SimonLee622 2007-1-5 16:39
吐露港公路....................
以前Sunday拍左一個廣告 話車外女子突然拍打車窗
原來呢個係好耐以前既吐露港傳聞...
話說好耐以前有個的士司機經吐露港公路入沙田......
當佢行行下......見到一個女子企係公路旁
個女子面無血色 披頭散髮 身穿紅衣......
個的士司機覺得奇怪......係佢周圍又冇壞車
咁夜一個女子係公路到......當的士司機差唔多駛到個女子時
個女子揮手示意叫架的士停車......
個司機心感不妙 係佢差唔多經過個女子時 突然踩油......
個女子見到果司機唔停車時仲踩油......
於是果女子追住架的士......的士司機睇到 就以120km/h速度行
( 當時公路車速上限為80km/h )
心想一定快過佢 但個女子都好似唔係離佢好遠......
仲可以快過佢 當佢再望一望個係車頭既倒後鏡時......
發現個女子唔見左 以為已經快過佢 開始減油......
不過都仲以100km/h速度行 忽然......
係的士司機右手邊 突然個女子飛下飛下拍打係司機位既窗口......
紅色的兩眼看著他...... 個司機不敢看她......
於是的士司機踩油 希望快過佢......
踩到差唔多140km/h 真係 個女子開始抓不住......
開始愈來愈後...... 但個女子既抓痕係抓在的士車身......
去到吐露港公路盡頭...... 個女子不再追住的士
司機再望車內倒後鏡 個女子站著 向的士司機揮手......
的士司機立刻把車駛到多人的的士站 看看車身......
發現真係有五條抓痕...... 還抓脫的士車身的顏色
於是呢個傳聞於的士界傳開去...... 以後很少的士司機再經吐露港公路
以上情形 平時司機都已經於當時撞車了
你地聽過呢個傳聞呢? 你地信唔信呀 ?
happycamel 2007-1-5 21:26
回復 #1 SimonLee622 的帖子
有d甘既事 :afraid::afraid::afraid: