露哂先機 2008-2-12 15:32
其實會唔會係大家都好天真好傻
會唔會係大家扮純情呀......
定係自相矛盾呢?
究竟你地知唔知自己想講乜呢?
一方面有人竟然會要求警務署長捉拿陳冠希歸案.......咁佢罪名係咩呢?
如果雙方都在同意下影低既照片,咁錯在那呢?
好多人都和情侶/老公/老婆之間影過親熱照甚至短片,如果你話無人咁做亦無聽過咁你真係好天真好傻!
陳生最錯錯在將電腦比唔熟既人整!
好,就當陳生係淫賤,有人要求查証女方是否在自願情形下影,如否,則可入其罪云云.......
咁如果女方係被迫,點解呢十個有九個都話阿嬌賤呢?
話得女方賤,則陳生無罪,事關係你情我願!
話得要拉陳生,則不能話女方賤,因為在神智不清或受威嚇情形下被拍下淫照,那等同被強姦的受害者,你會唔會唔鬧強姦犯賤而鬧苦主賤?
自相矛盾,咁簡單都唔明?
仲有,話人賤果D,唔該俾條道理出黎,同鍾意既人(至少那一刻是)親熱拍照,閂埋門做的事,究竟關世人甚麼事?
要鬧點解唔鬧日又登住,夜又講住既各大淫周賤報?是他們認為所有香港人都應該更關心女星們西照,而不是國內同胞受災與環球股市起跌......
露哂先機 2008-2-12 15:43
最後,我覺得廣大網友最天真的是,以為沒有這些照片,就以為全部人都相信女星們是玉女......講真,唔通不嬲你們以為個個男歌星都係柳下惠,女歌星都係聖女貞德?
唔係下話,年青人血氣方剛,你唔係話我聽你同女友/老婆無性生活?無試過口交?口交時樣子好似好enjoy咁又有幾賤?
唔通你要你女友/老婆同你一路做時一路要唉聲嘆氣怨天怨地先叫做好?
最奇係話警方偏幫有錢人!?
陳生係有錢人?定係講緊羊生?
對唔住,計排名,港富五百都入唔到!
羊生係O記同CCB頭號想釘死的大老虎喎!
反而有人話今次警方咁高調係想製造反效果打擊羊生集團仲有的可能!
你估拉到果幾個係咪真係send相咁簡單?
捉黃腳雞在香港係犯法喎,點無辜法?
會唔會有人勒索不遂,於是鋌而走險?
遊行果百幾人會唔會係各懷鬼胎?
ISP班老細同各大伺服器供應商會想個網靜定係想個網好似你地咁排隊等相?
所謂網友,人云亦云,少用大腦,怨天尤人!唉!
[[i] 本帖最後由 露哂先機 於 2008-2-12 18:45 編輯 [/i]]
露哂先機 2008-2-12 15:56
比人偷拍聲淚俱下同埋曾拍下和男友親熱照兩者有咩分別都唔知?唔係下話?
咁講法,廣大性工作者包括一樓一,舞小姐,BG等等,平時都係擘大髀任做,比得起錢就上得.......
咁佢地係咪被人偷拍就應該忍氣吞聲?被人非禮當係送禮?被人強姦當係義賣?
上得網都應該有番些基本智力卦,點解咁多友連基本常識,普通思考都好似有咁大障礙咁既?
kenny01 2008-2-12 17:27
而家d人要佢懂得獨立思考.....好難....
無人話要捧阿嬌做偶像
而且我覺得作為一個藝人,身體係用來表演
好似范冰冰響蘋果,徐靜蕾響投名狀都有露點
但難你又可以話,咁無理用唔可以入更衣室影佢換衫啦
最後想講係.....會傷害別人既事,做少一件得一件啦
burgundybabies 2008-2-12 17:49
[quote]原帖由 [i]露哂先機[/i] 於 2008-2-12 15:32 發表
仲有,話人賤果D,唔該俾條道理出黎,同鍾意既人(至少那一刻是)親熱拍照,閂埋門做的事,究竟關世人甚麼事? [/quote]
其實好簡單，有d事，的確唔係人人可以做。有d人做咗，公眾無興趣知，有d人做咗，公眾會好反感。
唔好講到閂唔閂埋房門，大家愛唔愛對方。情況可以好簡單。
一個普通人，晚晚去酒吧飲幾杯，但酒量唔好，飲完一定隨街嘔兩次先返到屋企。哩d邊度係新聞？
但如果換咗係特首，立法會議員，名人......咁大家好自然就會評頭品足。
出得嚟行，預咗要還。食得哩行飯，行為就要儉點，佢地的形象就係搵錢的所在。
如果佢地係普通人，根本就唔會有咁多人咁大範圍去講，之前任何普通人的性愛片斷流出，都係小眾地下範圍而已。
所以，唔想人講，或承受唔到俾人講，好簡單，自己檢點，或者唔好咁出名。
mansdom 2008-2-12 17:53
[quote]原帖由 [i]burgundybabies[/i] 於 2008-2-12 17:49 發表
其實好簡單，有d事，的確唔係人人可以做。有d人做咗，公眾無興趣知，有d人做咗，公眾會好反感。
唔好講到閂唔閂埋房門，大家愛唔愛對方。情況可以好簡單。
一個普通人，晚晚去酒吧飲幾杯， ... [/quote]
totally agree :P:P
露哂先機 2008-2-12 17:59
[quote]原帖由 [i]kenny01[/i] 於 2008-2-12 20:27 發表
而家d人要佢懂得獨立思考.....好難....
無人話要捧阿嬌做偶像
而且我覺得作為一個藝人,身體係用來表演
好似范冰冰響蘋果,徐靜蕾響投名狀都有露點
但難你又可以話,咁無理用唔可以入更衣室影佢換衫啦
... [/quote]
一樣還一樣,拍戲露點係為工作,好聽可以話係為藝術犧牲,唔好聽可以話係為錢為成名..........
但係而家阿嬌果D好明顯係私人密照,唔係果位不合格的電腦維修員搞一搞,根本無人知......而最大問題係,點解大家會咁大驚小怪?
歡娛之際拍照留念,大家都唔係未見過,前幾年港男女布吉短片都係咁,無乜咁奇怪!你上YOUTUBE之類網站打下相關關鍵字都搵到幾千條網友自拍上載的
三級甚至四級短片,要幾淫有幾淫!
況且性行為動作基本大同小異,食蕉吞劍唔通又好少見?駛唔駛講到好似睇discovery channel咁?
只不過今次主角係公眾認識人物,大家就嘩聲四起囉!
唔通做娛樂圈果班全部不能有性行為咩?
大家係極端回教主義者?定係塔利班政權定係卡塔爾半島電視台?
kenny01 2008-2-12 18:21
[quote]原帖由 [i]露哂先機[/i] 於 2008-2-12 17:59 發表
一樣還一樣,拍戲露點係為工作,好聽可以話係為藝術犧牲,唔好聽可以話係為錢為成名..........
但係而家阿嬌果D好明顯係私人密照,唔係果位不合格的電腦維修員搞一搞,根本無人知......而最大問題係,點解大家會 ... [/quote]
我拿這個例子的原因係...
一大部份響呢版既人都係話
原來佢影呢d相,咁比人偷影少少做乜要哭??
最高既做法就當然係好似外國酒店太子女咁,可禁則禁,不可禁就唔出聲,話比人知係無帶眼識人.
但係呢次係盜竊事件,偷data響人絕對係害群之馬,i.t.業唔比人睇為高尚職業....
有冇見過醫生律師會公開client資料??
kenny01 2008-2-12 18:27
[quote]原帖由 [i]burgundybabies[/i] 於 2008-2-12 17:49 發表
其實好簡單，有d事，的確唔係人人可以做。有d人做咗，公眾無興趣知，有d人做咗，公眾會好反感。
唔好講到閂唔閂埋房門，大家愛唔愛對方。情況可以好簡單。
一個普通人，晚晚去酒吧飲幾杯， ... [/quote]
特首,公務員,立法會議員係食阿公份糧,佢地既決定係會影響巿民,佢地有冇受賄,有冇誠信受監管係正常...
就算係佢地既私生活都唔應該被人指責,君不見法國總統娶邊個,都唔會影響佢當選
關心娛樂圈既私生活,係八x掛,做乜大家唔認.....
露哂先機 2008-2-12 18:36
[quote]原帖由 [i]burgundybabies[/i] 於 2008-2-12 20:49 發表
其實好簡單，有d事，的確唔係人人可以做。有d人做咗，公眾無興趣知，有d人做咗，公眾會好反感。
唔好講到閂唔閂埋房門，大家愛唔愛對方。情況可以好簡單。
一個普通人，晚晚去酒吧飲幾杯， ... [/quote]
我覺得咁,話分兩頭說.........
公眾人物有多種,但簡單地分的話,一就係同廣大市民有切身關係的,例如政經界人物,例如特首,司級官員,或上市大公司主席等等.......
傳媒揭露到這些人做出醜事,的確有可能係同廣大市民有關,一個官員被人捉黃腳雞,市民有理由擔心他會不會因為怕醜事被揚而被別有用心人士操縱作出一些有害公眾利益的事!同樣,上市大公司主席被人老屈,同樣有可能會作出偏差的商業決定而影響公司利益!
在這個情形底下,我認為傳媒有理由狂追不捨至查出真相為止,而公眾亦大有理由去每日注視著事態發展,因為這是有可能關乎公眾的切身問題!
但係另一類公眾人物,例如藝人,歌影視明星等,我不認為他們的行為和廣大市民有甚麼關係!
正如是次事件,公眾一方面說此等行為會教壞青少年,但有沒有想過,如果不是傳媒們高度過分關注加渲染,而市民們又趨之若鶩的話,那麼其所謂的正負面影響會有多大呢?
你會關心隔壁王生王太最近有否行房,姿勢如何,需時若干嗎?
我認為一個歌星的私生活不論如何,都不會影響到我的生活,更何況說要以他的生活為參照,學足他一模一樣?
一個有知識有基本思考分析能力的成年人,是否應該有能力去區分一個歌手在台上和台下的分別?欣賞他的造詣和他的私生活是兩碼子的事啊!
至於年青人,家中的父母是否比藝人們更有責任去給予正確的人生價值觀甚至適當的性教育!
生兒育女有心,但管教乏力者,又為何要把責任推給那些只是在電視上晃動著的光與影呢!
kenny01 2008-2-12 18:52
唔好話網上面,現實生活都有好多人唔識用腦去諗野
尖酸刻薄,響人地傷口灑鹽,憎人富貴就係佢地響對事方式
都係果句,會傷害人響野就儘量少做啦....
burgundybabies 2008-2-12 19:11
嗱，其實又再睇仔細少少......
首先我無客觀地做過任何量化統計，我只係直觀地覺得，今次事件中，公眾對所有被疑人物的態度是有差別的。
暫且將涉及是次風波的人物分三類，第一類：活躍幕前，第二類：已淡出，第三類：從未涉足娛樂圈者。
以楊xx為第三類代表，其實公眾對她的批評是最少的，基本停留在知道有幾張照片流出的報導。
而第二類者，以前歌手/落選華姐/模特兒為例，公眾在知道/看過後，亦沒有大量地點名加以批評，甚至同情陳xx的人其實我估計不在少數(當然係無數據，純估)。以本討論區為例，出現得最多次數的，仍舊非第一類者莫屬。
第一類者，即鍾xx及張xx。
而對張xx的批評，我覺得(如果邊位有時間又不妨check check)又比鐘xx少幾倍。
而鐘xx之所以受最多批評，如果背後是有一個理由/原因的話，我覺得係因為佢平日的形象，同佢係今次事件中的表現，所造成的反差最大。
kenny01 2008-2-12 19:20
四個字講曬.......落井下石...你們又感覺到嗎
burgundybabies 2008-2-12 19:30
我覺得你係真心愛佢的.....
露哂先機 2008-2-12 20:04
[quote]原帖由 [i]burgundybabies[/i] 於 2008-2-12 22:11 發表
嗱，其實又再睇仔細少少......
首先我無客觀地做過任何量化統計，我只係直觀地覺得，今次事件中，公眾對所有被疑人物的態度是有差別的。
暫且將涉及是次風波的人物分三類，第一類：活躍幕前，第二類： ... ............而鐘xx之所以受最多批評，如果背後是有一個理由/原因的話，我覺得係因為佢平日的形象，同佢係今次事件中的表現，所造成的反差最大。
[/quote]
之所以這正是我開此題要講的!
之唔係大家平時有一個相對地比較不清晰而較模糊的印象,而此一直以來長存在一般市民心目中的形象,到底是誰塑造出來的呢?
所以我至會話其實"天真"用來形容一般市民比較貼切!
人家有沒有正式地大大聲宣稱自己是玉女,從沒性行為,也沒有性伴侶?
無,因為這些事也沒有人這樣講話的,於是大家就靠估估下,或歌星影星們有意無意有形無形間所表現出來的形象!
講真,係人們一路以為阿嬌唔應該係咁開放,應該係好保守好封閉,至會而家先覺得人地叫做賤遮!
以前有個蟲蟲姐姐,曾經都係無記長劇收視福將,呢個就真係扮玉女扮到出哂面,拍咁多套戲都聲明不能有親咀鏡頭,但係果時我都從來沒有相信過蟲蟲姐姐真係會日日去教堂,堅拒婚前性行為囉!何況阿嬌?
而家咩年代,邊有可能有女仔會廿幾歲都仲係豬?
有都唔係會入娛樂圈果類啦!唔醜都好樣極有限囉!
[[i] 本帖最後由 露哂先機 於 2008-2-12 23:07 編輯 [/i]]
burgundybabies 2008-2-12 20:48
嗱，咁講，的確又唔可以就咁就話佢賤/淫賤。
如果唔係有數碼化的錄像器材/互聯網，哩d事的確係閂埋房門佢地/我地都會做的事(唔包拍照，只係講做愛啫，因為不妨又透露少少私穩，我本人係無拍過哩類相片的。)
但係因為有數碼化的錄像器材/互聯網，哩件事的本質又唔再係閂埋房門。事實上哩件事已經大大話話被數以億計的人睇過，所以，無論點，哩件事都已經返唔到原點，去返「閂埋房門」的狀態。
而公眾又真係對佢好反感喎，咁應該點形容呢.....
「嘩，原來佢平日的形象『真係』『假』嫁!佢唔單止有婚前性行為，仲好歡喜口交/提供口交，但奇在暫時又未見有69。」係咪咁就夠客觀？咁就唔算....例如落井下石？
恐怕未必吧？
所以我覺得，問題唔係在於佢地閂埋房門做過咩，而係有d嘢，例如床照，係唔應該拍，除非你預咗流出。但唔可以又要拍床照，又要唔流出，仲要流出咗唔造成話題，造成咗話題又唔准負面，造成咗負面的話又話指責的人唔公平。無論你喜歡簡單多數暴力也好，不喜歡也罷，現時的多數而且暴力的民眾就是不在同情鐘xx的一方。
你又估吓，如果有得返轉頭，俾佢地揀多次，佢地仲會唔會拍？拍哩d相有幾好玩，要為咗咁而付上婚姻/事業？
我覺得佢地真係柒(嚴格講的確唔係賤.淫賤/天真/傻，係柒)。而如果之後仲有其他人(尤其名人)拍床照流出，就係柒上加柒。
露哂先機 2008-2-12 21:56
[quote]原帖由 [i]burgundybabies[/i] 於 2008-2-12 23:48 發表
所以我覺得，問題唔係在於佢地閂埋房門做過咩，而係有d嘢，例如床照，係唔應該拍，除非你預咗流出。但唔可以又要拍床照，又要唔流出，仲要流出咗唔造成話題，造成咗話題又唔准負面，造成咗負面的話又話指責的人唔公平。無論你喜歡簡單多數暴力也好，不喜歡也罷，現時的多數而且暴力的民眾就是不在同情鐘xx的一方。
你又估吓，如果有得返轉頭，俾佢地揀多次，佢地仲會唔會拍？拍哩d相有幾好玩，要為咗咁而付上婚姻/事業？
我覺得佢地真係柒(嚴格講的確唔係賤.淫賤/天真/傻，係柒)。而如果之後仲有其他人(尤其名人)拍床照流出，就係柒上加柒。 [/quote]
事情當然不能返回原點,但有沒有可能成件事倒帶睇一次,再想一想問題出在那裡?
純屬猜想: 這數年來有一個在娛樂圈相當受女同行歡迎的男藝人,不論其原因為何,總之曾有過數段情緣,而在男女雙方相戀期間有性行為(思考點一 : 男女藝人拍拖兼發生關係是否有問題?)
而在床上故事發生之間,該男藝人多次利用數碼器材(或拍照,或攝錄)將歡娛過程部分或全部拍下.....(思考點二 : 假設女方不知情,是男方偷拍,錯在那方?又假設女方若知情,那又錯在那方?又假設女方不但知情,更加以配合,又錯在那方?[思考時請記著,男女雙方會否想到該等相片他日或有可能會有第三者甚至第三十萬者看到?)
然後,某日,該男藝人的電腦壞了,而該等相片正是儲存在該電腦中,他把電腦託付一間電腦店維修.(又想一下,如果電腦壞的不是硬碟,男藝人會不會冒險拿去給其他人修理?你可能問何解一早不燒碟而刪除原檔案呢?那你又有否想過遺失光碟容易還是遺失電腦容易呢?)
最後,亦是最關鍵,一名電腦維修員在甚麼動機及理由下而把數百或數千張相片私下複製呢?居心何在?純屬好奇?還是奇貨可居?
拍床照是否正常/變態,或賤/天真/柒,的確很難下定論,畢竟我們身處一個奉行萬惡淫為首的社會,從公眾的態度可見一斑 : 有人會為盜竊他人私隱資料的疑犯喊冤都不會同情赤身露體的情侶!
不過,我最想問的是為什麼全個娛樂明星討論版都好像沒有人譴責過那位把別人的照片複製並在網上發佈的疑人呢?
大聲公郁聞仲話要想辦法保釋那位第一名被拘捕的疑犯,想問問他理據是甚麼?
他是為公義而披露消息卻慘變政治犯的記者嗎?他會比程翔更冤嗎?
[[i] 本帖最後由 露哂先機 於 2008-2-13 00:58 編輯 [/i]]
wwon 2008-2-12 22:28
*** 作者被禁止或刪除 內容自動屏蔽 ***
pk118 2008-2-12 22:53
天真啦, 我都好天真咁等緊Video XD
色即是空 2008-2-12 22:56
[quote]原帖由 [i]burgundybabies[/i] 於 2008-2-12 19:11 發表
嗱，其實又再睇仔細少少......
首先我無客觀地做過任何量化統計，我只係直觀地覺得，今次事件中，公眾對所有被疑人物的態度是有差別的。
暫且將涉及是次風波的人物分三類，第一類：活躍幕前，第二類： ... [/quote]
露晒先機講o既係概括而論o既公眾人物...但你講o個三類都係藝人...我同意如果政府官員佢地私生活真係有可能會影響到民生...咁好值得一眾傳媒去追訪...但係藝人私生活...無乜理由會影響到大部份人民生活...係咪咁值得傳媒去用咁多人力物力去大幅報導呢
露哂先機 2008-2-12 22:57
[quote]原帖由 [i]pk118[/i] 於 2008-2-13 00:23 發表
天真啦, 我都好天真咁等緊Video XD [/quote]
梗要啦,你都應該開番個記招公開你的訴求,最好響灣仔警察總部門口,貪佢夠就腳嘛!
露哂先機 2008-2-12 23:11
[quote]原帖由 [i]色即是空[/i] 於 2008-2-13 00:26 發表
我同意如果政府官員佢地私生活真係有可能會影響到民生...咁好值得一眾傳媒去追訪...但係藝人私生活...無乜理由會影響到大部份人民生活...係咪咁值得傳媒去用咁多人力物力去大幅報導呢
[/quote]
理由,只得一個,因為讀者鍾意睇!
其實對網民們都不應該太苛責,至少他們都相當有禮貌,你睇呢版咁多條聲稱能提供疑似照片網址的題目就知啦,好多人睇完仲會回應一句 thank for sharing!!!
真係幾有家教先得架!
嗱,阿仔,就算人地同你分賊贓又好,偷番黎既又好,記得同人講多謝呀!
一家人嘛,有樣學樣囉!
burgundybabies 2008-2-12 23:16
[quote]原帖由 [i]色即是空[/i] 於 2008-2-12 22:56 發表
露晒先機講o既係概括而論o既公眾人物...但你講o個三類都係藝人...我同意如果政府官員佢地私生活真係有可能會影響到民生...咁好值得一眾傳媒去追訪...但係藝人私生活...無乜理由會影響到大部份人民生活...係咪 ... [/quote]
咁討論緊今次藝人床照風波，咁一定係講藝人啦。不過，楊xx都唔係藝人。
報紙做嘢，把尺係市場供求，而唔係民生國計。邊樣賣得多紙就做邊樣。
色即是空 2008-2-12 23:16
[quote]原帖由 [i]露哂先機[/i] 於 2008-2-12 23:11 發表
理由,只得一個,因為讀者鍾意睇!
其實對網民們都不應該太苛責,至少他們都相當有禮貌,你睇呢版咁多條聲稱能提供疑似照片網址的題目就知啦,好多人睇完仲會回應一句 thank for sharing!!!
真係幾有家教先得架 ... [/quote]老老實講...人有好奇心...我都有....d 相我都有睇...睇左幾十張之後...我覺得呢d 真係人地o既私穩....自己適逢其會睇到...之後真係唔會再評論誰是誰非
色即是空 2008-2-12 23:20
[quote]原帖由 [i]burgundybabies[/i] 於 2008-2-12 23:16 發表
報紙做嘢，把尺係市場供求，而唔係民生國計。邊樣賣得多紙就做邊樣。
[/quote]
正確....所以咪話有咩 讀者就出咩傳媒囉:verygood::verygood::verygood::verygood::verygood::verygood::verygood::verygood::verygood::verygood::verygood::verygood::verygood:
burgundybabies 2008-2-13 00:02
[quote]原帖由 [i]露哂先機[/i] 於 2008-2-12 21:56 發表
思考點一 : 男女藝人拍拖兼發生關係是否有問題? [/quote]
男女/男男/女女藝人拍拖兼發生關係，如果無人知，就一定無問題。如果有人知，就要睇佢地係邊個。同性戀今時今日都在香港都仍然係禁忌，但哥哥公開自己係雙性戀，so what? 但如果陳x峰公開自己係基咁又會點呢？
[quote]原帖由 [i]露哂先機[/i] 於 2008-2-12 21:56 發表
思考點二 : 假設女方不知情,是男方偷拍,錯在那方?又假設女方若知情,那又錯在那方?又假設女方不但知情,更加以配合,又錯在那方?[思考時請記著,男女雙方會否想 到該等相片他日或有可能會有第三者甚至第三十萬者看到? [/quote]
不理知/不知，事實係，如果當初無考慮到相片公開的後果，咁佢地依家都應該相當清楚後果係咩。
當初或者唔覺得有錯，但今日應該有後悔囉。
[quote]從公眾的態度可見一斑 : 有人會為盜竊他人私隱資料的疑犯喊冤都不會同情赤身露體的情侶! [/quote]
有可能公眾全部錯，就係嗰兩位露體的人(我唔係好知佢地係咪情侶)啱晒。
不過，如果佢兩個唔係明星，發放哩d相，一般又駛唔駛出動一哥係議事堂上好高興咁表示已經拉咗人呢？
如果佢兩個唔係明星，根本就唔會日日頭條，引發埋示威掛？
做得公眾人物，一言一行都會被放大(甚至選擇性放大/歪曲)，哩樣嘢唔係今日先發生(發生咗事就要求要同牛頭角順嫂等觀，就係無知/無賴)。
well，如果任何人要不理世俗，要我行我素，無問題，不過要徹底d，連世俗的有理無理指責都硬食埋，咁就型喇。
[[i] 本帖最後由 burgundybabies 於 2008-2-13 00:13 編輯 [/i]]
burgundybabies 2008-2-13 00:10
我想補充一點，事件中，「名氣」係重點。
任何企圖將「名氣」哩個特點抽離，將事件淡化為一般男女，謂飲食男女，人之大慾..之類，就己經唔係講緊哩件事。
action2006 2008-2-13 00:25
[quote]原帖由 [i]kenny01[/i] 於 2008-2-12 19:20 發表
四個字講曬.......落井下石...你們又感覺到嗎 [/quote]
As a public figure, they do have a social responsibility.
I do not mind if you are honest and admit that you are a sluck and do market yourself as a innocent pop star
露哂先機 2008-2-13 01:08
[quote]原帖由 [i]burgundybabies[/i] 於 2008-2-13 00:10 發表
有可能公眾全部錯，就係嗰兩位露體的人(我唔係好知佢地係咪情侶)啱晒。
不過，如果佢兩個唔係明星，發放哩d相，一般又駛唔駛出動一哥係議事堂上好高興咁表示已經拉咗人呢？
如果佢兩個唔係明星，根本就唔會日日頭條，引發埋示威掛？
做得公眾人物，一言一行都會被放大(甚至選擇性放大/歪曲)，哩樣嘢唔係今日先發生(發生咗事就要求要同牛頭角順嫂等觀，就係無知/無賴)。
well，如果任何人要不理世俗，要我行我素，無問題，不過要徹底d，連世俗的有理無理指責都硬食埋，咁就型喇。
我想補充一點，事件中，「名氣」係重點。
任何企圖將「名氣」哩個特點抽離，將事件淡化為一般男女，謂飲食男女，人之大慾..之類，就己經唔係講緊哩件事。 [/quote]
名氣當然是重點,正如我所講如果相中人係隔離屋王生王太,相信都無乜人有興趣睇!
不過你好似講漏了一點,就係個第三者,即係果個得到批相兼且開始流出去的人或幾個人究竟應該負甚麼責任?
無人想淡化他們為一般飲食男女,我只係覺得你所講的放大是否真的是太大呢?
問題係而家事件中人似乎係做乜都唔o岩咁噃!
唔出來講又話係縮頭龜,肯露面又話扮天真扮無辜......
當你說甚麼都會被人話係錯的時候,係咪乜都唔講會比較明智?
試想像如果事件中人真係如網民所願咁肯面對面同咁多網民整個答問大會,請問他要說甚麼才算令人滿意呢?
要唔要當眾行刑浸豬籠或釘十字架先叫認錯態度良好?
對公眾來說,成件事的男男女女到底又有甚麼需要向公眾交待呢?
陳生同鍾小姐都已經話對此事引起任何人有困擾或傷害而道欺,咁又夠唔夠呢?
X高官也是名人,被許小姐勒索,但到現在公眾都不知道X高官是何人也?而許小姐則要坐監三年,此事又有否存在不公平?執法者判案者是否權力過大?
X高官係背妻偷人婦,而照片中藝人至少當時是男未婚女未嫁且兩情相悅,公眾對兩件事有否持雙重標準?公眾又有否大細超?
就此事如果藝人又遊行話要公眾交待為何要高調咁去討論及傳閱他們的相片,如果他們又舉牌 : 法律面前,藝人含x?又講唔講得通?
為什麼高官就可以趙完鬆而受保護,但藝人男女私生活外洩就要受公眾鞭撻?
P.S. 一點, 警方執法時舉証及法庭判案量刑時所需引用的條例,即發放淫褻物品條例在明星照事件前其實已清清楚楚載在法典,條例清晰並無灰色地帶,那到底警方何以被人認為是執法不公或權力過大或為有錢人服務呢?
無名無性 2008-2-13 03:29
好天真好傻, 已經成為我一切暨口!
FXO 2008-2-13 06:50
叫的貓唔好食魚, 叫的羊唔好食草, 真係好天真好傻, 放過我啦.
kenny01 2008-2-13 09:51
[quote]原帖由 [i]burgundybabies[/i] 於 2008-2-12 20:48 發表
但係因為有數碼化的錄像器材/互聯網，哩件事的本質又唔再係閂埋房門。事實上哩件事已經大大話話被數以億計的人睇過，所以，無論點，哩件事都已經返唔到原點，去返「閂埋房門」的狀態。 ... [/quote]
點解本質唔等同閂埋房門,即係有一日,如果有攝影機可以拍穿牆,咁你比人影,再上網係應份既??
以後大家就唔好造愛啦...係咪咁呀?
如果講唔同,咁不如話以家d人幾無品仲好啦
有數碼化錄像?
互聯網?
v8有左幾耐?...我記得十四五年前,bbs已經四圍有三四級相傳來傳去啦?唔好賴科技,不如賴人心啦
kenny01 2008-2-13 09:55
[quote]原帖由 [i]burgundybabies[/i] 於 2008-2-12 20:48 發表
你又估吓，如果有得返轉頭，俾佢地揀多次，佢地仲會唔會拍？拍哩d相有幾好玩，要為咗咁而付上婚姻/事業？
... [/quote]
而家係講緊有賊喎...
有人偷野喎,呢個先係main point
如果係陳冠希自己會d相出來,
就係幾個女主角抵死,無帶眼識人
如果你同你個女人去酒店旅行,夜晚攪野比人拍左,再放上網係咪又係抵死呢??話你唔check清楚就造愛又得唔得呢
kenny01 2008-2-13 10:05
[quote]原帖由 [i]露哂先機[/i] 於 2008-2-12 21:56 發表
然後,某日,該男藝人的電腦壞了,而該等相片正是儲存在該電腦中,他把電腦託付一間電腦店維修.(又想一下,如果電腦壞的不是硬碟,男藝人會不會冒險拿去給其他人修理?你可能問何解一早不燒碟而刪除原檔案呢?那你又有否想過遺失光碟容易還是遺失電腦容易呢?)
最後,亦是最關鍵,一名電腦維修員在甚麼動機及理由下而把數百或數千張相片私下複製呢?居心何在?純屬好奇?還是奇貨可居?
[/quote]
第一...請問你係咪從事電腦行業呢,整機唔睇個client既個人資料,係一個好基本既原則,你有冇見過養和醫院有人上網話,邊個來過落仔???維修員既道德已經唔駛講!
第二.點解我會問你係咪做呢行呢,如果你電腦boot唔到機,你會點?如果你按左delete鍵,殺左個file係咪又會當係無左呢???
aimeimei 2008-2-13 10:06
全是藉口 我就不信有處女
kenny01 2008-2-13 10:31
[quote]原帖由 [i]burgundybabies[/i] 於 2008-2-12 23:16 發表
咁討論緊今次藝人床照風波，咁一定係講藝人啦。不過，楊xx都唔係藝人。
報紙做嘢，把尺係市場供求，而唔係民生國計。邊樣賣得多紙就做邊樣。 [/quote]
如果讀者大曬....剩係講供求就得
你問下落disco既人反唔反對買糖?
旺角買三四仔唔駛鬼鬼鼠鼠
唔係乜野都供求架
kenny01 2008-2-13 10:34
[quote]原帖由 [i]FXO[/i] 於 2008-2-13 06:50 發表
叫的貓唔好食魚, 叫的羊唔好食草, 真係好天真好傻, 放過我啦. [/quote]
有d人既諗法
無男不盜,無女不娼...0丫嘛
[[i] 本帖最後由 kenny01 於 2008-2-13 11:28 編輯 [/i]]
露哂先機 2008-2-13 11:32
[quote]原帖由 [i]kenny01[/i] 於 2008-2-13 10:05 發表
第一...請問你係咪從事電腦行業呢,整機唔睇個client既個人資料,係一個好基本既原則,你有冇見過養和醫院有人上網話,邊個來過落仔???維修員既道德已經唔駛講!
第二.點解我會問你係咪做呢行呢,如果你電腦boot ... [/quote]
成件事我始終認為罪魁禍首係果個電腦維修員,所以我先唔明點解咁多人成日話要揪陳生出來判刑,講真,如果捉佢番來俾班網民丙一鑊,理由係網民們妒忌佢食左咁多女,雖然都叫做打橫來講,但起碼都叫符合番網民憎人富貴厭人窮的一貫思路......
但咁多網民都話叫警方拉陳生入罪我就真係唔明囉......即係叫差人唔拉個扒手,而係拉比人打荷包果個?因為佢先係賊贓的源頭云云...........
部分網民更將個賊視為英雄,而將比人打荷包果個事主視為人渣,仲調轉頭話差人捉賊係本末倒置!?
有這種想法的人你話係咪不可思議?
不過咁,我識唔識整電腦都好,我都知偷顧客資料係不對......不過我覺得陳生都唔係無責任喎,佢唔應該咁大安旨意摶人地係夠專業就咁將咁敏感的資料比人整囉!
你會唔會將手機銀包在公眾地方離身隨處亂放?要考驗人是否係性本善乎?
[[i] 本帖最後由 露哂先機 於 2008-2-13 11:52 編輯 [/i]]
kenny01 2008-2-13 12:10
[quote]原帖由 [i]露哂先機[/i] 於 2008-2-13 11:32 發表
成件事我始終認為罪魁禍首係果個電腦維修員,所以我先唔明點解咁多人成日話要揪陳生出來判刑,講真,如果捉佢番來俾班網民丙一鑊,理由係網民們妒忌佢食左咁多女,雖然都叫做打橫來講,但起碼都叫符合番網民憎人富貴 ... [/quote]
我好同意你既講法!
但如果佢真係咁壞左機開唔到會點,買個部?
我覺得個比喻唔係好0岩,
我覺得將銀包,放響會員locker,會合理d,我知員工有鎖匙,但係唔suppose佢地會開你櫃同,拿你d錢
再加上拿比電腦公司整,佢一定唔會比你講住佢整,我唔知佢部機係咪幫果間店買既,但係中環整mac機既店真係唔多!
[[i] 本帖最後由 kenny01 於 2008-2-13 12:15 編輯 [/i]]
露哂先機 2008-2-13 12:31
[quote]原帖由 [i]kenny01[/i] 於 2008-2-13 12:10 發表
我好同意你既講法?
但如果佢真係咁壞左機開唔到會點,買個部?
我覺得個比喻唔係好0岩,
我覺得將銀包,放響會員locker,會合理d,我知員工有鎖匙,但係唔suppose佢地會開你櫃同,拿你d錢
再加上拿比電腦公司整,佢一定唔會比你講住佢整,我唔知佢部機係咪幫果間店買既,但係中環整mac機既店真係唔多! [/quote]
陳生事前無理由唔諗下成部機有些咁珍貴的資料,係咪應該搵一些信得過的人問下意見先決定點整呢,當然無人叫佢整之前此地無銀咁話俾人聽裡面有好珍貴的資料,但起碼係咪應該搵一些相熟的人啊!
另外,陳生雖然未去到富豪級數,但起碼都唔係窮囉,咁搵個相熟的或朋友介紹信得過既,然後出高些價錢叫個維修人員上門整,斷估都唔駛整三日兩夜同收佢幾廿萬卦?
明知data咁珍貴,同今日的代價相比,我諗當日有人話要收十萬大元一個鐘至可以上門同你整,陳生都會nur飯應啦!
同埋講真,你信唔信那些做 data recovery 的維修員真係會無睇過顧客的資料?
仲要知個客係名人喎,話無睇過都昆你啦!
kenny01 2008-2-13 13:08
第1...佢自己講,係叫助手做...我諗個助手唔會特登同人講,部機係陳冠希掛
第2...我自己幫人做data recovery真係唔會睇人d file,老實講我做幾間公司,所有最重要既data我都可以access到,但係一樣都無睇過,唔係我特別,而係呢種係一個電腦從業員既基本操守
露哂先機 2008-2-13 13:57
[quote]原帖由 [i]kenny01[/i] 於 2008-2-13 13:08 發表
第1...佢自己講,係叫助手做...我諗個助手唔會特登同人講,部機係陳冠希掛
第2...我自己幫人做data recovery真係唔會睇人d file,老實講我做幾間公司,所有最重要既data我都可以access到,但係一樣都無睇過,唔係我特 ... [/quote]
除了讚你一句品格高尚,我都無乜野可以講囉!:verygood:
露哂先機 2008-2-13 14:10
好奇之心,人皆有之,幫人整電腦時睇過下裡面的資料唔算出奇!
但keep copy 兼公開發佈者,總不能說其是無辜吧!
我真係唔信果條友或果幾條友唔係諗住撈番筆囉!
真係貪得意唔小心load上網?咪玩啦!
最奇之處係社會上多數人竟然係認同個賊既做法,反而係不斷去鞭撻幾個受害者,文明東方社會思想文化果真有其獨特之處!
生果方向日頭報等等文化先驅,足足為此事登了接近兩星期頭條,全港市民比七一遊行時更齊心,將時間精神集中在幾個人的身體上,還一邊看一路罵,一邊罵一邊傳,誰比誰更醜更賤?
八卦下就無可厚非,但八到當成係人生大業咁就真係過份囉,仲要八完再講埋的陰質涼薄說話,就真係賤中賤!
所以我一向唔贊成香港可以普選行政長官,2017都太早,2047都未遲!
在這樣的一個反智社會,民智低劣的大城市搞普選會亂成點?不敢想像!
kenny01 2008-2-13 14:25
[quote]原帖由 [i]露哂先機[/i] 於 2008-2-13 13:57 發表
除了讚你一句品格高尚,我都無乜野可以講囉!:verygood: [/quote]
我無覺得自己品格高尚,果d照片我都有睇過....
但係真係好多user部機開唔到,就唔知點算,更不懂先拿harddisk出來,尤其是係mac機
至於唔睇其他人既data,真係基本原則,可能香港既基本教育真係剩係教人點考試啦
億萬豪情 2008-2-13 15:24
呢件事的其中一個影響應該係父母終於可以有機會同 D 仔女分析
一下社會的所謂的灰色地帶(唔係所有野都非黑即白) 及 "任何人"
都係戴住一副面具做人做事。絕對說不上教壞少年人。
絕對係一個父母對子女在立身處世方面說教的一個重要教材。
kenny01 2008-2-13 15:46
我就諗唔到一個娛樂圈人,如果話婚前性行為係無所謂既
而家香港呢個社會會點睇佢
如果佢唔答, d傳媒又會點寫呢
假面具...父母本身返工又有無帶呢
教仔女...睇下個仔女本身幾多歲啦
[[i] 本帖最後由 kenny01 於 2008-2-13 15:47 編輯 [/i]]
burgundybabies 2008-2-13 21:55
[quote]原帖由 [i]露哂先機[/i] 於 2008-2-13 14:10 發表
最奇之處係社會上多數人竟然係認同個賊既做法,反而係不斷去鞭撻幾個受害者,文明東方社會思想文化果真有其獨特之處! [/quote]
忽然諗起天生殺人狂。
....在暴力家庭中長大的米基生性狂野。而他的女友麥勒麗由於從小受父親騷擾性情也是粗野不遜。兩人共同殺死麥勒麗的父母後，開始了一段亡命天涯。[color=Red]這對瘋狂的情侶在逃亡的路上大開殺戒，殺人不計其數。由於電視的連續報道和炒作，兩人成為了全國文明的新聞人物，甚至成了青年們的偶像。[/color]
peninsula 2008-2-13 22:10
[quote]原帖由 [i]FXO[/i] 於 2008-2-13 06:50 發表
叫的貓唔好食魚, 叫的羊唔好食草, 真係好天真好傻, 放過我啦. [/quote]
Good one brother!:givemefive::):D
頁:
[1]