KEXX 2007-3-14 21:08
周星馳行動支持曾蔭權連任特首
*** 作者被禁止或刪除 內容自動屏蔽 ***
ngtungsee 2007-3-14 21:44
燒壞腦!!!!!!!!!!!!!
Skype 2007-3-15 01:34
[quote]原帖由 [i]ngtungsee[/i] 於 2007-3-14 21:44 發表
燒壞腦!!!!!!!!!!!!! [/quote]
已經医左好多次啦!無計，只有当笑话。不在乎天長地久，只在乎曾经寫過!!!
20thcb 2007-3-16 13:46
曾生又講功夫喇。。。
佢係咪無睇 無綫個星期ｘ檔案同新聞透視，
人地先濤講 左入數碼港係因為租金平，
同埋話諗唔到係工業大厦度工作同數碼港入面工作有咩野分別。
根本就無人可以反駁到數碼港點解會淨係同一間發展商合作。
立法會發言紀錄 2005年1月5日 (2)多個團體呼籲杯葛和電 »曾蔭權 請楊森睇功夫
立法會噚日辯論西九計劃，長毛同楊森一如以往，批評西九係數碼港嘅翻版。煲呔就力撐，數碼港唔係得個貝沙灣，佢話星爺主演嘅《功夫》，啲特技就係由先濤數碼公司喺數碼港整嘅！煲呔重話，先濤送咗四張《功夫》贈券畀佢，佢會分兩張出嚟，一張送畀楊森，一張送畀長毛，「希望佢哋研究一吓數碼港嘅威力」！
長毛話佢唔得閒睇，佢會畀張飛楊森，等佢同老婆去睇，不過楊森睇嚟唔係星爺嘅fans，佢又話唔會去睇。睇嚟嗰兩張飛最後都會嘥咗。
不過，八方都好想問，係咪間公司唔喺數碼港，就唔識整電腦特技呢？如果成個數碼港，都係得間電腦特技公司值得一提，咁係唔係應該檢討吓呢？煲呔呢鋪真係自暴其短啦！
數碼港最出名梗係貝沙灣啦，要研究數碼港嘅威力，煲呔不如送佢哋每人一幢貝沙灣好過啦，包保佢哋即刻明白晒！
蘋果日報 2005-01-07
20thcb 2007-3-16 14:12
梁翻數碼港舊帳 曾籲勿辱租客
(明報) 03月 16日 星期五 05:10AM
【明報專訊】在經濟環節中，梁家傑 繼續「翻舊帳」，大數曾蔭權過去出任財政司 長時曾參與的爭議決策，質疑曾氏官商勾結。他指嘉亨灣 可興建20幾層的「環保露台」，原因是曾蔭權在數碼港「益」了
廣 告
一個財團，「10個財團上去抗議，當然一個嘉亨灣、一個紅灣，搞掂他們，擺平件事，大家都是高地價下犧牲品」。曾蔭權隨即反駁﹕「事情不是這樣醜化，最重要市民很清醒發生什麼事……香港有廉潔社會、公務員制度。」
其後梁再諷刺數碼港內沒什麼「數碼」設施或公司，「除非你計埋婚紗攝影舖，用數碼相機影結婚相」。曾蔭權不留情地反駁說﹕「我想Alan去了數碼港，入都沒入去，只在外面。一行入去裏面會發覺很多事，大家都知道《少林足球》，很多新戲在裏面做科技；另外，電子地圖在裏面做，微軟在裏面做防侵犯版權工作，不要去侮辱裏面的租客，Alan你去睇睇啦。」
不過，本報翻查資料顯示，為《少林足球》製作數碼特技的「先濤數碼」，於2003年才遷入數碼港，但《少林足球》卻於2001年公映。
－－－
雖然曾生本來意思係功夫， 問題係先濤本來就係先濤，搬唔搬入去都係呢間先濤，數碼港淨係提供左一個平租Ｏ既環境。