AB-41 在多個戰場都有出現,其中在北非戰場就身影較多.出到非洲沙漠地帶, AB-41 就會換上一套 "沙地呔" Sand Tire 搵食.沙地呔同普通呔主要分別係表面有較粗同深既牙,便於插入沙地上 "咬實" 行駛.由於搵唔到 AB-41 既原庄沙地呔照片,求其搵張而家個 d 沙灘車既沙地呔頂檔算數,大家唔好唔收貨至好呀!

後來大口仔墨老尼先生又出新招,打算將 AB-41 升級,就係拆 Q 左個炮塔再响上面換條 47mm 反坦炮,實行做個輪式反坦戰車咁話.於是就响 1943 年推出新野 ------- AB-43 ,不過只係整左幾架 (實數唔知,搵云全世界都冇有人講得出!) 出街走左幾個圈,跟住意大利就反水轉投盟軍,而 AB-43 就只係得幾張相留低.

AB--43 (前) 和 AB-41 (後) .

下面呢架唔係模型,而係貨真價實既 AB-43 ,而家收藏响意大利一個私人博物館,聽講重可以行得走得.





















呢個生鏽既唔知係乜春?唔通係沙箱?

由呢張 AB-43 炮盾左面可以見到有條同向機槍,於是可以解釋細佬在下响上面講到話睇唔到 AB-41 有炮塔同向 8mm 機槍呢件事.原來係細佬眼水唔好又冇學識,自己睇唔到就話人地講錯,亂咁車天車地,一於罰在下連濯三大杯紅酒以示懲戒,如有再犯就要罰飲 XO .

黎 d AB-43 摩倒睇睇 ~~~

又試睇漏野勒,原來係條死氣喉,最底果度可以見到隻彎頭出口.

非洲戰場上的一架 AB-41 ,炮管左下方可以見到同向機槍的槍管.

意大利反水之後,德國佬充公了 57 架 AB-41 ,又另外做了 120 架新車,番號改為 Panzerspähwagen AB41 201(i).

引用:

原帖由 jj2jr 於 2011-5-16 08:03 發表


等我學 TVB 拍膊頭叫人做蘇之後,係咁二整封利是,入面得張紙同四隻字仔 ------- 無言感激.

大Sir你言重了~!
唔知典解其他軍迷軍痴唔敢係呢樹回post呢~?

引用:

原帖由 bobyjey 於 2011-5-18 02:19 發表


大Sir你言重了~!
唔知典解其他軍迷軍痴唔敢係呢樹回post呢~?

唉 ~~~ 你係老友既就唔好問埋呢 d 咁 q 令人尷 q 尬既問題好唔好?點解冇人回?道理一字咁淺 ------- 即係如果黃夏蕙同余慕蓮著三點式出黎有冇人會睇呀?

好,下面黎 d 俾德國佬 capture 左既 AB-41 ,德國佬叫呢亭充公戰車做 Beutepanzer ,即係打劫番黎既戰車咁解.

照片時間自然係 1943 年尾打後,即係意大利反水之後,人車就唔好地除勒.

AB-43.



3 .