無神論狂徒 2008-11-12 11:53
早排睇時事節目，講兩個年青人創業搞公關．．．
個節目講時下年青人的工作心態，工作態度如何如何，有個中年老板評論時下八九十年代出世的年青人的工作心態，佢雖然冇乜大批評，但都係有些稀虛，偏向負面，
其實有不少中年人都講時下年青人同上一輩人的工作態度好有分別，年青一輩冇乜責任感，又唔忠心，成日跳糟，冇承擔，又乜又七
我唔係八九十年代出世的年青人，但係都要講句公道話，每個人都係佢果個年代的產物，而該個年代的創造者（中年人），創造出乜嘢環境，自然會孕育出一班乜嘢嘅人（年青人）
你唔怪得呢班後生仔唔忠心成日跳糟，現代香港企業家老板，經濟唔好，當然要裁員，經濟好，都會借架構重組去裁員，新輩企業家請個人返來，唔多教嘢，所有嘢個員工應該default咗通天曉，唔識就係員工有問題，炒！同上幾輩的企業家唔同，佢哋唔易炒人，請個人回來，就教佢嘢，環境不論如何，顧主都盡可能唔炒人，有個咁嘅老細，你自然對佢忠心，盡犬馬之勞賣命啦！時下的企業家？一有少少唔對路已經忽你去十丈遠喇，講穿咗時下的老細，要你忠心賣命，但又要把雙方關係設定為買賣，我比錢你賣你工作力，嘅然係咁大家係個買賣關係，員工有何需為你賣命忠心呀！？時下老細呢種心態明顥係輸打嬴要，邊有咁著數呀？！嘅然係買賣關係，點解唔跳糟搵個出得起錢的老細呢？
講起年青人冇承擔又係．．．時下企業家，請個人回來，唔多教嘢，一唔鐘意就炒，冇咗上幾輩企業家的皇者風範，對一個下屬的飯碗有承擔，請得你就有責任教你成長！時下企業家做出嚟冇承擔，你又要求年青人有承擔？
我後生果陣，我入過間巨型企業做賣手，為全港五六十間門市買貨，個電腦系統係Tailor Made，我入職個阿頂教我用個系統，教了足足兩分鐘咁多，就要我做嘢，所有我應該要識的基本功能，全部唔講，佢Default我識哂，之後要用電腦的工作排山倒海，我對個系統的認識根本係應付不來，周圍問人點用，做唔切比頂屌，晚晚做到好夜，最後火起嚟比大信封佢，一個月左右走頭！
我做了管理人後，炒人多到我都數唔清炒咗幾多，但係我都揸著一個宗旨，盡可能教，唔得盡可能教到得，救得一個得一個，有得救的人，我都拖到最後一分鐘等老細叫我炒我先焗炒
我對時下老細的睇法，我又感到，某部份難怪，因為香港競爭大，你唔可以比好多時間資源去培訓一個人，而且因為競爭大，員工係成本，是一個包伏，裁員係生存的一個法門，你好自然為生存自保而炒人！
所以我結論係，時代巨輪如此！
屍屠華 2008-11-12 15:25
啲度唔係創業版..................
peninsula 2008-11-12 21:49
[quote]原帖由 [i]屍屠華[/i] 於 2008-11-12 15:25 發表 [url=http://forum.timway.com/f/redirect.php?goto=findpost&pid=5574409&ptid=224576][img]http://forum.timway.com/f/images/common/back.gif[/img][/url]
啲度唔係創業版.................. [/quote]
Info sharing?:oh:
毛球 2008-11-14 02:12
[quote]原帖由 [i]無神論狂徒[/i] 於 2008-11-12 11:53 AM 發表 [url=http://forum.timway.com/f/redirect.php?goto=findpost&pid=5573719&ptid=224576][img]http://forum.timway.com/f/images/common/back.gif[/img][/url]
我做了管理人後，炒人多到我都數唔清炒咗幾多，但係我都揸著一個宗旨，盡可能教，唔得盡可能教到得，救得一個得一個，有得救的人，我都拖到最後一分鐘等老細叫我炒我先焗炒[/quote]
唔同年代唔同環境固然會出產唔同質素同文化, 不過作為管理人除左擁有隨時炒人既權力外, 亦應有聘用合適人選的眼光, 減少炒人炒到數唔清既問題. :saujai:
無神論狂徒 2008-11-14 11:10
我管理七十人的團隊，唔係三四個人，你管人一多，自然炒人機會多，自然炒人炒到數唔清
而且我管零售，零售係香港四大勞力流失最多的行業，走的快，炒的也多，因為做到數才能生存