陳咀扁 2008-6-16 04:32
葛亮洪/慕蓮夫人
唔係講佢地本人, 係講以佢地命名既(舊)野.....
佢地兩公婆既下場好唔同......
葛亮洪爵士號(51號火車頭) 好早就退左休, 而家仲可以長居大埔鐵路博物館
慕蓮夫人號(52號火車頭)響香港涯足五十幾年之後, 而家仲要比人地賣豬仔去澳洲繼續涯.....
葛亮洪號(滅火輪)仲包閉, 退左休後仲特別整左間展覽館比佢添
慕蓮夫人號(督爺遊艇)回歸後冇左尊貴身份不得止, 仲要比人當爛鐵咁賤賣, 幾乎不得善終....
都咪話唔大對比
dragonman 2008-6-16 09:22
慕蓮夫人號(督爺遊艇)依家停泊於銅鑼灣避風塘，船編號係33436，得閒去探下佢。
西南風 2008-6-16 13:33
[quote]原帖由 [i]陳咀扁[/i] 於 16/6/08 04:32 發表
唔係講佢地本人, 係講以佢地命名既(舊)野.....
佢地兩公婆既下場好唔同......
葛亮洪爵士號(51號火車頭) 好早就退左休, 而家仲可以長居大埔鐵路博物館
慕蓮夫人號(52號火車頭)響香港涯足五十幾年之後, 而家 ... [/quote]
果兩個火車頭就冇乜好講啦（因為唔係我果科）。
葛亮洪號(滅火輪)同慕蓮夫人號(督爺遊艇)就有D認識~我在舊"水師塘"學師嘅。
。。葛亮洪號(滅火輪)~Deck面嘅設備大家都可以係西灣河公園內睇到，那裏不談了。它有一個机房和和一個泵房；泵房含三部V16盆Paxman柴油發動机帶動的"千層泵"。机房含直立式６個盆柴油發電机兩部、V16盆Paxman柴油發動机（可轉檔、推力/水泵二選一）兩部，全手動操作。全船高壓水喉都是用紅銅[color=Red]手工[/color]打做，九龍'鐸'建做。其水壓式升降消防平台在當年呢講，可以話亞州第一㗎。
E+如果隻船D主机重係度，又UP GRADE吓D電線同導航系統、放返落海，我睇重可以用多20年㗎。
。。慕蓮夫人號~Deck面為前、后廳，班地利（Pantry）及厨房各一，其前廳足足有四百呎咁大。居住倉則為三個豪華獨立套房，大果個有成二百呎，船尾則為一船員用的大倉。机房含8個盆L3B Gardner柴油車兩部，單盆仔發電机一部。
由於使用者身份的特殊性，所以此船係受到超規格的維修和保養服務（督爺隻遊艇喎），更甚於葛亮洪號(滅火輪)。
>>>>仲要比人當爛鐵咁賤賣
此句'可圈可點'，當年政府倉投標、好多野都係'非外人可知'。
>>>>多謝dragonman兄提供，有時間真係要去睇吓，回味一番。
watergap69 2008-6-17 11:55
請問有圖片嗎？
不知賤賣時，遊艇上的所有英式裝飾是否已不在呢？
西南風 2008-6-17 13:09
。。。sorry,冇。
。。。按當年慣例，政府賣船係唔連傢私同船隻非必要固定裝修（當然爛野、廢物除外）。至於〝慕蓮夫人號〞有冇例外就我都唔知。
oneout 2008-6-20 19:46
[quote]原帖由 [i]西南風[/i] 於 2008-6-16 13:33 發表
果兩個火車頭就冇乜好講啦（因為唔係我果科）。
葛亮洪號(滅火輪)同慕蓮夫人號(督爺遊艇)就有D認識~我在舊"水師塘"學師嘅。
。。葛亮洪號(滅火輪)~Deck面嘅設備大家都可以係西 ... [/quote]
Thanks for the lesson. I ' ve learnt a lot.:applause::applause::applause::applause:
hokatung 2008-6-30 20:57
幸福摩天輪——「慕蓮夫人號」九死一生 2007/7/31
網誌分類: 寫作
大家都將難逃一拆的皇后碼頭，與剛駕崩的「九龍皇帝」曾灶財混為一談，其實，與皇后碼頭真正成雙成對的，是「慕蓮夫人號」。殖民地時代，每逢港督來港履新，或英皇室成員如英女皇及戴妃到港，便是乘「慕蓮夫人號」到皇后碼頭登岸。據前布政司鍾逸傑說，當年麥理浩寫《施政報告》，都是在慕蓮夫人號上動筆的。
去年盛夏，我有幸登上九死一生的「慕蓮夫人號」上。船主是被人戲稱「余慕蓮」的商人Peter余永垣。話說九七年底，政府把「慕蓮夫人號」以不適合航行為由，公開接受投標。Peter因為少年時常在皇后碼頭流連，邂逅典雅的她，載着洋人（港督麥理浩）與狗下船，一見傾心，於是在廿幾年後不惜三次加碼，苦等了一年終以廿一萬標價把落難的「慕蓮」投了回來。
當天，我坐在船上，聽Peter心痛地憶述，一登上船，卻發現她已滿目瘡痍，甲板上的剩餘物資如何被人當紀念品船拿走了，餐桌、船鈴、四個水泡不翼而飛，最慘是連船的靈魂－航行日誌（logbook）都不見了，打電話到海事處，對方只說：「我賣俾你時當爛船！」Peter像招魂一樣，透過各方好友，將船的大小物件歸位，再花三年時間和兩百多萬，令滿身傷痕的她回復昔日的容貌。
對「慕蓮」一往情深的Peter，還四出搜羅慕蓮的舊照，輾轉找到移民加國，當年為麥理浩及尤德駕船的船長鄺耀，把慕蓮幾近煙沒的傳奇，一點一滴的重新拼湊出來。然而，聽過Peter千辛萬苦營救「慕蓮」的故事後，你怎能奢望皇后碼頭能逃過煎皮拆骨的命運呢？
潘麗瓊
[url]http://hkheadline.com.hk/blog/reply_blog_express.asp?f=1L6XW1TG2P70479&id=50815[/url]