無神論狂徒 2009-12-16 12:11
你是否認為錢慧儀個人有問題？
[url=http://hk.news.yahoo.com/article/091214/4/fnfq.html]http://hk.news.yahoo.com/article/091214/4/fnfq.html[/url]
好奇怪我有請工人佢有請工人，點解佢請親都話有偷佢嘢∼∼呢個我好懷疑囉∼∼請一個係咁兩個係咁∼∼又唔見我係咁∼
加上辯方律師質疑佢有購物狂問題Shopaholic，佢雖然否認，但係佢都認自己鐘意購物，表示購物係女人的啫好∼∼而且嚮工人房摷出過百件新光鮮的衣物，而佢錢小姐可以事前全不知情，即係暗示佢購物數量多到自己都唔知買咗幾多嘢啦∼∼所以少咗百幾件嘢都唔知∼∼從一般推論，我信佢購物癮好勁，買嘢絕不手軟，應該買得好兇∼∼但係咪精神有問題我就唔敢講，呢啲要由心理醫生去驗∼∼
至於炒人炒得好兇五年炒三十個，而根據資料，佢係五年內約未滿而走的人45人，我都好懷疑佢係咪真係記到炒咗幾多人，我都信錢所講應該係有人頂唔著佢而走，但係炒幾多人，我估佢應該記唔清實數∼∼再講就算真係炒三十人，即係有十五人頂著而走（大家知啦，家傭係要借落一筆錢先可以過香港搵錢，要打返半年至一年工先還清），如非必要工人一定唔敢自己冒險走，欠人一屁股債條數在工人眼中係一條大數，五年有十五人寧冒險都要走∼你話咁大間屋請幾個唔合心水要炒，都可以接受，五年有四十五人未完約就走，∼我絕對信呢個人有問題∼∼
但係咁講，佢工人有冇偷佢嘢，係另一單嘢∼如果真係有偷，要坐牢好合理，但係我都係有少少懷疑，佢買咁多嘢，掉幾多佢都未必記得，錢聲稱捉賊拿贓睇著佢工人偷∼但係我覺得都唔知係咪佢話掉，工人拿走之後，自己又唔記得咗，就咁「斷正」嚮佢手，形成佢口中的所謂捉賊拿贓∼∼係咪真係偷我都有啲懷疑∼∼
之不過咁∼∼有錢的確係大哂∼∼你吹咩∼∼
無神論狂徒 2009-12-16 20:33
有錢人冇問題,只係佢有問題..........
如果有錢人有問題即係否定我努力的目標~~所以有錢人絕無問題~~
我絕對想大哂~~
無神論狂徒 2009-12-16 21:31
不過話時話，五年炒三十人，加多十五人未完約就鬆人∼∼
呢個有哂記錄，事實勝於雄辯∼∼
咁都話冇問題的人，呢個人本身都好有問題∼∼不過我認識呢啲人，佢哋多數唔會認為自己有問題，佢哋永遠只會認為問題在別人身上∼∼這個問題多數出現在有權有勢有錢的人身上∼∼因為冇權冇錢冇勢的人而又有呢個自我中心觀的人，好快會被社會教曉佢乜叫做人道理∼∼
無神論狂徒 2009-12-30 12:03
唔好咁講，有錢人唔係個個有問題∼∼
我唔想將來我一朝做咗有錢人，我咪變成有問題∼∼
不過咁事實個個人生在世界，總一些問題．．．又錯唔哂∼∼