Nice，當時又因小事，同伴再一次話要"分道揚鑣"~~~~ 算，當時我同自己講，"同伴"又再一次話要分開玩喇，咪分開囉，我同自己講過，以後都 ... [/quote]
哩個同伴，其實係當時既"男朋友"黎架 !!
哩類既 backpack 旅行，去到邊先諗再去邊，去到邊食到邊，唔係人人喜歡，只係我哩個愛冒險又唔鍾意有限制既人，先會做哩d 傻事 !!!!
如果我選擇同朋友 ... [/quote]
;P 吓，同男友旅行，攪到在途上「又因小事，要再一次分道揚鑣，分開玩 ~~~~ 」:oh: 咁都可以一再發生，嘻嘻，服了你了！ :verygood: ;P 而家事過境遷，這當然衹不過是在回憶中的難忘事件之一，但其實當時，若不是因為有倔強性格和脾氣作祟，怎會捨得由兩人旅行變成獨闖異鄉，連乘火車吃飯和投店都各自進行，哈哈，難明！難明！ :lol
;P 我倒沒有這般戲劇性，跟遊伴們作遊歷為主的旅行時，若明知大家興趣不同的，於抵埗落腳後，我會勇於提出約定再聚吃飯時間，然後分頭活動，各式其適，大家各自修行，舒服自在！:verygood: 在歐洲時，我最喜歡花時間看古蹟名勝，行博物舘，逛食物市場，找地道美食小吃，看聽不明白的電影，拍一大堆照片 ..... 遇上電車巴士渡輪上山吊車等若有時間必隨遇而安地即興跳上，嘻嘻，這種方式最適合獨行獨闖的人，反正也不會悶，每日在旅館早餐地方開始，一路下來，總很容易有同道中人搭訕，言淺者交換資料，言深者交換平生，不亦樂乎！:P
;P 至於在與女友同行的兩個人旅途上，女友使使小性子，半玩半真，鬧鬧別扭，於酒店附近商場旺地分道揚鑣，各自逛街後回酒店，亦有在安全的東京發生過，不過未試過好似你講果種在歐洲各自搭火車各自揾酒店！:lol 真是佩服佩服！:bow:
;P 講返用身體語言點菜，我想起有一次在東京銀座炸豬扒老店「練瓦亭」，明知豬扒有肥有瘦可分點的，但與女侍應言語不通，結果阿標先要站起來，再彎身「乙乙」兩聲，讓女侍明白阿標已變身為一隻豬，再以手刀虛切一塊肩肉給女伴，之後再切自己腩肉虛放自已碟上，幾經比劃，才令日本女侍明白我們要什麽，嘻嘻！ :lol 又有一次日本侍應始終弄不明白我想要的，結果她在厨房拉出一位從遼寧到日本半工半讀的中國少女，替我以普通話落單，結果又傾談了老半天中國近况，最後還嚐試了她的好介紹！:applause:
癲巴 2007-10-3 14:33
*** 作者被禁止或刪除 內容自動屏蔽 ***
billchan 2007-10-3 15:57
[quote]原帖由 [i]癲巴[/i] 於 2007-10-3 14:33 發表
標兄, 小弟係brasco(巴士),
你講呢間飯店, 小弟食咗好多年, 大時大節多數去呢度食, 所以同老細好熟.
我先唔講佢有幾好食, 我最欣賞o既反而係佢對呢間食店�H執著.
佢一直都踏踏實實咁做好d菜式, 唔賣花巧, ... [/quote]
:lol brasco兄你好，近來少見你出現，原來都係要阿標係呢度自說自話 講飲講食先至引到你出黎，哈哈！ ;P :handshake 原來你與呢間飯店咁熟，又有咁多好評， 令阿標對它更有信心！嘻嘻，若阿標下次組織為食團出征時，定要事前再多多請教！ 謝謝你先！:bow:
癲巴 2007-10-3 16:08
*** 作者被禁止或刪除 內容自動屏蔽 ***
billchan 2007-10-3 16:51
[quote]原帖由 [i]癲巴[/i] 於 2007-10-3 16:08 發表
真係講起就羞家, 其實我係俾人ban咗, 係不受歡迎人物, 所以無謂出聲啫....:[/quote]
:lol [b]春有百花秋有月，
夏有涼風冬有雪；
若無閒事掛心頭，
便是人間好時節！[/b]
:rose:
;P brasco兄，一切所謂是是非非，閒事而已，那值掛心頭！
:lol 阿標話不如多講風花雪月，覓食尋歡，不負人間好時節！ :bow:
癲巴 2007-10-3 17:10
*** 作者被禁止或刪除 內容自動屏蔽 ***
利記 2007-10-3 17:20
[quote]原帖由 [i]何去何從[/i] 於 2007-10-2 22:04 發表
哩個同伴，[color=Blue]其實係當時既"男朋友"黎架[/color] !!
哩類既 backpack 旅行，去到邊先諗再去邊，去到邊食到邊，唔係人人喜歡，只係我哩個愛冒險又唔鍾意有限制既人，先會做哩d 傻事 !!!!
如果我選擇同朋 ... [/quote]
飛得好啦
去到一個陌生既地
都可以話走就走
都唔係男人黎:soldier::soldier::soldier:
billchan 2007-10-3 18:18
[quote]原帖由 [i]billchan[/i] 於 2007-10-3 03:14 發表
;P 講返用身體語言點菜，我想起有一次在東京銀座炸豬扒老店「練瓦亭」，明知豬扒有肥有瘦可分點的，但與女侍應言語不通，結果阿標先要站起來，再彎身「乙乙」兩聲，讓女侍明白阿標已變身為一隻豬，再以手刀虛切一塊肩肉給女伴，之後再切自己腩肉虛放自已碟上，幾經比劃，才令日本女侍明白我們要什麽，嘻嘻！ :lol [/quote]
:) 睇番呢段，忽然醒覺「練瓦亭」個「練」字似乎有錯，應該是「煉瓦亭」，是一間經常都要排隊等上成個鐘頭才能入座的歷史悠久老店，吃洋式炸豬扒，燒汁牛脷，蛋包飯等日本西餐！ 價錢以東京水準一點也不算貴， 地點頗方便就腳，阿標每到東京總心思思去排番一次隊！因為它的帶少少肥炸豬扒實在很好吃！:loveeyes: 牛脷是阿標的飛佛食物之一，惜此店的燒汁稍偏甜，不介意者亦可試試！:lol
:L 講起排隊，印象中，東京凡好吃的食店都差不多要排隊！ :(
billchan 2007-10-3 20:22
[quote]原帖由 [i]癲巴[/i] 於 2007-10-3 17:10 發表
受教, 受教!!~~~:bow: [/quote]
:bow: :bow: :bow: 不敢不敢， basco 兄面前，阿標豈敢言教，一時失言，折煞阿標了！ :saujai:
:handshake :handshake :handshake
何去何從 2007-10-3 22:53
[quote]原帖由 [i]billchan[/i] 於 2007-10-2 19:14 發表
若不是因為有倔強性格和脾氣作祟，怎會捨得由兩人旅行變成獨闖異鄉，連乘火車吃飯和投店都各自進行，哈哈，難明！難明 [/quote]
絕對係我既倔強性格問題 !! 接受唔到因小事又再一次被掉低 !!!:P:P
當係街撞番時，真係覺得，好唔底 !!! 我真係諗住係機場先會再見嘛 !!
就比我繼續 " 有性格" 落去啦 !! 亦都等我用行動證明，我都好多野都得既 !!
講番食，去到日本，見到唔少拉麵店已改用"自動販賣拉麵機"，要係個機到揀麵，粗幼&爽淋，湯底，等等，哩個"販賣機"，就真係搞到我都無晒辦法，見門不能入 !!
你係東京銀座炸豬扒老店「練瓦亭」，未食都笑飽左喇 !!! 有無留意到，你碟豬排好可能係大碟d 架 !!!
何去何從 2007-10-3 22:56
[quote]原帖由 [i]利記[/i] 於 2007-10-3 09:20 發表
飛得好啦
去到一個陌生既地
都可以話走就走
都唔係男人黎:soldier::soldier::soldier: [/quote]
當時我都係同你一樣咁諗架，有無搞錯呀
掉低我，所以我連"孤獨天書"都唔要，比番佢 !!!
:victory::victory::victory::victory::victory::victory::victory::victory:
癲巴 2007-10-4 00:45
*** 作者被禁止或刪除 內容自動屏蔽 ***
billchan 2007-10-4 02:56
[quote]原帖由 [i]癲巴[/i] 於 2007-10-4 00:45 發表
點會呢!??....:bow:
巴士其實好欣賞你與世無爭, 享樂人間�H態度. 反之, 我有太多無謂�H堅持, 又不懂禮貌. 所有結果都係自己一手做成.....:L
就連食嘢我都過份執著....
集團式, 連鎖式食肆唔食, 因為冇靈 ... [/quote]
:lookaround: :quiet: 靜靜話你聽，阿標處身的行業與歴來服務的公司機構，出晒名公認是殺戮森林，此間爭分奪秒，成王敗寇，朝夕爭功！ :burst: :oh: 阿標唔好彩地誤墮此間地獄多年，嘻嘻，而家卒之好彩地練就一套分身功夫！ :victory: 工作搏殺時是一個人，放下工作時卻變身成另一個人，分得清清楚楚，這兩個世界很小心很着意地不讓交叠！ ;P
:lol 嘻嘻，巴士兄看到我筆下「與世無爭， 享樂人間」的態度，其實這正正是我追求的理想和生活方式！ :afraid: 這個理想，我而家在工作時未能做得到，工餘時梗係希望掌握得到啦，嘻嘻，所以講到工餘吃喝玩樂，個人的嗜好的滿足，我一向都率性而為，十分積極和儘量投入架！:jump:
:) 阿標也認為食嘢有原則是大好事！ :verygood: 衹不過有時會麻煩朋友親人遷就而己！ 阿標自己這方面可能久經訓練，有個神仙肚，吃多吃少甚至不吃是一餐，吃好吃壞也是一餐，遷就食友亦從沒所謂，不過，嘻嘻，當有時間有機會 嚐新 或以美食獎勵自已時，一定為食不甘後人！:P
:$ 此乃為什麽 阿標成日都話 揾嘢食，做出一個咁為食形像的前因後果也！;P
:beer: 巴士兄，嗱，阿標已自揭底牌，講清楚自已其實是個苦哈哈，所以阿標若網上不變身做個開心人，專職求開心，又何苦尤來呢？ :givemefive: :handshake
:lol 阿標廢話講完，跟住又講番下食嘢先！ :jump:
billchan 2007-10-4 03:33
[quote]原帖由 [i]何去何從[/i] 於 2007-10-3 22:53 發表
絕對係我既倔強性格問題 !! 接受唔到因小事又再一次被掉低 !!!:P:P
當係街撞番時，真係覺得，好唔底 !!! 我真係諗住係機場先會再見嘛 !!
就比我繼續 " 有性格" 落去啦 !! 亦都等我用行動證明，我都好多野都得既 !![/quote]
;P 倔強硬頸人我都見過不少，好似你咁在異地揾呢樣嘢黎堅持證明自己真係 .... 嘻 ... 唔識形容嘞！ :verygood: 不過我有點不明白，你是被動的“被掉低”，還是半主動的“分道揚鑣”呢？:wondering: 前者如利記所言，是絕不能原諒的，不單是風度問題，更是男人要照顧女伴路上安全的責任問題！ :nono:
[quote]原帖由 [i]何去何從[/i] 於 2007-10-3 22:53 發表
你係東京銀座炸豬扒老店「練瓦亭」，未食都笑飽左喇 !!! 有無留意到，你碟豬排好可能係大碟d 架 !!! [/quote]
:lol 揾番其中一次未到 11:00 am 就到「煉瓦亭」門口等開門啲相出黎比你睇下，當日衹拍下店子和豬扒，其它食物原來無拍下：
[[i] 本帖最後由 billchan 於 2007-10-4 03:51 編輯 [/i]]
何去何從 2007-10-4 10:31
[quote]原帖由 [i]billchan[/i] 於 2007-10-3 19:33 發表
;P 倔強硬頸人我都見過不少，好似你咁在異地揾呢樣嘢黎堅持證明自己真係 .... 嘻 ... 唔識形容嘞！ :verygood: 不過我有點不明白，你是被動的“被掉低”，還是半主動的“分道揚鑣”呢？:wondering: 前者如 ... [/quote]
再好簡略講少少，當時係由 Marseille 去緊 Nice，火車途中因小事對方再話要同我"分道揚鑣"，但係咩事，我就真係唔記得喇，只記得係小事黎 !! 哩個旅程早係 Paris 時，我大約印象記得係言語之間既事，佢話要先改機票返香港，當時只係旅程既第一個星期，仲有兩個幾星期，我就覺得唔應該話走就走既，兩人一齊去旅行應該互相遷就下嘛，有咩野講清楚佢，唔好放係心裡，所以我決定羅出黎講清楚，大家都要多點體諒對方 !!! 而且，我都唔想咁樣就放棄左個 trip !! 到第二次對方再話要"分道揚鑣"既時候，我覺得，再接受唔到喇，並激起左我既倔強性格，到左 Nice 已好夜，是但找間酒店落腳，當晚大家都無講其他野，第二朝訓醒左 check out 大家就分開走 lu !!! 我有性格到，lonely planet 都唔要，比番佢 !!!:victory::victory::victory:
我鍾意日本既餐廳，佢地只係買一樣野，唔會太多選擇，只做好一道菜，就賣哩道菜，哩份堅持同執著，真係令到我地哩班為食鬼有口福喇 !! 以前我都唔太喜歡食炸物，不過試過日式炸豬排 & tempura 後，就真係愛上左喇 !! 不過，我仍堅持只食有質素既炸物，免得一口油膩感覺，倒胃口 !!
你相中既炸豬排，睇落唔油膩，又唔會炸到乾身，仲好似好鬆軟添，等我有機會下次日本試試先得 !!! :lol:lol:lol:lol:lol 仲有，見到有個汁，哩個汁係咪都係自家製架，味道係點架 !!
[[i] 本帖最後由 何去何從 於 2007-10-4 02:33 編輯 [/i]]
利記 2007-10-4 11:42
[quote]原帖由 [i]何去何從[/i] 於 2007-10-4 10:31 發表
再好簡略講少少，當時係由 Marseille 去緊 Nice，火車途中因小事對方再話要同我"分道揚鑣"，但係咩事，我就真係唔記得喇，只記得係小事黎 !! 哩個旅程早係 Paris 時，我大約印象記得係言語之間既事 ... [/quote]
我上次同佢去台灣
又係因為言語上既事而佢發皮氣
當時兩個人都臉左左,而佢就自己一個人行先
但我點都跟住佢後面行,唔係因為唔識路
而係出於男人點都要保護女人既心態
係陌生地方,如果有乜野事,點陪返個女比人呀!!!!
最多返到酒店先發爛炸:P:P:P;P
billchan 2007-10-4 12:13
[quote]原帖由 [i]利記[/i] 於 2007-10-4 11:42 發表
......我點都跟住佢後面行,唔係因為唔識路
而係出於男人點都要保護女人既心態
係陌生地方,如果有乜野事,點陪返個女比人呀!!!!
最多返到酒店先發爛炸 :P:P:P;P[/quote]
:verygood: :verygood: :verygood: 男兒好漢（ 講得唔好聽就是 大男人 :P ），有所必為！ :applause:
利記 2007-10-4 12:22
講返食先
我唔係咁鐘意食炸豬扒
我好怕一咬落去就成口油
其實近這幾年,已經對啲要炸既野興趣麻麻
:L :L :L :L
癲巴 2007-10-4 12:57
*** 作者被禁止或刪除 內容自動屏蔽 ***
billchan 2007-10-4 14:28
[quote]原帖由 [i]何去何從[/i] 於 2007-10-4 10:31 發表
再簡略講少少，當時係由........
我鍾意日本既餐廳，佢地只係買一樣野，唔會太多選擇，只做好一道菜，就賣哩道菜，哩份堅持同執著，真係令到我地哩班為食鬼有口福喇 !! 以前我都唔太喜歡食炸物，不過試過日式炸豬排 & tempura 後，就真係愛上左喇 !! 不過，我仍堅持只食有質素既炸物，免得一口油膩感覺，倒胃口 !!
你相中既炸豬排，睇落唔油膩，又唔會炸到乾身，仲好似好鬆軟添，等我有機會下次日本試試先得 !!! 仲有，見到有個汁，哩個汁係咪都係自家製架，味道係點架 !! [/quote]
:)
:lol 嘻嘻.....阿標聽過你的分道揚鑣故事和感慨，大概明白和知道你有多少倔強和執着了！:P :handshake
:) 講番煉瓦亭果個配炸豬扒醬汁，你果然好眼，確是他們的招牌賣點之一，味道不易形容，以之淋上白飯同吃啱啱好 :verygood:， 豬扒就不用淋太多，因為熱呼呼的豬扒本身已經有好好肉香味 :loveeyes:，你去食時可以試真下！ 呀，仲有佢地既燴牛脷都要試下，稍偏甜的燒燴汁其實都不錯！ :beer:
;P 剛剛又找到另一次去東京的煉瓦亭照片，真係好多好多人排隊㗎 ...... :L
billchan 2007-10-4 15:14
[quote]原帖由 [i]何去何從[/i] 於 2007-10-4 10:31 發表
...... 我鍾意日本既餐廳，佢地只係買一樣野，唔會太多選擇，只做好一道菜，就賣哩道菜，哩份堅持同執著，真係令到我地哩班為食鬼有口福喇 !! 以前我都唔太喜歡食炸物，不過試過日式炸豬排 & tempura 後，就真係愛上左喇 !! 不過，我仍堅持只食有質素既炸物，免得一口油膩感覺，倒胃口 !!
... [/quote]
:verygood: 一語中的！阿標十分同意，出色又成功的日本既餐廳，很多只係誠意地做好一道菜，再好好地賣這道菜！ :givemefive:
:P 嘻嘻，原來你也鍾意好食的 tempura，我曾在東京找到和食過一些相當好而特別的 tempura，有機會再分享下！ :lol
kenzo1111 2007-10-4 22:22
[quote]原帖由 [i]何去何從[/i] 於 2007-10-4 10:31 發表
再好簡略講少少，當時係由 Marseille 去緊 Nice，火車途中因小事對方再話要同我"分道揚鑣"，但係咩事，我就真係唔記得喇，只記得係小事黎 !! 哩個旅程早係 Paris 時，我大約印象記得係言語之間既事 ... [/quote]
好一個揚眉女子!! 大家下次wine gathering 我們誠邀妳出席
日本餐廳 我都好認同, 所以我到日本甚少去個d 類似 笑笑 的居食屋!!
何去何從 2007-10-4 22:36
[quote]原帖由 [i]利記[/i] 於 2007-10-4 03:42 發表
我上次同佢去台灣
又係因為言語上既事而佢發皮氣
當時兩個人都臉左左,而佢就自己一個人行先
但我點都跟住佢後面行,唔係因為唔識路
而係出於男人點都要保護女人既心態
係陌生地方,如果有乜野事,點陪返個女比人呀!!!!
最多返到酒店先發爛炸 [/quote]
咁哩d 情況，男仔又真係要蝕底少少既
不過，同自己愛既人出 trip，都係盡量以"開心"為先
咁盡量去 enjoy 每一刻，就下對方，比佢咋下嬌，
都係情趣黎既 !!
再講，真係發生事，就大家都唔想喇
男仔，係哩d 情況真係唔好為啖氣掉低女仔呀 !!!
所以你既做法真係好岩，好理智架 !!!
何去何從 2007-10-4 22:39
[quote]原帖由 [i]利記[/i] 於 2007-10-4 04:22 發表
講返食先
我唔係咁鐘意食炸豬扒
我好怕一咬落去就成口油
其實近這幾年,已經對啲要炸既野興趣麻麻
:L :L :L :L [/quote]
做得好既炸物，係唔會食到你成口油架
試過好既，你會改觀
頁:
1
[2]
3
4
5
6
7
8
9
10
11