四方果 2006-11-11 17:56
標題明明是"探討各類身心健康方法"為何一個探討心理健康討論都無??
身體健康當然非常重要,但現今醫學界亦未能全面掌握,如何解決人體必須面對嘅問題時,如生,老,病,死,因我相信若然能真正地,完全拆解身體所有奧秘,人類係再唔會因各種病症而死亡,又甚至於在意外中不幸地,失去身體任何一部份,他們都能助你重新自行生長.(哩樣係我深信將來可以做到嘅,不過,我們嘅家(地球)唔知仲有冇咁長命!)
若然以上推斷無錯嘅話,如果各位身體並非有任何大問題,又何須太著意各式各樣嘅所謂健康手則,飲食習慣,或那類食物對人體至為有益,因現時所有嘅科學或醫學研究報告,經過一段時間之後,都有可能被完全推翻,個人認為係,當現時尚在研究如何解拆人體奧秘階段,研究嘅方向,理論,推斷,判斷出現錯誤,絕對不足為奇,因失敗乃成功之母.但可能哩類研究報告又或多或少,無意地誤導普羅大眾,個人認為都係無須太著意.隨遇而安吧!
何不用些時間,從多方面了解一吓自己嘅心理,心態,價值觀是否正確,因我確實相信,如有幸(或不幸地)能活到80高齡,希望能看透世情,活出自我,適當地 為年青一代提供一點累積數拾年得來嘅經驗,總比還是個屈結重重,滿心遺憾,自怨自憐或尚未明白人生意義何在的老年人,較為上策!