copperman 2008-5-14 18:16
柏林圍牆
之前睇到個笑話幾好笑，但係好似爭D。所以自己改編下，希望大家笑納 ^_^
某日上歷史堂時,老師問小明:「王小明，你知唔知道柏林圍牆係幾時推臨?」
小明:「老師......我唔知。」
老師:「吓?咁都唔知?」
小明:「都唔係我推臨,我點知?」
老師其實己經心中有氣,但由於家陣依個時勢唔好話體罰學生,鬧下學生都可能飯碗不保,惟有啞忍,但始終都要做番D嘢…
放學後，老師打電話到小明家屋企…鈴鈴鈴 …
老師:「王太，今天上堂果陣，我問小明，柏林圍牆係幾時推臨,小明不單只話唔知,仲同我講柏林圍牆唔係佢推臨,就梗係唔知啦咁話…」
老母:「老師，唔好意思，我地小明，蠢還蠢，但係份人總算係乘,應該唔會做埋D咁曳嘅野。」
老師見同小明老母講好似冇嘜用就要求同小明老豆講。
老師:「王生…你個仔今日咁…咁…咁…」
老豆:「對唔住，麻煩老師等一陣。」
電話另一頭隱約傳來細路被毒打嘅慘叫聲。
老豆:「唔好意思，要老師你等咁耐。都話慈母多敗兒,棒下先出孝兒…」
老師:「王生,咁你又唔洗o甘勞氣。」
老豆:「阿老師,唔勞氣就假!我地唔係咩有錢人,賠唔起個圍牆,不如我幫你起番佢,我手工唔錯架,但料錢可唔可以學校出?」
老師:「...............」