茶餐廳，現時遍布港九新界，所供應的飲品和食物，中西兼備，包羅萬有，普羅大眾趨之若鶩，形成一新興的飲食文化和潮流。


但在 19 世紀，香港只有當時稱為「西菜館」的西餐廳，不少是位於酒店內。1895 年，一間由華人經營、位於皇后大道中 148 號的鹿角酒店，便提供每客 $1 的大餐。而一間位於擺花街與砵甸乍街交界的「杏讌樓西菜館」，更是孫中山先生會晤革命志士的地方。

更高級之餐廳則設於畢打街的「香港大酒店」（現中建大廈），在有證券交易所之前，該餐廳為眾所周知的股份交易場地。

自 1900 年代起，更多餐廳在港島開設，當中包括位於「交易行」（德輔道中連卡佛公司所在）的威士文（或譯作聰明人）、皇后大道中的勝斯、美都、占美，以及由菲律賓返港的華僑所經營的「馬玉山」等。此外亦有多間位於砵甸乍街、士丹利街和威靈頓街，供應全餐、常餐甚至散餐，各適其適。

同時，各大街小巷亦有不少冰室或稱飲冰室的設立，包括位於華人行的「美利權」，在德輔道中開設而有三四間分店、由張吉盛經營的「安樂園等」。

日佔時期，不少餐廳易名經營，如「艾菲餐室」改為「野竹飯店」、「威士文餐室」改為「富士食堂」、「加拿大餐室」改為「香島餐室」等。

經歷過這段黑暗時期，戰後，不少餐室和飲冰室又在港九各地開設。不少於戰前停業者重張旗鼓，除傳統西餐外，俄國餐室亦不少。除了戰前的「京滬」外，還有「雄雞」、「車厘哥夫」等。此外，亦有經營馬來食品及海南雞飯的餐室如「華人」。至於供應平民化的飲品如西冷紅茶、檀島咖啡、飲冰、雪糕的冰室，數量更多了。

自 1950 年代起，港九開始出現將餐室與冰室共冶一爐的「茶餐廳」。他們的業務，由傳統的西式餐飲逐漸「入侵」至中式飯店的範圍，由早期的「豉油西餐」一直發展至包括雲吞麵、魚蛋粉、燒鵝瀨以至乾炒牛河等。再進一步發展至晚飯小菜，包含了中西文化，成為香港最具特色的食肆。

多謝分享!!!!諗起已前的波蘿冰!!!

我喜歡70,80年代的茶餐廳, 現在的集團式經營的茶餐廳的食物少了一些本身風味, 以前每間都有自己的招牌食物飲品, 新式的則少了這些

以前讀書去"美而廉"食個午餐,有湯有飯有汽水都係９蚊 ,

而家茶餐廳貴左好多,尤其大集團如..

新X , 翠X

細細個已經成日去茶餐廳..幾歲人仔學人飲奶茶

以前細個星期日朝早好多時都會去屋企附近間冰室食菠蘿油飲絲襪奶茶．

我都係好細個就跟姨丈去樓下間茶餐廳睇ｄ姐姐著絲襪同埋飲奶茶。

so missing!

最懷念當年冰室的紅豆刨冰，蓮子刨冰，
還有那個早餐!!鮑魚湯通粉(有兩片鮑魚)+雞蛋三文治+茶=$4

香港的茶餐聽係由冰室演變出黎的...
大家同意嗎?

a typical gathering places for Hongkongese to hang out

引用:

原帖由 shaper_r 於 2006-8-25 05:06 PM 發表
香港的茶餐聽係由冰室演變出黎的...
大家同意嗎?

我覺得都係,細細個時好似無乜邊間係叫茶餐廳的,都係叫冰室多

而家好多茶餐廳都進步到「攜單到櫃面」俾錢，
以前既茶餐廳同大排檔成日會聽到D伙記唱響口咁叫︰

「開黎拿住蚊兩....」
「禮拜蚊拿住....」
「三蚊又係...」
「開黎單收...」

唔知仲有無人聽過同埋知道哩幾句野講乜呢?  
同埋點解而家唔再用哩個方式呢?

引用:

原帖由 SilverJack 於 2006-8-30 06:27 PM 發表
而家好多茶餐廳都進步到「攜單到櫃面」俾錢，
以前既茶餐廳同大排檔成日會聽到D伙記唱響口咁叫︰

「開黎拿住蚊兩....」
「禮拜蚊拿住....」
「三蚊又係...」
「開黎單收...」

唔知仲有無人聽過同埋知道 ...

拿住=5
禮拜=7.....
答案好簡單...以前d人喜歡唱歌囉~~

冰室係細牌，唔可以用火煮食，所以得好小種類野食！
茶餐廳大牌，可以用火煮食！

「開黎拿住蚊兩....」===五個二，拿住係5！

「禮拜蚊拿住....」====7個半！

引用:

原帖由 mandy 於 2006-8-30 06:34 PM 發表

拿住=5
禮拜=7.....
答案好簡單...以前d人喜歡唱歌囉~~

對了~

咁而家d人唔鍾意唱歌咩?

引用:

原帖由 johncage 於 2006-8-30 06:44 PM 發表
冰室係細牌，唔可以用火煮食，所以得好小種類野食！
茶餐廳大牌，可以用火煮食！

「開黎拿住蚊兩....」===五個二，拿住係5！

「禮拜蚊拿住....」====7個半！

o岩呀~
咁?  「三蚊又係」同「開黎單收」呢?

引用:

原帖由 SilverJack 於 2006-8-30 07:10 PM 發表


o岩呀~
咁?  「三蚊又係」同「開黎單收」呢?

「三蚊又係」=$3.3

又o岩~~ hehe!!!

你知唔知點解而家唔用哩套方式?

你知因由??

「開黎單收」就係將價錢寫落張單度俾個客出去俾錢。
通常超過十蚊就好難用「唱」既方式表達，會寫單。

一來而家好多茶餐廳都進步左，會留單據收舖後埋數，而且，家陣仲邊有十蚊內就找到數丫，當然係要「開黎單收」喇。

開黎單收咪即照單全收囉..依個我知..不過留俾你講o者!

以前冰室係家庭式居多，收錢既多數係老細自已，
但依家係請伙記多，如果唔記落數簿你搵多多都冇！

引用:

原帖由 mandy 於 8/24/2006 07:48 AM 發表
最懷念當年冰室的紅豆刨冰，蓮子刨冰，
還有那個早餐!!鮑魚湯通粉(有兩片鮑魚)+雞蛋三文治+茶=$4

小心露底比人知道你幾歲

引用:

原帖由 usnameless 於 2006-8-31 05:10 AM 發表


小心露底比人知道你幾歲

入得黎依度，唔會係細路！