東虫 2007-2-27 10:02
消費者唔會老
去年美國第一批戰後嬰兒（1946年出生）已六十歲。家吓五十五歲以上嘅美國人口達六千七百萬，到2014年將達八千五百萬。呢批人控制美國50％經常性收入、65％物業、75％藥物開支，估計到2030年控制全美國80％私人投資。但廣告商仍以十八到三十四歲人口為對象，電視以三十五到四十九歲人口為對象，而忽略咗呢一批年紀漸大但相當富有嘅消費者。因為一般人仍停留在「人又老、錢又冇」嘅過去式思維，而忽略現今社會呢批五十五歲或以上係相當富有嘅一群！新思維係「消費者唔會老（old），只會增添歲月（ageing）！」一如陳年老酒隨年份增加而價值上升！社會上已出現一批ageing消費者，例如可以花幾千萬元學跳舞嘅王小姐，就係典型嘅ageing消費者。百幾萬元名牌汽車嘅車主，大部分都係五十五歲或以上嘅消費者；幾十萬元一隻手表嘅表主，亦係呢批ageing消費者。Dove品牌及唔少化妝品已發現呢個市場才係金礦，聘請四十歲或以上嘅明星去推廣產品，強調唔係青春才擁有美麗，年華不因歲月而老去。劉嘉玲、鞏俐等女明星推銷呢類產品嘅能力早已超過青春明星，強調We are ageing, but not grow old!
老曹