pizzabella83 2017-4-24 14:33
終於試左銅鑼灣高質K-Buffet~~~
之前約左班朋友仔去左銅鑼灣CEO 唱K, 開番之後都係第一次去..同埋好耐無食過K-Buffet lu~
[img]http://i65.tinypic.com/103j1o3.jpg[/img]
冷盤除左螺、青口、長腳蟹同蝦等, 沙律都有唔少選擇..
有好幾款沙律係度, 啱晒我呢D沙律控可以每樣試D..:P
不過最鍾意都係杯裝沙律仔, 細細杯有蝦配埋沙律菜同車厘茄, 好正~
[img]http://i66.tinypic.com/bjcuft.jpg[/img]
估唔到食K-Buffet都會見呢舊巨型芝士..
於是就排下隊拎碟試下, 又估唔到仲有黑松露醬同Parmaham做配料..
本身麻麻地黑松露醬, 但撈埋芝士意粉同Parmaham又幾好食喎~
[img]http://i66.tinypic.com/2ngx2sy.jpg[/img]
[img]http://i67.tinypic.com/2zy9xki.jpg[/img]
熱食方面除左豬牛羊雞等肉類, 當然仲有海鮮.
比較特別既係啤酒蟹~啤酒味唔算好勁,我本身唔好酒都接受到, 味道幾開胃~
D蟹幾多膏同幾新鮮..
[img]http://i65.tinypic.com/2yoec8h.jpg[/img]
仲有好似手抓餅�H野都好味!隔離有埋咖哩配埋一齊食, 好味道!!
[img]http://i64.tinypic.com/349f2o5.jpg[/img]
好多刺身! 不過我本身就唔太食, 朋友仔就食得好開心..
[img]http://i65.tinypic.com/2d1nzph.jpg[/img]
[img]http://i64.tinypic.com/ng92s8.jpg[/img]
一般丸類、肉類、菇類、魷魚、麵類等等
我地仲有食部隊鍋, 有泡菜、午餐肉、腸仔同埋年糕..加埋芝士變左芝士年糕, 好正!
[img]http://i64.tinypic.com/1ze84rs.jpg[/img]
揀完一堆想食既配料之後去則邊既電磁爐烚下烚下…最正係有得任拎芝士同埋KIMCHI..仲有好多款調味料可以加落湯底到~
[img]http://i68.tinypic.com/o70r2h.jpg[/img]
上網睇到呢到有紫薯心太軟食, 睇相好流心, 本身仲覺得好奇紫薯點樣可以流到心,點知一界D紫薯漿流晒去黎,好吸引!!食落又唔太甜..新鮮出爐熱辣辣再配埋雪糕食好正!!
聽講另外有抹茶心太軟, 好似仲吸引啲喎..
[img]http://i68.tinypic.com/34z0qki.jpg[/img]
第一次食炸Oreo, 本身以為會好甜唔敢試..點知出奇地好食~
熱辣辣, 咬落好脆口, 入面軟, 又唔太甜, 配埋雪糕食仲正~
[img]http://i67.tinypic.com/q4gi.jpg[/img]
甜品都有好多種類, 一般Mousse蛋糕、啫喱糖都有..我就覺得心太軟同炸OREO比較特別同吸引~好值得一試~!!
整體黎講二百幾蚊有得唱K同食BUFFET, 仲要食物選擇咁多,有海鮮、刺身、部隊鍋、甜品等, 仲要味道都唔錯, 其實真係好抵~
唯一少少美中不足就係好多人…(可能大家都係上網見好多評語所以都一窩瘋去食?..)
就算個buffet位好大,都仲係好多人, 有D即整食物都要排下隊先拎到..不過都可接受既,始於係CP值高既Buffet~