lollypod 2011-10-21 16:04
煲呔扯火反擊毓民 幕後因由拆解
煲呔那邊，他出席問答大會前，已知毓民班友必會再玩嘢，為了區選可能玩得更激，自己已到任期尾聲，再無所懼，既然如此，不如奮力反擊，大挫班友銳氣。煲呔最忍無可忍是的，毓民等「政壇爛仔」針對官員的言行暴力已不斷升級，不單止用粗言穢語辱罵，擲物更日日新鮮，由香蕉、苦瓜、膠樽、T恤到溪錢，可以話層出不窮，部分高官敢怒不敢言，揸到條頸燈芯咁，如果政府不還以顏色，日後班官就更加難做。
相信煲呔今次反擊亦考慮過公眾反應，政府高層一直睇住民意走向，知道大多數市民對班友所為十分反感，同泛民議員的看法有好大差別，強烈還拖非但不會失分，反而大快人心。
此外，官場內對煲呔痛斥政壇「爛仔」大都拍晒手掌，因為大家都忍氣忍咗好耐，過往只能good聲吞咗，今次煲呔敢於出拳回敬惡人，一眾官員都吐出一口烏氣！
事後林瑞麟致函立法會主席，要求嚴格執行立法會規則，維持會議秩序，在官員受粗暴對待時「採取適當行動」，意即不應只驅逐離場算數，如果涉及襲擊，應報警查辦。政府已找律師研究過，如議員的暴力行為危及官員人身安全，即使只引起驚慌，都可能觸犯刑事罪，班友唔好以為被趕出場就無事，分分鐘有手尾跟！
[url=http://eastweek.com.hk/index.php?aid=15741][color=blue]http://eastweek.com.hk/index.php?aid=15741[/color][/url]
老虎唔發火當佢病貓 :lol