無神論狂徒 2010-10-22 11:32
日本對釣島強硬的因由
日本應該知道中國想擱置爭論，其目的係想等中國十多廿年後，在軍事經濟實力都有能力和美國抗衡時，日本想唔放手都唔得∼日本對釣島硬起來，不無道理∼今日唔硬，中國一強到可以隊你美國，釣島唔再係爭議∼
而日本昨天前原誠司話日本冇講過擱置爭論，目的就係唔想等，一擱置爭論，廿年後釣島主權問題，日本根本冇籌碼爭∼所以日本急於加強釣島主權的歸屬權，目的係唔想再擱置∼
而日本點解夠膽咁硬，原因係有美國∼而日本都知道中國強大，對自己係個天大威脅，而日本自己知，自己千多年前都唔係中國人對手，甚至全世界在千多年前都唔係中國對手，要做中國的附庸國，其實中國的人格係唔會搶掠別國入侵別國，如果中國民族性係搶掠同入侵，中國早在秦朝已經奪得俄國印度，去到漢朝應該吞拼歐洲，去到唐朝應該成個中東歐亞全入中國，宋朝航海全球第一，亦去到美洲南洋一帶，簡單講，全球只會係一個中國，但中國當年沒有入侵別國搶掠別國，正常今天的中國都唔會無啦啦走去搶你嘢，但問題係全球尤其歐美日本國，在前二百年內都入侵過中國，搶掠過中國，欺凌中國，屠殺無數中國人，今天好多曾經搶掠過中國的國家見到當天的鼻涕虫以超急速步伐，趕過自己頭，無不驚中國強大會報當年的仇∼這點我好明白，就算今時今日，我沒有經歷過當年的中國，我都有一點化不開的仇恨心，日常生活對日歐美人沒事，但骨子一想到歷史，就有一種國仇家恨的心態∼
回到正題，日本佬硬，不慨係同美國扯貓尾，美國佬想增加亞洲區影響力，日本就製造呢個口實，比美國人增兵亞洲，目的係想美國人壓止中國強大，控制中國掘起∼而日本亦可以靠美國穩取釣島∼
不過個人睇法，中國現階段不能出兵，因為掘起中，出兵違反和平掘起的口號，為將來強大起了變數，而且中國真係打，中國導彈技術強，士兵多，要取回釣島，應該唔難，海軍唔勁，但其他補足，所以日本唔夠中國揪∼但係美國佬的軍力唔同∼佢乜七都勁∼除咗中國的謀略或者勁過美國，中國未必打得掂美國∼真係打，中美都會損兵拆將∼大家無益∼但係如果中國真係打，美國佬亦唯有硬接∼現階段應該唔會打∼因為中國都會知道，依家打杖對自己掘起極不利，最符合中國利益係：君子報仇十年未晚∼
老子有的是時間，中國我估佢只會一路嘈，久唔久派人上島行洗主權∼你日本霸就有得你霸，反正你霸多廿年，中國等你廿年，2030或更早前中國正式超愈美國，看你日本有甚麼籌碼同中國講釣島主權∼
所以我主張中國不宜洗硬，，你日本唔擱置釣島問題，但係中國單方面擱置你吹咩∼中國都係要回釣島∼你霸廿年後，釣島咪又係死死氣回到中國懷內∼
飛毛腿 2010-10-23 00:39
日本佬強硬理由只有一個
美國佬晌後面撥火
比如你屋企養隻狗好識人性
你隔籬屋有條肥佬同你唔啱
你叫隻狗見親佢就吠﹐追住佢去佢門口係咁吠
如果肥佬入屋攞碌棍一嘢藕落隻狗到
你會唔會入廚方攞把菜刀去同肥佬搏命 ?
飛毛腿 2010-10-23 15:04
日本其實係一個悲劇國家
悲劇源由來自與國力不相稱嘅野心
明治維新後呢種野心瘋狂膨脹
加上卑鄙嘅品格倍令人厭惡
1894年不宣而戰﹐晌豐島偷襲中國海軍運兵船
打開甲午戰爭序幕
1904年2月8日午夜
日軍不宣而戰偷襲旅順港俄羅斯太平洋海軍分艦隊基地
日俄戰爭打響
1941年2月7日
仍然係不宣而戰﹐偷襲美國珍珠港
如果兩國已經處於戰爭狀態﹐劍拔弩張
奇兵偷襲係高明軍事戰術
輸都冇說話可講
但不宣而戰就係卑鄙鼠輩行為
令被偷襲國國民覺得俾人強姦咁憤怒
當今聯合國五個常任理事國 - 中、美、英、法、俄
五國中有三國曾經俾日本佬偷襲
其中﹐日本佬欠下中美最多血債
美國條數自己搞掂 - 掟兩粒原子彈只係首期
幾十年嚟利疊利慢慢收
中國條數始終有算帳嘅一日
飛毛腿 2010-10-23 15:04
最福佳係戰後日本野心冇點減到
只係冇能力再用飛機大砲去侵略
改用商品去經濟侵略全世界
大東亞共榮圈就改為亞洲雁行理論 - 日本做帶頭雁
跟住得意忘形大大聲話 " 日本可以說不"
財大氣粗去買起半個紐約﹐狂買夏威夷地皮
砲彈變銀彈去砲轟美國
你話點會唔注定悲劇收場 ?
日本成日喊苦喊忽要做正常國家
面對三大仇家 - 隨便一個都可以令佢由地圖上消失
你話日本佬有乜可能過到正常日子 ?
雖然三大仇家各有各利益糾纏
但可能為某一個利益交換時達成默契
齊齊將日本佬割肉分屍
你話日本佬知唔知自己咩處境 ?
有乜風吹草動唔癲就假
乖乖大口仔 2010-10-27 16:20
各位師兄大家好handshake :
小弟自知失禮:L 皆因自幼祇懂讀死書求分數，所以就變得如此孤陋寡聞，對社會時事世態也沒啥探研:saujai: ，早前路過，有幸瀏覽各位師兄對當今政事的透徹分釋，確實令小弟獲益良多:verygood: 往後請各位師兄多多提點，多多指教。好讓我這個久旱的愚弟，多逢點甘霖吧:P