香港 Xocat Forum 討論區 » Childhood 童年往事/懷舊/集體回憶 » 海外生活點滴非洲篇

查看完整版本: 海外生活點滴非洲篇

老搜 2009-2-16 21:11

[quote]原帖由 [i]ho1965[/i] 於 2009-2-16 12:48 發表 [url=http://forum.timway.com/f/redirect.php?goto=findpost&pid=6124101&ptid=239411][img]http://forum.timway.com/f/images/common/back.gif[/img][/url]
續上

〝我同呀二上左車後,佢就跟著上來了,我還拉了他一把,見到d麵包,咁就一人拿一条,點知佢拿了三条, 之後阿四
及阿五就上埋離嘞,睇見佢有三条麵包,就問佢攞,佢唔肯分給阿四和阿五,話阿四阿五两人追車追得慢,唔應 ... [/quote]

噉, 阿2,4,5落車時又有無擺低啲麵包呢 !

ho1965 2009-2-16 22:55

續上「老搜兄, 此貼原安排明天上版,既然問到,惟有堤前去片」

咁就吹漲嘞, 本想叫田螺頭落車後單獨同佢講不應該霸三条麵包. 不知是否2,4,5聽到亞B稱我做波士,就拿拿聲跳
落車,or被亞B大聲一喝,不理三七廿一,落車先算.睇見呢班黑仔,又可憐又好笑, 衣加變成五個企晒系到,光頭佬,
亞二就揸住条麵包,田螺頭就攬住,一齊望著我,聽侯打發.現在回想29年前的情景,如在眼前. 好la,既然亞B已介紹
我出台,便順水推舟道〝我係中國人,你們可以叫我H,現在揾你地係去拆櫃,做得好,一星期有两日工開〞講到這,
已見5人面有喜色〝做得唔好,就即炒. 〞yes,sir 5人一齊大大声.跟著行埋田螺頭身邊叫佢把麵包分給亞4同亞5

Lawrencetoo 2009-2-17 00:03

回復 52# 的帖子

吓,今天有無片呀?幾時到第三個国家呀?

ho1965 2009-2-17 10:02

[quote]原帖由 [i]Lawrencetoo[/i] 於 2009-2-17 00:03 發表 [url=http://forum.timway.com/f/redirect.php?goto=findpost&pid=6129348&ptid=239411][img]http://forum.timway.com/f/images/common/back.gif[/img][/url]
吓,今天有無片呀?幾時到第三個国家呀? [/quote]

後生仔, 唔駛心急,坐定定,我衣家先至63,如上天許可,估計80冇問題,到時你50〔？〕都未到,一於坐低,
食個包先,非洲篇人物方出場,背景都未介紹清楚,單單非洲都有十個八個國家,一年半載後,我D生意先至
開拓至巴西,真系來日方長,唔講la,個市開左,跌408點.上午收市後睇片.

ho1965 2009-2-17 12:34

續上

〝田螺頭, 你可能唔知乜野叫做公平,唔緊要,我現在話你知,首先,你答我一個問題,光頭佬話你唔肯分D麵包給亞
4和5,系因為你話佢地上車最慢,唔值得分,有冇咁講過〞〝系,我系咁講〞〝咁就得嘞, D麵包係我嘅,我都未講點
分,你就霸左三条,你話你咁做,arm唔arm?〞〝咁............,我上左車後,光頭佬同呀二已經拿了,其餘三條,佢地都冇攞,
咁我就唔駛客氣la〞〝你系唔系Zulu〞〝系,我系Zulu〞〝就我所知,牛,以前在你們族中是非常貴重,你地可以為左
隻牛唔要条命.〞〝冇錯,我呀爺嗰時係咁〞〝你細個時有冇在鄉下看牛?〞〝有〞〝如果你看牛時,有一隻牛走甩
左,被其他人牽走, 後來被你發覺而追討, 對方話,D牛週圍走,冇人睇住,我捉到便屬於我, 你點做呢?〞〝我殺左佢〞
〝咁捉左你隻牛的人和你霸住三条麵包有冇分別呢?〞亞B望住我同田螺頭在講嘢,一面不以為然的眼神,他可能在
想,講咁多做乜,一巴打過去,便了左件事. 〝分別?...................

Lawrencetoo 2009-2-17 13:19

老何,咁鬼有耐心教佢地做人的道理,好似老豆教仔,你有冇教佢地每餐飯後記得食"綠箭"..哈哈:lol

ho1965 2009-2-17 17:32

老搜 2009-2-17 21:50

[quote]原帖由 [i]Lawrencetoo[/i] 於 2009-2-17 13:19 發表 [url=http://forum.timway.com/f/redirect.php?goto=findpost&pid=6133188&ptid=239411][img]http://forum.timway.com/f/images/common/back.gif[/img][/url]
老何,咁鬼有耐心教佢地做人的道理,好似老豆教仔,你有冇教佢地每餐飯後記得食"綠箭"..哈哈:lol [/quote]

講起 "綠箭, 白箭牌"香口膠, 記得响讀小學個年代, 唔知邊度傳來了個無厘頭消息謂, 如果能夠揾到那一張用來套着香口膠嘅紙套, 當將其拆開時, 那黏貼位置如果事前沒有被撕裂過, 那便可拿着這完整的套紙到代理商處拿取 500元獎金, 而這個消息當年流傳了很久.也許這是廠商之宣傳技倆吧.
哈哈 ! 時至今天, 甚致 "綠箭,白箭"巳轉了型及市面上有了新牌子, 但仍未能有機會拿取到那份獎金呢. :loveeyes:

[[i] 本帖最後由老搜於 2009-2-18 08:26 編輯 [/i]]

Lawrencetoo 2009-2-18 01:29

[quote]原帖由 [i]ho1965[/i] 於 2009-2-17 17:32 發表 [url=http://forum.timway.com/f/redirect.php?goto=findpost&pid=6134764&ptid=239411][img]http://forum.timway.com/f/images/common/back.gif[/img][/url]

當年的至寶三鞭丸就有,Zulu族例,老婆多多都可以:lol :lol 。田螺頭同佢個仔現在一名為 EMPANGENI 的地方
做左大批發商, 我老懷安慰。 [/quote原來非洲而家人口極度彭漲,我有理由相信是你當年的三鞭丸功勞:lol

ho1965 2009-2-18 09:55

[quote]原帖由 [i]老搜[/i] 於 2009-2-17 21:50 發表 [url=http://forum.timway.com/f/redirect.php?goto=findpost&pid=6136334&ptid=239411][img]http://forum.timway.com/f/images/common/back.gif[/img][/url]

講起 "綠箭, 白箭牌"香口膠, 記得响讀小學個年代, 唔知邊度傳來了個無厘頭消息謂, 如果能夠揾到那一張用來套着香口膠嘅紙套, 當將其拆開時, 那黏貼位置如果事前沒有被撕裂過, 那便可拿& ... [/quote]

呢一件咸豐年事件,我就系得益者,姐姐按傳聞辦事,我日日有得趙,牙骹都軟埋.個紙套,一定整爛:'( :'(

ho1965 2009-2-18 10:03

[quote]原帖由 [i]Lawrencetoo[/i] 於 2009-2-18 01:29 發表 [url=http://forum.timway.com/f/redirect.php?goto=findpost&pid=6138161&ptid=239411][img]http://forum.timway.com/f/images/common/back.gif[/img][/url]
[quote]原帖由 ho1965 於 2009-2-17 17:32 發表 [img]http://forum.timway.com/f/images/common/back.gif[/img]

當年的至寶三鞭丸就有,Zulu族例,老婆多多都可以:lol :lol 。田螺頭同佢個仔現在一名為 EMPANGENI 的地方
做 ... [/quote]

我遲ha就會講到呢個現象,由光頭佬引起,敬請留意上片時間！

ho1965 2009-2-18 12:11

續上

〝你唔駛答住l嘞, 你諗到先至答波士la, 你地5個全部快D上番車〞亞Ｂ以很友善的聲線對住呢5位大哥在講,
跟著向我打眼色示意我望ha後面, 原來當我在與田螺頭講嘢時,不知不覺後面已圍上五六個黑仔,有两個眼甘甘望
住田螺頭攬住嗰三条麵包,真系講多無謂,萬一起哄,咁就大餐嘞.36著,走為上著.即刻上車走人.〝B, 如果頭先班人
中有人搶麵包,你點做呀？〞〝哈,哈,咁就由得佢地搶!〞〝咁都得?〞〝當然la, 頭破血流都系黑仔, 唔關我和你事
..............唔系播,你要出錢買過D麵包去揾鏟車ah......哈,哈........〞呀B就系咁嘅人,性格分明.
咯咯, 咯咯,駕駛室與車斗間又傳出敲玻璃聲,回頭一看,又見光頭佬那潤腸咀巴在開合,心想,又發生乜事呀?
〝咦,點解呀D(細碼肥秘書)架車停左在Sophie間士多門口, 咁奇怪? 走左出來, office 變左冇人?! ...........乜X嘢事呀?〞

ho1965 2009-2-19 12:42

續上

呀B殊一声, 將架車揸左去間士多門前.〝H, 你睇ha班馬騮又攪邊科,我去睇ha亞D為乜來這士多?〞我倆各
自下車〝光頭佬, 有乜事呀〞〝田螺頭系都唔分麵包給亞4,5.〞田螺頭聽見光頭佬咁講,即刻答辯道〝波士,頭先
你都未講點分,就開車LA,  D麵包系你的, 你唔講明點做, 我梗系唔分LA〞聽完佢咁講, 不禁笑起來, 心想究竟系
唔想分OR真系把我當作我系佢老細, 要是真系把我視作佢老細, 咁就好事一件, ZULU族人肯接受你,那就方便得
多了. 好,一試便知.〝田螺頭,你咁講就對了, 你將那三条麵包分晒給亞4,5.〞〝三条都分晒給亞4,5？〞田螺頭皺埋
眉頭咁望住我. 我又毫無表情地望住他, 四目相視, 稍停,  亞4,5二人手裡有三条麵包.
      買左条煙都未得閒食, 拆開条煙,行去車斗旁,車斗上五人分坐三處. 便每人分一包. 轉頭便看見亞B行過來,一
路行,一路猛搖手,見佢咁急,即向他走去.〝你猛搖手系乜意思呀?〞〝我想叫你不要分D煙仔給他們〞〝唔緊要,
先給些禮物, 一會拆櫃班馬騮會落力D〞〝你唔明嘞, 我系担心佢地之中唔知邊個會被人打餐飽!〞

ho1965 2009-2-20 10:09

續上

心想, 無理由入去士多見ha個fan Sophie, 出離就轉左性, 會担心D黑仔生死! 咁好心情?! 〝無端端又點會被人打餐
飽〞〝我問你, 你有冇見過d黑仔食烟? 〞〝咁又系wor, 真系唔覺眼D黑仔食煙〞〝波士, 其實道理好簡單, D
馬騮咁窮, 何來有錢買煙, 如果有煙食一定系偷 or 搶番來的, 若被好事之徒或警員見到, 一定打左先算, 什至打瓜,
咁你一番好意, 那包Rothman就變左閻羅王張請貼la〞呀B講得好arm, 自己亦默然. 不覺間就忘了「排錯隊」的教
訓.以後時刻都要稔諗黑白反應. 〝講咁耐, 等我食支煙先, 咁,你認為重有乜嘢系唔arm呢〞〝你系波士咁疏爽,
冇唔arm, 哈哈, 我以後幫你做嘢好好做添,哈...........〞〝你講乜呀〞呀B佢望住我, 越想越笑得大聲, 連pick-up 上的
5隻馬騮都不明所以地望著我倆. 〝B, 你咁好笑, 可唔可以讓我分享, 我了解你不是一個自私的人〞一把糯米加雪
糕那樣的聲音, 悠然地傳來. 亞B笑到講晤得出声,指指我和方行到來的肥D.〝H, 我是否不應該知道你們的趣事〞
〝No, 只是我亦不知道亞B笑什麼, 但他從Sophie處出來之後,心情非常好, 系嘞,妳點解來這裡?〞〝她找到這裡來,
是話比我知, 我的小弟弟從安哥拉戰場回來了〞.亞B滿臉笑容地說.

ho1965 2009-2-21 12:29

續上

〝D, 妳何以知道來這裡找我們呢?〞〝你們出門前我聽到你話去買烟, 所以先來這裡找你們.〞嘩, 乜呀D隻耳仔咁
利害,我和亞B在寫字樓樓上講嘢, 佢在樓下聽到兼記住, 咁究竟系唔系好現象呢! 睇落真系留吓神至得. 〝個貨櫃到
左未呀?〞〝個forwarder話要遲一小時〞〝妳有冇問是什麽原因呢?〞〝當然有,若然唔追問, 我便不是一個稱職者〞
〝佢地點講〞〝佢地話, D稅出左問題, 話我地報的稅類別唔arm, 衣家個forwarder同海關還在談〞要是如此, 個
forwarder點知道個櫃可以清關兼於一小時內拖到公司呢, 真系up得就up. 〝D,多謝妳來這裡找我們兼帶來B的好訊息
我們一齊走吧〞〝D,妳回公司先,我同波士去完銀行後回來〞B突然加把咀地說.〝Bye...公司見〞D駕車離去.〝你地
5個現在落車在這裡等我, 我回來後帶你們去開工,H,我們上車〞〝去銀行? 做乜!〞〝我要𣾀些錢去xxx基地的銀行,
好讓我的小弟弟K有錢買機票回來.〞〝乜南非國防軍冇發service pass給D軍人的嗎?D金價升到咁高〔由70年US$50
/oz..升至80年US$400/oz.此乃我往南非開檔的其中一原由〕南非國防部又有錢,而家美國咁窮,美軍的service pass都可以
免費乘飛機的stand by位la, 咁樣對待自己的軍人, 有冇攪錯呀?〞〝咁你又知唔知,我地面對多少個火頭呀〞

ho1965 2009-2-23 10:59

續上

〝大大細細D火頭咁多, 原本都冇問題, 但點知美國佬在越南被人攪到一棟都冇,棚尾拉箱之後, 歐美一齊在非洲放軟
手腳, 過去幾年,南部非洲全靠我地頂住,  單單在安哥拉,古巴加東德就有成10萬人,計埋地頭蟲,成30多萬人,我地六萬人
,都唔知頂得幾辛苦〞〝乜只得咁少人在安哥拉？〞〝好在D對手唔打得〔連「上帝也瘋狂」這電影內有諷刺古巴大
兵情節〕, 要是越南仔, 我地就暈嘞, 這两年莫三鼻給MOZAMBIQUE又要睇住, 好多古古怪怪的事, 我地D特種部隊又要
出動, 死左都冇人知, 加埋要提防本土的黑仔作反,  真系条數都唔知點計,唉!〞〝咁遲早泵乾塘, 有排痕! 睇離要望共和党
列根遲吓嬴左,先至有得傾〞〝而家成個南非政府最緊張就系共和党能否控制國會山, 只要共和党掌權, 一定玩殘蘇聯.
〞〝咁即系你地D白人重有得惡啦,不過你地同以色列都算難兄難弟嘞, 為左美歐的利益, 一個在中東頂住,  一個在這裡撑
實, 衰o既攬晒上身, 鬧就有份, 我雖然在這裡時間不長 ,但亦體會到你地白人阿超著褲的處境 ,黑人同白人一樣咁可憐, 你
地担心D黑人分左副身家 ,唉, 雙方都被美歐利益操控, 都唔知要攪到幾時!〞〝唉.......不說也罷, 同你做朋友, 都系因為你
比較客觀睇我地D白人, 不過這两三年都冇歐美資金來投資兼撤走, 都幾煩〞〝如果唔系咁,我同你邊有生意做呀, 喂,
講開又講, 你頭先點解笑得咁交關?〞〝哈,哈.........你諗ha, 我替你慳錢唔去租鏟車, 揾D黑仔拆櫃, 只不過5条麵包, 而你
就咁爽快另外給他們每人一包Rothman, 你咁對D黑仔,拆完櫃, 分分鐘帶佢地去開餐, 到時重貴過租鏟車........你都唔識
計數嘅.〞原來咁好笑, 只不過是如此. 但亦高興亞B咁諗, 初初開檔, 預左好多寃枉錢會洗, 多一個人留神, 就會慳好多.

ho1965 2009-2-24 12:21

續上

〝呀Ｂ,你不要怪我八掛, 只不過覺得奇怪, 你細佬K都有軍餉出架, 點解要你寄錢比佢呢?〞〝當你知道要去ANGOLA
作戰, 錢對你來說是毫無意義的, 在那裡, 就算休整, 亦只得樹叢與黄沙, 女人更在幾百哩外, 啤酒有時都冇得飲, 你未
當個兵, 更加未上過戰場, 自然不會了解或感受到自己下一分鐘會冇命那種心情, 所以當你知道自己可能一去不回時,
便要做各種安排, 例如D軍餉就入我的户口, 我細佬這两年多死唔去不突矣, 連一鎗都未被打中過, 都要多謝上帝! 但
反而架運兵車中地雷時受過輕傷〞〝原來係咁, 我成長於和平地區, 在香港和美國時鎗都未摸過, 更加唔會去打仗,
自然不會有那種體會, 因而有此一問〞〝你細佬退役後有乜打算呀?〞〝佢曾經講過會同D同袍攪間保安公司〞
〝好主意! 而家治安同我75年第一次來南非時差左很多, 就算在公司或在家遲D都要請保安, 你細佬攪得成, 我系佢第
一個顧客.〞〝你最好出埋錢攪埋一份,咁就少左D困難〞〝乜南非政府允許外人攪保安公司咩, 我就唔咪幾信嘞〞
〝如果以美國人或英國人身份参與就唔同講法〞〝而家去銀行寄錢先, 見到你細佬同埋佢D同袍後,飲杯啤酒先再算〞

[[i] 本帖最後由 ho1965 於 2009-2-25 17:52 編輯 [/i]]

ho1965 2009-2-25 13:04

[attach]935251[/attach]

[size=5][color=blue][b]睇清楚先行入去呀[/b][/color][/size]

ho1965 2009-2-25 13:22

[attach]935268[/attach]

[size=5][color=blue][b]去沙灘游泳都要睇清楚[/b][/color][/size]
[b][size=5][color=#0000ff][/color][/size][/b]
[size=4][color=red][b]四隣窮國的民眾湧入南非求生存,以至問題叢生,襲擊移民只是其中一面.[/b][/color][/size]
[url=http://www.youtube.com/watch?v=vizOarjD53o&feature=related]http://www.youtube.com/watch?v=vizOarjD53o&feature=related[/url]

[[i] 本帖最後由 ho1965 於 2009-2-25 14:19 編輯 [/i]]

ho1965 2009-2-26 12:26

續上

〝B, 乜你呢間銀行咁多人ge ?〞〝系播! 點解呢? 平時每個櫃位得一两個人,今日六七個.〞〝你睇ha嗰邊, 仲坐滿晒! 你同
呢間行嘅經裡friend唔friend, 睇ha有冇得快D!〞〝Ha, 你D Chinese 系唔系個個都好似你咁做嘢法?!〞阿B咁樣一句回番
轉頭, 真系比佢吹漲. 我地D香港仔最擅長的執生, 往往被不同文化的人誤會, 睇來都要花些時間, 做D功夫, 等佢地明白
托杉都要識轉膊. 〝先唔好講個個Chinese 都系咁做嘢法這種問題, 你先答我在貨櫃到之前, 能否完成寄錢及接番5個黑仔
去拆櫃? 〞〝一定唔夠時間! 〞〝咁咪就系law, 你都唔系晤知呢D小分行職員同顧客, 見到面, up 多過做, 連個泳池今早跌
左幾多塊樹葉落去都傾餐飽, 如果一邊做, 一邊講都仲好D, 嗱! 嗱! 你睇ha 嗰個女teller, 直情停晒手,仲七情上面, 如果我同你
排系嗰条隊, 你或者有咁嘅耐性, 我就冇嘞. 以前被你指揮的兵哥, 會唔會好似嗰個女teller咁丫? 我可以話, 一定唔會, 雖然
我未當過兵, 但紀律與效率,是任何作戰团體都必然注重的, 包括我衣家開的這公司亦一樣, 好似這女teller, 如果系你部下
,起碼要在操場跑30個圈啦. 排隊系arm, 亦唔關乎 Chinese style問題, 而是此刻你冇時間可以浪費嘅問題. 如果個經理肯協助,
又何樂而不為呢?〞〝但系咁始終對排隊的人不公平! 〞聽見阿B咁講, 輪到我去左王醫生道醫眼。

ho1965 2009-2-26 15:51

[attach]936685[/attach][attach]936686[/attach][attach]936687[/attach]

[size=4]左至右： ZULU女孩, 少女, 少婦[/size]

Lawrencetoo 2009-2-27 01:13

你非洲的女友？:lol

ho1965 2009-2-27 10:14

[quote]原帖由 [i]Lawrencetoo[/i] 於 2009-2-27 01:13 發表 [url=http://forum.timway.com/f/redirect.php?goto=findpost&pid=6217865&ptid=239411][img]http://forum.timway.com/f/images/common/back.gif[/img][/url]你非洲的女友？:lol [/quote

系呀 ! 下面幾個介紹比你拖ha手仔好ma?! 不過要等史瓦濟蘭SWAZILAND王MSWATI三世揀左先, 佢已經有13件皇妃,
但唔夠佢老頭子威,二世有70件.

ho1965 2009-2-27 11:08

[size=5][color=green][b] Post完 ,睇番Swaziland 有乜新聞,原來皇上佢現只得11位皇妃居於內庭.[/b][/color][/size]
[size=5][color=green][b] 何解?[/b][/color][/size][size=5][color=green][b]原來有两位逃跑了,內政部已派了特別安全小組出國搜尋,暫時未有跟進報導.[/b][/color][/size]

Lawrencetoo 2009-2-27 11:13

咁老何，你威唔威過佢老人家，為國爭光？:lol :lol

Lawrencetoo 2009-2-27 11:17

[quote]原帖由 [i]ho1965[/i] 於 2009-2-27 10:14 發表 [url=http://forum.timway.com/f/redirect.php?goto=findpost&pid=6219941&ptid=239411][img]http://forum.timway.com/f/images/common/back.gif[/img][/url]
[quote]原帖由 Lawrencetoo 於 2009-2-27 01:13 發表 [img]http://forum.timway.com/f/images/common/back.gif[/img]你非洲的女友？:lol [/quote

系呀 ! 下面幾個介紹比你拖ha手仔好ma?! 不過要等史瓦濟蘭SWAZILAND王MSWATI三 ... [/quote]This Photo 是不是南非選美會？咁鬼養眼:funk:

ho1965 2009-2-27 11:40

不如由你組織 [color=red][i][b]ARTILLERY遠征部隊[/b][/i][/color],咁就威風八面嘞!
唔錯架, Swaziland 都有好多朱古力西施, 例如皇妃No.4 LaMasango & No.5 LaMagongo

ho1965 2009-2-27 12:05

[quote]原帖由 [i]Lawrencetoo[/i] 於 2009-2-27 11:17 發表 [url=http://forum.timway.com/f/redirect.php?goto=findpost&pid=6220282&ptid=239411][img]http://forum.timway.com/f/images/common/back.gif[/img][/url]
This Photo 是不是南非選美會？咁鬼養眼:funk: [/quote]

你講中一半, 唔系南非選美會, 乃Swaziland國的稻草節, 該國國王亦於此期間選妃,不單只該國各族派出未婚少女,
載歌載舞於皇上面前, 四鄰國家各族,為建立友好關係,亦派出少女團參與, 什麽叫做波濤洶湧,於該節期間, 數以萬計.
嘆為觀止.

Lawrencetoo 2009-2-27 12:59

回復 77# 的帖子

唔單止波濤洶湧,直情係海嘯。:lol

Lawrencetoo 2009-2-27 13:02

乜的皇妃着衫既？有冇的..........................:lol

ho1965 2009-2-27 14:57

[quote]原帖由 [i]Lawrencetoo[/i] 於 2009-2-27 13:02 發表 [url=http://forum.timway.com/f/redirect.php?goto=findpost&pid=6220997&ptid=239411][img]http://forum.timway.com/f/images/common/back.gif[/img][/url]
乜的皇妃着衫既？有冇的..........................:lol [/quote]

咁你就要攪一次fact finding trip la:lol 。講開又講,老皇在位時,有D皇妃系隔離左右D大部族夾硬送過來比佢嘅,
為左証明两族和諧, 婚姻滿意, 點都要有所交代, 生銹鐵筆都要贊ha水, 啤過人仔出來交代吓, 此中苦處, 諗ha都面青.
70件wor. 所以未夠鐘都要拿拿聲傳位比個天生異禀的三世做皇帝嘞。〔[i]Zulu,Xhosa,Swasi三大族的婦女婚後都要着衫[/i].〕

[[i] 本帖最後由 ho1965 於 2009-2-27 15:00 編輯 [/i]]

Lawrencetoo 2009-2-27 17:07

這位仁兄、着起龍袍，唔似太子，冇一忽夠我靚仔:lol ,不過條命生得比我好:'(

大隻西 2009-2-28 15:38

首次認識這樣的越野機車部隊騎姿也很正確相當利害！

[attach]938780[/attach]

ho1965 2009-3-1 11:10

#83 大兄,
呢D駐守於 ANGOLA荒野OUTPOST的年青人, 照片就威風, 冇水時就叫救命.平時一星期沖一次涼, 點頂！

[attach]939485[/attach]

[[i] 本帖最後由 ho1965 於 2009-3-1 11:14 編輯 [/i]]

Lawrencetoo 2009-3-1 20:52

大兵哥們的軍事秘密都俾你影到,捉到会唔会被控洩露国家机密罪呀:lol

ho1965 2009-3-1 22:43

[quote]原帖由 [i]Lawrencetoo[/i] 於 2009-3-1 20:52 發表 [url=http://forum.timway.com/f/redirect.php?goto=findpost&pid=6243090&ptid=239411][img]http://forum.timway.com/f/images/common/back.gif[/img][/url]
大兵哥們的軍事秘密都俾你影到,捉到会唔会被控洩露国家机密罪呀:lol [/quote]

同太太撑完枱腳la, 咁就做功課嘞; 漁村張相真系考起, 到今日已三天半,重未掂。

flowingwater 2009-3-2 01:45

南非之行

聽何ｓｉｒ講開南非。
本人幾年前去約翰內斯堡，係機場附近同一本地白人傾計。
感到佢地對本地黑人又驚又怕。
佢話有次揸車。比黑人打劫搶車。
個賊先開槍射佢（佢中槍不死）。後再揸架車走。
佢好多白人朋友都離開南非去英國，香港咁。。
聽到都怕怕。

ho1965 2009-3-2 10:43

覆 #87 FLOWINGWATER , WELLCOME!

所提及之事情,著實令人痛心; 特別是我。
80年單鎗匹馬在南非開業,至92年3月南非全民公决REFERENDUM以68%投票多數結束種族政策.即决定離開
南非. 理由只有一個：即由代表90%窮人的政府執政,無論該政府掌權者如何開明及理智,擺平無止境的渴求,在
商業環境下必然產生營商和政治的不穩定性。Uncertainty是營商大忌,固捨觀望,擇結業。
人非草木,12年來與南非各色人種建立的人際關係與感情,常存於心,更替這美麗富饒國家担心。Mandela退下來後,
爭權奪利引至的愚不可及政策,弄成今日的局面。
可想而知,一個白人與一素未謀面的外國人訴說心声,是對當前生態的活生生控訴。
這6年以來,我的黑白朋友己有7人遇害, 其中二白人更是Mandela的支持者.
於此祝願這國家平安地達至彼岸。[attach]940317[/attach][attach]940318[/attach]

Lawrencetoo 2009-3-2 22:21

老何真是一個有宏觀的人,能知未來,60s遠走非洲,避過十年文革禍劫、90s又離開south africa,又避過一劫、你未來的動向如何?我都跟你支旗:givemefive:

flowingwater 2009-3-3 01:51

何SIR請繼續分享你既人生經驗及所見所聞.

小弟最喜歡聽長輩講古.
:verygood:

ho1965 2009-3-3 10:43

[quote]原帖由 [i]flowingwater[/i] 於 2009-3-3 01:51 發表 [url=http://forum.timway.com/f/redirect.php?goto=findpost&pid=6253944&ptid=239411][img]http://forum.timway.com/f/images/common/back.gif[/img][/url]
小弟最喜歡聽長輩講古.
:verygood: [/quote]

FLOWINGWATER, 幾年前約堡死於謀殺平均每日6人,被刼及被強姦者無數,你去Jo'berg之前知不知道?
你的朋友駕那種車來接你呢？

36D 2009-3-3 10:54

前輩見聞廣博，後生甘心拜服！:bow:

ho1965 2009-3-3 11:19

[quote]原帖由 [i]36D[/i] 於 2009-3-3 10:54 發表 [url=http://forum.timway.com/f/redirect.php?goto=findpost&pid=6255719&ptid=239411][img]http://forum.timway.com/f/images/common/back.gif[/img][/url]
前輩見聞廣博，後生甘心拜服！:bow: [/quote]

Wellcome, 有朋自遠方來, 不亦樂乎！行過就上來打o下牙骹la, 唔好得過睇字呀:byebye: :byebye: :byebye:

ho1965 2009-3-3 18:27

南非有三個首都; 紫色城市彼勒陀尼亞PURPLE CITY - PRETORIA是行政首都,以下是她的照片。

flowingwater 2009-3-3 20:30

回復 91# 的帖子

晚輩不懂事...
就跟老美朋友租小型車去拍攝
講開又講..
我那老美朋友自小跟家人駐守非洲多年.
經歷戰亂.
話說.有次他在家用望遠鏡睇著遠處的叛軍開戰!
睇著D士兵中槍倒地..點知越打越近..
而且有一不知知既溜彈?!射入屋內未爆..
他家人馬上帶他一同跟UN的部隊撤離
時為七十年代未至八十年初吧..'

[[i] 本帖最後由 flowingwater 於 2009-3-3 20:32 編輯 [/i]]

ho1965 2009-3-3 22:20

[quote]原帖由 [i]flowingwater[/i] 於 2009-3-3 20:30 發表 [url=http://forum.timway.com/f/redirect.php?goto=findpost&pid=6259857&ptid=239411][img]http://forum.timway.com/f/images/common/back.gif[/img][/url]
晚輩不懂事...
就跟老美朋友租小型車去拍攝
講開又講..
我那老美朋友自小跟家人駐守非洲多年.
經歷戰亂.
話說.有次他在家用望遠鏡睇著遠處的叛軍開戰!
睇著D士兵中槍倒地..點知越打越近..
而且有一不知知既溜 ... [/quote]

冷戰時期,非洲人民非常不幸,無辜地成為東西方爭逐的羔羊,實在無奈.
你那老美朋友要是出事,亦是此歷史背景下的陪葬品,我亦一樣,因鳥為食亡.
請說些游歷體會讓大家分享好嗎!

flowingwater 2009-3-3 22:25

回復 96# 的帖子

本人才三十多..
閱歷肯定不夠前輩們多及深.
我反而想多聽你們的人和事.
時機對我就講吓咁.

36D 2009-3-4 10:21

小弟有一老友七十年代初期跟隨家人到南非首都開唐餐館，前两年全家回港，話太恐怖了

ho1965 2009-3-4 11:04

[quote]原帖由 [i]36D[/i] 於 2009-3-4 10:21 發表 [url=http://forum.timway.com/f/redirect.php?goto=findpost&pid=6265095&ptid=239411][img]http://forum.timway.com/f/images/common/back.gif[/img][/url]
小弟有一老友七十年代初期跟隨家人到南非首都開唐餐館，前两年全家回港，話太恐怖了 [/quote]

君子不立危牆下,上算。你的老友在何首都,因有三個, 南非唐餐館多極有限,可能大家相遇香江.

Lawrencetoo 2009-3-6 18:43

mud Africa 幾日都無片上映?:saujai:

頁: 1 [2] 3

查看完整版本: 海外生活點滴非洲篇