sammy20072007 2007-6-20 17:00
[quote]原帖由 [i]金屬狂人-Ⅱ[/i] 於 2007-6-19 08:37 發表
白衣世尊多次同日陽君意見不合，會唔會同日陽君決烈呢:reading:？ [/quote]
白衣世尊每次出場老黃都會表現佢係唔甘心被分權，所以我估佢肯定會同日陽君決烈，但佢底子內實有着反元之心，相信佢最後都會返回大隊嘅！
金屬狂人-Ⅱ 2007-6-20 22:32
[quote]原帖由 [i]KING546[/i] 於 2007-6-20 10:57 發表
應該一定會! 而且日白衣世尊好似仲有個仔(唔知有冇記錯),日後可能成為佢叛變的導火線 [/quote]
果期話白衣世尊個仔好似唔生性咁喎:reading:...
遲吓白衣世尊好可能會視徐達為一個大障礙，真係替徐達擔心:afraid:
黑冠摩泥好可能想練功提升實力，見佢無神神結繭，話唔埋破繭而出之後會返老還童:lol
sammy20072007 2007-6-21 13:28
武俠世界嘅人物練功練到結繭通常破繭之後都會外形大變功力大進，如果真係返老還童咁就搞嘢，如果還童之後連個樣變成寒月武咁就重搞嘢！
金屬狂人-Ⅱ 2007-6-22 23:04
〝雙温會〞...劉伯温睇赤老温面相篤爆距勾義嫂果段，我睇到笑咗出聲;P，實在太好笑喇;P:lol;P:lol
百顏扮劉福通叫花花大師帶距去韓山童真身果度:reading:，講真...下期我覺得實會穿煲，都係時候俾花花大師表演吓咯:lol
sammy20072007 2007-6-23 16:55
都話咗劉伯温食腦肯定會贏赤老温，但就估唔到佢居然陣前睇相爆大鑊咁有創意，話時話唔知赤老温咁大個人係咪第一次睇相呢！百顏扮劉福通肯定會穿煲，但你死極死唔去嘅百顏我估佢又唔知點甩身又可以全身而退，我反而比較有興趣知道隻狼咬咗拖雷一下跟着成條蛇捐入去佢個口度究景有乜景轟！
南宮問天 2007-6-23 17:18
*** 作者被禁止或刪除 內容自動屏蔽 ***
sammy20072007 2007-6-25 14:16
[quote]原帖由 [i]南宮問天[/i] 於 2007-6-23 17:18 發表
狼?我有看到"汪汪"兩個字,那隻是狗吧! [/quote]
係我記錯，多謝指正:oh:
南宮問天 2007-6-30 23:23
*** 作者被禁止或刪除 內容自動屏蔽 ***
豪傑 2007-7-3 12:55
*** 作者被禁止或刪除 內容自動屏蔽 ***
KING546 2007-7-4 11:28
[quote]原帖由 [i]南宮問天[/i] 於 2007-6-30 23:23 發表
陰陽法王一人就幹掉十一翼,看來那失傳的《明神武典》相當有威力! [/quote]
可能係十三翼癈卦.......:wondering:
sammy20072007 2007-7-6 13:29
謎底解開嘞，呢一代十三十三翼點解咁癈原來真係為咗搭夠人數，所以先至咁廢，但老黃咁講又會唔會有Ｄ自圓其說呢！
南宮問天 2007-7-7 15:53
*** 作者被禁止或刪除 內容自動屏蔽 ***
dickylhl 2007-7-8 13:59
丐幫d生肖冇鬼用
期待白蓮教主真身上陣
cdlover 2007-7-8 18:56
最近幾期好睇好多，不枉我之前比五期機會老黃。好，繼續買…:verygood:
金屬狂人-Ⅱ 2007-7-8 22:51
[quote]原帖由 [i]sammy20072007[/i] 於 2007-7-6 13:29 發表
謎底解開嘞，呢一代十三十三翼點解咁癈原來真係為咗搭夠人數，所以先至咁廢，但老黃咁講又會唔會有Ｄ自圓其說呢！ [/quote]
係廢就廢Ｄ，不過我幾鐘意毒王札木合:verygood:，撇開鐵木真 & 帖木兒哩2個，札木合喺哩一代十三翼當中的表現都幾出色，智勇兼備:verygood:
diokwok 2007-7-9 13:49
十三翼都唔係廢(係比拖雷拉低average姐).
sammy20072007 2007-7-9 18:57
毒王札木合係真係唔錯，造型討好、心計高，加上本領獨特，用毒手段獨特，今次真係估佢唔到，居然用到動物病毒洗牌效應理論來對付敵人，真係有Ｄ出乎意料之外！
kenny01 2007-7-9 19:07
有一個資深既編劇係好好多既....
雖然我咁多來我都唔覺得佢係第一流
但響呢個年頭都算數一數二....
sammy20072007 2007-7-9 19:18
我其實幾鍾意睇朱元璋同天女嘅戲，睇着佢2個經過患難慢慢撻着幾好feel，不過遲吓老朱要面對月影姬同自已體內嗰隻鬼(寒月武)，到時唔知佢點拆。今期話韓山童嘅元神接近皇者嘅帝魂，相信最後韓山童會俾真命天子老朱幫佢埋單！
不平凡人 2007-7-9 23:52
[quote]原帖由 [i]kenny01[/i] 於 2007-7-9 11:07 發表
有一個資深既編劇係好好多既....
雖然我咁多來我都唔覺得佢係第一流
但響呢個年頭都算數一數二.... [/quote]
你講黎巴嫩???????
kenny01 2007-7-10 10:22
係.....
細細個睇x男漫畫,見到佢d專欄....覺得佢讀好多書...(唔係計學歷,起碼都真係睇左好多書,先可以寫到呢d野出來
bobbyyang 2007-7-11 19:12
依家天子6D剧情仲可以接受，希望唔好好似天子5锦就得
南宮問天 2007-7-14 15:22
*** 作者被禁止或刪除 內容自動屏蔽 ***
南宮問天 2007-7-21 18:34
*** 作者被禁止或刪除 內容自動屏蔽 ***
不平凡人 2007-7-21 19:39
[quote]原帖由 [i]金屬狂人-Ⅱ[/i] 於 2007-7-8 14:51 發表
係廢就廢Ｄ，不過我幾鐘意毒王札木合:verygood:，撇開鐵木真 & 帖木兒哩2個，札木合喺哩一代十三翼當中的表現都幾出色，智勇兼備:verygood: [/quote]
今期後面講札木合可能要死....
金屬狂人-Ⅱ 2007-7-22 11:58
[quote]原帖由 [i]不平凡人[/i] 於 2007-7-21 19:39 發表
今期後面講札木合可能要死.... [/quote]
希望唔好死住啦:bow::bow:
不過札木合為救距契仔，徒手接刀不果，隨機應變咬腰避開武神戰器一刀:verygood:，不過都搞到重傷:'(。睇拖雷個樣咁緊張，我個人覺得平時不可一世、串到乞人憎的距，為救契爺可能連自己face、民族尊嚴都唔要:reading::wondering:
哲別又輸俾朱元璋:reading:，冇辨法啦...鬼叫本書叫《洪武大帝》咩;P:soldier:
sammy20072007 2007-7-23 18:45
今期感覺有Ｄ揾笨，一開波用咗唔小篇幅介紹各派勢力人馬嘅實力，佔咗差唔多6、7版，所以覺得劇情無乜大推進。
眾望所歸老朱 “射嘢”射贏哲別，但贏得咁撤底搞到哲別幾乎無命就有Ｄ意料之外。
sammy20072007 2007-7-23 19:03
札木合可能唔會死住，白蓮教大party都未開，韓山童、鐵木真都未浦頭，如果扎木合真係而家就攞飯盒咁十三翼都幾大劑，睇返型勢家吓十三翼入面得4件响白蓮教總壇，如果各路人馬齊齊到步咁十三翼就會失盡地利焗打困獸鬥，日陽君
+韓山童+朱元璋+白蓮天女+劉福通+佢3個老婆+花花大師+明教、白蓮教人馬+佔盡地利+宋帝昺(呢個超勁)，一但開拖我當你十三翼識飛都要死！圍都圍死佢地咯！
金屬狂人-Ⅱ 2007-7-27 23:48
今期封面札木合垂死個樣好鬼似王小龍:lookaround::lookaround:
原來合撒兒的存在目的係做鐵木真的後備:reading:，今期距領導 & 報署的表現都ok喎，十三翼有三個領導級人物真係唔簡單(鐵木真、帖木兒、合撒兒)，我估合撒兒的功力可能低鐵木真少少:jump:
劉伯温同姜子牙、張良果班輔助歷代天子主角的智囊通靈，姜子牙會唔會過Ｄ料俾老劉呢？
南宮問天 2007-7-28 16:20
*** 作者被禁止或刪除 內容自動屏蔽 ***
無垠業火化紅蓮 2007-7-29 17:38
*** 作者被禁止或刪除 內容自動屏蔽 ***
sammy20072007 2007-7-31 17:57
今期拖雷嗰幕明抄中華英雄
睇完今期拖雷後悔嗰幕，老實講，劇情描述本來就幾感人嘅，但唔知點解發生响拖雷哥身上就硬係覺得佢係抵Ｑ死嘅，同埋如果係資深港漫迷都會覺得呢段戲係似曾相識，無錯！呢段就係編劇响中華英雄入面照抄出嚟嘅一段劇情，內容無論內容，分鏡都抄到好足，嗰段就係中華英雄入面講華劍雄同司徒莫問一戰，後來生奴為怕華劍雄受傷害於是代其出戰，由於生奴同司徒莫問之父司徒無量有師徒之名(當年司徒無量受傷被生奴救咗，佢為咗報答生奴於是教咗生奴一式無量神掌【大海無量】)，而生奴數十年來只專注於此大海無量一式，若然全力使出真係驚天動地，於是司徒無量就同生奴講叫佢咗好咁盡力只係 “係咁𠲖”俾司徒莫問响天下英雄面前過骨就算，但係司徒無量根本唔知佢個仔已練成「無量神掌第八式--日月無華」，而司徒莫問個老母就同個仔講如果要華劍雄終生難過莫過於當面擊殺生奴，就係咁生奴就用5成功力出掌但司徒莫問就用10成功力打出「無量神掌第八式--日月無華」咁就將生奴全身骨絡絞碎重創，之後華劍雄抱著慘被重創嘅生奴去到地獄華陀嘅藥瓐，什麼草藥全部有齊但生奴已淊於瀰留昏迷，華劍雄面對成千上萬嘅草藥種類頓然不知所措，於是想起從前生奴對佢嘅養育之恩同埋生奴話要佢好好學習藥理及辨別藥物但佢只係貪玩胡鬧從無上心，今次因為佢自己嘅意氣之爭而同司徒莫問結怨更因佢嘅不自量力害及生奴身遭橫禍，最後生奴就係迴光返照時同佢講叫佢唔好內疚，自己已不能再照顧佢，叫佢好好照顧自己，同埋唔好再同人作意氣之爭•••跟着就响華劍雄懷內死去，華劍雄就係咁抱着生奴嘅屍體响懷內悔疚流淚•••！
呢一幕實在太經典了，所以我話老黃抄唔緊要，抄你都抄得高啲吖唔該，你抄D咁經典嘅場口但係就抄到咁足，真係有Ｄ過份！
南宮問天 2007-8-4 15:23
*** 作者被禁止或刪除 內容自動屏蔽 ***
無垠業火化紅蓮 2007-8-4 19:15
*** 作者被禁止或刪除 內容自動屏蔽 ***
金屬狂人-Ⅱ 2007-8-6 13:10
原來王罕、訶額侖要一齊先可以用咒術捉妖:lol，咁下期韓山童的戰況就唔多樂觀:afraid:，但距都去到白蓮總壇，應該都可以返去自己的真身掛:reading:，但既然去到白蓮總壇，點解距又唔返去自己真身先出嚟打十三翼:wondering:
sammy20072007 2007-8-6 21:25
[quote]原帖由 [i]金屬狂人-Ⅱ[/i] 於 2007-8-6 13:10 發表
原來王罕、訶額侖要一齊先可以用咒術捉妖:lol，咁下期韓山童的戰況就唔多樂觀:afraid:，但距都去到白蓮總壇，應該都可以返去自己的真身掛:reading:，但既然去到白蓮總壇，點解距又唔返去自己真身先出嚟打十 ... [/quote]
我估係正常如果用真身應戰一旦受傷就有排煩，替身應戰就多多無怕，但係家吓面對會捉鬼嘅王罕、訶額侖就真係唔知點算:L
sammy20072007 2007-8-6 21:43
一早講咗十三翼呢鋪入侵白蓮教總壇捉蟲，果然話口未完就出晒事：札木合、哲別重傷請病假，拖雷照顧佢2個請事假，赤老温差Ｄ俾韓山童打瓜，王罕、訶額侖、百顏又俾朱元璋、日陽君、韓山童打到殘，加上白蓮教佔盡地利，仲有一個功力唔差嘅劉福通除非合撒兒真係超勁，如果唔係呢次都幾大劑！
kenny01 2007-8-7 16:50
乜都入老黃數......乜唔係應該入黎巴嫩或袁家寶合理d咩....
sammy20072007 2007-8-7 18:31
咁佢係老細吖嗎，封面上面雞乸咁大隻字「黃玉郎作品」，我覺得呢本作品嘅任何贊或彈佢都係責無旁貸囉，佢响專欄內都經常話天子六係佢親生仔，咁親生仔有問題佢係咪有責任先，唔通我地先前讚嘅就老黃，有問題嘅就係佢Ｄ𡃁，唔係咁公平掛？
kenny01 2007-8-7 18:39
呢本書既成功,我冇諗過要讚老黃
我諗唯一可以讚佢既就係佢係一個好老板
仲有佢make既決定做得幾好
至於劇情,畫面方面,我諗佢既功勞唔大...
不平凡人 2007-8-8 00:31
今期...半個古代電腦資料庫入哂劉伯溫個腦.....唔知會唔會加返個舊名詞---<腦惑開發>呢???(出現於<龍虎5世>)
無垠業火化紅蓮 2007-8-8 02:53
*** 作者被禁止或刪除 內容自動屏蔽 ***
sammy20072007 2007-8-8 14:36
劉伯温個腦吸收晒由周朝到宋朝嘅智慧精髓，咁我估佢家陣嘅IQ真係300以上，朱元璋有個咁嘅兄弟就真係好過中金多寶！
sammy20072007 2007-8-8 14:49
不過話時話，朱元璋嘅成皇因素真係同好多有錢佬發蹟幾似架：出身寒微 + 一班識於微時嘅兄弟 + 1、2個特別醒嘅兄弟 + 娶咗個有腦有手段嘅老婆(外父有錢嘅仲好) + 膽色 + 時勢 = 成皇稱帝
無垠業火化紅蓮 2007-8-11 00:18
*** 作者被禁止或刪除 內容自動屏蔽 ***
龍戈兒 2007-8-11 15:45
下期步出太極玄棺者,看封面八成是鐵木真.
無垠業火化紅蓮 2007-8-13 17:02
*** 作者被禁止或刪除 內容自動屏蔽 ***
sammy20072007 2007-8-14 15:17
今期太極玄棺內嘅宋帝宋帝昺嘅黑龍帝氣襲擊朱元璋嘅紫龍帝氣，呢一幕已經引起韓山童懷疑，以韓山童嘅智慧加上佢白蓮教主嘅修為相信好快就睇出朱元璋身懷紫龍帝氣，兼溝埋自己唯一嘅養女兼得力助手，到時唔知一心以為自己做梗皇帝嘅韓山童會點對佢呢？會唔會堅持殺咗佢要自己做皇帝，又或者會全力恊助呢位女婿上位而自己做國仗呢？
sammy20072007 2007-8-14 15:25
訶額侖話有辦法對付韓山童嘅神遊物外大法，呢度我反而有Ｄ擔心，韓山童需然超勁，但係佢用嘅始終係邪術，係邪術就會有被破法嘅危機！
乂魚乂 2007-8-14 15:32
你睇左3期咋~而家出到20啦好似,我期期都買開
頁:
1
2
3
4
[5]
6
7
8
9
10
11
12
13
14