無神論狂徒 2011-8-30 10:16
值得思考的一件生活憾事
早幾年，身邊聽聞了一件家庭問題，如果你係個案中的子女，你會如何決擇∼
母親證實末期癌病，手術後，醫生已表明冇得救，因為病人太弱，化療和電療也不適合，醫生建議病人入療養院，白啲講入去等夠鐘，在療養院可試食中藥；但病人及父親反對去療養院，堅持要回家，醫院不讚成這個決定，因為療養院床位難求，出了院回家，等同放棄床位，而且病人是一位危在旦夕的人，加上病人是一位極掩尖的人，由父親一位老人家獨力照顧是絕對沒有可能（子女全部結婚外住，而且屬於手停口停負擔大），醫生表示見太多個案以為自己天下無敵，但照顧了一兩天就會投降，最後入療養院，這種轉接，對病者是一個危害，再加上在家中如果病者出事，不能得到第一時間醫治，病人會有可能失救致死∼
路有兩條，一係入療養院；一係回家：
如子女接受父母回家的要求，等同叫母親早啲死，因為父親的作風係口旱旱大隻講，講得出未必做得到∼但呢條路有個好處，回家係父親作決定，母親走了，父親冇得怨∼呢條路不合乎道德，純粹是父親不會怨自己一世∼
如果入療養院，母親命長啲（拉長啲等吓有冇轉機都好），理應是最理性道德的想法，但母親總會走，一走之後，父親必定會怨子女作了個錯決定，白白奪走了母親的性命∼
回家或者你會認為是一個有質的生活，或許值得回家，但是父親是沒有能力照顧母親，整天亦只能呆在家，反之在療養院有一支團隊照顧，而且可以有人推你出去行吓，生活質素會較佳∼
你作為子女你會如何面對決擇呢？
victory999 2011-8-30 11:43
病人應該入療養院，唔止可試用中藥及有專人照顧，更重要係未期癌症病人可能面對極度疼痛，醫院可用針藥為病人減輕痛楚，家中就做唔到。
ali 2011-8-31 18:21
同當年我癌症末期只等那天來臨的母親和家裏情形一樣，父親年紀大怕他因勞碌倒下來，我們又要上班，幸好有個係廣華做阿姐的親戚跟我母親提議入住，好有醫護人員早晚照料。