fgkuyg 2007-10-27 17:25
一個理想男朋友
我想要個男朋友打風落雨唔會走學業品行都優秀一定要識打籃球坐過山車唔會嘔最好識得翻筋斗打遍天下無敵手唔可以有勇無謀如果賤格又下流第一個就叮你走 英俊外表佢要有得意過山下智久幽默過史提芬周唔好太肥或太瘦格肋底唔可以臭牙縫裡面冇污垢腹肌起碼要六舊仲要高我一個頭聲線就要夠溫柔性格一定要憨厚老老實實唔怕醜彈琴畫畫吉他手才華洋溢多人吼唔撈偏門做小偷最緊要係家底厚要住洋樓養番狗首富要係佢老豆仲識得未雨綢繆打跛腳都唔洗憂年薪百萬都唔夠每年要帶我遊埠手信唔要鎖匙扣 要識體諒同遷就打極佢都唔還手點激佢都唔易嬲大大方方唔記仇唔會成日講粗口去完廁所會洗手食完榴槤會漱口鹹書全部要沒收唔會食煙同飲酒講大話實要斬首唔要做甩繩馬騮懂得放時就要收如果見到女就溝我就扭甩你個頭 大時大節的時候要請晒親戚朋友熱熱鬧鬧上酒樓擺番三四十圍酒大排延席食個夠到左約會的時候扮靚遲左出門口你就要耐心等候咪想亂咁搵藉口扮哂肚痛想早走我一定唔會接受行完街街玩到夠仲要送我番上樓每日打電話問候廿四小時無得抖要當正我係皇后 以上種種的要求勁過玩死男朋友睇完聽完哂之後係咪想打九九九我知我好大想頭千祈咪比我嚇走其實無須大成就幸福一世咩都夠就算你有幾兜? 我都愛你到最後
badboy888 2007-10-28 12:27
hahahahaha
funny. thanks