查看完整版本: 西方在中東的陰謀

西方在中東的陰謀

時間上的巧合，在老味宣佈在阿富汗撤軍，冇幾耐中東出現茉莉花革命，席捲中東， 多個國家變天。
之後近斯的利比亞問題，狂人比人通柜打爆頭，之後最新的是敘利亞及伊朗。
這實在耐人尋味，時間上實在巧合，在老味要由中東離去時就出現茉莉花革命。
我不能不由陰謀上想。
老味想要控中東，脅石油以控制世界，司馬昭之心了。
所以我諗諗吓，茉莉花單嘢肯定係西方特務搞的。亦好可能係老味叫利比亞反對派作反。
家陣要搞敘利亞同伊朗，當搞定埋伊朗，老美就可以安心反美國。全球在石油控制下，已歸老味控制。

梗係冇咁簡單啦
其實老味做呢個世界黑道龍頭老大唔易做
唔係駛咩每年花六、七千億美龍軍費﹐等如世界其他所有國家軍費總和
但係做老大真係好和味
銀紙任你印﹐唔駛做就可以攞 d 紙去買你想要嘅嘢
全地球人幫你做牛做馬
遊戲規則由你定﹐是非黑白任你話
做一個國家皇帝都咁過癮﹐何況做地球皇帝？

主線就好簡單
老味要保住個地球皇帝地位﹐一直世襲落去
有邊個想造反、唔聽佢話或者威脅佢地位就打殘佢
軟實力就係吹乜七普世價值﹐玩多黨制投票選舉選政府
一搞多黨制﹐老味班白鬼就可以插手挑撥內鬥
佢哋 d 銀紙要幾多印幾多﹐玩選舉即係鬥銀紙多﹐政客可以買嘅
一涉及金錢就自然有人上鉤﹐咁就可以揸到你班政客把柄
你要做陶潛 [b]:[/b] 吾不能為五斗米折腰
冇問題﹐佢十個裡面買通七﹐八個就夠﹐你阻頭阻勢阻人發達自然有人鬥垮你
銀紙唔係咁夠影響力時就用硬實力 - 例如卡達菲﹐佢自己大把錢
硬實力就唔駛多講﹐有辦你睇
遇著惡啃嘅就軟硬齊施
不過
中國人嘅哲學就明白一個道理 [b]: [/b]
日中則移﹐月滿則虧 ...物盛則衰﹐天地之常數也

中東問題我得閒時盡量寫多 d 大家討論  :wave:

坐定定喺到，
乜都唔使做。
继续关注！

[quote]原帖由 [i]飛毛腿[/i] 於 2012-2-12 22:56 發表 [url=http://forum.timway.com/f/redirect.php?goto=findpost&pid=16431692&ptid=555860][img]http://forum.timway.com/f/images/common/back.gif[/img][/url]
中東問題我得閒時盡量寫多 d 大家討論  :wave: [/quote]

我都正在就研究梗中東的情況。好期待你的中東討論。

首先聲明 [b]: [/b]

以下講到伊斯蘭世界中各種錯綜複雜關係我唔保證完全正確
始終我哋唔係討論學術議題﹐唔可能花大量時間嚴謹地去考究
真係要講中東伊斯蘭各派系同種族瓜葛嘅來龍去脈﹐要追溯幾千年歷史
有 d 學者真係窮一生精力去研究
所以﹐我哋只能粗略有個概念就算

晌另一條 thread 講到中東大致分三大回教勢力
三大回教勢力都想一桶漿糊做回教世界霸主
其中兩大勢力因為祖先威過﹐野心相當大﹐總想復興以前光輝日子
其一波斯帝國歷史悠久﹐有自己曾經輝煌過嘅文化
其二係[b] :[/b] Ottoman Empire 以羅馬帝國繼承人自居﹐ Ottoman Empire 煙消雲散後以繼承人自居嘅土雞國
第三股勢力就係近半世界靠石油發大財嘅遜尼派

正好近日敘利亞局勢火爆
呢個中東火藥庫涉及地球上各大勢力利益紛爭
而作為地頭蛇嘅三大回教勢力又不甘後人或者直接牽扯到其中 (伊朗)
於是就演出一個現代版戰國時代
我哋正好透過敘利亞局勢以粗略瞭解中東局勢

先睇吓中東 (主要係波斯灣) 地圖 [b]: [/b]


.

今日地球上最惹火尤物 - 敘利亞
如果唔係核武器年代﹐真係一個唔覺意辣出個世界大戰都唔出奇
如果只係靠香港 d 傳霉( 無論電子傳霉定係文字傳霉 ) 選擇性取捨嘅世界資訊
根本就昂九九唔知世界發生緊咩事
言歸正傳....

敘利亞﹐國民中 85%信奉回教
而呢 85%人口中有 80% 係遜尼派﹐只有 20%係什葉派
而什葉派中有75% 係什葉派分支中嘅阿拉維派
偏偏阿拉維派就係佔據統治者地位﹐咁即係少數派系統治大多數不同派系人口
什葉派統治者當然係親近同是什葉派嘅伊朗
對班遜尼派財主佬而言就係眼中釘
對西方勢力而言﹐伊朗先係眼中釘

因為地球上大產油區幾乎控制晌西方勢力範圍
例外嘅係波斯貓同北極熊
如果只係石油問題唔會令黑老大非要即刻將波斯貓除之而後快
可以慢慢圍堵佢閹割佢﹐令佢半死不活 ( 其實都圍堵咗卅年 )
要劏波斯貓就將佢跟外面聯繫切斷﹐所以借911 事件用反恐借口打阿富汗
再用大殺傷力武器莫須有罪名推翻薩達姆
( 諷刺嘅係薩達姆係少數遜尼派統治多數什葉派﹐佢同波斯貓先係死敵 )
黑老大借機會駐兵呢兩個地方就形成兩把利刀直指波斯貓咽喉
又可以切斷中國向中亞發展之路兼切斷中東石油輸往中國嘅陸路
但呢兩場戰爭出乎黑老大意料變成泥潭
反恐十年中黑老大不單止燒銀紙﹐又加深咗伊斯蘭世界基層回教徒仇視
仲俾咗兩個國家發展機遇 – 波斯貓同由蟲壯大為龍嘅中國
波斯貓為咗爭取伊斯蘭世界基層回教徒民心
就加強反猶口號﹐內賈德口口聲聲要將某國從地圖上抹走
打嘴炮事小﹐波斯貓秘密加緊研發核技術
呢吓唔講得笑﹐有咗核武器就唔係打嘴炮咁簡單
將某國從地圖中抹走就真係成為可能
所以打殘波斯貓就成為迫在眉睫嘅選項 - 起碼對某國而言係生死存亡問題
要打殘波斯貓就先要斬斷咗佢隻手 – 敘利亞
所以敘利亞唔係終極目標
波斯貓同敘利亞關系乃唇亡齒寒
所以反波斯貓勢力認為敘利必需死！

( 未完 )

[[i] 本帖最後由 飛毛腿 於 2012-2-13 21:31 編輯 [/i]]

[quote]原帖由 [i]飛毛腿[/i] 於 2012-2-13 18:36 發表 [url=http://forum.timway.com/f/redirect.php?goto=findpost&pid=16437101&ptid=555860][img]http://forum.timway.com/f/images/common/back.gif[/img][/url]
今日地球上最惹火尤物 - 敘利亞
如果唔係核武器年代﹐真係一個唔覺意辣出個世界大戰都唔出奇
如果只係靠香港 d 傳霉( 無論電子傳霉定係文字傳霉 ) 選擇性取捨嘅世界資訊
根本就昂九九唔知世界發生緊咩事
言 ... [/quote]

飛哥, 深入淺出, 正! 俾個like你! :verygood::verygood::verygood:

感覺叙利亞班反對派又係好似利比亞班友咁爛泥扶唔上壁，又睇吓黑老大幾時忍唔住「光明正大」咁出手！;P

[quote]原帖由 [i]飛毛腿[/i] 於 2012-2-13 18:36 發表 [url=http://forum.timway.com/f/redirect.php?goto=findpost&pid=16437101&ptid=555860][img]http://forum.timway.com/f/images/common/back.gif[/img][/url]今日地球上最惹火尤物 - 敘利亞如果唔係核武器年代﹐真係一個唔覺意辣出個世界大戰都唔出奇如果只係靠香港 d 傳霉( 無論電子傳霉定係文字傳霉 ) 選擇性取捨嘅世界資訊根本就昂九九唔知世界發生緊咩事言 ... [/quote]Yes我也這樣想。但我未摷到資料係原來敘利亞係遜尼派佔多，我仲以為敘利亞全國係什葉派為主，所以同伊朗先咁老死。原來係管治者係什葉派。我還是認為茉莉花革命係西方特務搞的，目的係要把中東反西最大勢力剷除。牢牢控制石油。控制石油等如控制全球各地發展。借反恐控制中東。但日日燒銀紙，唔掂，加上老美衰退，唯有走頭。但一走，控制權會失去，所以用離間計，呢招好有戰國feel。

[[i] 本帖最後由 無神論狂徒 於 2012-2-13 21:14 編輯 [/i]]

離間者指人民和統治者的關係，即鼓動班傻仔搞革命。以低成本去建立親方政權。此著老美大勝。

其實黑老大希望做到孫子兵法所云 [b]: [/b]不戰而屈人之兵﹐善之善也
受到阿富汗同伊拉克兩場戰爭消耗 – 每秒鐘耗費 8,500美元軍費 ﹐印銀紙都印到手軟
再打多場仗﹐荷包真係頂唔順
而且正值大選之年﹐奧黑冇可能又冇能力發動一場新戰爭
最慳皮就係調動所有資源力量用經濟制裁波斯貓﹐政治上空前孤立佢
逼佢內部分化出現政治內哄﹐最後政權交替﹐出現一個唔想跟西方硬撼而肯放棄核研發嘅政權
出現咁嘅局老大就轉而跟佢哋改善關係﹐再滲透入去搞亂檔直至有機會扶植一個親美勢力
能做到咁就真係不戰而屈人﹐上善之善也
對敘利亞亦係咁打算﹐現政權一係屈服配合老大掉轉槍頭向波斯貓﹐一係倒台

另一邊嘅阿盟 ( 遜尼派為主嘅財主 ) 卻有自己嘅小算盤
突尼斯、埃及同也門呢一系列茉莉花革命﹐造就遜尼派人馬得勢
利比亞一個新鮮熱辣嘅成功例子﹐得益嘅係遜尼派系嘅穆斯林兄弟佔議會多數
所以佢哋要嘅係現政權倒台﹐人數佔多數嘅遜尼派取而代之
如果將利比亞劇本搬去敘利亞﹐根本就駕輕就熟
於是就無厘頭湧出一幫反對派﹐當然有人背後出錢出武器
政府一打壓﹐幕後人就大吵大鬧政府屠殺人民呀
西方國家最拿手就係狗噏吹水咩人權呀﹐要保護平民﹐於是就制裁敘利亞政府
反對派繼續有水喉射住繼續鬧﹐將政府逼埋牆角
仲要做大戲俾西方傳霉去宣傳政府點樣殘酷鎮壓…
冇錯﹐係做戲 ！
晌西方新聞放出嚟就係血淋淋嘅殘酷鎮壓
西方就乘機向聯合國提議案話要設立禁飛區限制政府軍武力鎮壓...blablabla

睇吓拍攝過程[b] :

.
[/b][youtube]FlJxqlNEtbA[/youtube]

虽然唔係好明
但係睇完后
感觉要俾啲所谓嘅
时事评论员，军事专家
更加专业同详细
谢谢

上面講到遜尼派為主嘅阿盟 ( 其中海合會班財主有最大影響力 ) 有自己嘅如意算盤
就係利用西方力量實行借刀殺人﹐最成功近例當然係利比亞
今次群毆敘利亞就係將利比亞劇本翻炒一次
如果成功做低敘利亞﹐遜尼派就形成一個弧型勢力圈包圍波斯貓
被高度孤立嘅波斯貓﹐翻艇係遲早嘅問題 – 起碼班財主係咁認為
你估黑老大唔知你班財主佬打乜算盤咩？
但呢班酋長國大多數俾黑老大駐軍﹐財產大部份放晌歐美﹐亦係老大國債大買家
班王親閣戚唔少人晌歐美置有產業﹐兼且窮奢極侈 – 咁就多數貪生怕死
命脈俾黑老大緊緊握住
而且搞掂波斯貓後﹐如果遜尼派勢力坐大得過份﹐老大到時可以反手扶持失落嘅波斯貓
扶持波斯貓去制衡遜尼派﹐總之就唔俾任何一方獨大
扶一派去制衡另一派

至於中東爭雄另一個勢力就係火雞國
作為 Ottoman Empire 後代﹐佢哋好懷緬往日橫跨歐亞帝國年代嘅光輝
覺得自己做中亞霸主係理所當然
而作為遜尼派教眾佢哋會好熱心去參加教派爭鬥
佢哋仲有另一個理由 – 庫爾德人﹐庫爾德人係火雞國心頭大患之一
庫爾德人係一個歷史悠久又有獨特文明﹐佢哋有強烈民族獨立願望
庫爾德人分布晌伊拉克、伊拉克、土耳其、伊朗同敘利亞
火雞國內庫爾德人鬧獨立搞咗幾十年﹐跟安哥拉政府鬥生鬥死
如果控制到敘利亞﹐土雞就可以對庫爾德地區形成半月形包圍而佔有軍事上優勢

總之有多種理由驅使火雞去插手敘利亞事件
佢有一個更有利條件﹐佢係北約成員國
既可以打著遜尼派旗號自己出兵幫助敘利亞國內遜尼派反抗獨裁
又可以搭西方勢力順風車打北約旗號去替天行道 “保護平民”
推倒敘利亞巴沙爾政權後北約要撤退﹐自己可以用遜尼派身分留低 “幫助” 反對派建立政權
扶植一個受自己控制嘅新政權

[url]http://news.sina.com.hk/news/9/1/1/2581258/1.html[/url]

飛sir料研究吓，有料到。
等我再摷吓料了解多啲。你啲大開眼界。

上面條拎，講中國派特使去敘利亞講和，其實中國呢著高招，亦係唯一選擇，不成功就會好麻煩。
因為一失去敘利亞，中東非西方盟友或非西方勢力國所餘無幾。基本只有伊朗似樣，失去敘利亞，伊朗好危，如果比西方再翻版利比亞，伊朗會係下一個變天國。中國如投贊成票，西方翻版利比亞大開綠燈，敘利亞又成為西方掌握下的國。
中國作為魯仲連，如果成功，會話比全世界知，中國和西方下下講打不同，亦突顯出中國和平崛起的形象。當世界邊度有衝突，中國可能在國際間有呼聲要求做魯仲連，中國的朋友網會成形，不像西方一味靠打去建立盟友，呢啲盟友大多口上朋友，實際討厭老美。