szetokm 2007-11-21 23:39
給泛民一些善意批評 (三)
做政治冇得錫身, 錫身就唔好做政治!
泛民唔係有好多政治明星嗎? 當何俊仁或者梁耀忠都有參加區議會時, 點解余大狀等人卻如此錫身, 唔落場打埋一份呢?
公道講句, 現時四百個直選區議員中, 不論係民主派或親政府派, 都有唔少懶鬼, 選舉先出現的大有人在. 點解余大狀等人唔空降落去一些親政府派的懶鬼的選區呢? 只要小心選擇, 那些政治明星沒有落敗的可能性.
可能你會話, 那些政治明星的立法會工作很忙, 不能兼顧區議會的工作. 其實我認為他們當選區議員後, 區議會亦有津貼, 他們大可以用來聘請一些助理去打理區內事務, 然後下一屆就順利成章交棒給這個接班人.
民主派唔係成日話冇資源? 第二梯隊亦沒有上位空間嗎? 點解唔用呢個方法呢?