gantz_00100 2008-11-14 00:27
大家幫幫忙....急問!!!!
小女子因為進修讀副學士...唔想屋企人負擔我既學費....所以去in左份夜總會拳手....
大致情況係咁..
我有個女仔朋友陪我去....呢間都係一間幾大幾有名既....
上到去我朋友就話聽到有人係度講"又多兩條女".....唔知係咩意思呢?
之後我見到好多阿姨職員.....就同我講左工作內容靜係同d客猜妹,飲酒,傾計
人工90-140
本來想我即刻試工,不過我朋友趕時間所以話聽日先...
之後佢拎我身份証填d野~又講明比我知係作紀錄我係呢度職員...
我有睇清楚細字靜係寫話聲明自己唔會作出非法行為....冇其他野...
不過我填左真地址怕唔怕?同埋佢地對我既資料點處理架?
我有同佢講明我唔可以比人模,同埋我唔會出街之類既野....佢話無問題...會唔會到時候反口?
我返工時間到夜晚11點...2-11點呢d時間係咪冇咁多黑社會架?通常係咩人會去架?
我有問過帶我上去既人~佢話而家d夜總會唔同以前果d架啦喎....
係咪有人一心諗住上去飲下酒猜下妹?咁落吧咪一樣?
其實我真係諗左好耐先至過到自己呢關....我唔知大家會點睇我....
同埋佢話聽日會幫我影相....我想問...有冇人知道影咩相同埋會作咩用途?會唔會比人放上網架?
我好驚呀....但係係佢地先會比我選擇返呢個時間,同樣咁高人工既酒吧又要返到好夜,我又要返學我唔想影響到我學業呀...
本來以為自己返左幾年工無咩野好驚既..不過而家話做夜總會都係有d怕怕地...
希望大家可以幫下我....
[[i] 本帖最後由 gantz_00100 於 2008-11-14 00:31 編輯 [/i]]
81tkhk 2008-11-14 04:37
回覆 1#
我估，都喺揾噃份補習老師做，教吓小朋友做功課，有錢賺，又可以〔温故知新〕，一份唔够，可以揾两份。請和同學、朋友、家人商量。
ongalgal 2008-11-14 13:12
you have an answer already....係咪有人一心諗住上去飲下酒猜下妹?咁落吧咪一樣?
Thomas 2008-11-18 11:44
夜總會果 d 唔算系拳手, 其實都系小姐既一種. 就你所講既佢地無呃你, 工作性質都系同客飲酒, 傾計, 猜妹, 唱歌. 至於 d 客會唔會摸你就好難講, 拖手呢 d 實有啦. 你都要 lum 下 d 客啦, 唔系就實比客彈走. 其實好多客都好斯文既. 基本上你見工果個場好多女仔都系 part time. 學生又有, OL 又有. 做唔做你自已考慮啦