sheepstreet 2007-12-8 01:20
天堂口
之前唔知有無人講過，我search唔到，當無。
啱啱睇完vcd....預咗老套，點知唔止老套咁簡單。
人多但無咩劇力，有組織，無目的。
劉曄細佬個角色其實同吳彥祖有相當重覆，可以刪去。
mark，殺大佬唔係為權為利，只係為個女人，超，咁佢兩個(同舒琪)著草咪得囉...隊孫紅雷做咩啫....
孫紅雷個角色又無咩刻劃，(基本上每個角色都好表面/樣版/總之上海灘/尋金夢/冒險家樂園)，佢做咩生意咁巴閉？無講，成套戲只係不停由其他人口中講佢好巴閉，唔可以得罪。但畫面所見佢只有日日係自己間夜總會坐。
劉曄又唔知做咩，唔死得咪算囉，打死自己個細佬做咩？叫人打死舒琪又為咩？劇本好似寫唔到最後場戲所以夾硬搞d場面出嚟咁....咁不如劉曄受命隊mark時，就打死咗舒琪，而mark又打死咗劉曄細佬咪得囉，搞咁多又返鄉下做咩啫.....
講開間夜總會，成套戲又無咩景，五隻手指可能真係數得出。
槍戰場面...嘩...70年代? 我唔係講個時代背景....係佢的拍攝手法....老土到你唔信...尾場有幾個嘍囉，死的方法真係hea到哩...畫面得一個嘍囉，拔槍，指向前方，中槍，死。第二個，重覆一次。第三個再嚟。唔知以為自己睇緊"危險人物"之類玩嘢作品。
用的明星唔係少，但拍到咁.....
runaway 2007-12-10 12:15
江湖上有更多有關此戲既八卦新聞,簡直令人不能相信之處,
1.部戲個監製,掛名係吳宇森同張家振, 當然大家都知吳大導係淨收錢出個名就算, 張大監製20年冇出過手, 國內又唔熟, 竟然搵左前港姐楊雪儀做執行監制...勁呀, 一個唔熟另一個直情唔識...加上仲用國內全新導演...
2. 有個台灣老細,因為熱愛電影,之前投資一部台灣出品既恐怖片都比左成二千幾萬港元,今次因為慕吳大導之名,出左4千幾5千萬既投資...呢部戲用左幾多料.行內人心知肚明, 總之事後有唔少人買屋買田買樓買車....更大鑊係呢個老闆又係出錢搞[赤壁], 呢次先叫重創....
一街都係賊,東南亞電影真落後...
sheepstreet 2007-12-10 21:34
[quote]原帖由 [i]runaway[/i] 於 2007-12-10 04:15 發表
2. 有個台灣老細,因為熱愛電影,之前投資一部台灣出品既恐怖片都比左成二千幾萬港元,今次因為慕吳大導之名,出左4千幾5千萬既投資...呢部戲用左幾多料.行內人心知肚明, 總之事後有唔少人買屋買田買樓買車....更大鑊係呢個老闆又係出錢搞[赤壁], 呢次先叫重創....[/quote]
正喎....雖然己經預咗赤壁得啖笑....不過唔講唔知係一個天仙局。
basilo 2007-12-12 01:11
依套真係爛片中的爛片
馬虎拿西！
手足情,男女情都係血肉糢糊
臨尾返到鄉下
仲整首西洋古典做配樂
毛管直豎,醒晒
如果真係甘樣騙財
中港電影就真係...!!
c0193868 2007-12-12 13:44
thank for sharing
KMY89 2007-12-17 00:53
[color=Purple]係呢個版唔好講港產片壞話 wor ... [/color]