8866ps 2008-1-2 16:54
轉會風聲
冬日掃貨嘉年華明日開幕！一月轉會市場就快重開，車路士同AC米蘭已搶先做一齣「乾坤大挪移」，朗拿度、舒夫真高同安歷卡三大前鋒成為主角。法林明高出奇招利誘下，朗拿度離開AC米蘭幾成定局，「紅黑兵團」即刻準備半價回購舒夫真高回巢正式係一家便宜兩家幵，不過車路士放走核彈頭亦不愁寂寞，因為阿布終於再開水喉搵安歷卡頂上，今次「掃貨嘉年華」將由三大射手揭開序幕！
呢場歐陸轉會風暴展開，風眼竟然來自巴西，法林明高同AC米蘭斟介收購朗拿度遲遲冇進展下，該支巴西勁旅出絕招，決定向三十一歲簕大哨開出三年「生命合同」，更講明以後法林明高每賣出一件九號波衫，大哨都可以從中抽佣，兼且保證幫佢參加二○一○世界盃，《米蘭體育報》更爆料話，NIKE同巴西石油兩大贊助商將會提供經濟支援，安察洛堤好大機會送走傷多過踢簕大哨。
車仔斟安歷卡頂替
好在「紅黑兵團」已經另有後幵，就係搵聖西路英雄舒夫真高回巢！AC米蘭年半前以三千一百萬鎊賣走核彈頭，不過舒夫真高効英超狀態大跌，依家AC米蘭預計一千四百萬鎊就可以「回購」，而且已經派出「超級經理人」邦錫迪同車仔斟介，決心甚大。
骨牌效應帶動下，車路士亦準備効放走舒夫真高後出手，《世界新聞報》尋日透露，阿布拉莫域決定重開水喉支持格蘭，包括動用九百萬鎊收購保頓前鋒安歷卡，另外再出一千六百萬鎊斟克羅地亞中場莫迪歷，後者球會薩格勒布戴拿模會長已經飛抵倫敦，依家就等一月一號來臨，各大球星就可以執包袱轉飯鑊！
(轉貼自東方)