查看完整版本: 最低工資

最低工資

少勞多得係唔公平~

中產承受高工作壓力，孭起全個香港～唔緊要～
低層想唔承受高工作壓力，又唔想面對生活壓力～冇咁著數～
唔想面對生活壓力就增值自己裝備自己～努力面對工作壓力～
我對於果啲唔想面對工作壓力，搵錢少，但又甘於接受窮困的人，我冇不滿～但係對於果啲又慊錢少，又唔想工作的人，好反感～如果唔想有生活壓力，就努力面對工作壓力，努力充實自己，唔好攤大手問人攞～
我好睇唔起呢啲人～

依家係唔公平的問題～中產辛苦嚟為乜呢～原來低層的生活質素比自己差唔多，考慮埋精神生活，低層仲好過自己～呢啲係公平咩？

低工資的實施，在政府角度看是好大原因在堅尼系數，香港係全球首屈一指嘅貧富懸殊大城市。因為咁所以咁先會行最低工資，令窮人可以有錢少少，拉近貧畐差距。想深一層，依家m字社會，中層出現下流化，中收入階層被淘空，所以貧富兩極化。諗深啲，政府呢個政策行錯路，加速中產下流化，如果佢要解決貧富問題，應該加強固化中產，加強幫中產，而唔係加大下層的吸引力，驅使更多中產向下流。我結論係最低工資政策只會強化貧富懸殊，惡化情況。