無神論狂徒 2009-2-26 14:45
唉∼∼水蟹粥∼∼何時找到合心水的水蟹粥呢∼∼
可能我真係唔係好夠運氣，我第一次食水蟹粥係在澳門玩時食的，就在葡京斜對方，大馬路的百福，第一次食，直頭好似口口都係蟹肉咁咁，超濃蟹鮮味∼∼之後在香港好耐都唔返呢個味，大約响零四年初，我在荃灣金龍船公司請食飯，再一次食返呢個味道，之後在香港或在澳門，都再找不到這個味道，就算我回到澳門的百福都完全冇咗呢個味∼∼
昨天我在朗豪坊的池記見有水蟹粥，於是滿懷希冀與夢想，天真地叫了一客，結果也是如夢幻泡影∼∼另叫了一客雲吞麵，唉∼∼枉班法國佬封佢為米芝蓮心水推介∼∼絕對侮辱正斗及何洪記，麥奀記也被切底落面子∼∼相差好幾皮∼∼
可能我被第一碗水蟹粥食尖了咀，所以我話自己唔夠運，之後只食過金龍船一間，其他大大細細舖都有試，冇一間係果皮，都只係粥還粥，蟹還蟹，兩種味不相往來，好明顯係粥還粥煲，蟹是臨場擺上去的∼∼唉∼∼
大家有沒有食過每口粥都有很強蟹味的水蟹粥舖介紹呀？