claudeyue 2008-5-28 10:03
曼 聯 碧 基 簽 巴 塞 4 年
碧 基 簽 巴 塞 4 年
巴 塞 隆 拿 成 功 以 約 500 萬 歐 元 （ 約 6,200 萬 港 元 ） 羅 致 曼 聯 守 將 碧 基 ， 合 約 為 期 4 年 ， 而 西 維 爾 中 場 施 度 基 達 亦 以 1,400 萬 歐 元 轉 投 巴 塞 隆 拿 。 綜 合 外 電 （ 西 班 牙 ）
忽然大暴走 :Q
mynameishoi 2008-5-28 10:40
碧基乜唔係巴塞青訓產品黎咩?
如此都算係落葉歸根丫...雖然佢啱啱先21歲...;P
Fire_Ball 2008-5-28 12:56
碧基質素不俗, 還大有進步空間, 才500萬歐元, 看來還是曼聯的損失. 不過應該是碧基本身的意願吧! :Q:Q:Q
OrangeFai 2008-5-28 13:58
[quote]原帖由 [i]Fire_Ball[/i] 於 2008-5-28 12:56 發表
碧基質素不俗, 還大有進步空間, 才500萬歐元, 看來還是曼聯的損失. 不過應該是碧基本身的意願吧! :Q:Q:Q [/quote]
唯有係咁睇喇..... 我都覺得曼聯應該要留佢... :Q
KMY89 2008-5-28 14:02
[quote]原帖由 [i]OrangeFai[/i] 於 2008-5-28 13:58 發表
唯有係咁睇喇..... 我都覺得曼聯應該要留佢... :Q [/quote]
[color=Purple]x 2
比奥沙好得多啦，點止500萬歐元？[/color] :burst:
OrangeFai 2008-5-28 14:17
[quote]原帖由 [i]KMY89[/i] 於 2008-5-28 14:02 發表
x 2
比奥沙好得多啦，點止500萬歐元？ :burst: [/quote]
哈哈...不過總算有另外一d好消息
[b]曼聯離隊第一人直言不滿費格遜 紅魔兩名將亦確定清洗 [/b]
曼聯在官方網站宣布，與巴塞隆拿達成了轉會協議，同意將西班牙後衛皮克出售給巴塞，後者將與巴塞簽下一份四年的合同。 2004年皮克離開巴塞加盟曼聯，在4年的紅魔生涯中，他有過14次正選和9次替補出場的經歷。到目前為止，皮克為曼聯一隊打進過兩個進球，都來自冠軍盃，分別是對基輔戴拿模和羅馬。
曼聯在解釋這筆轉會時表示，雖然皮克上賽季在奧脫福獲得了一些出場機會，但由于里奧費迪南和維迪的存在，他很少有在一隊打主力的機會，因此曼聯同意放他離隊，去尋求更多的比賽機會。
4月份，皮克曾表達過打不上比賽的不滿。“我不知道自己還能等待多久，我希望能夠每周都打比賽，”皮克說，“今年的情況有些困難，因為我本來期望能踢更多的比賽，我有點失望。”
幾天前在確定轉會巴塞隆拿後，皮克對費格遜表示了不滿，他稱遭到了爵爺的完全漠視。“我認為在曼聯我本應該打更多的比賽，現在最好的事情終於到來了，自從我開始和巴塞談判以來，費格遜就一直漠視我的存在。”
[color=Red] 與此同時，曼聯另外兩名球員也接近了離隊，費格遜已經確認法國中鋒沙夏可以出售，這吸引了韋斯咸和富咸的興趣，他們希望能夠簽下一名新的前鋒。而在施維斯達的轉會中，意大利的費倫天拿加入了爭奪，該隊引進卡坦尼亞左後衛祖安-華加斯的行動沒有進展，於是轉向了施維斯達，而保亞多早已開始了和施維斯達經紀人的聯絡，並開出了一份四年的合同。[/color](李普利)
周五一次郎 2008-5-28 16:09
[quote]原帖由 [i]OrangeFai[/i] 於 2008-5-28 14:17 發表
哈哈...不過總算有另外一d好消息
曼聯離隊第一人直言不滿費格遜 紅魔兩名將亦確定清洗
曼聯在官方網站宣布，與巴塞隆拿達成了轉會協議，同意將西班牙後衛皮克出售給巴塞，後者將與巴塞簽下一份四年的合同。 ... [/quote]
Orange兄,
你指的好消息是否是可以清洗冗员?
仲有个国产冗员要清洗, 唔知是好还是不好?
mynameishoi 2008-5-28 16:49
[quote]原帖由 [i]OrangeFai[/i] 於 2008-5-28 16:17 發表
哈哈...不過總算有另外一d好消息 [/quote]
根據你所講, 似乎碧基的言論係佢被低價賣走的重要原因.
費爵爺唔同你講笑架. 邊個口噏噏話想離隊嘅, 佢大腳伸你走, see you later!
碧咸同雲尼斯特萊係前車之鑑.
周五一次郎 2008-5-28 17:04
[quote]原帖由 [i]mynameishoi[/i] 於 2008-5-28 16:49 發表
根據你所講, 似乎碧基的言論係佢被低價賣走的重要原因.
費爵爺唔同你講笑架. 邊個口噏噏話想離隊嘅, 佢大腳伸你走, see you later!
碧咸同雲尼斯特萊係前車之鑑. [/quote]
唔知如果C朗宜家口噏噏話想離隊回唔会一样呢?
mynameishoi 2008-5-28 17:37
[quote]原帖由 [i]周五一次郎[/i] 於 2008-5-28 19:04 發表
唔知如果C朗宜家口噏噏話想離隊回唔会一样呢? [/quote]
會. 碧咸離隊時正在最高狀態, 人氣, 號召力亦比C朗有多無少.
一個唔想合群, 自以為是的隊員, 無論球技幾好, 人氣幾勁, 都不宜久留. 費爵爺有呢種膽量, 作出呢種決定, 係佢多年來趷立不倒嘅重要因素.
OrangeFai 2008-5-28 17:42
[quote]原帖由 [i]周五一次郎[/i] 於 2008-5-28 16:09 發表
Orange兄,
你指的好消息是否是可以清洗冗员?
仲有个国产冗员要清洗, 唔知是好还是不好? [/quote]
果個....係預備組.... 拎出黎都無乜價錢好賣....不如借去衛星球會用下仲好..;P
而且留番響度, 點都有些少推廣價值的 ;P
OrangeFai 2008-5-28 17:49
[quote]原帖由 [i]mynameishoi[/i] 於 2008-5-28 16:49 發表
根據你所講, 似乎碧基的言論係佢被低價賣走的重要原因.
費爵爺唔同你講笑架. 邊個口噏噏話想離隊�H, 佢大腳伸你走, see you later!
碧咸同雲尼斯特萊係前車之鑑. [/quote]
[quote]
[color=Red] 幾天前在確定轉會巴塞隆拿後，皮克對費格遜表示了不滿[/color]，他稱遭到了爵爺的完全漠視。“我認為在曼聯我本應該打更多的比賽，現在最好的事情終於到來了，自從我開始和巴塞談判以來，費格遜就一直漠視我的存在。”
[/quote]根據轉貼文字所講, 應該係碧基comfirm過左去巴塞之後先公開發表不滿, 情況似乎同碧咸、雲尼斯特萊有d唔同. :reading:[quote]原帖由 [i]mynameishoi[/i] 於 2008-5-28 17:37 發表
會. 碧咸離隊時正在最高狀態, 人氣, 號召力亦比C朗有多無少.
一個唔想合群, 自以為是的隊員, 無論球技幾好, 人氣幾勁, 都不宜仁? [/quote]呢樣野....我覺得就唔可以一概而論.
無錯費sir響賣人方面係好有guts, 但唔係次次情況都係一樣.
碧咸、雲尼斯達羅甚至遠d的史譚都係正值盛年, 而C朗則仲算年青同有進步空間.
另外呢三位俾踢走的人兄, 都係同費sir有不和情況, 暫時睇唔到C朗有呢個情況出現. C朗話走, 個人認為, 雖然佢想去西甲發展的可能性有機會存在, 但我更相信係用黎搏曼聯同佢加人工的技倆而已 ;P
mynameishoi 2008-5-28 18:31
[quote]原帖由 [i]OrangeFai[/i] 於 2008-5-28 19:42 發表
果個....係預備組.... 拎出黎都無乜價錢好賣....不如借去衛星球會用下仲好..;P
而且留番響度, 點都有些少推廣價值的 ;P [/quote]
唔係我對國足悲觀, 但係我每次聽到英超球隊買國產球員, 我第一樣諗嘅就係「推廣價值」.
mynameishoi 2008-5-28 18:39
[quote]原帖由 [i]OrangeFai[/i] 於 2008-5-28 19:49 發表
根據轉貼文字所講, 應該係碧基comfirm過左去巴塞之後先公開發表不滿, 情況似乎同碧咸、雲尼斯特萊有d唔同[/quote]
但係如果佢心裡面一直都係咁諗, 喺佢訓練嘅時候亦都會睇得出.
一個真係想離開球會嘅人, 好難可以咁耐唔露心水架...;P
[quote]原帖由 [i]OrangeFai[/i] 於 2008-5-28 19:49 發表
呢樣野....我覺得就唔可以一概而論.[/quote]
我唔係話每次費爵爺炒人都係因為軍紀問題.
我話嘅係每次有軍紀問題, 費爵爺炒人絕不手軟.
C朗同朗尼兩個都係麻煩友, 將來如果佢地因軍紀問題被炒, 我一D都唔會覺得奇怪.
claudeyue 2008-5-28 22:45
係大球會踢都無乜麻煩架喇, 你只可以做最強既兩三個, 第四個可能己經無得諗...去到巴塞, 情況未必好得多... 依家曼聯的確好齊人, 比基所屬既中堅位己經算係比較好, 曼聯人多既尤其是係中場, 好多時就算係夏格維斯呢d咁具質素既都唔係場場有得踢...
500萬歐元, 即係400萬鎊左右? 比基都踢咗幾場, 表現唔錯... 400萬鎊真係平咗少少...
orange兄講既個位 「預備組.... 拎出黎都無乜價錢好賣....」, 既然都無乜好價錢, 依家咁樣得閒比人講下做宣傳都夠架喇, 上年熱身賽個陣咪好多場都有份踢囉, 拿足傳媒分tim~
至於hoi兄話「一個唔想合群, 自以為是的隊員, 無論球技幾好, 人氣幾勁, 都不宜久留. 費爵爺有呢種膽量, 作出呢種決定, 係佢多年來趷立不倒嘅重要因素.」前面既我完全認同, 費爵爺都係"the special one", 神聖不可侵犯, 但係屹立不倒, 我有少少唔同意, 早排曼聯舒米高退休, 掉走碧咸史譚個陣, 再迎接低潮既時候, 呢個形容詞就好諷刺喇...
其實我覺得費爵係有料既, 但係不可侵犯就未必係好事... 曼聯一直都無炒佢, 某情度上係佢一直得到球會高層同球迷既支持有關, 而且亦有一張好好既resume支持佢je~
OrangeFai 2008-5-28 23:07
[quote]原帖由 [i]mynameishoi[/i] 於 2008-5-28 18:31 發表
唔係我對國足悲觀, 但係我每次聽到英超球隊買國產球員, 我第一樣諗�H就係「推廣價值」. [/quote]
孫繼海都叫做合格的 :)
不過其他.....完全同意 ;P :L :givemefive:
claudeyue 2008-5-30 01:54
[quote]原帖由 [i]OrangeFai[/i] 於 2008-5-28 23:07 發表
孫繼海都叫做合格的 :)
不過其他.....完全同意 ;P :L :givemefive: [/quote]
我覺得真係唔錯架 (雖然都間唔中會有蝦碌), 踢中小型班絕對合格~ 我覺得鄭智都係
不過國足同韓國足比真係差好遠... 衰一大格...
mynameishoi 2008-5-30 06:59
[quote]原帖由 [i]OrangeFai[/i] 於 2008-5-29 01:07 發表
孫繼海都叫做合格的 :)
不過其他.....完全同意 ;P :L :givemefive: [/quote]
孫繼海絕對合格. 但係佢九十年代中/尾已經喺水晶宮服務. 果陣英超球隊都未仔細考慮向亞洲擴展市場, 所以曼城簽佢似乎唔係純粹做 promo 嘅 :D
mynameishoi 2008-5-30 07:08
[quote]原帖由 [i]claudeyue[/i] 於 2008-5-30 03:54 發表
我覺得真係唔錯架 (雖然都間唔中會有蝦碌), 踢中小型班絕對合格~ 我覺得鄭智都係
[/quote]
仲有李鐵, 喺愛華頓第一年打得好堅.
果陣係人都話愛華頓簽佢只係想同個贊助商科健搞關係 (其實係真嘅, 簽李鐵係科健贊助合約中一部分). 結果佢打出成績, 為自己同華人爭氣! :verygood:
同佢一齊去嘅李緯鋒就冇咁好彩, 打左一場就消失左 :wondering:
[quote]原帖由 [i]claudeyue[/i] 於 2008-5-30 03:54 發表
不過國足同韓國足比真係差好遠... 衰一大格... [/quote]
韓國國腳的確係有表現. 曼聯阿朴生, 熱刺阿李生, 似樣丫.
不過反觀日本幾個來英發展嘅球員都打唔出乜野名堂.
稲本潤一喺2002世盃打出超水準, 結果咪兩年之內淪落西布朗?
中田英壽黎到保頓果陣都夠鐘退休囉!
[[i] 本帖最後由 mynameishoi 於 2008-5-30 09:16 編輯 [/i]]
OrangeFai 2008-5-30 12:37
[quote]原帖由 [i]claudeyue[/i] 於 2008-5-30 01:54 發表
我覺得真係唔錯架 (雖然都間唔中會有蝦碌), 踢中小型班絕對合格~ 我覺得鄭智都係
不過國足同韓國足比真係差好遠... 衰一大格... [/quote]
係喎, 唔記得左鄭智添, 佢表現都十分之好 :verygood:[quote]原帖由 [i]mynameishoi[/i] 於 2008-5-30 07:08 發表
仲有李鐵, 喺愛華頓第一年打得好堅.
果陣係人都話愛華頓簽佢只係想同個贊助商科健搞關係 (其實係真�H, 簽李鐵係科健贊助合約中一部分). 結果佢打出成績, 為自己同華人爭氣! :verygood:
同佢一齊去�H李緯鋒就冇咁好彩, 打左一場就消失左
不過反觀日本幾個來英發展�H球員都打唔出乜野名堂.
稲本潤一喺2002世盃打出超水準, 結果咪兩年之內淪落西布朗?
中田英壽黎到保頓果陣都夠鐘退休囉!
[/quote]
李鐵....個人就覺得係三個人入面比較遜色的一個喎....:lookaround:....但都總算係唔失禮....踢得下....
不過佢呢一隻剩係識「搞破壞」、做攔截的中場, 愛華頓實在係太多喇, 佢點會有機會出場?
李偉峰...... 簡單一句, 根本唔夠班 :L
日本球員其實如果講技術底子, 肯定係中日韓三國入面最高的一個, 不過可能英超唔岩佢地喇.... :afraid:
小野伸二係飛燕諾踢歐聯果陣, 真係幾掂架.
中田英壽踢意甲中游球會絕對有資格做正選, 就算踢羅馬, 後備入替都有料到.
中村俊輔都唔錯, 完全係指揮官型, 俾直線、由後半場吊長波入危險地帶都有一手, 個人認為亞洲入面佢最勁添! 另外佢free kick都好勁, 級數上肯定高過林柏特、謝拉特果隻勁射....唔知點解好地地....反而走左去踢些路迪?! :wondering:
mynameishoi 2008-5-30 14:39
[quote]原帖由 [i]OrangeFai[/i] 於 2008-5-30 14:37 發表
李鐵....個人就覺得係三個人入面比較遜色的一個喎........但都總算係唔失禮....踢得下....
不過佢呢一隻剩係識「搞破壞」、做攔截的中場, 愛華頓實在係太多喇, 佢點會有機會出場?
李偉峰...... 簡單一句, 根本唔夠班 [/quote]
你話係邊三個? 李鐵, 孫繼海同鄭智?
如果係的話, 我都同意. 我只係覺得李鐵喺愛華頓第一年嘅表現係合格嘅.
第二年, 傷患連連, 首次出場就食紅牌. 後尾賣左去錫菲聯就消失左.
[quote]原帖由 [i]OrangeFai[/i] 於 2008-5-30 14:37 發表
中村俊輔都唔錯, 完全係指揮官型, 俾直線、由後半場吊長波入危險地帶都有一手, 個人認為亞洲入面佢最勁添! 另外佢free kick都好勁, 級數上肯定高過林柏特、謝拉特果隻勁射....唔知點解好地地....反而走左去踢些路迪?! [/quote]
我都有諗到中村俊輔, 但係諗清楚D, 打蘇超算唔算?!
OrangeFai 2008-5-30 14:45
[quote]原帖由 [i]mynameishoi[/i] 於 2008-5-30 14:39 發表
你話係邊三個? 李鐵, 孫繼海同鄭智?
如果係的話, 我都同意. 我只係覺得李鐵喺愛華頓第一年�H表現係合格�H.
第二年, 傷患連連, 首次出場就食紅牌. 後尾賣左去錫菲聯就消失左.
我都有諗 ... [/quote]係呀, 我就係指呢三個....成隊中國隊見得人的真係唔多喇.... 現役球員來睇, 邵佳一都ok, 踢過德甲.
之前仲話有個叫「中國owen」的去熱刺試腳, 好似叫曲波, 而家影都無埋 :L
好心d中國球員就好似南韓球員咁喇, 一開始就試英超、西甲咁, 人地鬼俾你出場咩. 不如踢下法甲、荷甲, 出左名氣先再去英超喇.
所以我都無話日本球員岩踢英超呀. :jump:
我不過話佢地技術層面比較突出, 中村去到英超可能打唔出水準都未定添 :reading:
mynameishoi 2008-5-30 15:11
[quote]原帖由 [i]OrangeFai[/i] 於 2008-5-30 16:45 發表
好心d中國球員就好似南韓球員咁喇, 一開始就試英超、西甲咁, 人地鬼俾你出場咩. 不如踢下法甲、荷甲, 出左名氣先再去英超喇. [/quote]
唉, 貪字變貧也.
但係英超喺東南亞嘅知名度真係比其它聯賽多好多, 尤其係四大 - 喺其中一隊打預備隊分分鐘出名過喺荷蘭打足一年 - 睇下曼聯果位董生?
[quote]原帖由 [i]OrangeFai[/i] 於 2008-5-30 16:45 發表
所以我都無話日本球員岩踢英超呀.
我不過話佢地技術層面比較突出, 中村去到英超可能打唔出水準都未定添 [/quote]
可能係如你所講, D日本球員喺第二D地方成名立萬, 機緣未到姐:D
中村一日唔黎打英超, 一日都唔會知道佢喺英超掂唔掂.
claudeyue 2008-5-31 00:18
[quote]原帖由 [i]mynameishoi[/i] 於 2008-5-30 07:08 發表
仲有李鐵, 喺愛華頓第一年打得好堅.
果陣係人都話愛華頓簽佢只係想同個贊助商科健搞關係 (其實係真嘅, 簽李鐵係科健贊助合約中一部分). 結果佢打出成績, 為自己同華人爭氣! :verygood:
同佢一齊去 ... [/quote]
話時話, 愛華頓個陣買李瑋峰真係一個錯誤黎架, 據聞愛華頓個陣都係諗住買李鐵, 但係語言上既問題, 買咗個李瑋峰返黎, 所以實情係雙李唔係一齊去英超架, 係一先一後(相差一星期)去既 ^^
曲波, 試腳失敗之後消息咗...
韓國仔曼聯朴生固然勁, 熱刺阿李生都好好(但係唔知點解熱刺既領隊成日都想踢走佢...)
日本既中田生當時真係紅透半邊天, 依家阿中村生亦不遑多讓, 承繼咗中田生成為中場指揮官~
淨係單單講呢幾位, 國內同胞都真係望塵莫及喇...
其實中國最衰既就同英格蘭一樣, 傳媒過份吹捧... 國產奧雲, 黃金左腳個d, 真係一兩腳得就捧到上天, 好似個陣巴西v中國咁, 巴西求其上半場領先2-0, 中國隊係自己半場後場互傳兩腳, 評述員就嗌晒救命：「哎吔係喇, 係咁傳喇, 搓佢啦, 搓佢啦, 贏咗喇, 我地中國贏咗喇, 試問有邊隊波可以係足球王國巴西國家隊面前咁樣搓波丫, 我地贏咗喇, 中國萬歲!!!」....
唉... 明知力有不及, 不如沉著氣努力d好過啦...
rodders 2008-5-31 01:22
加入踩國足!!!
我試過有一次睇佢踢 (好似係歐聯分組最後一場對羅馬，勝負無關痛癢果隻) 見佢踢到行行企企。 大佬呀，你難得出吓，俾多兩錢肉緊走吓啦，淨係識企係度，馬勒當拿都死啦，搵呀茂俾第二次機會你咩。朴智星得費sir歡心係有佢原因。
至於Pique
我覺得佢真係唔掂!你睇季尾唔輸得果幾場，維廸傷咗搵Brown打中堅移後Hargreaves打右都冇consider 到 Pique，費sir係心中有數。我覺得Barcelona 4 百萬都買貴咗。
OrangeFai 2008-5-31 04:04
[quote]原帖由 [i]rodders[/i] 於 2008-5-31 01:22 發表
加入踩國足!!!
我試過有一次睇佢踢 (好似係歐聯分組最後一場對羅馬，勝負無關痛癢果隻) 見佢踢到行行企企。 大佬呀，你難得出吓，俾多兩錢肉緊走吓啦，淨係識企係度，馬勒當拿都死啦，搵呀茂俾第二次機會你咩。朴 ... [/quote]
今季碧基的表現真係好一般..... 不過佢始終後生呀, potential呢樣野好貴架 :reading:
睇多兩三年就知究竟係費sir走寶丫, 定係巴塞隆拿捉蟲了 ;P
OrangeFai 2008-5-31 04:11
[quote]原帖由 [i]claudeyue[/i] 於 2008-5-31 00:18 發表
話時話, 愛華頓個陣買李瑋峰真係一個錯誤黎架, 據聞愛華頓個陣都係諗住買李鐵, 但係語言上既問題, 買咗個李瑋峰返黎, 所以實情係雙李唔係一齊去英超架, 係一先一後(相差一星期)去既 ^^
曲波, 試腳失敗之後消息咗...
韓國仔曼聯朴生固然勁, 熱刺阿李生都好好(但係唔知點解熱刺既領隊成日都想踢走佢...)
日本既中田生當時真係紅透半邊天, 依家阿中村生亦不遑多讓, 承繼咗中田生成為中場指揮官~
淨係單單講呢幾位, 國內同胞都真係望塵莫及喇...
[color=Red]其實中國最衰既就同英格蘭一樣, 傳媒過份吹捧... 國產奧雲, 黃金左腳個d, 真係一兩腳得就捧到上天, 好似個陣巴西v中國咁, 巴西求其上半場領先2-0, 中國隊係自己半場後場互傳兩腳, 評述員就嗌晒救命：「哎吔係喇, 係咁傳喇, 搓佢啦, 搓佢啦, 贏咗喇, 我地中國贏咗喇, 試問有邊隊波可以係足球王國巴西國家隊面前咁樣搓波丫, 我地贏咗喇, 中國萬歲!!!」....[/color]
唉... 明知力有不及, 不如沉著氣努力d好過啦... [/quote]呢點真係絕點同意....吹到咁大把托咩....係都唔肯腳踏實地.....
真係好諷刺....中國係全世界人口最多的國家.....所以曾經係網上聽人講過：
「中國人口就最多, 但13億人居然都搵唔夠11個夠班踢波」....真係好悲哀 :Q
仲記得02年world cup...因為我無睇中國外圍賽的表現, 所以就咁聽報紙、新聞講的算.
唉, 點知一睇第一場, 無記錯係對哥斯達黎加, 睇左半場就知道....中國要出線、甚至乎拎1分的機會都好細.... :L .... 終於最後不幸言中... 做左三零部隊.
其實諗深一層, 中國當年真係極度有運.
由外圍賽開始, 果陣Australia仲未入亞洲, 較強的日、韓因為係主辦國, 自動入圍, 而個人認為亞洲內較強的沙特同伊朗, 唔知點解居然會分落同一組....中國係另外一組, 出線真係無乜難度 :lookaround:
effenberg1234 2008-5-31 05:16
曼聯咁都放..........
mynameishoi 2008-5-31 07:45
[quote]原帖由 [i]rodders[/i] 於 2008-5-31 03:22 發表
至於Pique
我覺得佢真係唔掂!你睇季尾唔輸得果幾場，維箨傷鰦搵Brown打中堅移後Hargreaves打右都冇consider 到 Pique，費sir係心中有數。我覺得Barcelona 4 百萬都買貴鰦。 [/quote]
可能費爵爺唔揀Pique係因為佢嘅態度問題都未定呢?
抑或係佢已心裡有數, 「呢條友仔都係無心替我地服務」, 所以連出場費都慳番!
mynameishoi 2008-5-31 08:06
[quote]原帖由 [i]claudeyue[/i] 於 2008-5-31 02:18 發表
其實中國最衰既就同英格蘭一樣, 傳媒過份吹捧... 國產奧雲, 黃金左腳個d, 真係一兩腳得就捧到上天, [/quote]
絕對同意.
其實此乃足球小國的通病. 澳洲亦然. 冇錯, 維度卡, 基維爾, 卡希爾等係高級球員; 但係外圍賽打贏烏拉圭後, 居然有人荒謬到認為澳洲大可捧盃, 贏波D功臣全部有英超大隊吼...:L
亦有人話因為意大利最尾捧盃, 而澳洲係輸在意大利一個混帳12碼之上, 所以如果冇左果個12碼, 我地應該係世界冠軍...:L
亞洲盃果時仲猖狂, 講到亞洲球隊係蝦兵蟹將, Lucas Neill 賽前仲夠膽死話可以以不敗姿勢捧盃. 好勒. 比日本踢出局勒, 就有人話點解要入亞洲足協呢? 好簡單姐, 係澳洲過往20年不停「唉」FIFA 比佢地加入之嘛!
莫忘澳洲自命係體育大國, 欖球, 板球, 游泳威盡, 但係足球呢個最重要的世界級運動仍然停留在第三世界程度.
mynameishoi 2008-5-31 08:21
[quote]原帖由 [i]OrangeFai[/i] 於 2008-5-31 06:11 發表
其實諗深一層, 中國當年真係極度有運.
由外圍賽開始, 果陣Australia仲未入亞洲, 較強的日、韓因為係主辦國, 自動入圍, 而個人認為亞洲內較強的沙特同伊朗, 唔知點解居然會分落同一組....中國係另外一組, 出線真係無乜難度 [/quote]
中國最好機會就係將全部主場賽事放晒喺昆明, 學某些南美球隊, 靠高地/低氣壓取勝.
或者搏做主辦國囉;P
不過如果京奧成功, FIFA 應會對中國主辦大型體育活動的能力刮目相看. 冇錯, 中國係冇11個夠班嘅球員, 但係有potentially 11億人會仆到咁去睇喺自己國家主辦嘅世界盃!
rodders 2008-5-31 11:03
雖然有小小離題，不過都加入講吓澳洲隊。
在Kewell, Viduka, Ermerson全盛時，佢地真係有啲睇頭。不過，我睇過佢地對Uraguay後就有啲失望。
冇錯佢地有星級球員，但係其餘的質素真係唔得，好似剩係踢4、5個咁。唔同馬勒當拿果隊阿根廷，雖然得一粒星，但係其餘都起碼一線尾呀!!
講真，澳洲人係有種族歧視，佢地根本看不起亞洲人 (當然我也看不起他們)， 佢地係有啲自以為是。
rodders 2008-5-31 11:16
中國足球隊 -- 又愛又恨!!
中國到現在還沒有一套完整的足球訓練、推廣的計劃。 試比較日本就知。
我看過一些評論，得到的答案是問題在中國足總，可以講到中國人的自私性方面。一班掌權人的目標根本在於自已的利益。
claudeyue 2008-5-31 12:10
[quote]原帖由 [i]rodders[/i] 於 2008-5-31 01:22 發表
加入踩國足!!!
我試過有一次睇佢踢 (好似係歐聯分組最後一場對羅馬，勝負無關痛癢果隻) 見佢踢到行行企企。 大佬呀，你難得出吓，俾多兩錢肉緊走吓啦，淨係識企係度，馬勒當拿都死啦，搵呀茂俾第二次機會你咩。朴 ... [/quote]
我都記得費爵換阿國產奧雲出黎, (不過應該唔係正式賽事, 應該係熱身賽之類, 點知阿董生出到黎行行企企, 隊友比波佢佢又即甩/拿唔定, 到有機會射波喇 (後衛問題), 阿董生又射向月球... 技術射術把握能力差都真係無計, 唔努力真係無人幫到你, 費爵難得比你出場你都好應該全場大奔走好似打不死咁丫...
真係... 蛇都死啦...
claudeyue 2008-5-31 12:14
[quote]原帖由 [i]OrangeFai[/i] 於 2008-5-31 04:11 發表
呢點真係絕點同意....吹到咁大把托咩....係都唔肯腳踏實地.....
真係好諷刺....中國係全世界人口最多的國家.....所以曾經係網上聽人講過：
「中國人口就最多, 但13億人居然都搵唔夠11個夠班踢波」....真係好悲 ... [/quote]
最衰係之前仲放晒風, 話咩抽到好籤, 只要和到巴西同 (好似係croatia?), 然後贏到「無實力」既哥斯達黎加就可以出線...
不如你講下佢地幾認真咁做好防務踢返d表現出黎, 收買下人心好過啦...
claudeyue 2008-5-31 12:27
[quote]原帖由 [i]mynameishoi[/i] 於 2008-5-31 08:06 發表
絕對同意.
其實此乃足球小國的通病. 澳洲亦然. 冇錯, 維度卡, 基維爾, 卡希爾等係高級球員; 但係外圍賽打贏烏拉圭後, 居然有人荒謬到認為澳洲大可捧盃, 贏波D功臣全部有英超大隊吼...:L
亦有人話因為意大 ... [/quote]
澳洲「僅輸」或者「因問題球而輸」比意大利的確係有少少唔抵既, 話晒佢地都踢得唔錯 :P
至於可以捧盃, 都係安慰下自己架je, 有大隊吼更加唔駛理, 足球圈裡面有實力無實力個d都成日有煲水新聞... haha
佢地都叫踢得有板有眼丫, 國家隊個度... 直情兩個極端...
rodders 2008-6-1 00:15
其實澳洲真係天真。 你幾時見過意大利贏波贏一條街 !!?? (除咗82年outstanding咁决賽贏德國3:1果場)
尤其係睇住嚟食果啲，例如對澳洲就係果隻!
rodders 2008-6-1 00:45
繼續插國足!
大大話話國足話攪超越亞洲ge足球都有一段日子，算係有一半成績。 起碼有一個字，就係個 --- [ 超 ] 字 !!!!!
堂堂大國 (我覺得中國在任何一方面都係大國) , 攪樣足球攪咁耐連一啲style都冇!
韓國 - 體能
日本 - 整體
中東 - 個人技術
香港 - 冇氣
澳洲 - 英式
中國 ?? - 我剩係諗到 [貪污]
剛剛早輪新聞有亞洲champion league分組賽，當睇到北京國安俾隊泰國乜乜抄5:1 - 當堂目瞠口呆! 即刻望吓周圍有冇外國人，驚俾人笑!
真係要希望有個"戈爾巴喬夫"出踢走哂現在班足總再由根本做起，唔係就唔知國足幾時至有得救啦!!!
mynameishoi 2008-6-1 12:15
[quote]原帖由 [i]rodders[/i] 於 2008-6-1 02:15 發表
其實澳洲真係天真。 你幾時見過意大利贏波贏一條街 !!?? (除鰦82年outstanding咁痩賽贏德國3:1果場)
尤其係睇住鈬食果鱓，例如對澳洲就係果隻! [/quote]
又難怪佢地嘅, 澳洲上次入世界盃係1974年, 而97, 01年兩次都在附加賽被擊敗. 有得入咯, 咪發下噏風, 開心下囉;P
OrangeFai 2008-6-1 12:20
[quote]原帖由 [i]rodders[/i] 於 2008-6-1 00:45 發表
繼續插國足!
大大話話國足話攪超越亞洲ge足球都有一段日子，算係有一半成績。 起碼有一個字，就係個 --- [ 超 ] 字 !!!!!
堂堂大國 (我覺得中國在任何一方面都係大國) , 攪樣足球攪咁耐連一啲style都冇!
韓國 - 體能
日本 - 整體
中東 - 個人技術
香港 - 冇氣
澳洲 - 英式
中國 ?? - 我剩係諗到 [貪污]
剛剛早輪新聞有亞洲champion league分組賽，當睇到北京國安俾隊泰國乜乜抄5:1 - 當堂目瞠口呆! 即刻望吓周圍有冇外國人，驚俾人笑!
真係要希望有個"戈爾巴喬夫"出踢走哂現在班足總再由根本做起，唔係就唔知國足幾時至有得救啦!!!
[/quote]唔係丫, 我覺得中國係集百家之大成喎.
攻不強、守不穩、心理質素低、無個人技術、無體能、無整體戰術 :applause: :L :Q
mynameishoi 2008-6-1 12:22
[quote]原帖由 [i]rodders[/i] 於 2008-6-1 02:45 發表
堂堂大國 (我覺得中國在任何一方面都係大國) , 攪樣足球攪咁耐連一鱓style都冇!
[/quote]
問題係佢地冇一個整體的架構. 聯賽純粹係一個公關活動, 「睇! 我地有自己嘅聯賽架!」
聯賽要有似樣的架構, 先至可以有系統地生產國家級的球員.
架構呢D野唔係一個教練球可以變出黎架...但似乎國足內有如此諗嘅人 :L
rodders 2008-6-2 00:30
期實真係好忟憎，我地中國要人有人，要錢有錢，要攪好青訓有幾咁難？
你班足總要貪要權，等攪好足球有足夠實力之後，咁大個market (just like EPL)，你要點貪點威都得啦!!!
正如尼條thread個主題，正正是一個青訓產品。人地巴塞年年都話有新馬勒當拿，新朗拿甸奴，新乜春咁。我地中國呢？唔好話乜，連個新李鐵都冇呀陰功，唉...........
幾時會有希望國家領導人可以接見吓巴西國家隊，重視下足球，踢走哂而家足總班XX，咁就起碼會有啲起色！
claudeyue 2008-6-2 01:58
[quote]原帖由 [i]rodders[/i] 於 2008-6-1 00:15 發表
其實澳洲真係天真。 你幾時見過意大利贏波贏一條街 !!?? (除咗82年outstanding咁决賽贏德國3:1果場)
尤其係睇住嚟食果啲，例如對澳洲就係果隻! [/quote]
我又覺得唔係喎, 我個場係澳洲睇, 佢地真係踢得幾好架喎, 攻力有限下都有幾個近磅既埋門(雖然係兩個起三個止), 一球係靠龍門飛盡手指力夠先力保不失, 另一球係靠龍門最佳既好朋友 (龍門柱)頂住ja喎...
而且個場個人認為絕對唔係睇住賽果黎踢, 加時加到最後5分鐘先因為格羅素一個半跣腳既十二碼(我睇返replay都真係覺得任何世界級球證睇返重播都要諗幾下先決定吹唔吹, 亦好可能係一半最終決定吹一半決定唔吹)先落敗je, 淨係睇個場既話澳洲真係打得唔錯...
咁當然啦, 話佢地要捧盃又真係言之尚早...
claudeyue 2008-6-2 02:04
[quote]原帖由 [i]rodders[/i] 於 2008-6-1 00:45 發表
繼續插國足!
大大話話國足話攪超越亞洲ge足球都有一段日子，算係有一半成績。 起碼有一個字，就係個 --- 字 !!!!!
堂堂大國 (我覺得中國在任何一方面都係大國) , 攪樣足球攪咁耐連一啲style都冇!
韓國 - 體 ... [/quote]
球場上未必得, 但係至少傳媒吹捧既能力學到英國丫~ ;P
地方球隊又好難同國足直接比較既... 不過當然中國既地方球隊同小「城市」既地方球隊交鋒落敗都唔係光彩既事情... (不過好似有印象睇報紙講話國足遇咗輸3-0咁去踢既)
至於攪國足訓練個班人... 真係聞所未聞見所未見, 佢地上面個班話要錢攪既就過....:afraid:
OrangeFai 2008-6-2 02:22
[quote]原帖由 [i]claudeyue[/i] 於 2008-6-2 01:58 發表
我又覺得唔係喎, 我個場係澳洲睇, 佢地真係踢得幾好架喎, 攻力有限下都有幾個近磅既埋門(雖然係兩個起三個止), 一球係靠龍門飛盡手指力夠先力保不失, 另一球係靠龍門最佳既好朋友 (龍門柱)頂住ja喎...
而且個場個人認為絕對唔係睇住賽果黎踢, 加時加到最後5分鐘先因為格羅素一個半跣腳既十二碼(我睇返replay都真係覺得任何世界級球證睇返重播都要諗幾下先決定吹唔吹, 亦好可能係一半最終決定吹一半決定唔吹)先落敗je, 淨係睇個場既話澳洲真係打得唔錯...
咁當然啦, 話佢地要捧盃又真係言之尚早... [/quote]果場我都有睇呀....我好認同你的講法...
雖然rodders的講法都無錯, 意大利的確係極少會嬴對手好多球.
但對澳洲果場, 無記錯的話應該係italy中後段已經要打少一個, 根本就[color=Red]無[/color]壓住人黎打的實力.
只係果場令全世界(包括平日無睇意甲的人)都知道「一夫當關」(簡拿華路)係可以去到一個幾強的地步、令球迷都明白「保方保方、保住後方」絕對唔係浪得虛名 :bow: :verygood:
不過講番整隊, 澳洲係禁住意大利黎打的. 計控球比率的話我估袋鼠兵會嬴好多.
射入pk的無記錯係totti, 換入左全場無表現的迪比細路.
如果小弟無記錯的話, 更正番少少, 你講的「加時」, 應該係補時.
格羅素果球....真係好controversial....就算睇直播, 用夠兩三個角度去睇, 都唔可以sure判斷究竟係foul定無foul.... :afraid: :oh:
題外話, 格羅素亦係憑住呢次成名....當然, 其實有睇足意大利06world cup咁多場的人, 都知道格羅素的左路的活躍程度同攻擊力對意大利有幾咁大的幫助, 尤其係如果前面無出totti、而只係出「響老婦人屈晒機、踢國家隊就唔曉飛」的迪比, 佢同森保達就更加重要了.
[[i] 本帖最後由 OrangeFai 於 2008-6-2 03:51 編輯 [/i]]
claudeyue 2008-6-2 02:58
[quote]原帖由 [i]OrangeFai[/i] 於 2008-6-2 02:22 發表
果場我都有睇呀....我好認同你的講法...
雖然rodders的講法都無錯, 意大利的確係極少會嬴對手好多球.
但對澳洲果場, 無記錯的話應該係italy中後段已經要打少一個, 根本就會壓住人黎打的實力.
只係果場令全世界 ... [/quote]
噢講返好似係馬特拉斯下半場開波無耐做紅牌阿姑, 我講既加時都好似係補咗4-5分鐘等緊吹雞踢加時既時候既「突擊」, 射入既我都肯定係托迪~
OrangeFai 2008-6-2 03:58
[quote]原帖由 [i]claudeyue[/i] 於 2008-6-2 02:58 發表
噢講返好似係馬特拉斯下半場開波無耐做紅牌阿姑, 我講既加時都好似係補咗4-5分鐘等緊吹雞踢加時既時候既「突擊」, 射入既我都肯定係托迪~ [/quote]
哈哈......原來我上面打錯字添. :lol
claudeyue兄你都好夜訓喎....
得閒再傾.... :lol
記得落飛 :lol
[url]http://xocat.com/f/thread-194989-1-1.html[/url]
claudeyue 2008-6-2 11:21
[quote]原帖由 [i]OrangeFai[/i] 於 2008-6-2 03:58 發表
哈哈......原來我上面打錯字添. :lol
claudeyue兄你都好夜訓喎....
得閒再傾.... :lol
記得落飛 :lol
[url]http://xocat.com/f/thread-194989-1-1.html[/url] [/quote]
咁啱尋日訓咗晏覺 :lol
我比較對英超有興趣, 所以唔玩住lu~ :P
mynameishoi 2008-6-2 18:43
[quote]原帖由 [i]claudeyue[/i] 於 2008-6-2 04:04 發表
地方球隊又好難同國足直接比較既... [/quote]
但係地方聯賽都算係國家隊嘅搖籃. 我相信一隊國家隊嘅興衰係同佢國內聯賽的水準有直接嘅關係:)
尤其係好似中國, 出口球星唔多, 自己聯賽變得更加重要.
mynameishoi 2008-6-2 18:56
[quote]原帖由 [i]OrangeFai[/i] 於 2008-6-2 04:22 發表
果場我都有睇呀....我好認同你的講法...
雖然rodders的講法都無錯, 意大利的確係極少會嬴對手好多球.
但對澳洲果場, 無記錯的話應該係italy中後段已經要打少一個, 根本就無壓住人黎打的實力.
只係果場令全世界 ... [/quote]
冇錯, 澳洲果日佔球率係有壓倒性嘅優勢, 但係被浪費嘅機會仲多 - Cannavaro 同 Buffon 係盡顯威力, 但係Kewell 同 Viduka 嘅進攻完全不知所謂. 要知維度卡在2007年前國際賽入球率係39場入6球.
講返國足青訓, 會唔會係因為有領導階層認為中國贏世界盃嘅機會實在太縹緲, 但係喺奧運贏體操金牌就十拿九穩, 所以將D資源擺晒喺後者呢?