bombay 2009-2-17 11:29
苦悶女知客
太陽報副刋轉載左個討論.........
遊客
討論主題：我經常到茶樓飲茶，同女知客非常熟絡，偶爾佢會主動約我去撐枱腳，仲話我聽佢同老公之間嘅性生活好唔掂，令佢好耐冇高潮過。佢講到自己咁可憐，係咪暗示想同我打番場友誼波？到底我應該乘虛而入，定係當冇嘢發生過呢？
回應：小心屈水 寂寞女孩 乜家吓啲人思想咁開放？自己老公一唔得，就立即出去勾佬，真係世風日下，道德淪亡！不過你哋啲衰男人就最鍾意呢種女人，諗住「幫人」就有得食又唔使負責任。我話你知世上冇免費午餐，隨時係人哋整個局出嚟捉你黃腳雞，到時畀人屈你水就唔好怨喇！
回應：因住有手尾跟 藍色憂鬱 師兄，件知客係港女定新移民？會唔會係啲「北嫂黨」搵着數呀？報紙都經常講有北嫂專呃啲麻甩佬，如果你真係想食嗰件知客，千祈咪帶返屋企食，否則大把手尾跟，就算食，都最好明碼實價，將來分手都唔會畀對方老屈嘛！
回應：苦悶女知客 暴走初號機 梗係食住上啦，你可以喺佢面前講多啲鹹濕笑話，氹吓佢開心，睇吓佢有咩反應，如果佢進一步暗示你，好想知道你係咪咁掂，咁就擺明對你有意思，想同你過番兩招。有免費餐食，當然唔好放過啦，呢啲性生活苦悶嘅女人，喺床上多數都好狂野，仲乜嘢招式都肯玩，一於去馬。
回應：別有用心 Honey 無啦啦又會約你單獨撐枱腳嘅，仲將性生活同你分享，如果佢唔係慾火中燒，迫使佢搵個人解悶嘅話，就係別有用心，想黐埋樓主身邊！前者唔好以為只係逢場作戲，就覺得冇問題，假如佢有心裝你嘅話，就認真麻煩；後者則擺明搵你着數，更加唔好畀佢埋身。總括而言，樓主都係唔好諗太多，免得惹禍上身。
回應：小心有報應！ 靚B 條女主動話你聽佢老公唔得，令佢性生活苦悶，擺到明話你知有機出嚟切磋吓啦，你唔係咁都聽唔明呀！不過我想請問你有家室未？如果有，我就奉勸你咪搞人老婆。俗語有云：「剃人頭者，人亦剃之」，到時到你老婆畀人啅番轉頭，頂綠帽你戴得落至好。[img]http://the-sun.on.cc/channels/img/endmarker.gif[/img]