查看完整版本: 小時候有冇做過這些事

小時候有冇做過這些事

１．玩米缸，將手插入米缸裡面o既米裡面篤下篤下。
２．在百貨公司入面篤扶手電梯旁的吊牌。
３．地下有階磚時，特登隔一格一格o黎行，不可踩界，要完全在格內。
４．用錶面反射陽光，照o黎照去。
５．跳樓梯(愈多級愈勁)。
６．行路上高起左地方，例如高起左o既長條型石壆，好似玩平衡木咁行 法。
７．鋪張紙在硬幣上面，然後用鉛筆係上面油，油返個形出o黎。
８．食完瑞士糖之後，將糖紙包番個原本四四方方果個形出o黎。
９．超級市場踩住架購物車o黎行。
１０．踩水"tum"，係好特登果隻。
１１．吹口水波。
１２．搣牆上的乳膠漆或牆紙。
１３．o係平滑o既地面上面"冼"下"冼"下咁行。
１４．整濕o的紙巾，掟上學校廁所天花頂。
１５．食完香口膠，一定摺返成張包裝紙，再放返入個大套入面。
１６．響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得快個時飛出o黎，睇下個粉刷中邊個。
１７．放膠袋(當風爭咁放)。 (嘩哈哈﹗)
１８．去後梯執咸書睇，張睇完的咸書撕開飄落街。
１９．貼張龜仔紙嚮o的同學背脊。
２０．踩人地個影。
２１．狂踩人地對白飯魚，尤其是大肥仔果o的。
２２．用幾條橡筋射人
２３．掉人地門口的拖鞋落街。
２４．拉消防喉，射水落下面個球場，睇下射到幾遠。
２５．擲水彈。
２６．用氣鎗射街上的途人。
２７．玩千揪，"fing"到咁上下就飛出去鬥遠。
２８．.落樓梯時坐係o的扶手上面"sir"落黎。
２９．在自動梯行相反方向。
３０．把"誤投信件"或沒有用的宣傳單張，胡亂放入其他的住宅信箱。
３１．坐地鐵時，抓緊中間的扶手，地鐵一開動博命繞住轉。
３２．在月台上鬥快跑。
３３．帶玩具返學。
３４．用圖釘弄穿學校壁佈板。
３５．亂按人家的門鐘，然後鬆人。
３６．明知過了三歲，仍然不買票，"捐"地鐵的入/出閘機。
３７．用改錯水(很舊的有一個掃那種)附送的天拿水，搽在手上。
３８．在井字型公屋中間的大天井中放紙飛機，或者放紙青蜒，看看誰放的紙青蜒最慢由廿幾樓落到地面。
３９．煲蠟。
４０．把汽水罐靜雞雞放在校車的車輪下攝住，開車時把它壓扁。
４１．圍閹 <------唔係太明
４２．呵尿時出力射走 D 屎積
４３．將紙碎或者紙飛機撒落街
４４．將bubble紙氣泡逐粒"鏈"爆
４５．o係屋企走廊玩壁虎功
４６．走到開動緊電風扇面前:「呀~~~~~~~~!」
４７．用間尺好似 "搖搖板"咁彈起舊擦膠
４８．寶貼當泥膠，用間尺整ｐｉｚｚａ
４９．係屋企撩鼻屎然後抿落牆
５０．將ｄ擦膠碎用尺切粒粒
５１．膠水搽係手/筆盒上 , 等佢乾之後成塊撕出黎
５２．洗手時用手頂住個出水位，用Ｄ水去射周圍Ｄ人
５３．同隔離位鬥快開哂筆盒ｄ機關
５４．飛拖鞋
５５．特登將飲完的紙包飲品吹脹然後放在地上，大力地踩爆佢
５６．用泥膠塞電制/電話插蘇

大部份,我小時候都有做過的~!!!
你們呢?!

哈！中左 8 , 9 成！

呢d嘢大人都週不時做！！

４１．圍閹 <------唔係太明
即係一大班人去渣人地jj;P

回復 #5 小笨 的帖子

小學小息玩 "圍閹" 玩到比人捉上台罰企....... :lol

原來是這樣呀，我小學時都有玩過，有個風紀哥哥仲話．．．”你們係１年級新生呀？
如果其他人見到就大件事啦，要玩就去廁所玩啦！”

之後玩這個遊戲時，就成班人一齊去廁所玩啦！
當然俾人圍的那個，係俾同學監生拉入去啦！
有時校工見到，都會鬧！