無神論狂徒 2009-1-2 15:17
七十年代的大窩口的德大徑！有冇人係果度有印象！
我在那裏留下很多記憶，果度以前對著個斜坡，但係現在已剷平起公屋。
仲有街口有間大成玉器首飾，隔離係玫瑰麵包舖，德大徑中間有間士多仔，有單車租，以前一包芝士圈五毫子包。
街尾有間叫利群的金屬製品舖頭，有兩兄弟。
仲有間樂士大酒樓。
徑尾係一條隧道。
我記得由德大徑行上斜，附近有間禪院，果度一入夏天，蟬聲勁大，好多蟬捉，我都捉過一籠！十幾隻，但係蟬好快死，一個星期死光！
仲成日有班細路仔响度服呢呢，兵捉賊！我係其中一個！