電台剛報新聞
大幫曾昭科 ,,,,,,,,,,,,民主示威遊行....勿勿物物,,,,,,,,,,,
嚇我一跳
莫非兒時傳奇人物 [長江一號] 無間道始祖復出
無可能鴉吳死都老到無牙啦
攪清楚原來人有相似,名有相同又係高級警官
記憶當年曾昭科D威水野
真係後無來者
成本007占士邦小說甘
最後新聞好似曾警司係廣州外語學院作育英才教英文

話時話，
這位現代版曾昭科又真係幾有型靚仔。

引用:

原帖由 維圓阿伯 於 2011-6-18 17:51 發表

大幫曾昭科 ,,,,,,,,,,,,民主示威遊行....勿勿物物,,,,,,,,,,, ...

咪鬼做喇，盞两面不是人，做磨心，做出氣袋，連打壞都恰你唔敢郁佢！
一個唔該俾啲暴民打瓜打殘，仲俾人話第九四，呢亭正一濕熱茶飯，有辱冇榮！

除暴安良？揾阿差去做喇！

引用:

原帖由 mtpen 於 2011-6-18 21:49 發表  除暴安良？揾阿差去做喇！:blowm ...

唔好揾阿差笨啦！
應該揾D專業打手、雙花紅棍做。

引用:

原帖由 ali 於 2011-6-19 17:51 發表

應該揾D專業打手、雙花紅棍做。

好計！

一於企業化，用合同制將警務判出去，歡迎各堂口競投嚟做，凸府又多一瓣收入！

以後黑吃黑，冇人再敢沖激警方，更加冇人敢郁啲上街示威，天下太平，阿爺實錫！

  PEN 說得對, 曾昭科根本就間碟,仲要係失敗嗰隻,成功嗰啲根本唔會有俾你知道佢既底細既一日,我諗當年英政府高調拉佢,,兼放逐佢返大陸,可能係用佢換番啲身陷共匪圈既自由戰士
嗰個曾昭科同其他為老共潛伏在國民政府既特工一樣, 都係一班諗壞腦, 無知地為共產國際工作, 今日既中國同當年曾昭科所想既新中國會一樣嘛, 問佢今日大陸黃賭毒貪腐橫行,係佢當年所响往? 當年咁多文人,我覺得胡適既諗法最符合當時中國國情.  李大釗,陳獨秀之流,害國人不淺, 咩咩打捯孔家店, 到文化大革命將傳統中國人品德徹底破壞, 罪在無知國人.

近日睇了"建黨大業", 講到毛潤之一派正直書生,又唔拍番套佢點樣响黨內打低其他對手得到中國共產黨既領導權? 不過呢套戲一定好啱ALBERT叔睇, 戲入面滿是中華民國國旗 (五色旗, 青天白日旗), 可惜國人帝制思想不滅,才有今天的境地. 老何兄下注台灣農業,是睇好中華民國自由地區既發展.   老何兄,好!

[ 本帖最後由 liao_marco 於 2011-6-22 14:40 編輯 ]

引用:

原帖由 liao_marco 於 2011-6-22 14:39 發表

  PEN 說得對, 曾昭科根本就間碟,仲要係失敗嗰隻,成功嗰啲根本唔會 ...

Marco兄對曾昭科單case嘅comment令我諗起阿爺對我哋港人嘅貞忠度產生懷疑，以至唔敢俾我哋參加解放軍嘅問題。

其實我哋唔好怪阿爺對我哋港人咁唔信任。

從歷史角度嚟睇，回歸前香港乃英佔殖民地係不爭之事實。落得嚟香港，無論走難也好，申請也好，乃存在離棄祖國之結構性去國不良成份行為，故其對國家忠誠度已大打折扣矣。

等於老豆患咗肺痨／愛滋，你個死仔乾一聽到就嗱嗱聲話搬出去住，驚死揩嘢，平時就成日話孝順，四圍同人講點樣愛老豆。

如果真係咁好仔就同堅持同老豆一齊住服侍佢，同佢一齊肺痨／愛滋！家陣國家三反五反、十年大饑荒、文革等等「歷史上嘅少少沙沙石石」就雞咁脚走頭，咁係愛國所為咩？乜唔係同甘共苦咩？吓？

所以香港班聲稱愛國人士，包括民見亂以至民恥派反中亂港之忽然愛國機會主義者，我唔該你哋慳啲喇，咪响度呃神騙鬼喇！阿爺唔篤爆你哋乃俾面派對咁咋！

[ 本帖最後由 mtpen 於 2011-6-22 18:57 編輯 ]

嘩吳駛甘嚴重呀筆蛇
又國家又民族
甘嚴肅又甘高層次
維園阿伯水平搭爹無從
只不過是一個活在當年殖民地小小小蟻民
警察部警司級華人十隻手指數得曬
如此受大英政府重用之人
居然做窮鬼中共無間道
愛國?愛財?美人計?雙重間牒?
兒時英雄偶像
懷舊追憶而巳

Pen兄，中國知名學者大多出於民國年間，當年北大比現代的開放多少倍

引用:

原帖由 維圓阿伯 於 2011-6-22 20:58 發表

嘩吳駛甘嚴重呀筆蛇 又國家又民族..甘嚴肅又甘高層次..維園阿伯水平搭爹無從 ...

小弟都係响度借題發揮亂噏一通咁啫！  

引用:

原帖由 liao_marco 於 2011-6-22 21:03 發表

Pen兄，中國知名學者大多出於民國年間，當年北大比現代的開放多少倍

「學」就「學」嘞，不過共和強國並不需要「學者」呢亭百無一用嘅書生，只係識得附响勞動人民身上之寄生蟲。

家陣強國最需要嘅係科「學」家及化「學」師之類去整多啲假乜假物、毒乜毒物，否則Albert兄個前宗主國後來居上就丢架矣！

都係我哋中國人叻啲，識得用曲線方法去減少人口，醒！

引用:

原帖由 mtpen 於 2011-6-22 18:19 發表


Marco兄對曾昭科單case嘅comment令我諗起阿爺對我哋港人嘅貞忠度產生懷疑，以至唔敢俾我哋參加解放軍嘅問題。

其實我哋唔好怪阿爺對我哋港人咁唔信任。 ...

how about 民國時的華僑, 不少因支援革命, 傾家蕩產...

引用:

原帖由 維圓阿伯 於 2011-6-22 20:58 發表
警察部警司級華人十隻手指數得曬
如此受大英政府重用之人
居然做窮鬼中共無間道
愛國 ...

exactly...

漢人學得胡人語, 站在城頭罵漢人..

親身觀察 -- 紀律部隊高層, 因為鬼佬上司冇能/擺明歧視, 相對會較多身在曹營..

引用:

原帖由 liao_marco 於 2011-6-22 21:03 發表
Pen兄，中國知名學者大多出於民國年間，當年北大比現代的開放多少倍

對現代的清華, 我更失望...

引用:

原帖由 liao_marco 於 2011-6-22 14:39 發表
嗰個曾昭科同其他為老共潛伏在國民政府既特工一樣, 都係一班諗壞腦, 無知地為共產國際工作, 今日既中國同當年曾昭科所想既新中國會一樣嘛, 問佢今日大陸黃賭毒貪腐橫行,係佢當年所响往? 當年咁多文人,我覺得胡適既諗法最符合當時中國國情.  李大釗,陳獨秀之流,害國人不淺, 咩咩打捯孔家店, 到文化大革命將傳統中國人品德徹底破壞, 罪在無知國人.

...

marco 罵埋先父...

回心一想, 民國時民不聊生, 哀鴻遍野; 國勢衰頹, 滿佈租界. 仲記得先父講起, 在中國領土, 華人與狗...

如果 ah Sue 當時身處其中, 都會 buy 共產黨. 到如今 witness 大陸黃賭毒貪腐橫行, 會痛不欲生/ 後悔...

不過 看傷痕文學 / 冷眼旁觀, ah Sue 只是鳳毛麟角. 人啊, 人....

SUE姐,由1918年蘇共奪得俄羅斯政權到二次大戰前, 斯大林殺了多少人,就可見共產黨的邪惡本質, 只係當時太多人俾共產黨所欺騙,唔好講中共得到大陸政權, 睇吓佢哋响延安點內鬥,已經知道老共係信唔過, 如果無當年老鄧行市場經濟,共和國一早步蘇聯後塵.

中華民國先總統    蔣經國先生年青時作人質留學蘇聯, 你估佢唔知蘇聯有幾邪惡, 最後退守台灣時講到明"漢賊不兩立", 已經知道老共係信唔過, 國共合作只係權宜, 最後一定會反面

老何兄都已經要下注寶島農業, 中華民國自由地區已經係中國人最後希望, 唔通仲信強國,唔好以為楊利偉上到太空就係超英趕美, 不再存在既蘇聯都送個加加林上太空.

雖然英國佬都係衰人,但有無見過人哋响英倫三島度攪啲大清洗, 三反五反, 人民公社, 文化大革命? 對

好老實咁講,當年信共產主義既人,只係活响幻想入面. 今, 共產主義在大陸不再存在, 我們有的是具"中國特色"的社會主義,

引用:

原帖由 liao_marco 於 2011-6-29 05:00 發表
SUE姐,由1918年蘇共奪得俄羅斯政權到二次大戰前, 斯大林殺了多少人,就可見共產黨的邪惡本質, 只係當時太多人俾共產黨所欺騙,唔好講中共得到大陸政權, 睇吓佢哋响延安點內鬥,已經知道老共係信唔過, ...

不是替先父/親共人士 開脫,

先父和許多中國老百姓一樣, 唔多識字, 當時又無全球化, 點會知俄羅斯 D 野 ?

佢地只見到饑荒/戰亂/貪污, 當時紅軍/解放軍 紀律嚴明, 不拿人民 一針一線...