無神論狂徒 2009-3-7 20:31
金鐘和記大廈紫玉蘭
幫朋友慶生，在金鐘食，去到才知是米芝蓮星級食店∼∼
有個餐好抵，有匯豐信咭，七百幾，四人食，計落响金鐘食，有呢個質素，真係抵∼∼
個餐大概有海皇羮，飽片介菜，海淅頭拼淆肉，松鼠魚，片皮鴨，酒釀丸子
另外為食，叫多了個生煎飽同一味唔記得乜名，只記得冷盤，把頭府切得極薄上加一些調味∼∼
確有水準，最有驚喜係果味散叫豆腐，係估佢唔到有咁的味道∼∼掂
仲有另一個係我認為最大驚喜係甜品酒釀丸子，我自出娘胎一路都睇唔起呢味甜品，因為一啲都唔好食，我一定唔會叫∼∼係餐包埋先會焗著食∼∼但係超驚喜∼∼糖水酒香甜酸度全部都超出我預算，我從未想過呢道野可以做到咁樣味道∼∼丸子更加唔係一舊粉，係好細粒的麻蓉湯丸仔，好細粒，皮超薄∼∼總之我發夢都冇想過我一路睇唔起的甜品可以係咁好食∼∼
但係生煎飽，完會唔係鑽石山新天地果皮，我問過新天地，佢地只有鑽石山分店才有得食，佢新天地可以做到皮薄同脆，內有大量湯汁∼∼紫玉蘭仲差幾十皮，唔掂！但係一般酒家都係唔得架啦∼∼因為我在香港只食過鑽石山新天地係得，除此之外要回到上海才有質素保證∼∼
仲有個淆肉，太薄，個人不喜歡，冇口感，而且骨膠啫喱唔夠多，食落冇大量溶在口內，少了一份豐厚口感，唔係太冇質素∼∼
但其他菜都做得好精緻∼∼
總體印象好好，基本係好好食∼∼就算我話唔好食的菜，其實都唔係太差，只係同最好食的比較，仲差少少啫∼∼
會再去∼