jj2jr 2011-7-23 18:55
二戰意大利輕機槍 Breda M30
[size=4][color=Blue]因為之前同大家討論意大利佬响二戰時期既一款 75/18 自走炮時,提及早期車上作戰部係插左支 Breda M30 機槍,於是就開張帖傾下墨大口先生呢支好野.
[/color][/size]
[IMG]http://images.totalgamingnetwork.com/images/080702Breda30.jpg[/IMG]
jj2jr 2011-7-23 19:04
[color=Blue][size=4]第一次識得 M30 係响打 game 時見到,當時好鍾意打 Call of Duty ,而家都唔記得係邊集勒,因為集集都有打勻,但記憶所及好似係 Big Red One .果時既場景係登陸意大利打墨大口班靚,打打下見到有支叫做 Breda M30 咁既野跌响地,於是就執起佢試兩野,因為平時都係 likey 用 M1 多 d ,貪佢力猛彈多.
呢支 M30 屬於未睇真覺得佢好索,睇真就會頭岳岳果隻,打得幾飛都無咩心機再用,於是就黎手丟左佢.[/size][/color]
[img]http://world.guns.ru/userfiles/images/machine/mg83/breda_m1930_1.jpg[/img]
jj2jr 2011-7-23 19:38
[size=4][color=Blue]二戰初期意大利陸軍裝備的單兵武器基本上都是手動的 Carcano 91 手動步槍,可以提供密集火力的機槍很少,於是陸軍就打算開發一支班用輕機槍,也就是 M30 .早期每兩個班才配給一支 M30 ,後來再提升為每班一支.不過 M30 為意大利皇家陸軍帶來的,就只有啼笑皆非這一回事.
看看 M30 規格再說 :
淨重 : 10.60kg
槍長 : 1,230mm
管長 : 450mm (可換槍管)
口徑 : 6.5 x 52mm
動力 : 反沖式 Blowback
射速 : 500 發 / 分
初速 : 630m / s
射程 3,000m (有效射程 800m)
供彈 : 20 發 (固家掛槍彈夾)[/color][/size]
[img]http://world.guns.ru/userfiles/images/machine/mg83/breda_m1930_2.jpg[/img]
jj2jr 2011-7-23 19:52
[size=4][color=Blue]M30 最抵死的一個賣點就是它的供彈系統,如果看過意大利其他國產軍工,比如係戰車大炮等,好難想像出意大利既名槍廠 Breda 竟然會為 M30 作出如此設計,或者係意大利人的另一個文藝復興偉大構思.
M30 採用由槍身右側橫向供彈,彈夾係用一隻較連在槍身上,裝彈時先鬆開彈夾鎖,然後逆時針向前水平 fing 90 度,再插入一個專用的 20 發裝彈器 (Charger) ,插到底時彈夾內有個機關仔會把子彈勾實,再拉出空裝彈器,然後將彈夾 fing 番原位,好勒,可以開火勒 ------- 如果冇 jam 彈既話.
打開左彈夾同插上 20 發裝彈器既 M30 ------- 真係冇眼睇,唉![/color][/size]
[img]http://www.williammaloney.com/Aviation/WestPointMilitaryMuseum/LightMachineGuns/images/06BredaLightMachineGun.jpg[/img]
jj2jr 2011-7-23 20:02
[size=4][color=Blue]M30 使用既子彈同當時意大利制式步槍 Carcano 91 一樣,都係 6.5 x 52mm ,於是在後勤補給上就方便左好多,上到戰場求其拿揸通地都可以執得到,或者呢個就係佢唯一既優點.[/color]
[color=Blue]中間個粒就係 6.5 x 52mm 子彈.[/color][/size]
[img]http://upload.wikimedia.org/wikipedia/commons/thumb/1/1f/8mm%2C_7.35mm%2C_6.5mm.JPG/450px-8mm%2C_7.35mm%2C_6.5mm.JPG[/img]
jj2jr 2011-7-23 20:04
[size=4][color=Blue]M30 既 20 發裝彈器,睇落又好似幾 good 咁播![/color][/size]
[img]http://picturearchive.auctionarms.com/982125159/7895454/cf92a62de4fcce03ea817fbd48c1eb75.jpg[/img]
jj2jr 2011-7-23 20:07
[size=4][color=Blue]不過睇真 dd 隻 charger 前面四支勾仔每次上彈都要俾子彈拉直,如果唔係子彈出唔到黎,咁拉法拉得幾野金屬疲勞甩勾又點算呢?[/color][/size]
[img]http://picturearchive.auctionarms.com/982125159/7895454/fc1e80bba28e36e11e4771ed86bfc2bd.jpg[/img]
jj2jr 2011-7-23 20:19
[size=4][color=Blue]呢張相可以等各位睇清楚果隻 charger 同彈夾既關係.當隻 charger 插到底之後,子彈俾彈夾入便有隻機關仔扣住 (我唔知佢個機關仔係點樣既,唔好問我,唔該!), charger 功成身退就輪到下家庄,啪番好隻彈夾就由彈夾自身既之字彈弓提供動推力供彈勒. [/color][/size]
[img]http://en.valka.cz/attachments/4461/IMG_3868.jpg[/img]
[color=Blue][size=4]彈夾左面槍身上方有個長條野有粒啲又有一橫橫既,前面重有條 "恤" 既野,唔好誤會佢係表尺.佢其實係 M30 另一偉大發明.[/size][/color]
jj2jr 2011-7-23 20:25
[color=Blue][size=4]咁果個有粒啲既長條野又有一橫橫既,前面重有條 "恤" 既野,唔係表尺又係乜 Q ?[/size][/color]
[img]http://kanowarrior.tripod.com/sitebuildercontent/sitebuilderpictures/improvedbreda1.jpg[/img]
jj2jr 2011-7-23 20:28
[size=4][color=Blue]原來表尺响後便,既然佢有條 "恤" 既就應該可以打得開卦?等我打開佢睇睇先,哦,原來係油壺蓋![/color][/size]
[img]http://kanowarrior.tripod.com/sitebuildercontent/sitebuilderpictures/improvedbreda3.jpg[/img]
jj2jr 2011-7-23 20:40
[color=Blue][size=4]M30 响機身加油壺既原因,係為左可以為每發子彈在上膛前潤滑外皮,以便較易退空彈殼,至於點解 M30 會有難退殼既情形出現我就查唔到料勒.而由於 M30 係用閉鎖槍機,加上油料會令機膛更易發熱,於是 M30 不時就會出現 cook-off ,即係子彈上左膛埋左位而撞針仍在後退或者到左尾位,正準備前沖再度撞擊子彈,而停留在槍膛既子彈就因為過熱而自己先行爆漿出野勒![/size][/color]
[img]http://kanowarrior.tripod.com/sitebuildercontent/sitebuilderpictures/improvedbreda4.jpg[/img]
jj2jr 2011-7-23 20:43
[size=4][color=Blue]M30 既油壺重有多一個唔它黎既野,就係油料會另槍膛帶來塵埃,呢樣野就令到 M30 就算唔 cook-off 都會 jam 彈,你話死未?[/color][/size]
[img]http://kanowarrior.tripod.com/sitebuildercontent/sitebuilderpictures/improvedbreda5.jpg[/img]
jj2jr 2011-7-23 20:59
[size=4][color=Blue]另外好多資料都話 M30 換槍管係一件好 Q 麻煩既事, Wiki 就話佢支槍管係冇抽手既,當條槍管打到紅晒要換既時候,意大利佬只除條老底出黎墊住至拆得甩!
之不過著名槍械網網主俄羅斯佬 Maxim Popenker 就話冇咁既事,佢重話 :
"The barrel can be quickly replaced in the field, using the integral carrying handle."
所以呢個世界既野,真係冇話有咩係一面倒既,有人唱好亦有人唱衰,咁就靠各位大家自己客觀 d 去睇件事勒.而我諗 Popenker 口中所講既抽手,可能就係槍管上呢個小 T 狀物體,你地話呢?
[img]http://upload.wikimedia.org/wikipedia/commons/thumb/0/0f/Breda_30.jpg/800px-Breda_30.jpg[/img]
[img]http://kanowarrior.tripod.com/sitebuildercontent/sitebuilderpictures/breda18.jpg[/img]
[/color][/size]
jj2jr 2011-7-23 21:07
[size=4][color=Blue]不過點都好啦,以在下不才門外漢既睇法,如果佢要咁多避忌野又怕塵又怕熱既,再加上裝彈方式重麻煩過何非凡既,咁就唔會係一支好槍.
到左德國同意大利反面之後,德國佬將充公既 M30 改名叫做 MG 099(i).[/color][/size]
[img]http://galerie.valka.cz/data/597/medium/IMG_5560.jpg[/img]
jj2jr 2011-7-23 21:11
[size=4][color=Blue]意大利佬在使用 M30 .[/color][/size]
[img]http://www.ww2incolor.com/d/573705-2/italian-soldiers-ww2-002[/img]
jj2jr 2011-7-23 21:12
[size=4][color=Blue]意大利傘兵用 M30 .[/color][/size]
[img]http://www.ww2incolor.com/d/565212-2/prontialfuoco[/img]
jj2jr 2011-7-23 21:17
[size=4][color=Blue]意大利海軍陸戰隊都用 M30 .睇真 d 槍管上真係好似有個 T 抽手,上面張傘兵相都係.[/color][/size]
[img]http://www.ww2incolor.com/d/561641-1/smarcointunisia[/img]
jj2jr 2011-7-23 21:20
[size=4][color=Blue]時地人不詳.[/color][/size]
[img]http://kanowarrior.tripod.com/sitebuildercontent/sitebuilderpictures/bredalmg6.jpg[/img]
jj2jr 2011-7-23 21:21
[img]http://www.ww2incolor.com/d/136463-2/Breda+mg9[/img]
jj2jr 2011-7-23 21:22
[img]http://www.ww2incolor.com/d/513590-2/upmilesrid[/img]
jj2jr 2011-7-23 21:26
[img]http://www.ww2incolor.com/d/530242-2/Centro_di_fuoco_Bir_el_Gobi[/img]
jj2jr 2011-7-23 21:27
[img]http://www.ww2incolor.com/d/530012-2/Grazianis-desert-infantry-px800[/img]
jj2jr 2011-7-23 21:31
[img]http://www.ww2incolor.com/d/321519-2/nokolajewka_20108[/img]
jj2jr 2011-7-23 21:36
[size=4][color=Blue]M30 最威的一張相 ------- 一個意大利摩托兵騎著他的 Moto Guzzi 500 ,車頭插了一支 M30 .真係重英過梁振英![/color][/size]
[img]http://www.ww2incolor.com/d/304340-2/guzzi[/img]
jj2jr 2011-7-24 13:27
[size=4][color=Blue]其實如果意大利佬係有心為 M30 設計成可更換槍管的功能,就好應該放多少少心機响槍管抽手上.同是歐洲國家的比利時,獲授權在 1930 年生產美國佬的 BAR ,就落左唔少心機响度.先為 BAR 加上握把,然後又設計了可換槍管,而人家那個槍管上做了個木柄把手,好用又隔熱,幾時換都得.而意大利佬就冇呢種諗頭,真係唔明解?
比利時 FN 公司製做的 FN BAR Model D ,槍管上有個大手柄用來做提把或者係拆槍管都得.[/color][/size]
[img]http://www.imfdb.org/w/images/a/a6/Fn_d.jpg[/img]
jj2jr 2011-7-24 13:37
[size=4][color=Blue]這支 FN Model D 是瑞典用,改叫 Kg M37 ,有槍管特寫,大家睇睇人地幾簡約實用?換槍管只需時三秒.[/color][/size]
[img]http://www.gotavapen.se/gota/artiklar/kg/kg_bilder/kg37v901w.jpg[/img]
[size=4][color=Blue]備用槍管上的包木手柄.
[img]http://www.gotavapen.se/gota/artiklar/kg/kg_bilder/kg37pipa.jpg[/img]
打開鎖可以拆槍管.
[img]http://www.gotavapen.se/gota/artiklar/kg/kg_bilder/kg37lock1.jpg[/img]
換好槍管把鎖推回原位就 OK .[/color][/size]
[img]http://www.gotavapen.se/gota/artiklar/kg/kg_bilder/kg37lock2.jpg[/img]
dealerboy 2011-7-24 18:20
:wondering: :wondering: #9 #10 #11 #12睇唔到:afraid: :afraid:
jj2jr 2011-7-28 12:03
[quote]原帖由 [i]dealerboy[/i] 於 2011-7-24 18:20 發表 [url=http://forum.timway.com/f/redirect.php?goto=findpost&pid=14853920&ptid=489069][img]http://forum.timway.com/f/images/common/back.gif[/img][/url]
:wondering: :wondering:[size=6][color=Red] #9[/color][/size] #10 #11 #12睇唔到:afraid: :afraid: [/quote]
[attach]1755408[/attach]
jj2jr 2011-7-28 12:04
[quote]原帖由 [i]dealerboy[/i] 於 2011-7-24 18:20 發表 [url=http://forum.timway.com/f/redirect.php?goto=findpost&pid=14853920&ptid=489069][img]http://forum.timway.com/f/images/common/back.gif[/img][/url]
:wondering: :wondering: #9 [size=6][color=Red]#10 [/color][/size]#11 #12睇唔到:afraid: :afraid: [/quote]
[attach]1755409[/attach]
jj2jr 2011-7-28 12:07
[quote]原帖由 [i]dealerboy[/i] 於 2011-7-24 18:20 發表 [url=http://forum.timway.com/f/redirect.php?goto=findpost&pid=14853920&ptid=489069][img]http://forum.timway.com/f/images/common/back.gif[/img][/url]
:wondering: :wondering: #9 #10 [size=6][color=Red]#11 [/color][/size]#12睇唔到:afraid: :afraid: [/quote]
[attach]1755410[/attach]
jj2jr 2011-7-28 12:09
[quote]原帖由 [i]dealerboy[/i] 於 2011-7-24 18:20 發表 [url=http://forum.timway.com/f/redirect.php?goto=findpost&pid=14853920&ptid=489069][img]http://forum.timway.com/f/images/common/back.gif[/img][/url]
:wondering: :wondering: #9 #10 #11[size=6][color=Red] #12[/color][/size]睇唔到:afraid: :afraid: [/quote]
[attach]1755411[/attach]
dealerboy 2011-7-29 19:41
每彈匣裝20粒子彈,換彈匣都手軟:L
jj2jr 2011-7-30 12:45
[quote]原帖由 [i]dealerboy[/i] 於 2011-7-29 19:41 發表 [url=http://forum.timway.com/f/redirect.php?goto=findpost&pid=14895236&ptid=489069][img]http://forum.timway.com/f/images/common/back.gif[/img][/url]
每彈匣裝20粒子彈,換彈匣都手軟:L [/quote]
[color=Blue][size=4]
冇計啦,果陣時好多輕機槍都係用 20 發彈夾,比如國民黨用既捷克 ZB-26 ,英國佬既 Bren ,同埋美國佬既 M1918 BAR 咁,彈夾都係得果廿飛,不過 Bren 後來醒左改用 30 發彈夾.
ZB-26[/size][/color]
[img]http://upload.wikimedia.org/wikipedia/commons/thumb/4/4c/NRA_machinegunners.jpg/800px-NRA_machinegunners.jpg[/img]
蘇柚末 2011-8-3 10:02
*** 作者被禁止或刪除 內容自動屏蔽 ***
jj2jr 2011-8-3 10:06
[quote]原帖由 [i]蘇柚末[/i] 於 2011-8-3 10:02 發表 [url=http://forum.timway.com/f/redirect.php?goto=findpost&pid=14934252&ptid=489069][img]http://forum.timway.com/f/images/common/back.gif[/img][/url]
好貼，必須頂啊！！！
另外推薦一個牛B的家庭影院工具給你-----電視棒，有批發的呢，能收到上萬個電視電影頻道，想看什么就看什么，你懂的！
[/quote]
[size=4][color=Blue]挑 ~~~~ 牛 B 直頭係碎料啦,重以為係咩 Q 好料!有冇媽你 B 既呢?[/color][/size]
hudson1688 2011-8-3 18:03
:loveliness: :loveliness: :loveliness:
頁:
[1]