choihung 2008-4-18 19:49
以前返大陸
各位前輩可否分享一下你們以前回鄉探親的經驗？
我在70年代最深的印象是：
1 車一到羅湖，好像日本仔打到來似的，為求走得快好世界，D人會衝到車窗前，打開，以最快的速度連人帶行李跳車，如勝利大逃亡:victory:
2 除了紅白藍膠袋以外，擔挑一定要，還有身上不知穿了多少重衣服預備給親戚:(
3 過関逼到喊:burst::'(
4 出関后，你根本認不出親戚，因爲人山人海，再加上人人都穿勞動工人服，只能靠你親戚出來認你:oh:
5 這一次的“禮物”還沒有派完， 你親戚已經把他們的“願望樹”交給您，他們會說“你一定要常來！！”
時代變，人情也變，現在是
1 我去國内買老翻，他們來香港掃名店
2 以前拿港幣出來，全國歡迎，現在，要拿人民幣出來才全世界歡迎
好想聼聼各位有趣的經驗。。。。
朱飛 2008-4-18 20:18
以前返深圳心都震
E+就唔同了
周五一次郎 2008-4-18 21:39
[quote]原帖由 [i]朱飛[/i] 於 2008-4-18 20:18 發表
以前返深圳心都震
E+就唔同了 [/quote]
记得以前返到深圳闻到阵柴油味就头晕兼做恶。
过一次关要成个钟，又多人又冇冷气，又热又臭，难顶到晕。
所以每次返乡下简直是噩梦！
algg 2008-4-18 21:59
[quote]原帖由 [i]choihung[/i] 於 2008-4-18 19:49 發表
各位前輩可否分享一下你們以前回鄉探親的經驗？
我在70年代最深的印象是：
1 車一到羅湖，好像日本仔打到來似的，為求走得快好世界，D人會衝到車窗前，打開，以最快的速度連人帶行李跳車，如勝利大逃亡:vi ... [/quote]
- 唔止車一到羅湖要跳車, 也要琴窗上車; 我排最細, 咁高技巧嘅緊係由我做;
- 係香港過馬路駕輕就熟; 係大陸過馬路唔識過 - d單車多到嚇死你;
- 以前返大陸, 唔出聲講野人地都認到你係香港人 - 衣著光鮮; 依家返大陸, 唔出聲講野人地都認到你係香港人 - 衣著唔夠人光鮮;
- 要去唔知邊到登記戶籍, 要攞'糧劵'
- 仲有好多, 一次寫唔曬...
理魯竇 2008-4-18 22:07
[quote]原帖由 [i]choihung[/i] 於 2008-4-18 19:49 發表
各位前輩可否分享一下你們以前回鄉探親的經驗？
我在70年代最深的印象是：
1 車一到羅湖，好像日本仔打到來似的，為求走得快好世界，D人會衝到車窗前，打開，以最快的速度連人帶行李跳車，如勝利大逃亡:vi ... [/quote]
70 年代應該重未有紅白藍膠袋
我在60-70 年代最深的印象是:
1. 過了深圳要寫「回鄉介紹書」，好似睇醫生同審犯咁，解放軍叔叔問一句，你就答一句，
佢就慢慢寫，寫完都成粒鍾，悶到抽筋，但問心個句，佢地手字又寫得幾靚。
2. 去邊度食野都要糧票，最經典就係有些人無糧票，就隨身帶住袋米，去到食店想食碗二
両嘅飯，就將d 米倒落一個二両嘅量杯內，先至有得食，但我到現在都攪不清楚個d 百家
米點樣處理。
3. 個陣時大陸人對香港人都幾尊敬，到處都貼有「港澳同胞，特別接待」的標語，方便港客
優先購票或進膳，而家時移勢逆，逐漸變為「特別折墮」。
講住咁多先
[[i] 本帖最後由 理魯竇 於 2008-4-18 22:09 編輯 [/i]]
mobile2007 2008-4-18 22:46
70年代回鄉，政治氣氛仍很緊張，父母叮噣不要隨便亂說話。過關時個唔知民兵定解放軍問有冇財物手錶，我細佬叻唔切話：有呀！老豆有個雷達錶。頓時觸動對方敏感神經，老豆慌忙笑口解釋係雷達牌手錶，唔係特務D雷達，個老解半信半疑亦笑笑口話：啊，雷達錶下話。一邊係咁摷我個衰多口細佬.........。
hk3dman 2008-4-18 23:36
記得細個跟父母親戚回鄉，
因為老豆驚我同細佬返到去悶，比我o地帶自己鍾意o既「超合金」機械人上路，
過關時大陸海關佬見到個機械人玩具，問：「是甚麼？」
「超~合~金。」年少的我直答。
點知個大陸海關佬聽到個「金」字，馬上緊晒，怒問我地帶金點解唔報？
我老母都嚇到驚驚地，驚佢地會以為佢帶金，因為機械人的手臂、腳等位部份上了金色。
當時攪到要幾個大陸海關佬圍住我個機械人研究一大輪，最後先相信「超合金」並唔係黃金，
當然，年少o既我只係驚一樣野.........個機械人要充公。
[[i] 本帖最後由 hk3dman 於 2008-4-19 17:36 編輯 [/i]]
choihung 2008-4-18 23:44
[quote]原帖由 [i]理魯竇[/i] 於 2008-4-18 10:07 PM 發表
70 年代應該重未有紅白藍膠袋
[/quote]
我的體驗是70年代末期，真的見過紅白藍， 不過用大布袋的也不少。
糧票。。。當年異常的珍貴。
大家有沒有用過外匯券呢？70年代末期拿出來買東西，當年的同胞還搞不清楚那是什麽東西:wondering:
單車。。。記得我弟弟（當時是小學生）過馬路時就給一個農民騎單車撞倒，幸好只受輕傷，不過也嚇得我們:'(。。。記得那人還辯稱他的單車的刹車壞了:saujai:，自此我也對他們的單車處於高度警備的狀態:lookaround:。
雷達表。。。。有趣有趣;P。仲有無多點可以分享？
mandy 2008-4-19 00:08
[quote]原帖由 [i]理魯竇[/i] 於 2008-4-18 22:07 發表
70 年代應該重未有紅白藍膠袋
我在60-70 年代最深的印象是:
1. 過了深圳要寫「回鄉介紹書」，好似睇醫生同審犯咁，解放軍叔叔問一句，你就答一句，
佢就慢慢寫，寫完都成粒鍾，悶到抽筋，但問心 ... [/quote]
60年代回鄉是件苦事，剩係在火車站排長龍已經怕怕.....:L
好似六七十年代回鄉要隨身一本"毛語錄"，不知是否？？:wondering:
hk3dman 2008-4-19 01:00
日排夜排，細個好唔明點解父母要返大陸......
dorothytiffany 2008-4-19 06:23
先發兩張羅湖關卡的圖片, 容後再匯報經驗........
pashwawa 2008-4-19 09:25
[size=3]六十年代回鄉在羅湖橋出境的人潮。[/size]
[IMG]http://i116.photobucket.com/albums/o17/pashwawa/ZLoWu_1960s_3.jpg[/IMG]
[size=1]Source: Immigration Dept[/size]
pashwawa 2008-4-19 10:13
我70年代在我們偉大的舵手死後第一次返大陸。用的是外匯卷﹐住和食的都只可以去招待外賓的酒店及食肆。大部份街邊食檔需要糧票﹐有些街檔亦肯招待﹐但要俾多點錢作買糧票之用。水餃等食物是按重量買﹐﹐但重量是以麵粉的重量作單位﹐例如半斤水餃是以半斤麵粉而造出來的水餃﹐所以實際重量比半斤多很多﹐ 三毛錢水餃已經可吃一餐。那時亦不需擔心被騙﹐人們都是食大鑊飯﹐騙了你亦沒有甚麼好處。
從廣州坐飛機到桂林只是六十元(當年好像是100港幣兌26﹐27元RMB)﹐誤點是常事﹐準時反而是例外的。飛機是蘇聯的螺旋槳機。一路搭一路驚。
每逢在街邊影相都有人圍觀。另外酒店收費亦很怪。是按人頭計﹐我記得我住漓江飯店﹐一個人佔一間房收8元﹐兩個人16元﹐三個人24元。證件要留在酒店。
買東西主要在友誼商店﹐早期一般店鋪跟本不認識外匯卷﹐但後期人們知道外匯卷可用作買入口貨品﹐開始有黑市買賣。在八十年代初到過北京的朋友﹐相信還記得在街邊生果小販兌換人民幣。
記得當年故宮的入場費是五毛錢(珍寶管則要十元)。聽聞現時大約要一百元。當年的單身上路﹐遊覽尚未完全開放的祖國﹐所有東西都平宜﹐令人難忘。
[[i] 本帖最後由 pashwawa 於 2008-4-19 10:42 編輯 [/i]]
mobile2007 2008-4-19 15:11
繼續分享：
那些歡迎港澳同胞標語只流於口號和統戰手段，骨子裏認為香港人只是資本主義的奴隸。回廣州時，街上小朋友係後邊叫香港仔，香港婆揶揄。
折滕大半日過關後，在廣州找到一間華僑賓館吃飯，點知客又唔多，但成個鐘未有得食，D服務就係做唔做都三十六，打阿爺工，話之你死，隔離檯客遲來先上岸，食完見我幾個細路難忍，好心比D菜尾頂住先。
食物篇：
當時大陸靚米出哂口，同胞只有食次等米，叫米'碌'，即存倉太耐斷開一碌碌的碎米，成陣米糠味很難食，回港後吃的第一碟叉燒飯，是一生人最香滑軟熟的飯滋味。
鄉下手訊不外乎：荔枝乾、蕃薯粉、蓮蕅粉，D蕃薯乾趙到牙軟！
國內糧油缺乏，炒菜時用個豬油渣在鍋上抹一圈，就當下了油，據云那油渣用左成年！
親情篇：
八十多歲的外婆親落廣州，第一次見母親和外孫仔女。從窮困鄉下帶來一隻等閒不會吃的大公雞做手訊；細個時就為殺左隻靚靚公雞而扭計不吃飯，大個後就會為公雞背負那份情誼而眼濕，那就是唯一亦是最後一次見外婆。
玩物篇：
當時大陸物質比香港差，但難掩小朋友自製玩具創意，如'急紙槍'，用門鉸、鐵釘、單車胎橡皮和鐵線做成，用大陸火柴做急紙，男仔玩開心死，我仲偷偷帶回來，可惜香港火柴打不響。
踢毽子：用雞尾毛和銅幣做成，細隻很難踢，仲踢到腳痛，都係香港D用電話簿紙做嘅毽子好玩。
[[i] 本帖最後由 mobile2007 於 2008-4-19 15:40 編輯 [/i]]
choihung 2008-4-19 17:09
[quote]原帖由 [i]mobile2007[/i] 於 2008-4-19 03:11 PM 發表
繼續分享：
那些歡迎港澳同胞標語只流於口號和統戰手段，骨子裏認為香港人只是資本主義的奴隸。回廣州時，街上小朋友係後邊叫香港仔，香港婆揶揄。
折滕大半日過關後，在廣州找到一間華僑賓館吃飯，點知客又唔多 ... [/quote]
感谢各位前辈的分享，有有趣的，也有令人感動的（mobile2007 的親情篇），我覺得：
- 祖國今天跟當年比較真的改變了不少，當然還有許多可以改善的地方，不過要繼續改革開放成功，我們港人還需要繼續包容與支持。
- 不要笑國内同胞沒文化、土包子，查實我們港人現今的優勢不大，看看新一輩的中、英文水平和刻苦程度就知道，還不加倍努力趕上的話早晚這個優勢會跟國内同胞對調。
- 老談政治解決不了實際的問題，反而多關心民生與教育的議題，多跟内地交流，能加深相互了解，消除矛盾。
我個人沒有政治立場，我只同意一句話：“内地好，香港更好”。
pashwawa 2008-4-19 17:28
剛開放的時候﹐農村仍然剩不不少火紅年代的口號 - 農業學大寨﹐工業學大慶。
與現在的 向世界接軌 都有異曲同工之妙。
[IMG]http://i116.photobucket.com/albums/o17/pashwawa/Zscan0004.jpg[/IMG]
choihung 2008-4-19 20:43
[quote]原帖由 [i]pashwawa[/i] 於 2008-4-19 10:13 AM 發表
(當年好像是100港幣兌26﹐27元RMB)﹐[/quote]
不講不知道，原來以前的人民幣這麽貴:o
missballball 2008-4-19 20:51
睇到你地D分享，回憶真係珍貴！
我就無喇，因為我返去時已經係九十年代了！
當時，雖然都開始起飛，但都係跑道衝剌緊，亦正式ｇａｔ起個頭起飛∼
仲記得我媽拎錢番大陸買樓，要張Ｄ人民幣左塞又塞，塞幾成幾千張
choihung 2008-4-19 20:54
[quote]原帖由 [i]missballball[/i] 於 2008-4-19 08:51 PM 發表
睇到你地D分享，回憶真係珍貴！
我就無喇，因為我返去時已經係九十年代了！
當時，雖然都開始起飛，但都係跑道衝剌緊，亦正式ｇａｔ起個頭起飛∼
仲記得我媽拎錢番大陸買樓，要張Ｄ人民幣左塞又塞，塞幾成幾 ... [/quote]
90年代國内有“爛尾樓”的問題，希望令壽堂沒有受到影響，蒙受不必要的損失。
大隻西 2008-4-19 21:46
君早年想到國內旅遊 或什至到更偏遠的地方例如新疆 一想擁抱廣闊大漠的朋友們 都先要坐舒適的香港火車到羅湖 再由深圳折滕五個多小時到廣州 由廣州乘火車或飛機到北京 然後再由北京坐火車去烏魯木齊 坐的不是硬臥軟臥 或什麼快直 而是硬直 車未到烏魯木齊人已經...烏...老...木...樣樣齊 相信大家都明我說什麼！！ 打後的還要轉乘小車從泥巴路開往世外桃園。
[[i] 本帖最後由 大隻西 於 2008-4-19 21:55 編輯 [/i]]
理魯竇 2008-4-19 21:54
講到以前返大陸嘅野，真係三日三夜都講唔完。
70年代的中國，文革剛過，一窮二白，家鄉在廣東偏遠山區，更是窮上加窮，人
都無得食，蓄生重慘。
某次和太太回鄉，在親戚家見到一穿開襠褲小女孩在其婆婆引導下大便，事畢該婆婆
學足泰山一樣，叫了幾聲，轉瞬間只見幾隻大狗衝入屋內，不分由說，直撲獵物，真
的是風捲殘雲，向隅者唯有舔乾淨妹妹的屁股，總算聊勝於無。婆婆亦可慳翻D 廁紙
(其實唔係慳，根本上係無)。
太太和我見了唯有苦笑，太太問我如果是男孩子會不會讓它舔屁股，因為 D 狗餓起上
嚟乜都食，容乜易變左太監。
這個「笑話」包含著許多中國人的辛酸，中國老百姓的刻苦能耐，令人動容，現時大
陸人民生活日漸改善，應要珍惜目前，不要走回頭路。
choihung 2008-4-19 23:57
[quote]原帖由 [i]理魯竇[/i] 於 2008-4-19 09:54 PM 發表
講到以前返大陸嘅野，真係三日三夜都講唔完。
70年代的中國，文革剛過，一窮二白，家鄉在廣東偏遠山區，更是窮上加窮，人
都無得食，蓄生重慘。
某次和太太回鄉，在親戚家見到一穿開襠褲小女孩在其婆婆引導 ... [/quote]
理魯竇兄的文章真是言之有物！ 理魯竇嫂的假設性問題也是很有可能發生的！ 貧窮真是一種悲哀，不過鄉下人的環保智慧也值得留意。
那小妹妹的屁股長期在這種情況下，到底有沒有長皮膚病呢？
有沒有人發現最近牛Sir不見了？好期待他可以在這裡分享他的經驗。
choihung 2008-4-20 00:08
[quote]原帖由 [i]algg[/i] 於 2008-4-18 09:59 PM 發表
- 唔止車一到羅湖要跳車, 也要琴窗上車; 我排最細, 咁高技巧嘅緊係由我做;
- 係香港過馬路駕輕就熟; 係大陸過馬路唔識過 - d單車多到嚇死你;
- 以前返大陸, 唔出聲講野人地都認到你係香港人 - 衣著光 ... [/quote]
很有趣的描述，期待下一囘的發表。。。
antoine90 2008-4-20 06:27
小心階級敵人！
---所以我上落樓梯都好小心！
+++++++++++++++++++++++++++++++++=====
有年返去，話林彪係毛主席指定接班人；
第二年，變左叛徒，咁毛主席真係無眼光
++++++++++++++++++++++++++
打倒美帝!
吊，我剩係識波羅丁大帝(鐵甲人果個)
美國都無皇帝!
+++++++++++++++++++
咁就三十幾年了......
algg 2008-4-20 11:18
[quote]原帖由 [i]antoine90[/i] 於 2008-4-20 06:27 發表
小心階級敵人！
---所以我上落樓梯都好小心！
+++++++++++++++++++++++++++++++++=====
有年返去，話林彪係毛主席指定接班人；
第二年，變左叛徒，咁毛主席真係無眼光
++++++++++++++++++++++++++
... [/quote]
:lol:applause:有趣:applause::applause:
理魯竇 2008-4-20 23:42
幾十年前好多人嘲笑大陸嘅生活，話佢地：
每日都
食足三餐
瘦肉四両
有鬼鞋著
聽落唔錯喎
實情係：
食「粥」三餐
瘦肉四両 (每日瘦四両)
有「鬼」鞋著 (無鞋著)
choihung 2008-4-21 01:06
[quote]原帖由 [i]理魯竇[/i] 於 2008-4-20 11:42 PM 發表
幾十年前好多人嘲笑大陸嘅生活，話佢地：
每日都
食足三餐
瘦肉四両
有鬼鞋著
聽落唔錯喎
實情係：
食「粥」三餐
瘦肉四両 (每日瘦四両)
有「鬼」鞋著 (無鞋著) [/quote]
正！仲有無呢？
理魯竇 2008-4-21 02:42
多謝毛主席
賜我一舖死牛力
曬到我黑 GWIK GWIK
有得做無得食
algg 2008-4-21 15:16
真人真事個案一:
小男孩跟老媽返大陸; 因當時大陸物資短缺, 老媽話帶野返去物都要打稅, 老媽將一個打火機塞入小男孩口袋裡, 口中唸唸有詞 '唔會查細路嘅...'
果然老媽預知未來, 真的'唔會查細路'; 但老媽千想不到萬想不到, 排隊過海關時, 海關同志不停地喊: 有冇野要打稅, 有冇野要打稅... 小男孩心中不懂老媽心意, 只不停'提醒'老媽他口袋裡的打火機....
事後老媽在各鄉親面前不住提起這事, 鄉親為打完場, 不停'稱讚小男為人"老實"; 小男孩不知就裡, "老實"..."老實"....老實為何物呢?
[[i] 本帖最後由 algg 於 2008-4-21 15:22 編輯 [/i]]
kain865 2008-4-21 16:03
thx...very good
阿爾拔 2008-4-21 16:46
乜都唔記得，最記得去茅廁要個窿上面，腳邊同埋個窿下面周圍都係米田共，弱小心靈到而家都仲難以磨滅! :burst::burst:
理魯竇 2008-4-21 18:39
[quote]原帖由 [i]阿爾拔[/i] 於 2008-4-21 16:46 發表
乜都唔記得，最記得去茅廁要踎喺個窿上面，腳邊同埋個窿下面周圍都係米田共，弱小心靈到而家都仲難以磨滅! :burst::burst: [/quote]
如果在夜晚去茅廁重大鑊，
家鄉無電，漆黑一片，
去茅廁要點火把，
因為太黑，乜污糟野都睇唔到，
以為心安理得，
忽然間聽到 D 怪聲，
打開竹門，只見到兩盞怪燈射住我，
驚惶失措後，始意會到是一隻動物和我四目交投，
我連忙關門，它隨即走開，
原來又是一隻飢餓的狗。
差點給它嚇破膽。
周五一次郎 2008-4-21 20:44
[quote]原帖由 [i]阿爾拔[/i] 於 2008-4-21 16:46 發表
乜都唔記得，最記得去茅廁要踎喺個窿上面，腳邊同埋個窿下面周圍都係米田共，弱小心靈到而家都仲難以磨滅! :burst::burst: [/quote]
仲有D屎坑系建在鱼塘上面，一面疴，鱼塘里D鱼一面抢食！
無謂之 2008-4-21 22:24
thanks:applause:
missballball 2008-4-21 23:29
[quote]原帖由 [i]choihung[/i] 於 2008-4-19 20:54 發表
90年代國内有“爛尾樓”的問題，希望令壽堂沒有受到影響，蒙受不必要的損失。 [/quote]
咁佢又無影響呀，間屋仲向度呀！
以前我家姐Ｄ衫唔著就拎番去比表姐
呢家？ Ｄ表姐拎既著既食既用既住既
全部都令你"目不暇給"
真係風水輸流轉呀！
1pointheart 2008-4-21 23:41
我的二次奇妙大陸旅程.
*** 作者被禁止或刪除 內容自動屏蔽 ***
choihung 2008-4-22 00:04
[quote]原帖由 [i]missballball[/i] 於 2008-4-21 11:29 PM 發表
咁佢又無影響呀，間屋仲向度呀！
以前我家姐Ｄ衫唔著就拎番去比表姐
呢家？ Ｄ表姐拎既著既食既用既住既
全部都令你"目不暇給"
真係風水輸流轉呀！ [/quote]
講起D衫，我也想起一段往事：
又是70年代末期 ，我外婆和我媽帶我們幾個小孩回鄉探親，我舅公（外婆的弟弟）是農民，一家人多年來都是靠我外婆在香港接濟幫補。那是我第一次跟他見面，他穿深藍色勞動工人服，我外婆把一套新的給他，他高興得不得了，馬上把身上就得脫下，穿上新的，那個笑容非常燦爛，我估計他舊的那一套穿了多年，有新衣服，笑得猶如一個小孩般開心。
外婆跟舅公都先後去世了，我在想：如果在現在送一套勞動工人服給國内同胞，會不會給人家說神經病？
choihung 2008-4-22 00:19
[quote]原帖由 [i]阿爾拔[/i] 於 2008-4-21 04:46 PM 發表
乜都唔記得，最記得去茅廁要個窿上面，腳邊同埋個窿下面周圍都係米田共，弱小心靈到而家都仲難以磨滅! :burst::burst: [/quote]
這一款茅厠我在2000年去内蒙古試過！不過不用太擔心，因爲下面是挺深的，你不掉下去，沒事。
那裏可能是太乾燥，下面的東西氣味不太大:shit:，只是蒼蠅好多:afraid:，才覺得要趕快搞掂，逃離現場:wave:。
hk3dman 2008-4-22 02:36
約 70 年代尾，
當時小孩的我跟大夥親戚十多人有男有女有小孩上鄉探親 ( 新會 )，
因火車班次問題，離開時不能一日內返港，
有一晚要十多人一起住在一招待所，
那裡設備簡陋得可怕，室內只有帆布床和蚊帳，絕冇任何有關美學上的裝修。
其中最深刻是大夥人入房後，發現鐵皮門竟沒有任何鎖，即是只能掩上，
眾親戚們向負責人查問，答覆是：原來全部房都沒有鎖。
負責人還理直氣壯喝道：「全部自己人 (指：同胞)！怕甚麼？」
大家實在難被說服，其中舅父借來一洗臉盆裝滿水，放在門後，
用意為有人開門的話，門會撞在洗臉盆發出聲響，是個很簡陋之防盜器。
其實當晚大家雖被旅途折磨，但一顆心實在太擔心，根本好多人都睡不好，
果然深夜之際，門果然撞在洗臉盆發出聲響，
眾親戚馬上群起大喝「邊個？」！
門外人馬上速逃，但大家已經無勇氣再睡，
只有個個眼睜睜撐到天亮才離開招待所。
36D 2008-4-22 17:40
小弟七十年代開始返大陸，每年都係暑假，半夜比老媽子巢醒，著衫。夏天三十幾度，我要著乜野衫呢？陳述如下：两年背心底衫，一件文化底衫，一件白恤衫，一件大两碼白恤衫，一件冷背心，一件工作服，一件校褸，两條三角底褲，两條孖煙筒，一條藍且褲，一條厚戎褲，两對勿，一對功夫鞋:L
去到火車站排隊，(仲係尖沙咀)死上火車，老媽担两大布袋，我就耍背前後四個枕頭，去到深圳見到解放軍叔叔，個個拿槍凶神惡煞，無啦啦比人捉去種牛痘，個醫生見到我係咁笑，剩係除衫比隻手佢拮針都成個幾字，過海關時仲仆街，待續:lol
billy_1 2008-4-22 21:13
very good.......................
very good.......................
choihung 2008-4-22 21:36
[quote]原帖由 [i]36D[/i] 於 2008-4-22 05:40 PM 發表
小弟七十年代開始返大陸，每年都係暑假，半夜比老媽子巢醒，著衫。夏天三十幾度，我要著乜野衫呢？陳述如下：两年背心底衫，一件文化底衫，一件白恤衫，一件大两碼白恤衫，一件冷背心，一件工作服，一 ... [/quote]
你沒有中暑也算夠運了:applause:
1pointheart 2008-4-23 10:05
*** 作者被禁止或刪除 內容自動屏蔽 ***
1pointheart 2008-4-23 10:06
*** 作者被禁止或刪除 內容自動屏蔽 ***
pashwawa 2008-4-23 10:33
六十年代的羅湖橋﹐看到文革年代的口號。來往未見太多的人潮。
[IMG]http://i116.photobucket.com/albums/o17/pashwawa/ZLowuBridge60s.jpg[/IMG]
algg 2008-4-23 13:55
[quote]原帖由 [i]1pointheart[/i] 於 2008-4-23 10:06 發表
竟然無人問,包括彩虹.:L:L:L [/quote]
問咩呀:wondering::wondering:
36D 2008-4-23 15:47
[quote]原帖由 [i]36D[/i] 於 2008-4-22 17:40 發表
小弟七十年代開始返大陸，每年都係暑假，半夜比老媽子巢醒，著衫。夏天三十幾度，我要著乜野衫呢？陳述如下：两年背心底衫，一件文化底衫，一件白恤衫，一件大两碼白恤衫，一件冷背心，一件工作服，一 ... [/quote]
去到海關，呢樣又唔淮帶，果樣又要打稅，D行李又倒晒出黎，裝番好D行李，老媽子排隊去打稅，打完稅入去排寫介紹書，排到去D解放軍叔叔又係now佬，我地講廣東話，佢地話now話，雞同鴨講。死咁滯先寫完。又要等出介紹書。等到出黎，又雞咁腳去排車票。買完車票就大家在候車室就地寬衣，無論男女老幼，齊齊除衫，上車後又耍争位返到廣州都下午五六點，D親戚已再火車站等候，返到親戚屋企飯都未食就去派出所報戶口，最後返到屋企就分野，原來我所背的四個枕頭，裏面全部係晒乾肥豬皮。過幾返香港時著件舊底衫，一條舊且褲，一對爛拖鞋，好似乞兒仔咁:'(:'(:'(
1pointheart 2008-4-23 18:04
*** 作者被禁止或刪除 內容自動屏蔽 ***
choihung 2008-4-24 00:23
[quote]原帖由 [i]1pointheart[/i] 於 2008-4-23 10:06 AM 發表
竟然無人問,包括彩虹.:L:L:L [/quote]
Sorry sorry.... missed 1pointheart's 火紅的post....
問題1： 那日後你有沒有困難呢？
問題2： 有的話，有沒有回去找張書記呢？
你講的交流團，有點像民建聯主辦的，因爲有重量級的人物出來招呼 （不過可能你們是VIP,就一定要重量級的人馬出來接待！）
choihung 2008-4-24 00:25
[quote]原帖由 [i]36D[/i] 於 2008-4-23 03:47 PM 發表
去到海關，呢樣又唔淮帶，果樣又要打稅，D行李又倒晒出黎，裝番好D行李，老媽子排隊去打稅，打完稅入去排寫介紹書，排到去D解放軍叔叔又係now佬，我地講廣東話，佢地話now話，雞同鴨講。死咁滯先寫完。又要等 ... [/quote]
“打稅”，久違了的 term !!! 記得小時候大人一聽到這個字眼就頭疼:afraid: