資深大漢奸 2008-3-30 21:37
中環出更：泛民誠信低踢波又甩底
中環出更：泛民誠信低踢波又甩底
30/03/2008
立 法 會 足 球 隊 愈 踢 愈 懶 散 ， 班 議 員 似 足 名 曲 「 十 個 救 火 的 少 年 」 咁 ， 每 次 出 賽 前 都 以 唔 同 藉 口 甩 底 ， 好 似 去 年 底 大 戰 醫 學 會 足 球 隊 時 ， 就 只 得 七 個 議 員 到 場 ， 點 知 尋 日 同 外 國 駐 港 總 領 事 隊 場 比 賽 仲 離 譜 ， 只 有 六 個 議 員 報 名 出 賽 不 特 止 ， 其 中 三 個 泛 民 主 派 議 員 仲 要 甩 底 ， 簡 直 一 盤 散 沙 ， 不 但 失 禮 人 ， 仲 影 響 埋 立 法 會 形 象 。
三 個 甩 底 「 泛 民 罪 人 」 包 括 白 鴿 黨 李 永 達 和 鄭 家 富 ， 仲 有 社 民 連 「 長 毛 」 梁 國 雄 。 高 達 解 釋 話 去 小 西 灣 運 動 場 途 中 爆 車 胎 ， 所 以 甩 底 。 其 實 高 達 早 有 前 科 ， 卓 妮 記 得 去 年 公 民 黨 梁 家 傑 同 煲 呔 曾 爭 特 首 時 ， 佢 就 係 話 去 機 場 博 覽 館 投 票 途 中 爆 車 胎 ， 究 竟 葵 青 區 路 爛 、 定 係 條 路 有 釘 呢 ？
鄭 家 富 變 「 甩 底 富 」
鄭 家 富 就 途 中 一 味 話 「 就 到 就 到 」 ， 結 果 到 到 連 影 都 無 埋 ， 名 副 其 實 變 成 「 甩 底 富 」 。 長 毛 都 好 ， 索 性 講 明 唔 會 到 。 最 後 隊 波 剩 番 領 隊 陳 智 思 （ Bernard ） 、 龍 門 劉 秀 成 和 前 鋒 陳 偉 業 孤 軍 作 戰 ， 好 彩 後 備 外 援 實 力 夠 強 ， 最 後 立 法 會 隊 仍 以 六 比 四 擊 敗 總 領 事 隊 。
下 月 立 法 會 隊 將 會 同 高 官 隊 上 演 今 屆 會 期 最 後 一 場 賽 事 ， 屆 時 如 果 「 甩 底 富 」 類 人 繼 續 闊 佬 懶 理 ， 立 法 會 隊 真 係 提 早 摺 埋 好 過 ！