runaway 2007-10-10 18:24
我睇咗[色戎]
昨日收工之前,剛剛收到老友電話,佢話有[色戎]戲飛,問我有冇興趣睇, well仲使問?…就算係晚上21:55開場一樣照去, 最多瞓少2個鐘….
睇完之後, 第1感覺係哈…加多3場床戲就直情係一套4仔,做愛[像]真度直逼[情慾九歌]9 songs. 仲要係由高貴既梁公子親自落手落腳,實在太感人啦. 由男人角度湯唯身材就真麻麻, 不過湯小姐既戲真係一d都唔差. 夠盡夠放,又真係睇到有戲交流. 非一般咸片可以比較.
故事方面,張愛玲既原著就未睇過, 不過故事直線發展又枝葉少,講真有少少悶.當場事後回想覺得部戲唔多唔少同彭浩翔既[AV]都有共通之處,兩部戲又係大學生為理想同自己而去[造D野].兩部戲又係咸咸地…
不過我本人最欣賞係演員既演技同場面既設計(主要係講美術同氣氛安排). 更加佩服導演對選題材既眼光獨到. 對唔同種片既發揮都掌握很好. 呢樣野先至難, 你睇吓叫陳木勝拍愛情片,爾冬陞,林嶺東拍笑片,相信佢地成績都麻麻地…所以於此更感李安果然利害.
總括…有時間都應該入場睇
KidHung 2007-10-10 23:52
好似幾好睇喎．．．不過仲未約人去睇
有時寧願要ｖｃｄ／ｄｖｄ仲好
威廉泰爾2 2007-10-11 09:04
呢套戲特色是大製，但卻不炫耀成本。
戲中有很多大場面，如上海百姓過關卡和輪米，街上封路，主角在香港和上海乘電車等，相信用上不少成本，但卻在戲中只怱怱一過，相反，幾場床上戲和打牌卻佔了很長時間，但只是普通佈景。
所以我說李安是花錢而不炫耀。
威廉泰爾2 2007-10-11 09:33
對很多女觀眾而言，相信是第一部觀看的三仔。
這是一齣好電影，這句話是沒有人反對，但有沒有必要用三級手法去拍攝呢？幾段床上戲是必須嗎？我認為連李安也知道是可以剪去大部份的床上戲，只有兩段不能剪。
一段是王佳芝為了有性經驗和同學上床，這段是一點也不能剪的，否則影響故事的感受力，而李安亦知道，為了廣大的中國大陸市場，所以這段戲沒有裸露，相信可以完全通關。
另一段是易先生第一次和王佳芝上床，便用皮帶打她，這也是反映出王佳芝之痛苦，而這段戲只需剪三兩鏡頭便可過關，因為導演李安在這段戲上沒有要王佳芝和易先生脫衣，只是做動作而矣。
但另外兩場床上戲卻可有可無，因為王佳芝事後亦向特務頭子說出和易做愛的痛苦感受。
李安有需要把色戒拍成三級嗎？
Doer 2007-10-11 11:43
有關呢套戲的評論，最近真的很多，所以呢版等到今天才有評論，證明大家都非趁墟之輩
呢套戲係好係唔好，個人意見啦，我就非常喜歡，覺得場面好好看
無論三場床戲大家喜歡不喜歡，但有一點我非常非常肯定，DVD出來後，99%的朋友一定會在第三場床戲善用Pause和慢鏡功能，看清楚"蛋蛋"和"活塞動作"的真假．
好奇之心人皆有之，導演計算準確
runaway 2007-10-11 12:59
唉...成日聽人一講呢部戲就quote陶傑的說話, 又話有幾多層次,又乜乜物物...聽得多都悶啦...
whisky 2007-10-11 14:29
*** 作者被禁止或刪除 內容自動屏蔽 ***
Doer 2007-10-11 16:07
[quote]原帖由 [i]whisky[/i] 於 2007-10-11 06:29 發表
兩個半鐘
真係好長
可憐王佳芝自作多情
如果個個係咁
就無美人計
易先生送鑽石
只表示佢有錢 [/quote]
如果要我想像，現在的中國女人仲有人愛國愛到將自己個"處"犧牲出去(仲係無錢收)...............咁我寧願相信中國實在仲有太多獻媚外國人，折磨同胞的易先生！
威廉泰爾2 2007-10-12 10:20
[quote]原帖由 [i]Doer[/i] 於 2007-10-11 11:43 發表
有關呢套戲的評論，最近真的很多，所以呢版等到今天才有評論，證明大家都非趁墟之輩
呢套戲係好係唔好，個人意見啦，我就非常喜歡，覺得場面好好看
無論三場床戲大家喜歡不喜歡，但有一點我非常非常肯定，D ... [/quote]
究竟呢部電影可否挑戰奧斯卡獎項呢？梁朝偉會不會是第一個華人影帝？湯唯能不能做影后就不知，但中港台的最佳新人就一定佢(才羅)曬。
如果呢部戲是 2B 級，我相信更能成為經典，在記憶中只有秋天定的童話可以比美本片。
yyccoliver 2007-10-12 13:37
戲的後半部演譯得很急。但整體重不錯。這部戲亦可能使很多衛道之士去捧場。
whisky 2007-10-12 15:43
*** 作者被禁止或刪除 內容自動屏蔽 ***
Doer 2007-10-12 17:28
[quote]原帖由 [i]威廉泰爾2[/i] 於 2007-10-12 02:20 發表
究竟呢部電影可否挑戰奧斯卡獎項呢？梁朝偉會不會是第一個華人影帝？湯唯能不能做影后就不知，但中港台的最佳新人就一定佢(才羅)曬。
如果呢部戲是 2B 級，我相信更能成為經典，在記憶中只有秋天定的童話可以 ... [/quote]
金像獎就囉硬，Oscar...難說
火山孝子 2007-10-12 17:51
[quote]原帖由 [i]Doer[/i] 於 2007-10-11 16:07 發表
如果要我想像，現在的中國女人仲有人愛國愛到將自己個"處"犧牲出去(仲係無錢收)...............咁我寧願相信中國實在仲有太多獻媚外國人，折磨同胞的易先生！ [/quote]
Doer兄此言可能同李導演想要表達的意思差不遠矣!
我比較愛看戲中那幾分隱隱透出的喻意 : "中國人最擅長窩裡鬥"
即使時代不是放在抗戰時期,而是火紅年代或改革時代,甚至今時今日,
每天在大地上仍是會發生差不多的事情!
只不過代表極權的可能不是軍國政府,而漢奸所媚的不是外國人而已!
李安彈此調的確是很拿手,玉嬌龍的縱情放任與王佳芝的一腔熱血自作多情,放到李導演手中都能拍得令人既咬牙切齒卻又悲傷動容!
同意runaway兄所言.多樣化的演員已很難求,多樣化的導演更是不可多得!
香港真的比較少!
我反而想知道那些香港的官員們在發那些馬後炮式的獲獎賀電時,會不會仍然以為李安是香港人?
[[i] 本帖最後由 火山孝子 於 2007-10-12 18:13 編輯 [/i]]
Doer 2007-10-13 13:56
[quote]原帖由 [i]火山孝子[/i] 於 2007-10-12 09:51 發表
Doer兄此言可能同李導演想要表達的意思差不遠矣!
我比較愛看戲中那幾分隱隱透出的喻意 : "中國人最擅長窩裡鬥"
即使時代不是放在抗戰時期,而是火紅年代或改革時代,甚至今時今日,
每天在大地 ... [/quote]
官員們最擅長的思維是：
有好野時，"作為中國人的一份子，我地好驕傲地分享民族的榮譽"
有衰野時，"這是個別地區的特殊情況，特區政府同他們是完全劃清界線的"
中國人最擅長窩里鬥，因為，我們對於劃清界線，是非常在行的，統一了戰線，就什麼都好辦，"你什麼不好做？去做漢奸的走狗？"於是名正言順地隊死錢嘉樂；判決，永遠比處決可怕。
鐡軍 2007-10-13 18:12
今日睇左,都ok,個女主角真係唔靚,不過扮起上黎都有d味道,梁朝偉皮膚好似差左d,除左d紋仲好多粒粒,不過佢d身材估唔到幾fit噃,有腹肌
個故事其實都唔係d新意,以前有套一代情x畢斯好似都係差唔多,2個半鐘算唔悶,好多內心戲,梁朝偉走出珠寶店果幕幾好笑
幾幕情"肉"戲真既一樣,唔會係真do掛......
威廉泰爾2 2007-10-13 22:00
我相信女主角換上舒琪或者章子怡會更---------------------差。
湯唯有一種古典味，況且，章子怡都唔會同你埋身肉博。舒琪就老0左 D ，我寧願搵--------吳倩蓮。
如果女角是吳倩蓮，男角湯先生會唔會改為------------？
王力宏一角會唔會改為郭天王呢？
imagine79 2007-10-13 22:52
呵呵，看来有必要去看看这部
altazimuth 2007-10-14 22:01
我都想睇, 聽d睇完既朋友講好似真係幾好睇, 但係依家冇人陪, 一個人去戲院睇戲又好似怪怪咁 (雖然睇緊戲既時候唔會同人交流), 所以都係等出碟再睇啦...
無神論狂徒 2007-10-14 23:29
唔好睇！
今日睇咗。
ｄ床上戲冇必要拍得咁入骨，大玩不同體位，對打正旗號的咸片，佢未夠班，冇抽插大特寫，冇淫水狂射，到侯唔到肺，但以藝術片看，佢又唔藝術。有賣弄色情的意味。係一套藝術包裝的咸片。
而且女角的行為有違正常人的思想。無端同個同學上床狂仆嘢，就係為了要性經驗。如果佢地有心色誘易氏，再殺之，只要誘之上床即可，冇必要真係仆嘢。再講以一個普通女仔，咁重感情，加上幕末不忍心殺易氏而爆響口，可見重情，以重情的個性，冇可能一開始會把第一次交給一個不喜歡的人。而且人地叫佢做乜就做乜，戇居居，唔合常理。
李安想把女角的心理世界描寫出來，如可由性產生愛，對易氏如何做愛做出真愛，但係落墨少，亦可能女角演不出來。
總括係一套入門級的四仔。以藝術包裝的入門級咸片。咸唔夠咸，動作唔夠激，血腥又冇乜，人物心理描寫敗筆，冇一可取。
[[i] 本帖最後由 無神論狂徒 於 2007-10-14 15:33 編輯 [/i]]
威廉泰爾2 2007-10-15 00:18
我又唔同意你所講，時下年青人好多戇居居，班大學生一腔熱情，但戇居居的今日都有，何況當時用國家民族壓落0黎！
不過你形容果 D 三仔動作我都覺得冇需要，可能我地見過大場面，但果 D 女觀眾見到已經-------紅都面曬。
李安計算精密，叫好叫座叫埋胡 (獎)，崔咩？
Doer 2007-10-15 10:49
今時今日，一個導演要拍一套好電影，向所有人都交差到，有兩樣野：
1. 這電影有人買票去看
2. 這電影能引起話題，討論，關注
我係老闆，以後李導演話拍乜話駛幾多錢，都無問題
princess_f 2007-10-16 20:42
好像有點賣弄色情wor...
altazimuth 2007-10-19 11:51
色情唔色情, 我未睇唔敢講...
不過話我知套戲好好睇既係我一個女性朋友, 見佢睇完好似好多感受咁, 重成日沉溺喺套戲既劇情入面, 不過佢就冇提過d情慾戲...
btw, 睇戲觀感其實好主觀, 你抱咩心情睇, focus左套戲邊部分劇情, 觀感可能差好遠, 你見有d朋友咁鍾意王家衛, 有d又鬧到佢一文不值就知啦...(好似有d離題...haha)
anyway, 套戲出左碟我就好有興趣睇, 到時再分享下
Bow-wow 2007-10-19 16:15
*** 作者被禁止或刪除 內容自動屏蔽 ***
hot8888 2007-10-19 18:22
真的不錯
從斷背山到色戒,李安都能說出動人的故事
birdy543838 2007-10-21 23:49
套戲係香港講廣東話 or 普通話 ?!!
火山孝子 2007-10-24 04:06
唉,如果連<色|戒>都可以話係一無可取的話, 咁我諗你以後都係唔好睇華語電影囉!
推薦你去睇<弊傢伙搞大o左>啦,合情理好多,仲有鬼妹做o添,應該o岩你睇!
至於求其打句"好似有點賣弄色情"果位,就建議你連<性本善>都千祈唔好睇囉,費事嚇你一跳啦!
題外話,其實一直都有宗教團體響套戲未上畫之前就開始不斷呼籲話要杯葛套電影,叫人唔好睇,話係賣弄色情,我覺得係一個訓練思考的良好教材 理由係:
佢無睇過,點知佢賣弄色情? 如果睇過,咁點杯葛法呢又?
即係等於響膠袋上面印"請停止濫用膠袋"一樣咁荒謬!
自相矛盾的最佳示範!
ah_chong 2007-10-24 15:38
故事其實好簡單，但要賣座又攞獎，性愛同血惺既感官刺激就梗係唔少得。奇怪冇人講殺錢家樂嗰幕，駛唔駛插咁多刀，由前面插到去後面，"琭"咗落樓梯重要扭甩佢條頸，就好似梁朝偉插湯唯一樣，前後左右，重要玩埋 SM 添。:loveeyes:
起用新人做女主角亦不冇道理，一線呀姐固然會錫身，艷星又攪 Cheap 晒。有影帝肯全裸，號召力響番晒度，我後面就坐咗 6、7 個 C9，可以放胆入場。(睇嗰陣突然想起"情人"裏面既梁家煇)。不過湯唯確有演技，經過今次赤裸洗禮，他日還有什麼角色難倒她？唔知佢真人係咪精通國、粵、上海同英語呢？:verygood:
最欣嘗嗰幕係暗殺事敗後，女主角行出街嗰種後悔、冇助、不知所措，令人担心既情景。
色情定藝術？睇吓邊個係導演同主角囉！係咁㗎啦！:lol
[[i] 本帖最後由 ah_chong 於 2007-10-24 15:40 編輯 [/i]]
無神論狂徒 2007-10-25 20:24
就係睇咗先知係賣弄色情，再扺制套戲，冇問題丫。我真係睇唔到有乜嘢問題。
前面有個窿，你睇唔到，跌咗落去先知有個窿，先大罵點解有個窿。好合情理丫。冇自相矛盾呀？！
宗教團體單嘢，我就唔知咁多咯。
我只係唔妥佢藝術包裝，實際係一套咸片。一係要拍咸片，就去盡佢，擺明車馬拍套咸片，硬砌喪仆。我唔怪佢。佢有太多位，實在冇必要拍得咁入骨，湯唯的感情矛盾，本來很好描寫，但冇乜落墨。全片亦唔係咁合情理啫。可能有人受唔著正路咸片的低俗或刺激，但又想睇咸片，呢套的確不錯。取到咸片與藝術的平衡。咸得來不落俗套。咸片骨幹藝術外表，的確有其市場賣點。
Anyway人人觀點不同。
火山孝子 2007-10-26 00:25
我其實都覺得套戲有唔妥,不過無影響到主線,例如點解殺個漢奸會咁難?
最後去買鑽石,響間舖度,真係想殺佢王佳芝自己袋把槍去咪搞掂囉,之前都有講到訓練佢開槍.....??
唯一勉強解釋可以話係佢地唔想犧牲王佳芝,因為殺人容易脫身難!
如果你仍然覺得李安係擺明車馬拍咸片的話,就唔怪得你有咁o既評論!
成套戲都係講緊王佳芝的感情矛盾,仲叫無乜落墨?唔通真係要畫公仔畫出腸?
唔用對白講就睇唔到?
如果你有留心應該會分別到三場床戲中男女主角的情感發展階段係有層次的,兼且三段床戲之間的文戲亦明顯會發現到王佳芝的掙扎與矛盾!
王佳芝是一個極度渴望愛的女人,母親已逝,父親離棄她,傾心的男同學卻是個無膽入情關的呆子,聲嘶力竭在喊不可以讓她受傷害卻要求她再次親近敵人兼出賣感情,出賣肉體!王佳芝在最後階段已對鄺裕民徹底失望!
她回到上海已經是一個飄泊無依的人,唯一靠回學校唸日文教的書去勉強找回一些生存目的,呢樣女主角已親口講埋出來!
再去親近易先生令她有一種重新復活的感覺!
到最後她不是因為看見那隻巨鑽戒指而動心,而是她發現自己的真愛已給了易先生,而她也相信易先生是真心愛她的!所以她不想易先生死!
她發現自己只能在麥太太的角色中與及易先生的戲假情真中才找到存在的意義與及情感的依歸!
唱<天涯歌女>一段是全套戲最精采的地方,原小說是沒有的,李安的這個刻意安排就是要觀眾看明白!
在那一刻,王佳芝是在向易先生表白,而易先生仍深會其意! 留心下歌詞,留心下男女角的表情眼神動作,當會明白其中深意!
最後我仍然唔明點解你會覺得套戲係咸片囉,我同所有睇過的朋友傾套戲,都無人覺得幾場床戲係多餘喎!仲有好多人能體會到李安果份功力,同他想表達的意思!
或者可能性愛對中國人來說仍然係一個千年不改的禁忌,可以做卻不可以談!
[[i] 本帖最後由 火山孝子 於 2007-10-26 00:29 編輯 [/i]]
ah_chong 2007-10-26 12:36
最討厭老吳(?)燒王佳芝寫俾佢爸爸封信，除咗加多女主角幾分同情心之外，對故事有乜作用？原注有無㗎？:wondering:
火山孝子 2007-10-26 13:28
老吳一角在原著中是有的!
其實原著只有萬多字,場景只有王佳芝在咖啡廳等易先生,用廣東話打電話,上車後再折返珠寶店......最後說[快走]兩個字....其他全部是借用王佳芝的回憶加上內心描寫來帶出來龍去脈!
至於戲中燒信一幕,是說明了老吳根本不在乎王佳芝的生死,他答應任務完成後送王佳芝到英國全部都是空話!
其實到全片最後已清楚表達了利用王佳芝的所謂上頭組織,根本也是政治鬥爭中的一群,王佳芝不過是工具......而老吳和易先生一樣,都是很怕死......他那番慷慨激昂的陳詞,其實只不過在掩飾他內心的恐懼而已!
在看這套戲的時候,請牢記背景時代!這一代的中國人已很少看得明白,更遑論長處太平盛世的香港人,全套戲要強調的是活在亂世,其實每個人都是活在可怕的恐懼當中!
男女主角都是在雙方的一份愛中才能釋放長時間的壓抑與恐懼,大家都不知道有沒有明天,但相愛相擁的一刻卻是真實而永恒..懂嗎?
王佳芝愛上易先生不是盲目的,除了一點點在情慾的迷失外,試想一下一個在亂世中的孤女,不過廿歲出頭,但卻得到了一個男人的所有愛,而背後利用她,叫她去做所謂正義的事的人,其實一點都不關心她.....茫茫天地,大家都活在一個隨時沒有明天的日子,惟有沉澱在易先生的愛中,王佳芝才覺得自己是活著........
我就覺得作為一個觀眾,我已被這套電影深深感動!
有時看電影真的很講感覺!
Doer 2007-10-26 16:27
[quote]原帖由 [i]火山孝子[/i] 於 2007-10-26 05:28 發表
老吳一角在原著中是有的!
其實原著只有萬多字,場景只有王佳芝在咖啡廳等易先生,用廣東話打電話,上車後再折返珠寶店......最後說兩個字....其他全部是借用王佳芝的回憶加上內心描寫來帶出來龍去脈!
至於戲中 ... [/quote]
版主...........好厲害！好欣賞你！！！:verygood::verygood::verygood:
dizzc 2007-10-26 16:32
[quote]原帖由 [i]Doer[/i] 於 2007-10-26 16:27 發表
版主...........好厲害！好欣賞你！！！:verygood::verygood::verygood: [/quote]
要求佢睇過既戲都要寫:verygood::verygood::verygood::verygood::verygood:
火山孝子 2007-10-26 18:41
兩位言重了!我不過是一個喜歡用文字去寫電影看後感的人而已!
至於話看過的電影都寫番一篇真係考到我,因為忙於為口奔馳,我已甚少時間上網,一個月都唔知有無一兩日可以正正經經坐響度上到網......
所以唯有揀來寫下囉,我份人又衰長氣,一係唔寫,一寫就寫到交稿咁,因為我對文字比較執著,同埋我寫得既一定係好感動到我的電影......
戲係睇唔少不過有時一些普普通通不過不失的,如果剩係寫幾句好睇唔好睇又好似好行咁.....
我比較偏向於寫解讀電影一類的影評....
電影旺季即將來臨,睇排期都有唔少大製作,星爺都聽講係聖誕回歸,希望到時多幾套好片大家再討論過啦!:D:D:D
dizzc 2007-10-27 02:23
[quote]原帖由 [i]火山孝子[/i] 於 2007-10-26 18:41 發表
兩位言重了!我不過是一個喜歡用文字去寫電影看後感的人而已!
至於話看過的電影都寫番一篇真係考到我,因為忙於為口奔馳,我已甚少時間上網,一個月都唔知有無一兩日可以正正經經坐響度上到網......
所以唯有揀 ... [/quote]
呢套真係幾好, 但係有你一RUNAWAY同KENNY, 我都唔敢講咩.....
打一篇時間有限, 又唔一定要新戲既, 但係你打既野, 我真係學到野....都係果句, 寫多D啦
[[i] 本帖最後由 dizzc 於 2007-10-27 02:25 編輯 [/i]]
快過風 2007-10-29 04:53
其實我覺得o個三場戲係一個好聰明嘅做法.(自己意見)
因為o個三場已經可以描述到佢地嘅轉變. 如果要用劇情交代可能要用多好多時間.
同埋我會當呢套係愛情片睇. 不過發生o係兩個不能相爰o既人身上.
不過我都係覺得再長d會好d...
cars0120 2007-10-30 00:16
我很喜歡湯唯的演技
真的是以新生代來說演的很好
很希望能多得一點獎
色戒.....真的是蠻有感觸的片子
呵呵讚拉...........
ycrdc 2007-10-30 08:40
非常喜歡，覺得場面好好看
ah_chong 2007-10-31 09:45
[quote]原帖由 [i]火山孝子[/i] 於 2007-10-26 18:41 發表
兩位言重了!我不過是一個喜歡用文字去寫電影看後感的人而已!
至於話看過的電影都寫番一篇真係考到我,因為忙於為口奔馳,我已甚少時間上網,一個月都唔知有無一兩日可以正正經經坐響度上到網......
所以唯有揀 ... [/quote]
唔好介意，除咗長氣之外，你亦有多少老氣橫秋。其實睇戲都係想 relax 吓，無須太認真！:beer:
火山孝子 2007-10-31 11:23
[quote]原帖由 [i]ah_chong[/i] 於 2007-10-31 09:45 發表
唔好介意，除咗長氣之外，你亦有多少老氣橫秋。其實睇戲都係想 relax 吓，無須太認真！:beer: [/quote]
Doer & Dizzc, 你們現在應該明白為什麼我已很少在這裡寫東西了!
什麼才叫做太認真呢?
都話左香港人的娛樂只有一種就係笑,睇完部片仲要人諗野簡直就係虐待.....平時返工仲唔夠辛苦呀!
唔怪得我睇<色戒>時有班師奶響後排由頭笑到落尾,睇慣tvb電視劇的人...不只被洗腦,直情係成個腦被切除左.......
[[i] 本帖最後由 火山孝子 於 2007-10-31 11:24 編輯 [/i]]
DKXO 2007-11-1 07:04
[quote]原帖由 [i]火山孝子[/i] 於 2007-10-31 11:23 發表
Doer & Dizzc, 你們現在應該明白為什麼我已很少在這裡寫東西了!
什麼才叫做太認真呢?
都話左香港人的娛樂只有一種就係笑,睇完部片仲要人諗野簡直就係虐待.....平時返工仲唔夠辛苦呀!
唔怪得我睇 ... [/quote]
每個人睇戲既動機都不同, 大部份係求娛樂輕鬆, 有的係溝女, 有的無聊過日神, 有的就好似你咁. 邊個對邊個錯?
就算" 班師奶響後排由頭笑到落尾" 何必攻擊話"睇慣tvb電視劇的人...不只被洗腦,直情係成個腦被切除左......."
你唔止太認真, 重係太小器.
又話如露亦如電, 卻又咁執著, 可見你都係得個講字.
[[i] 本帖最後由 DKXO 於 2007-11-1 07:05 編輯 [/i]]
runaway 2007-11-1 11:42
對唔住, 我真係一向睇低而家既電視劇捧場客....小弟好成功有7年未追過無記既任何劇集...此乃本人之偏見...
kenny01 2007-11-1 15:58
[quote]原帖由 [i]DKXO[/i] 於 2007-11-1 07:04 發表
每個人睇戲既動機都不同, 大部份係求娛樂輕鬆, 有的係溝女, 有的無聊過日神, 有的就好似你咁. 邊個對邊個錯?
就算" 班師奶響後排由頭笑到落尾" 何必攻擊話"睇慣tvb電視劇的人...不只被洗腦 ... [/quote]
我就出曬名喜歡睇娛樂片既
王晶導演既戲我諗我都睇左九成以上
但我從來沒有說睇戲為娛樂0者,唔駛想太多,因為妳的心只為娛樂,那不用花心機時間看電影評論,更不用回應
回應得既,就係對電影有所感覺既,既然有感覺,又何來娛樂0者...駛乜諗咁多呢
Doer 2007-11-1 18:41
It is so hard to please everybody.
發表文章，張貼留言，最重要是自己滿足，發表了，舒一口氣，在網上這個小小空間，表達一下小小的自己一些小小的意見！
網上這個平台，你愛說甚麼都可以，反正又沒有甚麼人可以管你，大家你又吹下，我又吹下，有咩所謂？
最記得霍金來香港演講，個個去追捧，點知人地一講，嘩，根本個個都聽唔明！大佬人地講天體物理學，我地最多只懂得問他究竟有無比個老婆虐待！
連大師都係咁，我地，唉，算咩阿？！一想到，我自己，在世界上其實低微到連粒豆不如，就會明白，挑！咁撚緊張做咩阿！
這個平台，可愛阿！
dizzc 2007-11-1 23:11
[quote]原帖由 [i]Doer[/i] 於 2007-11-1 18:41 發表
It is so hard to please everybody.
發表文章，張貼留言，最重要是自己滿足，發表了，舒一口氣，在網上這個小小空間，表達一下小小的自己一些小小的意見！
網上這個平台，你愛說甚麼都可以，反正又沒有甚麼 ... [/quote]
DOER大哥你又真係回得幾正.......:bow::bow::bow::bow::bow:
威尼斯係咪又有新野開, 你又有排忙啦
kenny01 2007-11-2 12:22
[quote]原帖由 [i]Doer[/i] 於 2007-11-1 18:41 發表
It is so hard to please everybody.
發表文章，張貼留言，最重要是自己滿足，發表了，舒一口氣，在網上這個小小空間，表達一下小小的自己一些小小的意見！
網上這個平台，你愛說甚麼都可以，反正又沒有甚麼 ... [/quote]
所以我說凡事都是相對的
霍金來港,慕名而來的多
但真的對天文科學有認識的
難道沒有人在嗎
大部份人聽不懂,不等於全場的人不懂
這幾個post我看到的是
有人在這個話題內
表逹了個人對這部電影的深層意見
奇怪的是有另一班人說,為什麼要說得深奧呢,就等於對霍金說,那為什麼要有無邊界學說,了解宇宙不過為左考會考之嘛一樣
為什麼我沒有對這電影在評語,因為我從電影中了解不了李安,我個人評語...他是一個說故事高手,尤其是在沒有起承轉合的片中...小一點功力就會變得沉悶
街場仔 2007-11-26 02:29
睇左~~ok既
60分~~有的悶~
頁:
[1]