資深大漢奸 2008-4-4 14:20
綠水青山枉自多 庸官無奈垃圾何
綠水青山枉自多 庸官無奈垃圾何
04/04/2008
山 不 在 高 ， 有 仙 則 名 ； 水 不 在 深 ， 有 龍 則 靈 ； 斯 是 香 港 ， 毓 秀 鍾 靈 。 香 港 地 方 雖 然 唔 大 ， 勝 在 風 景 宜 人 ， 藍 天 碧 雲 ， 水 秀 山 青 。 論 山 ， 有 太 平 山 、 獅 子 山 、 飛 鵝 山 ； 論 水 ， 唔 使 多 講 ， 一 個 維 多 利 亞 海 港 已 經 係 全 世 界 出 晒 名 景 致 。
好 可 惜 ， 特 區 政 府 上 台 十 年 時 間 ， 就 把 香 港 藍 天 變 灰 ， 綠 地 漸 失 ， 垃 圾 亂 ， 愈 來 愈 多 地 方 變 成 垃 圾 崗 。
好 似 青 衣 寮 肚 路 自 然 徑 附 近 一 塊 官 地 ， 家 陣 就 淪 落 成 建 築 廢 料 堆 填 區 ， 泥 頭 、 碎 石 、 木 條 、 燈 罩 愈 堆 愈 高 ， 連 床 褥 都 可 以 搵 到 。 睇 住 綠 油 油 草 地 被 垃 圾 埋 ， 附 近 居 民 為 之 氣 結 ， 多 次 向 環 保 署 投 訴 ， 但 係 環 保 署 闊 佬 懶 理 ， 以 致 問 題 不 但 未 有 改 善 ， 反 而 日 日 惡 化 ！
新 田 米 埔 隴 情 況 仲 誇 張 ， 呢 度 本 來 有 一 個 魚 塘 ， 舊 年 開 始 有 人 度 垃 圾 ， 日 積 月 累 ， 堆 出 一 個 兩 米 高 大 壩 。 本 報 記 者 近 日 再 訪 呢 個 魚 塘 ， 犀 利 咯 ！ 魚 塘 已 被 廢 料 一 分 為 二 ， 變 成 兩 個 魚 塘 ， 照 咁 堆 填 速 度 ， 魚 塘 很 快 被 垃 圾 埋 葬 。 米 埔 係 濕 地 保 護 區 ， 係 無 數 飛 禽 走 獸 家 園 ， 不 幸 被 呢 無 良 人 士 傾 倒 廢 料 ， 濕 地 都 快 變 成 乾 地 啦 ！
話 時 話 ， 官 地 遍 布 垃 圾 ， 無 王 法 咩 ？ 唔 係 ， 根 據 《 廢 物 處 置 條 例 》 ， 未 經 許 可 ， 任 何 人 任 何 地 方 存 放 廢 物 ， 包 括 政 府 同 私 人 土 地 ， 即 屬 違 法 。 首 次 定 罪 最 高 可 被 罰 款 二 十 萬 元 及 監 禁 六 個 月 ； 屢 犯 者 最 高 可 罰 款 五 十 萬 元 及 監 禁 六 個 月 。
既 然 有 法 管 ， 環 保 署 仲 等 乜 呀 ， 咪 拿 拿 臨 出 動 拉 晒 垃 圾 蟲 囉 ， 該 罰 款 罰 款 ， 該 判 刑 判 刑 ， 從 嚴 從 快 ， 殺 一 儆 百 ， 以 儆 效 尤 。 令 人 激 氣 係 ， 當 局 辦 事 溫 吞 、 執 法 馬 虎 、 打 擊 不 力 ， 環 保 署 資 料 顯 示 ， 近 年 接 獲 有 關 非 法 棄 置 建 築 廢 料 個 案 急 升 三 倍 ， 過 去 三 年 數 字 高 達 三 千 六 百 宗 ， 惟 成 功 檢 控 同 發 出 定 額 罰 款 個 案 只 有 五 十 六 宗 ， 檢 控 率 極 低 ， 只 有 百 分 之 一 點 五 。
點 解 檢 控 率 會 咁 低 呢 ？ 原 來 又 係 官 僚 主 義 作 祟 ， 市 民 舉 證 影 晒 相 都 係 冇 用 ， 一 定 要 環 保 署 人 員 親 眼 睇 到 或 現 場 搜 集 到 足 夠 證 據 先 至 可 以 檢 控 。 署 方 就 話 ， 去 年 做 五 千 八 百 多 次 巡 邏 及 突 擊 行 動 ， 之 不 過 ， 官 方 提 供 數 據 邊 度 信 得 過 ！ 有 議 員 講 得 ， 署 方 巡 邏 都 係 日 頭 ， 非 法 傾 倒 垃 圾 則 係 夜 晚 ， 不 法 分 子 點 會 咁 輕 易 畀 你 見 到 捉 到 呀 ！
傾 倒 垃 圾 防 不 勝 防 ， 環 保 署 有 乜 符 呢 ？ 有 ， 佢 垃 圾 黑 點 豎 立 標 牌 ， 警 告 「 此 係 官 地 ， 禁 止 非 法 傾 倒 泥 頭 」 。 可 能 環 保 署 從 農 民 用 稻 草 人 驅 雀 中 取 得 靈 感 ， 自 以 為 豎 立 警 告 標 牌 就 可 收 阻 嚇 之 效 。 問 題 係 ， 垃 圾 蟲 係 人 唔 係 雀 ， 佢 冇 可 能 好 似 環 保 署 咁 笨 ， 畀 冇 靈 魂 警 告 標 牌 嚇 倒 。
香 港 仲 有 山 ， 就 係 垃 圾 如 山 ； 香 港 仲 有 水 ， 慢 慢 變 成 只 蚊 蟲 孳 生 陰 溝 臭 水 。
綠 水 青 山 枉 自 多 ， 庸 官 無 奈 垃 圾 何 ！ 呢 幾 年 老 鼠 變 多 變 肥 ， 旺 角 食 肆 仲 出 現 「 迴 轉 」 老 鼠 ， 真 係 多 得 庸 官 唔 少 ！ 計 功 夫 茶 話 齋 ， 環 境 局 不 如 改 名 垃 圾 局 ， 環 境 保 護 署 最 好 改 稱 老 鼠 保 護 署 ， 名 副 其 實 ！