無神論狂徒 2011-1-3 17:58
潮庭
去咗金鐘食呢間嘢，食味唔差∼但另兩樣嘢吸引我∼
第一係有個好靚女的知客∼又高又靚∼係果啲唔洗點化粧都靚果種∼
另一個係最大吸引我的原因，係個服務，超一流，貴的食肆，我都食過唔少，但係佢個服務真係一流∼好到我唔好意思要比較多貼士∼我一般比幾蚊算，但呢次我比咗廿蚊，因為實在太好服務∼未見過咁好服務∼佢個管理者好有料到，可以令啲人咁主動觀察客人需要，再主動伸出幫手∼好勁∼
billchan 2011-1-5 15:33
:lol 嗯~ 呢間阿標從未幫襯過，得無兄稱讚，有機會又去試下先！
無神論狂徒 2011-1-6 11:51
我揸著舊抺手廁紙由屎坑走出嚟，有個傳菜阿嬸叫我比舊紙佢丟，第一次我聽唔到，所以佢第一次叫我冇反應，之後佢大聲再叫我比佢，我就係咁比咗佢∼∼
仲有自己博大霧帶生果比阿B食，自己又順手食，個Waiter見到，主動問我哋洗唔洗幫手切埋，最後比咗幾個佢拿去水吧切∼冇收我錢∼
食煲仔飯，又唔收費用上湯清埋飯蕉，不過呢唔出奇，後來我哋自己”不”飯蕉，佢啲人一見到，即刻放底手上工作，同我哋講由佢嚟，快快手幫我哋∼
仲有好多細微細眼的地方，都服務一流∼
billchan 2011-1-6 14:19
嘩，原來有行動實例和細節，不是笑容和態度咁表面！看來此店揸 fit 人相當有料兼有辦法，培養出員工既自發性服務心！讚！:verygood:
無神論狂徒 2011-1-7 12:06
食味呢∼∼其實我鐘情上海菜多過潮州菜，所以你要我簡，我會寧取樓下的紫玉蘭，係好似上年定前年一星米之蓮，佢個酒釀丸子，連我不喜甜食的人都認佢係好正∼
講返潮庭∼要了個上湯浸豆苗，印象係勁有豆苗味，簡單講係豆苗靚，個師父叻在識簡豆苗，重有個上湯唔濃味，所以配落個豆苗，絕配∼
蠔餅∼唔係我地成日食果種炸到脆果隻，係邊脆但餅心係軟糯，即台灣蚵仔煎或閩南派的蠔餅∼都好好食，但係個人更鐘情香口的炸蠔餅∼
煲仔飯，食北菇雞，都叫好食，但冇乜特別，係大路水準∼
鵝片∼都係大路水準∼都叫淋身∼
生炒糯米飯∼我個人喜好，不過好多食肆以煲糯米飯充生炒，但係佢應係正宗生炒，因為等得算耐，而且粒粒彈牙好似珍珠米咁∼呢啲係生炒的口感∼不過個人童年習慣，車仔檔多數有炒花生同食，但多數食肆都冇∼我老豆認為佢有加入”尖”米∼我都知加入尖米會口感更佳∼但係我又未去到呢個級數，食唔出有冇落尖米∼但係係小數真正生炒糯米飯的食肆∼
大約係咁上下菜式∼要我比分，佢唔夠紫玉蘭嚟∼但係提一提，我有偏見，上海菜係我首選，潮州菜查實我唔多識欣賞∼講到潮州菜，我只鐘意炸蠔餅∼頂多加埋蠔仔粥同蝦棗∼
我評分唔可以作準∼