八皇爺 2008-2-13 01:08
網民揶揄「做戲」
網民揶揄「做戲」 半數人印象更差
2008-02-12
【明報專訊】鍾欣桐（阿嬌）現身交代事件昨日在網上引起激烈討論，網民多對阿嬌的表現不滿，有人更揶揄她是在「做戲」，不過也有部分網民認為她表現勇敢。有網民在討論區發起小型調查，結果過半數人認為阿嬌是「不肯承認自己做錯事，對她印象更差」。
公關教路﹕承擔責任 宣傳正面信息
有資深公關顧問指出，阿嬌昨天的自白太簡短，內容空洞，沒有充分把握機會將正面信息傳遞給公眾，而在聲明之中，阿嬌純粹從自己角度出發，內容大概說自己經一事長一智，沒有明確為事件對公眾造成壞影響負上責任。該顧問指出，身為成年人，阿嬌應為自己的行為負責，雖說照片涉及兩個未婚男女的親密行為，男未婚女未嫁，本身難說對錯，但他們終歸是公眾人物，對社會確有一定影響。
該公關顧問認為，除了替自己找個「下台階」外，阿嬌更應透過這個機會將正面信息傳遞給公眾，應以女性身分講出事件對她造成的切膚之痛，以及對女性造成的傷害和侮辱，進而呼籲網民停止傳閱照片。長遠而言，阿嬌更可「轉危為機」，以過來人身分幫助曾受性暴力虐待的女性，因為此事等同「公開強暴」 。
理工大學應用社會科學系助理教授鍾劍華則認為，英皇娛樂早前發聲明，指有不法分子利用移花接木手法製造及發放鍾欣桐的不雅色情照片，並向警方備案。他認為英皇應先向公眾交代照片真假，今次只發表簡短聲明，公關技巧欠佳。
梁文道籲反思 勿再塑造玉女形象
文化評論員梁文道指出，阿嬌在聲明中感謝傳媒關心，將注意力轉移，使大家不再糾纏於網民傳相的對錯，做法不錯。他認為今次事件後影視界應反思，日後不應再塑造不切實際的「玉女」形象。
[i][size=5][font=黑體]我覺得面對記者宣讀聲明，這已經是阿嬌承受壓力的極限了，難道要阿嬌回答問題，被記者問得啞口無言淚流滿面，網民就會心滿意足嗎？好像不是吧，落井下石容易，雪中送炭很難，高抬貴手，放過阿嬌吧，在這次事件中她是個受害者。[/font][/size][/i]
漁 童 2008-2-13 01:37
又唔好咁睇小阿嬌...佢今次既"表現"已經證明左佢唔簡單架啦.
OK...OK, 唔講啦.:shutup:
露哂先機 2008-2-13 01:38
勸句你還是慳番啖氣啦,無論鍾小姐說甚麼,網民們都不會滿意的!
樓下倒瀉屎都企響度睇三幾個鐘啦,上網打幾隻字容乜易,邊有咁易罷休.........
說人容易說己難,睇人做好事唔會睇好耐,睇人仆街就開心到好似自己中左六合彩咁........這是人的劣根性,千年不變!
尤其今次涉及個[淫]字,正是中國人千百年來的最大禁忌,起碼都講三五七年啦!
數埋全個討論區,你見到有幾多個POST講內地雪災,呼籲其他網民伸出援手?
雪中送炭?咁高尚的字眼豈能在網民間提及?是否對牛彈琴?夏蟲不語冰!
熊魔鬼 2008-2-13 01:38
[quote]原帖由 [i]漁 童[/i] 於 2008-2-13 01:37 發表
又唔好咁睇小阿嬌...佢今次既"表現"已經證明左佢唔簡單架啦.
OK...OK, 唔講啦.:shutup: [/quote]
喺娛樂圈撈得掂既蠢極都有限啦
:lol
FXO 2008-2-13 06:36
我國經濟已日漸增長, 國力強大, 內地雪災在我國人民政府全力馳救, 在軍民上下一心下, 邊使我地的港燦操心呀?
saltiwet 2008-2-13 20:01
佢鍾意做嘜, 同大家好似冇嘜相干, 咪比佢扮下野lu, 如果佢要教人點樣處世做人就唔好啦, 但拍片教人做人就冇問題.
wtlnatalie 2008-2-13 20:44
係囉.. 只要阿嬌唔好再扮純情 ... 其實真係冇咩問題 ... 如果佢係度唱兒歌, 教細路... 或者我會去廣管局投訴都未定 ...
八皇爺 2008-2-14 01:40
香港有言論自由，網上的言論自由度更大，但願各位心存善念，讓香港人感覺到人間有情，順便祝各位情人節快樂。
咸球 2008-2-14 02:00
柏朱又唔見咁多人評擊，佢不留唔喜歡就爆粗又紋身食煙架啦！
有呢Ｄ相出現一Ｄ都唔驚訝！！
有Ｄ人不留行出嚟純過清水，明知人地有女友羊小姐依然同人地影埋呢Ｄ淫相
上次影少少膊頭咸到隻嘢咁，家陣影響社會咁大笑笑口就扮無嘢，
話陳生濫佢都唔見專一得去邊、
億萬豪情 2008-2-14 02:25
人~~~~~
總會有幸災樂禍的心態。
總會有將自己快樂建立在別人痛苦上的機會。
總會有講過、腦裡閃過 ---> "呵呵，抵你死" "睇你今次點死" 呢類咁o既念頭。
大家都唔係聖人，有過呢種心態、反應，無可厚非。
saltiwet 2008-2-14 03:52
hello, 佢 ge 工作就係做戲, 唔係點賺錢