資深大漢奸 2008-4-13 19:35
政情：議員公帑個人遊無王管
政情：議員公帑個人遊無王管
13/04/2008
立 法 會 九 月 就 換 屆 ， 好 多 現 任 議 員 好 似 天 降 大 任 咁 ， 話 唔 參 選 唔 得 ， 好 簡 單 ， 尊 貴 議 員 有 名 又 有 利 ， 而 且 數 多 多 ， 唔 好 講 酬 金 同 津 貼 呢 唾 手 可 得 福 利 ， 淨 係 用 公 費 去 外 國 考 察 期 間 「 順 個 便 」 同 家 人 遊 埠 ， 就 已 經 夠 So 啦 ， 起 碼 慳 番 自 己 來 回 機 票 ， 但 立 法 會 又 容 許 議 員 咁 樣 公 器 私 用 喎 ！
我 曾 經 爆 料 ， 話 議 員 濫 用 公 費 外 訪 ， 為 用 盡 每 屆 五 萬 五 千 元 外 訪 資 助 ， 個 個 都 絞 盡 腦 汁 爭 相 組 團 外 訪 ， 過 去 幾 年 就 訪 問 過 歐 洲 、 杜 拜 、 西 班 牙 、 德 國 及 美 國 ， 而 上 月 復 活 節 期 間 就 有 兩 個 外 訪 團 ， 一 個 係 發 展 事 務 委 員 會 主 席 劉 皇 發 率 團 訪 問 荷 蘭 阿 姆 斯 特 丹 和 捷 克 布 拉 格 ， 另 一 團 就 係 白 鴿 黨 李 華 明 帶 隊 考 察 法 國 和 英 國 食 物 安 全 情 況 。
發 叔 個 團 ， 不 但 有 人 遲 到 或 早 退 ， 仲 有 議 員 外 訪 完 乘 機 玩 埋 個 人 遊 ， 好 似 公 民 黨 梁 家 傑 淨 係 考 察 布 拉 格 ， 然 後 就 自 己 去 英 國 探 愛 女 ， 又 同 兩 個 囝 囝 去 參 觀 酋 長 球 場 及 阿 仙 奴 球 隊 博 物 館 ， 而 民 主 黨 涂 謹 申 和 民 協 馮 檢 基 就 各 自 當 地 留 幾 日 四 圍 去 玩 。
至 於 肥 仔 明 仲 犀 利 ， 未 考 察 就 玩 定 先 ， 佢 提 早 同 老 婆 飛 去 巴 黎 浪 漫 四 日 ， 然 後 先 至 同 考 察 團 會 合 ， 事 後 佢 話 去 程 已 特 登 由 特 級 經 濟 客 位 降 級 改 坐 經 濟 客 位 ， 幫 立 法 會 慳 五 千 蚊 ， 況 且 佢 老 婆 機 票 和 食 宿 都 係 自 費 咯 喎 ！
有 議 員 又 自 辯 話 ， 好 多 考 察 地 方 已 經 去 過 晒 ， 無 必 要 貪 小 便 宜 ， 但 如 果 有 議 員 外 訪 前 後 以 私 人 性 質 走 去 旅 遊 ， 雖 然 表 面 上 無 公 帑 損 失 ， 但 實 際 上 議 員 確 實 從 中 得 益 。
疑 數 嚴 人 寬 己
過 去 有 好 多 公 營 機 構 爆 出 一 筆 又 一 筆 糊 塗 帳 ， 例 如 有 社 會 福 利 署 前 任 署 長 梁 建 邦 去 英 國 公 幹 期 間 順 便 探 望 女 兒 ， 惹 起 連 串 風 波 ， 迫 使 政 府 收 緊 公 職 人 員 公 幹 指 引 。
每 逢 發 生 呢 糊 塗 帳 ， 議 員 肯 定 插 到 飛 起 ， 但 依 家 議 員 趁 外 訪 乘 機 個 人 遊 就 無 事 ， 除 非 議 員 覺 得 嚴 人 寬 己 無 問 題 啦 ， 否 則 ， 立 法 會 係 咪 都 要 諗 點 樣 收 緊 外 訪 規 定 ， 唔 好 趁 外 訪 乘 機 數 咁 囉 ！