查看完整版本: 地球上最大核廢堆？ ( 兼談核武器 )

地球上最大核廢堆？ ( 兼談核武器 )

日本海嘯﹐跟住福島核電廠爆炸打柴
話咁快又過咗一年
呢個話題漸漸從傳霉上消失
三分鐘熱度嘅港燦好快又當冇件事
報名參加日本團去睇櫻花﹐壽司店門口又排隊等位 ...

唔通核輻射洩露其實好濕碎 ？
唔理佢當冇件事﹐過一輪就自動搞掂 ？
係就正呀  :applause:

美國有個非牟利機構叫 Fairewinds Energy Education Corp
顧名思義係研究關於能源方面問題
佢哋嘅核能專家話舊年8月已經有證據顯示東京某 d 地方嘅核輻射污染
已經超過前蘇聯當年切爾諾貝利核電廠爆炸後嘅核污染水平
佢哋一個核能專家 Arnie Gundersen 最近去過東京﹐隨機由幾個地方採集泥土樣本
( 佢話已經唔係專登去輻射污染嚴重地區﹐只係東京區內場所 )
呢 d 樣本送返美國化驗室檢測
結果發現﹐樣本中輻射含量如果按美國核安全標準已經列為核廢料 (Nuclear Waste )

以核電廠為例﹐反應堆內燃燒完後產生嘅核廢料含有各種不同放射性物質
各種物質半衰期不同﹐有幾十年﹐幾千年甚至幾十萬年
所以處理核廢料係一件複雜精密嘅工作 – 既要安全又要永久
要將核廢料放置在一個密封容器﹐保證幾萬年內唔會洩露輻射
仲有放置呢 d 核廢料嘅地點要抵受得住地震、火山爆發、爆炸嘅衝擊
科學家實驗證明﹐如果呢 d 核廢料容器 ( 要防水防氧化 )放晌花崗岩層、岩鹽層或者黏土層深處
咁就有效保證核廢料容器幾百年內不受天然條件破壞
至於幾百年後 – 有 d 放射性物質仍然有極大殺傷力 – 點處理？以後再算
對美、俄﹐中﹐澳洲、加拿大呢類國土夠大國家嚟講唔係難題
去渺無人蹤嘅荒漠沙漠搵個適合嘅岩層﹐深挖幾百米甚至一公里深地洞
將 d 核廢料藏入地底

美國會將核廢料攞去德克薩斯州核廢料中心處理
( 近年國會批准再晌內華達州沙漠興建另一個核廢料存放地點 )

Arnie Gundersen  話佢由東京採到嘅泥土樣本已經達到核廢料標準
應該送去德克薩斯州核廢料中心
問題係福島附近全部土地都係核廢料標準的話﹐點搞？

Arnie Gundersen  嘅判斷就係﹐以福島核電廠為中心方圓 400公里內 ( 包括咗東京 )
根本就被核輻射污染成為核廢土
大概唔知幾多世代都唔適合人類居住    :'(

原文 ( 有 video )[b] : [/b]

[url=http://blog.alexanderhiggins.com/2012/03/26/tokyo-soil-blanketed-fukushima-radiation-considered-radioactive-waste-106081/]http://blog.alexanderhiggins.com/2012/03/26/tokyo-soil-blanketed-fukushima-radiation-considered-radioactive-waste-106081/[/url]

[[i] 本帖最後由 飛毛腿 於 2012-4-15 15:42 編輯 [/i]]

日本有一個潛水攝影師叫鍵井靖章
唔知佢點解咁有冒險精神﹐海嘯後多次潛入 -  真係潛入海嘯災區海邊水底拍攝
最得人驚係俾佢拍到一條深海異形    :jaw:

[url=http://news.sctv.com/kjxw/tm/201203/t20120321_1070249.shtml]http://news.sctv.com/kjxw/tm/201203/t20120321_1070249.shtml[/url]


下面呢 D 叫做鯰魚
其實同我哋街市賣嘅塘虱魚係同類
外國有 D 鯰魚大到成條鯊魚咁

.
[attach]1971036[/attach]
[attach]1971037[/attach]

鍵井靖章遇見嘅係一條受輻射影響而病變嘅鯰魚
- 就好似架佬卡通片嘅哥斯拉或者 奧特曼？



[attach]1971038[/attach]

呢個話題講開核輻射
咁就順便講講核武器
請稍等     :wave:

好料。等你。

我有生之年都唔知會唔會再蹅足東京，我最多去吓沖繩。四國等。
好想試吓日本四大名蟹，可能無緣。很想去富士五湖的溫泉旅館。但可能無機會了。

日本av女個胸其實係異變後的現象。睇完你啲相後，我肯定。

[quote]原帖由 [i]無神論狂徒[/i] 於 2012-4-15 18:26 發表 [url=http://forum.timway.com/f/redirect.php?goto=findpost&pid=16877892&ptid=569768][img]http://forum.timway.com/f/images/common/back.gif[/img][/url]
好料。等你。

我有生之年都唔知會唔會再蹅足東京，我最多去吓沖繩。四國等。
好想試吓日本四大名蟹，可能無緣。很想去富士五湖的溫泉旅館。但可能無機會了。

日本av女個胸其實係異變後的現象。睇 ... [/quote]

唔怕﹐有機會嘅
如果睇相佬話你有 80歲命
你咪 78~79歲果時去還下心願踩上東京去浸富士溫泉、食日本蟹...

[quote]原帖由 [i]無神論狂徒[/i] 於 2012-4-15 18:26 發表 [url=http://forum.timway.com/f/redirect.php?goto=findpost&pid=16877892&ptid=569768][img]http://forum.timway.com/f/images/common/back.gif[/img][/url]
日本av女個胸其實係異變後的現象。睇完你啲相後，我肯定。 [/quote]

如果港女個個都好似架妹異變成咁
港男就短命好多...  :L


[attach]1971392[/attach]

我哋成日聽見傳媒講咩 “核武俱樂部”
呢個俱樂部有乜成員？點先夠資格入呢個俱樂部玩呢？
我地首先要明白﹐核彈就唔同炸彈、炮彈
炸彈、炮彈係可以晌你自己境內用 – 打內戰或者抵禦外敵入侵都會用到
但核彈就唔同﹐核彈係毀滅性武器而且後遺症超強﹐除非你要同歸於盡﹐否則冇可能晌自己地頭上用
一個核彈最終目的係要送到敵人境內去摧毀敵人國土
咁就要靠投送工具兼且一整套投送系統
擁有成熟製造技術而且有能力投送到別國領土﹐咁就夠資格入呢個核武俱樂部
聯合國安理會五個常任理事國中有四個毫無疑問夠資格 – 美中俄法
而大陰帝國就將佢排除
因為佢嘅核武好依賴美國﹐而且歐洲防禦係以北約為主
晌北約框架內﹐核武按鈕係由北約盟軍司令操控 – 即係美國將軍手中

除咗呢四個貨真價實嘅核武俱樂部成員外
仲有其他國家有製造核武能力﹐但冇被公認擁有成熟嘅體系同埋投送能力
一般只稱佢哋為準核武俱樂部成員

而呢種準核武國家又再分兩種 :

1.已經公開試驗過最少一次核爆﹐但未被公認為有成熟核武器體系國家
佢哋係印度、巴基斯坦同埋北韓
呢三個國家有一個共通點﹐佢哋嘅敵人就晌國土旁邊﹐佢哋嘅核武係以威嚇性為主﹐使敵人有所顧忌而唔敢輕易入侵

2.冇公開核爆過甚至冇承認自己有核武器﹐只係江湖傳聞佢哋已經有核彈﹐或者起碼有製造核彈嘅技術﹐亦有足夠嘅核原料﹐只要情況需要﹐佢哋隨時可以迅速造幾隻核彈出嚟…
佢哋就係以色列、日本甚至南非 ﹐但佢哋從來冇公開核試過一次﹐亦冇承認自己有呢種能力﹐所以最多將佢哋列為準核武國家


( 未完 )

[quote]原帖由 [i]飛毛腿[/i] 於 2012-4-15 20:55 發表 [url=http://forum.timway.com/f/redirect.php?goto=findpost&pid=16878649&ptid=569768][img]http://forum.timway.com/f/images/common/back.gif[/img][/url]
如果港女個個都好似架妹異變成咁
港男就短命好多...  :L
[/quote]
對[b]Nippon[/b]特產木瓜奶大得嚟冇「的的」嘅？

[quote]原帖由 [i]ali[/i] 於 2012-4-15 21:22 發表 [url=http://forum.timway.com/f/redirect.php?goto=findpost&pid=16878782&ptid=569768][img]http://forum.timway.com/f/images/common/back.gif[/img][/url]

對Nippon特產木瓜奶大得嚟冇「的的」嘅？ [/quote]

的的未必跟對木瓜成正比
而且咁大舊木瓜﹐果塊布料要好厚先托得住
所以冇露點卦？

[quote]原帖由 [i]ali[/i] 於 2012-4-15 21:22 發表 [url=http://forum.timway.com/f/redirect.php?goto=findpost&pid=16878782&ptid=569768][img]http://forum.timway.com/f/images/common/back.gif[/img][/url]對Nippon特產木瓜奶大得嚟冇「的的」嘅？ [/quote]你估拍咸片咩。女裝泳衣同胸圍好厚，唔會飛釘架。

[color=indigo]日本電影 哥斯拉 早已經有這種預測[/color]
[color=indigo][/color]
[color=indigo]因核試而令生物生態驟變，成為怪獸 :jaw: [/color]
[color=indigo][/color]
[color=indigo]至於飛毛腿的鯰魚舉例, KMY 或有不認同 [/color]
[color=indigo][/color]
[color=indigo]睇 Discovery channel ，人類有記錄的海洋生物估計只佔20%，有80%沒記錄 :L [/color]
[color=indigo][/color]
[color=indigo]所以影到的可能並不是鯰魚 :byebye: [/color]
[color=indigo][/color]
[color=indigo]上個月 KMY 去上課，就是 Sea bream (鯛) 原來都有幾十種 :loveliness: [/color]

[color=indigo]飛毛腿如有時間，不妨看看一種叫洞螈的小魚，近年才有記載，這小魚是蠑螈的一種，沒眼，可以一年或更長時間不吃東西。:lol [/color]

[quote]原帖由 [i]KMY89[/i] 於 2012-4-16 09:59 發表 [url=http://forum.timway.com/f/redirect.php?goto=findpost&pid=16882103&ptid=569768][img]http://forum.timway.com/f/images/common/back.gif[/img][/url]
日本電影 哥斯拉 早已經有這種預測

因核試而令生物生態驟變，成為怪獸 :jaw:

至於飛毛腿的鯰魚舉例, KMY 或有不認同

睇 Discovery channel ，人類有記錄的海洋生物估計只佔20%，有80%沒記錄 :L

所 ... [/quote]

你令我諗起呢位 [b]:[/b]

[quote]NOWnews.com 今日新聞網
2011年11月17日 17:54

原文網址: 曾試吃福島蔬果！　日本主持人大塚範一疑因核輻射患病 | 頭條新聞 | NOWnews 今日新聞網

曾於311東日本大地震後前往前往災區進行採訪日本電視主持人大塚範一，最近卻被檢測出患有急性淋巴性白血病(Acute Lymphocytic Leukemia)，引發輻射疑雲。

據悉，現年63歲的大塚範一10月18日發現自己的脖子有異常腫塊，事後證實罹患急性白血病，隨即緊急入院接受化療。但也因此出現不少臆測，認為大塚範一應是因為曾進重災區採訪，加上[color=Red]為了證明福島蔬果無虞，曾經將食物吃下肚，才會因輻射患病。[/color]

[url=http://www.nownews.com/2011/11/17/11490-2758627.htm#ixzz1sIZtb8tB]http://www.nownews.com/2011/11/17/11490-2758627.htm#ixzz1sIZtb8tB[/url]
[/quote]

[img]http://img.yidaba.com/photo/20111118/l_201111180848558756.jpg[/img]

如果捉呢條 "不為人知" 稀有品種鯰魚俾你食
我贊助一樽極品  lafite   :lol

[[i] 本帖最後由 飛毛腿 於 2012-4-17 20:25 編輯 [/i]]

回復 15# 的帖子

日辐射污染美海洋生态 核灾祸延海豹 脱毛出血死
2011年12月29日

[url=http://www.iask.ca/news/world/2011/1230/109980.html]http://www.iask.ca/news/world/2011/1230/109980.html[/url]


[attach]1973307[/attach]

[quote]原帖由 [i]KMY89[/i] 於 2012-4-16 09:59 發表 [url=http://forum.timway.com/f/redirect.php?goto=findpost&pid=16882103&ptid=569768][img]http://forum.timway.com/f/images/common/back.gif[/img][/url]
日本電影 哥斯拉 早已經有這種預測

因核試而令生物生態驟變，成為怪獸 :jaw:

至於飛毛腿的鯰魚舉例, KMY 或有不認同

睇 Discovery channel ，人類有記錄的海洋生物估計只佔20%，有80%沒記錄 :L

所 ... [/quote]

最多不為人知嘅海中生物係深海3000公呎以下﹐人類無法潛入
連陽光都照唔到
而呢個攝影師所到嘅係近岸淺水區

[quote]原帖由 [i]飛毛腿[/i] 於 2012-4-17 20:08 發表 [url=http://forum.timway.com/f/redirect.php?goto=findpost&pid=16892041&ptid=569768][img]http://forum.timway.com/f/images/common/back.gif[/img][/url]你令我諗起呢位 :[img]http://img.yidaba.com/photo/20111118/l_201111180848558756.jpg[/img]如果捉呢條 "不為人知" 稀有品種鯰魚俾你食我贊助一樽極品  lafite   :lol [/quote]九成九係中招啦。

上面講過真正有資格稱得上核俱樂部中核玩家就只得美中俄法四家
其他最多只係準核成員
倚天一出﹐誰與爭鋒？
你有一把倚天劍就梗係唔想其他人都有﹐其他人就算有屠龍刀你都唔爽
1960年法國成功爆一隻原子彈﹐升級做核玩家
中國就晌 1964年成功試爆原子彈﹐又多一家核玩家
美蘇兩巨頭驚住越嚟越多國家玩蛋蛋
所以1968年美蘇帶頭英國陪襯同埋其他59個國家就簽訂 “不擴散核武器條約” （Treaty on the Non-Proliferation of Nuclear Weapons -- NPT）
但中國遲至 1991年先加入簽署呢條條約

90年代初蘇聯解體﹐好多核專家下崗﹐差 d 連飯都冇得開
老美就出錢招聘好多頂級人才去美利堅 – 有 d 做圖書館管理員
老美根本唔要得咁多人才﹐但唔想俾其他國家吸納
所以就招聘過嚟投閒置散﹐搵密探昅住佢哋唔好俾人撬走
但仲有其他專家散落前蘇聯其他加盟國﹐既唔要得咁多﹐有 d 專家又唔願去美利堅
如果俾 d 邪惡流氓國家出錢請過嚟自己研發核武器咪大鑊？
於是幾個核玩家同意﹐你自己研發只限於紙上談兵﹐唔俾你試爆
所以就有所謂 “全面禁止核試驗條約” （Comprehensive Nuclear-Test-Ban Treaty，CNTBT）
核玩家嘅如意算盤係[b] :[/b] 自己爆咗咁多次已經有足夠數據﹐充份掌握各項技術
其他國家冇足夠嘅實驗只係畫餅充飢
其實呢個 “禁止核試” 概念早晌50年代已經有人提出 – 當然唔係兩大巨頭
印度甘地話  “印度永不發展核武器” ﹐佢嘅繼任人尼赫魯就提出應該禁止所有國家試驗核武器…
點知唔夠 20年後﹐印度就試爆第一隻原子彈

1996年呢條條約攞去聯合國大會投票
有158票贊成﹐三票反對
第一個反對就係印度﹐第二個反對就係 … 除咗劉嘉玲同梁朝偉﹐香港冇幾多人知道晌地球邊一忽嘅不丹
第三個就係當代有形有性格嘅利比亞卡達菲   :soldier:

核武器對有錢小國而言其實只係保命
有如你晌屋企放個大炸彈﹐邊個想入你屋企搶又好打又好﹐你就引爆大炸彈一鑊熟
而且你咪以為造核彈係燒銀紙玩意﹐其實養住隻核彈先更燒銀紙
你要養一大批專家去做定期維修檢測﹐養一大班精銳軍隊去看管
尤其是家下核玩家手中最先進嘅中子彈﹐主要原料半衰期得十幾年
每隔幾年就要拆開做保養後再嵌番好﹐淨係搬來搬去都要如臨大敵
所以小國窮國要玩核武根本係發夢﹐就好似叫個雜貨舖老細買隻私人飛機咁
你買得起都養唔起

傳聞中老美有成萬隻核彈頭﹐北極熊都有幾千隻
( 呢 d 係國防機密﹐實數係唔會透露出嚟 )
可想而知養呢 d 核彈幾咁敗家燒銀紙
大家咁咬緊牙根撐都唔係路﹐於是老美就同北極熊商量
不如大家削減 d 核彈頭﹐大家都慳到錢 ….  北極熊好爽快咁答應
其實北極熊個心陰陰笑 – 佢好多核彈頭都唔知幾耐冇理過﹐爆唔爆得響都成問題
果排窮到連軍隊都冇糧出﹐仲搵條毛去維修核彈頭咩
淨係搵一批丟埋一邊冇理十幾年嘅彈頭已經湊夠數
仲可以拆 d 原料攞 d 低純度核原料賣俾日本核電廠用
( 福島核電廠爆大鑊後有消息話架佬原來晌機組內秘密收埋呢 d 核原料 )

維修保養核彈頭方面﹐中國嘅壓力最小
唔係話大陸人工平技術特別先進﹐而係以前冇乜錢﹐所以存貨少
存貨少維修保養花費就少
紅酒國嘅維修保養壓力都唔大﹐點解？
據講佢晌核俱樂部嘅技術水平係倒數第一
不過冇乜所謂﹐人有我有就 ok
橫掂自從拿破崙之後﹐佢哋好似未打過一場勝仗

[[i] 本帖最後由 飛毛腿 於 2012-4-17 21:55 編輯 [/i]]

講起各國發展核武器歷史
有一件事唔可以唔講﹐呢件事最後成為國際大笑話
地點就晌阿根廷﹐主人翁係阿根廷總統貝隆
如果冇咩特別國際事件發生﹐世人唔會留意一個阿根廷總統
( 除非佢好似卡達菲、薩達姆之流咁潮 )
但佢老婆就唔同﹐晌阿根廷人心目中佢比英國王妃戴安娜更得人愛戴
而晌世界嘅知名度係多得後來英國歌劇 – 貝隆夫人
其中一首歌更接近家喻戶曉 – Don’t cry for me﹐Argentina

二戰德國戰敗後﹐好多頂尖科學家俾美國搜集帶去美國
一部份俾北極熊帶返莫斯科
一部份或者跟納粹黨有 d 講唔清嘅關係﹐就逃亡去南美洲
阿根廷就收留咗唔少德國科學家同埋工程師
其中一個叫里希德嘅物理學家﹐1948年走路到阿根廷
通過熟人介紹﹐佢跟貝隆總統見面
里希德話俾貝隆知佢發現一條捷徑﹐可以超越美蘇嘅成就而直接製造氫氣彈
正雄心勃勃想發展核武器嘅貝隆一聽當堂喜上眉梢
( 當然里希德本身係一名有一定學術成就嘅科學家﹐唔係邊有咁易信佢吹水 )

好快﹐貝隆就批准興建一個高度保密嘅核武實驗室
1951年2月﹐里希德晌實驗中發現伽瑪射線﹐佢深信已經完成可控制熱核聚變反應
於是佢將呢個進展報告俾貝隆
貝隆一聽當堂心花怒放﹐竟然冇再派專家去實驗室複核吓呢個實驗結果
1951年3月24日﹐貝隆開咗一個記者會
總統官邸裡面雲集各國記者﹐熱鬧非常
貝隆興奮地向各國記者宣佈[b] : [/b]以里希德為首嘅科學家達到咗 “幾乎難以實現嘅目標”
阿根廷嘅氫彈研究成就已經超越蘇聯、英國甚至美國
阿根廷將會成為世上第一個擁有氫彈嘅國家 ！
各國記者立即將呢個爆炸性消息經電報發送自己國家
正進行核競賽競爭得如火如荼嘅美蘇兩巨頭一聽﹐驚訝到眼都突
即刻出動 KGB、CIA 特工去刮料究竟係咩一回事

幾個月過去﹐里希德所講嘅氫彈設計冇乜進展
反而要求增加經費嘅申請就源源不絕送到總統辦公室
1952年初﹐貝隆覺得唔對路﹐就派國家原子能委員會主席去實驗室調查一下進度
主席去到實驗室只見到一個大櫃
里希德熱情咁示範佢嘅成果….. 櫃內嘅電極發出火光﹐轟然一聲巨響
成個櫃爆炸﹐連實驗室門都震倒….
主席嚇到腳軟﹐然後寫個報告俾貝隆暗示里希德講過嘅構想冇乜可能實現

已經起疑心嘅貝隆再派另一隊專家小組去實驗室複查
呢次﹐大家運氣唔錯﹐實驗室冇發生爆炸
但專家小組攞帶嚟嘅儀器檢測唔到有任何輻射
好快﹐專家小組研究之後發覺里希德造嘅所謂反應堆…
其實係1899年由英國物理學家發明嘅一種特殊弧光燈 – 不過係加大碼而已
呢種燈泡接通電流之後﹐會發出悅耳嘅聲響 – 後來有人利用呢個原理造出世界上第一個電子樂器
而里希德就用呢個原理借聲波聚焦能量﹐再用高功率喇叭讓聲波晌聚焦過程使一霎間溫度飆升到10萬攝氏度
但引發熱核反應卻需要 1億攝氏度！
( 詳細原理唔好問我﹐我都唔識 )
所以里希德以為可以造出一個氫彈﹐卻到頭來造出一個加大碼電子琴

專家小組嘅調查報告交俾貝龍﹐貝隆激到嘔血
佢下令關閉實驗室﹐趕走里希德
不過咁樣搞一搞﹐已經花費咗阿根廷政府近一億美元…
1951~ 2年果個年代一億美元係天文數字！
對貝隆個人而言最攞命係佢晌全世界人面前出大醜

[[i] 本帖最後由 飛毛腿 於 2012-4-20 22:26 編輯 [/i]]

[font=新細明體]同年[/font] 1952[font=新細明體]年[/font]7[font=新細明體]月﹐貝隆老婆阿根廷第一夫人﹐伊娃•貝隆[/font]( María Eva Duarte de Perón ) [font=新細明體]因子宮癌逝世﹐終年[/font]33 [font=新細明體]歲[/font]

[b][size=5][size=4]Don't cry for me Argentina [/size]

[/size][/b]



[font=新細明體].[/font]

[youtube]TA1QHtFkH48[/youtube]