PLKLSP 2013-7-23 00:30
GREAT！吳秀華紮髮上陣！轉換形象！ :verygood:
fusekaz 2013-7-24 17:49
She looks older and more haggish with newer hairstyle
Not recommended treatment
Passbookgirl 2013-7-29 00:38
佢今日耙聲沙沙地...
fusekaz 2013-7-30 03:25
She really needs updated manicure...
The colours are not matching the outfit(s) anymore
fusekaz 2013-8-12 14:50
Oh... so she switched manicure again......
ronno 2013-8-15 07:29
原本人數已經寥寥無幾嘅亞視新聞部，又有人跳船。今次主角係副採訪主任兼主播吳秀華Fifi，據知Fifi已經遞信，有傳佢過檔OneTV（亞太第一衞視），繼續喺傳媒業打滾。八方聽聞早前施政報告傳媒論壇上，Fifi當場質問過狼振英後，老細唔多like，搵佢照肺，唔知呢樣係咪Fifi離開亞視嘅原因呢？除咗佢之外，新聞及公共事務部副總裁唐德全亦同亞視講byebye，但離任前仲會陪亞視主要投資者王征出差喎。至於高級副總裁劉瀾昌，據聞佢想走但被挽留，前日佢仲宣佈，陳興昌會升任助理總裁（新聞），可謂冷手執個熱煎堆。
PLKLSP 2013-8-16 01:02
良心台又少位資深的主播/記者了 :Q
不過，OneTV咪一樣有紅色背景 :saujai:
jacksonhon 2013-9-25 12:33
本帖現已解鎖。
overpowering 2013-9-25 12:43
[url]http://www.sharpdaily.hk/article/news/20130923/233384[/url]
專題人物：ATV前主播自爆7.1劈炮內幕
亞視近日正值多事之秋，亂局影響新聞部，元老陸續請辭，其中亞視主播兼副採主吳秀華也被波及。
吳秀華劈炮，就是因為心淡，有高層叫她封口避談敏感的政治新聞，「呢啲留返畀報紙做咪得囉」，言論逐漸被蠶食，新聞部變成如富士康的民工般工作，失去靈魂。
她向《爽報》怒爆亞視新聞部受政治干預而自我審查，最後她在7月1日決定抽身離去的過程，「主播唔只係花瓶，同樣要有思想有內涵判斷是非，乜都唔報得咁仲做嚟做乜？」
記者：羅鈺歡
吳秀華在2000年9月入職亞視，2007年離開，四年後再回歸。似是故人來，離開前仍記得亞視新聞部工作熱誠，重歸後雖人面依舊，但自己卻變成了陌路人，高層忌諱她，同事也嫌她多事。
剛進入亞視那些年，她仍覺是最美好的年代，「嗰陣只得23歲，仲記得第一次直播喺會展做立法會大選，我冇做大show經驗，竟然唔記得攞稿，仲對住鏡頭話『冇稿㖭』！之後被全行人恥笑，真係好大打擊，但上司伍健強不停鼓勵，叫我唔好因少少挫折就唔做」，她說當時亞視新聞部比現在積極得多。
2007年10月，因病辭職，那次是她第一次離開亞視。之後做過各類公關工作，包括到澳門漁人碼頭替前香港高官鄺其志做公關，又在盧子健的顧問公司工作，主力做公共事務宣傳。世事多變，2011年亞視找她回去做副採主，料不到竟成一場噩夢。
梁粉投訴 採訪臨時被取消
她剛回巢，就遇到新聞部地震，而自己一直奉行的採訪方式，在新的潛規則下，變成了自己的絆腳石，「我返去嗰陣啱啱係錯報江澤民死訊後，內部地震，換咗老闆兼主管，而呢啲人明顯有大陸背景」。這種背景開始發生影響，今年1月的施政報告答問大會後就開始出事，「我當時只係要求特首畀個指標和承諾香港人，而唔係講廢話蹉跎歲月，否則唔再爭取連任」。
平淡的發問，想不到卻觸動了梁粉神經，有人暗地向亞視高層投訴，「上司同我講有人投訴我答問大會中問題唔專業，言詞尖酸刻薄」。投訴後，有關政府事務的活動一概不讓她出席，「2月時新聞處追攞財政預算案出席記者人名，會係我去開，上司亦叫我出席，但到答問會當日，突然冇任何解釋下叫我放假唔使去，上司仲死撐冇人阻撓採訪自由，但就承認係我寸咗啲」，她明查暗訪找真相，結果不出所料，「有位智庫朋友透露，投訴確實係梁粉所為」。她感覺公司文化變得消極，往往避開報道敏感政治新聞，少做少錯，新聞人有我有就算。
新聞被刪剪 即日憤而辭職
她的不滿終於在7.1回歸時爆發，當日梁振英授勳，頒授大紫荊勳章給譚惠珠，「我記得梁競選特首時，譚惠珠任榮譽會長的現代化協會，曾經捐過100百萬畀佢，我就用呢啲公開資料解釋二人關係」，當日早上及午間新聞仍有報道相關內容，但六點新聞後，老闆竟以片段過長為由，刪剪捐錢內容，「嗰段交代片得十幾秒，晚間新聞成45分鐘，根本冇可能唔夠時間」，擺到明被河蟹，還有甚麼好說，她就在當日辭職。
眼見奉行的新聞自由每日被打壓，社會也越來越撕裂，吳秀華感到痛心無奈，「呢兩年喺梁振英領導下嘅香港走向兩個極端，歸邊或者對抗，一係支持一係反對，仲經常發生打鬥吵鬧，咁樣只會撕裂香港，對社會一啲好處都冇」，她沒有意欲倒梁，只強調凡事該有灰色地帶，「倒梁係不設實際，佢唔做，咁邊個做呢？反而要佢對香港人承諾先實際，特首與其日日俾人鬧，點解唔做啲成績畀大家睇！」
人人都說主播只是花瓶，何必如此動真格？她對此完全不認同，「人人都想見到個靚仔靚女報新聞，但唔係人哋叫你做乜嘢就做乜嘢，要有內涵同專業智識判斷」，她說新聞從業員的質素，也同樣影響新聞自由，「如果記者質素低，你根本唔知佢講乜，又點知要爭取乜嘢民主自由呢？呢啲核心價值遲早都冇，所以新聞小花只係小問題，記者嘅心態、能耐同熱誠先係最重要」。
聯威新樓 2013-9-25 13:07
回復 880# 的帖子
*** 作者被禁止或刪除 內容自動屏蔽 ***
fusekaz 2013-9-25 13:37
回復 881# 的帖子
Same here +1
Hard to believe, even in this media field many beauties are just skin deep...
Where's the inner beauty? Where's the professionalism??
overpowering 2013-9-26 01:47
[url]http://hk.apple.nextmedia.com/enews/realtime/20130902/51694917[/url]
2013年09月02日
【新老闆上場】 人人送大禮
前主播吳秀華：亞視新聞如扯線木偶
亞視新執董雷競斌今日走馬上任，商務及經濟發展局局長蘇錦樑今日表示，暫無資料顯示，雷競斌唔係適合人選出任執董，仲呼籲大家，依家最重要係向前看，希望亞視能完善內部企業管治，提供更好服務。
換言之，亂局已完，雷公一人已成功幫亞視拆局，免卻被釘牌之危機，真係唔知應唔應該恭喜佢。
雷公上任，亞視前主播吳秀華送咗份大禮俾佢，就係喺facebook撰文，親述當日離職因由。佢就係今年一月喺施政論壇上質問特首梁振英，俾梁粉「投訴」，又得唔到亞視新聞部的上司支持，於上月中離職。吳秀華今日披露番當日事件經過，佢寫道:「新聞部主管於（施政論壇）一兩天後便收到觀眾意見，他親自看過電視論壇片段後便不再讓我出席一個月之後的財政預算案電視論壇。那是我第一次也是最後一次和這名主管因工作安排爭論。我認為他是受到政治干預而自我審查，但他否認；可惜我當時沒有真憑實據，爭吵暫告一段落。」
咁當時吳秀華問咗特首乜嘢？就係:指出梁振英份施政報告同前特首董建華嗰份相似，反而反映土地供應、長者津貼等問題，十多年嚟都解決唔到，質問梁班子有何過人之處，能夠處理呢啲長期問題。
吳秀華並寫道，亞視新聞部內「有人更變成扯線木偶甚至變本更厲」，而佢亦由嗰陣開始，被安排「盡量避免處理政治新聞」，吳秀華寫道:「新聞部主管處理政治新聞的手法確是較多年前的他保守，有時為免自我審查太明顯，唯有避重就輕。即是敏感的政治新聞不可不做，只是輕描淡寫、人有我有便算。在這個環境工作久了，人很容易變得麻木，有些人更變成扯線木偶甚至變本更厲。(略)我不知道自己一直尊敬的主管為何會愈來愈保守，是他年紀大了價值觀微調了，抑或是公司內外的壓力愈來愈沉重讓他無法忠於自己呢？」
諷刺的是，吳秀華於文末，竟然引用盛品儒當日發聲明表示要同亞視作戰至最後一刻嘅金句:「在這風雨飄搖之時離開亞視，我心存慶幸，但也感到痛心。在此，我要套用『後生、靚仔』的亞視前高層盛先生的聲明內容：『願天佑香港、天佑亞視』。」
overpowering 2013-10-1 14:20
:P anyone know her next working platform?
overpowering 2013-10-29 12:16
hope she will back TV medium soon~