kallalal 2019-8-29 18:23
亞萊嘜嘜原來係咁解
好小食泰國菜, 所以中學舊同學帶我去荃灣試下呢間泰國菜. 位置唔算吊腳. 就響千色店隔離.呢排好多餐廳都唔滿座, 但呢間都有九成滿, 算唔錯啦.被安排坐卡位, 都好舒服. 講返d食物, 我無乜特別喜好, 所以老同學幫手揀咗蒜香包, 小食拼盤, 紅咖哩雞, 冬蔭公湯. 我最喜歡個蒜香包. 顏色真係好靚. 我覺得味道係好OK, 以前食過九龍城果幾間, 呢間都好貼近果種風味. 問個waiter, 原來廚房都係泰國請返來, 所以係正宗泰國菜. 咁我對呢間'亞萊嘜嘜'又加分.話時話, 其實個名'亞萊嘜嘜'點解呢? 臨走前問個waiter, 原來係好好味咁解. 我終於得個明白啦, 長知識了,