港奸剋星 2008-3-30 22:06
塗將軍､單將軍,唔好咁傻喇
民主黨終於向外公佈今年民意代表選舉佈置,以定軍心及支持者之心
自問為泛民死忠支持者,見民主黨早日佈置,以求及早安排配票,心甚安慰,但睇睇名單,似乎何老闆未能認真思考民主之父的忠告。
1.舊人拖新人,依家外間成日講扶第二梯隊上位,但民主黨同時在現實下不接受低潮的現實,意思就係唔敢出盡第二梯隊,而且要力保現有同志的留任.似乎未檢討去年地區民意代表選舉大敗的教訓。
2.一邊話可以同公民黨合作,甚至被領導,另一邊就堅持說不排除另出名單,意思形同中共不放棄武力攻台一樣借口的道理.咁做就係令到協調之前,先領頭攪事,堅持想做第一.
3.部份形象及能力欠佳的議員,堅持唔退選就唔敢執行「家法」.相比之下,民建聯今年為了力保議席,好似李國英呢類議員,可能會排出提名,改換陳克勤領戰,可見民建聯有意扶新人之餘,亦會將能力及形象不佳的人趕走。民主黨呢?好似新界西黃偉賢呢類好同志就唔力勸再戰,反而叫單仲階投入九龍西呢個西局之餘,仲想叫塗謹申留任?係人都知近年塗謹申形象不佳,能力不如當年之餘,更不敢力戰保皇黨,去年地區民意代表,見民調一般,就棄選,改用自己助手出戰.結果呢?輸畀終港無不止,仲畀終港無做埋油尖旺「區議會」「主席」,象徵今後民主黨無法拉終港無下馬之餘,亦令民建聯今年可以放心畀曾肉成改戰港島,畀新人終港無､李慧瓊出踐九龍西,今年九龍西民建聯就變左必有新人入席,同時令港島區可能兩席全勝.真係自作孽喇.
單仲階係我眼中,係黨內好同志,佢改投直選,選九龍西,我相信會係必死之路.除非佢之後想做副局長,否則,照依家功能組別未必輸,直選,特別九龍西,必死.